فيه حد عاقل يمشى بفيرنا 200 -وياخد ملفات 180

[lanos2004]

صراحه اول مرة اشوف فى حياتى فيرنا مقفله عدادها وعلشان اعديه لازم اكسر 200
الحمد لله ان الكامير كانت مشحونه فصورت
طبعا انا راكب لانوس وكنا اتنين ومعايا عدة شغل تقيله فى الشنطه -وطبعا الوزن له حساب فى الجرى--والفيرنا كان لوحدة وطاير ومعدى من جنبى طلقه فتعبنى جدا لحد اما عوضت الفرق وجبته
بس صراحه اول مرة ادخل ملف مع فيرنا على 180 وانا ا هدى وهوة ميهديش خايف انى احصله
lanos 1.5 Tracking verna 1.6 - YouTube

[ahmedeg1]

ابوس ايديكم بلاش سرعات عاليه تانى ربنا يستر طريقكم
و فعلا اللانوس تعدى الفيرنا فى السرعات العاليه علشان عزمها أشد

[mshmshm3]

بلاش السرعة عشان لا قدر الله محدش يتحط في موقف ندم

[bassem.naguib]

ابوس ايديكم بلاش سرعات عاليه تانى ربنا يستر طريقكم

ومبروك عليك المركز الأول في رالي الفراعنة .

أنا حكلمك من منطلق أنك أخ أصغر أو أكبر .. وكلامي على فكرة مش تريقة بقدر ما هو استنكار للي بيحصل من الشد بين العربيات .. وأنا علمت على العربية الفلانية أو علمت على الشخص الفلاني .. حنستفاد أيه من الكلام ده .. عاوزك تتخيل كدة لاقدر الله أن فردة كاوتش ضربت وأنت سايق على السرعة دي أو أي ظرف مفاجئ في الطريق نفسه خلى العربية تنقلب بيك .. النتيجة حتكون حاجة من اتنين .. يا عاهة مستديمة ممكن تبطلك سواقة العربيات من أساسه أو ...... وساعتها حتحزن أهلك وأصدقاءك عليك .

افتكروا يا جماعة أن السواقة ملهاش أمان وأحنا ماشيين على أربع عجلات وبيتحكم فينا القدر مهما وصلنا لمهارات في القيادة ومهما وصلت درجات الأمان في عربياتنا .. ولا تلقوا بأيديكم إلى التهلكة .. أسف على الإطالة وأرجو أنك متكونش اتضايقت من كلامي .

[MohammedAladel]

أكبر غلط

[lanos2004]

شكرا على خوفكم عليا والاقدار بيد الله واالواحد مش متهور قوى وقت المطر كنت ماشى 60 والناس عماله تعدى عليا صواريخ
مش عاملين حساب لظروف الطريق-

[Elawany13]

ألف مبرووووووووووك !!!!

[aif]

محدش عاقل يمشي على 200 طبعا
لا بفيرنا ولا حتى بفيراري
بالراحة شوية يا جماعة
هو احنا بنحارب
ربنا يستر طريقكم بلاش السرعات العالية دي
لا الطريق ولا العربيات ولا اللي سايقين حواليك يسمح بكدة

[eng.m7md.ali]

بس بتاع الفيرنا قطع الخلف تقريبا لما شافك جمبه !!

[lanos2004]

محدش عاقل يمشي على 200 طبعا
لا بفيرنا ولا حتى بفيراري
بالراحة شوية يا جماعة
هو احنا بنحارب
ربنا يستر طريقكم بلاش السرعات العالية دي
لا الطريق ولا العربيات ولا اللي سايقين حواليك يسمح بكدة

200 بس طب بلاش احط الفيديو التانى بدل اما اتشتم
وشكرا على شعوركم بس انا اصلا كنت ماشى 120-130 -لقيت الاخ بتاع الفيرنا دة طاير من جنبى-قلت اما اشوف حكايه الفيرنا دى-والصراحه كان متهور جدا
هوة ليه كل الى راكبين فيرنا بيطيروا بعربياتهم كدة

[estimation]

طريق ايه ده يا باشا اللي تمشي فيه 200 صراحة أنا أقصى سرعة جبتها كانت 190 في طريق وادي النطرون بس فعلا بعد ال 150 بيبقا تحكمك في العربية صعب لو قابلك موقف مفاجىء فبلاش نزود عنه في البلد ديه

[mazher_m]

ربنا يسترها ويكفينا شر الطريق

[lanos2004]

طريق ايه ده يا باشا اللي تمشي فيه 200 صراحة أنا أقصى سرعة جبتها كانت 190 في طريق وادي النطرون بس فعلا بعد ال 150 بيبقا تحكمك في العربية صعب لو قابلك موقف مفاجىء فبلاش نزود عنه في البلد ديه

دة الصحراوى وصدقنى لو التحكم صعب مكنتش جريت اصلا هوة انا هنتحر واحمدك يارب عربيتى بتقف على 200 زى 120 بالظبط

[speed_magnum]

انت مش ناوي تبطل سرعه ولا ايه ؟؟
ربنا يسترها عليك وعليه

[ahmedeihab]

اولا متحاولش تركب دماغك على الطريق السريع تانى مهما حصل لان ده لا قدر الله بيؤدى لكوارث

خليك بدماغك و بلاش العند و كلمه هعديه يعنى هعديه دى

ثانيا فين الملف اللى بتتكلموا عليه ده يا دوبك ملف مكملش 20 درجه

ثالثا بتاع الفيرنا دماغه مش فيه انه يمشى بعربيه زى دى بالسرعه دى

رابعا ربنا يسترها علينا و عليك يا احمد و ياريت تهدى لان الطريق السريع مشاكله كتير

اتسرها علينا يا رب و عليك يا احمد يا عبد الهادى

^_^