Tweet
موضوع متميز بالهدوء والشرح
والاجمل عودتك بالسلامـة ,,
والاجمل عودتك بالسلامـة ,,
-
-
المشكله ان هيونداى 2012 قبل 190 بتبهدل جامد جداComment
-
التسونامي الكوري (هيونداي - كيا)
و ظهور مثير ليلا بطريق القاهرة / الاسكندرية الصحراوي
الأخوة و الاخوات الكرام / مالكي و محبي هيونداي ..
أسعد الله أوقاتكم ...
مرة أخري نستكمل معا تفاصيل رحلة العودة من الاسكندرية الي القاهرة و التي كانت ممتعة و مثيرة حقا
في تمام الساعة الثامنة و النصف أنهيت عملي علي متن أحدي ناقلات البترول بميناء الاسكندرية البحري و أنطلقت عائدا الي القاهرة بعد أن أمضيت بعض الوقت بعروس البحر المتوسط
و في تمام الساعة العاشرة و النصف مساء أنطلقنا أنا و الالنترا MD الي الطريق حيث كنت في أشد الحاجة الي مشروب ساخن بينما كانت الالنترا في حاجة الي التزود بالوقود لأن الوقود المتبقي كان يكفي فقط لمسافة 188 كم
و بالفعل في حوالي الحادية عشرة مساء وصلنا الي محطة موبيل العامرية ON THE RUN حيث توقفنا للراحة و تناول مشروب ساخن و تناولت الألنترا MD جرعة من بنزين 92 و تم غسيل الزجاج الامامي و الخلفي و بعد حوالي ربع ساعة أنطلقنا لنعبر بوابة الاسكندرية في تمام الحادية عشرة و النصف
في البداية كنت أسير بسرعة معقولة جدا (100 - 120) كم/س و بعد أن قطعت مسافة حوالي 50 كم ظهر مالم يكن في الحسبان
مرة أخري .. تسونامي كوري ماركة كيا - سيراتو سوداء اللون ايضا
قلت في بالي .. معقول تكون نفس العربية بتاعة الصبح ؟
لكن لم أخد في بالي الصراحة و قررت عدم الجري خاصة أن الطريق ليل و مظلم و كنت لا أعرف التحويلات الجديدة و لكني كنت أهتدي بشاشة الجي بي أس
و عند أول تحويلة ظهرت هوندا سيتي الشكل القديم ....
أوبا ....
و داخل التحويلة حدثت شداية علي صغير بين الألنترا MD و السيتي
طبعا عارف رأي الجماعة اياهم هايقولوا الهوندا تكسب !!
لكن الواقع كان غير كده
علي سرعة تحت ال 80 كم/س لأننا كما قلت كنا داخل تحويلة ... عملت كيك داون لأني كنت مضطر أعدي السيتي بسرعة و فعلا طلعت منه
لحد كده الموضوع بالنسبة لي أنتهي , لكن بالنسبة لقائد السيتي لأ
هو أفتكر أني بأشد معاه و حاول يطلع مني تاني لكن ماعرفش لأن ظروف التحويلة لم تسمح بذلك و كمان أنا لما بأكون شايف أن الطريق قدامي فيه خطر بأحاول أحذر اللي ورايا بأستخدام أشارات التحذير
لكن مع أول فرصة و أول مطب ... جاءت السيتي بجانبي
نزلنا من علي المطب و زي ماكنت متوقع أنه هايكبس علشان يطلع
فأنا كمان كبست ..
في البداية بدأت السيتي تتقدم لكن فجأة وجدت الألنترا بتطلع من السيتي , قولت معقول عدينا ال 120 بالسرعة دي بأبص علي العداد لاقيتني داخل علي ال 80 و طالع من السيتي زي الحلاوة
المهم خلصت التحويلة و دخلنا في طريق مفتوح و السيتي طلعت مني علي 100 كم/س تقريبا و قولت أما نشوف بقي ...
بدأت أزود السرعة تدريجيا لحد ماوصلت ل 120 كم/س و كانت السيتي طلعت مني و سابقة بحوالي 20 أو 30 متر و هوب دوست علي الدواسة للأخر
عدد لفات المحرك طلع جامد فوق ال 5,000 لفة.دقيقة و السرعة طلعت زي الصاروخ لفوق لفوق لفوق ... كام ؟
160 كم/س
و شوية كمان و عند ال 180 كم/س
كنت بأقول ل السيتي باي باي
و زي ماعملت الصبح كررت التجربة بالليل , يصيت علي شاشة الجي بي أس أشوف ظروف الطريق أيه ..
- الطريق طوالي
- و قدامي علي مرمي البصر مافيش عربيات
نورت النور العالي و أخدت الحارة الوسطي و كملت طيران لحد 200 كم/س
كده خلاص ... هوندا أختفت
و دخلت علي تحويلة و بدأت أهدي سرعتي و أنا داخل التحويلة لاقيت في المراية صاروخ جاي ورايا بس شكله موتوسيكل لكن لما قرب و بقي جنبي أكتشفته
أسبيرانزا 113
العربية دي ياما عقدتني لما كان معايا الياريس بس برضه كنت بأطلع منها
و أحنا بنخلص التحويلة لاقيت السيراتو السودا اللي طارت مني في الاول
يا محاسن الصدف ..... هههههههههه
و هنا بقي يدأ الشد بين ال 3 عربيات
أنا في الوسط و الاسبيرانزا علي الشمال و السيراتو سابقنا قدام علي يميني
80 - 100 - 120 - 140 - 150 و لسه الاسبيرانزا ورا و السيراتو بقت جنبي خلاص
هوووووووووووووب كيك داون .... 160 - 180
طرت من جنب السيراتو ووصلت ل 200 و الكل أختفي
قولت مش معقول ... هيا السيراتو أخرها 180 بس ؟؟
هديت تاني .. و لاقيت السيراتو جاي طاير من يميني و قبل مايحصل الشنطة كنت دايس تاني علي الاخر و مثبت معاه لحد 180 شوية و بعدين لاقيت قدامي علي مسافة نقل
كبست تاني و أديت للسيراتو أشارة يمين و فعلا طلعت منه و غيرت الحارة و هو غير معايا و كملنا سوا
فضلنا علي كده أنا و السيراتو و الاسبيرانزا يحصلنا بس لما نهدي أو نيجي داخلين علي تحويلة لحد ماوصلنا الرست هاوس و السيراتو دخل محطة البنزين و كملت أنا و الاسبيرانزا
هنا بدأت أجرب مع الاسبيرانزا علي سرعات تحت ال 140 كم/س و كلها عديت منه فيها
طبعا فوق ال 160 كم/س الألنترا تكسب مرتاح جدا
لكن تحت ال 140 كم/س الاسبيرانزا 113 تتعب اي عربية
فضلنا كده أنا و الاسبيرانزا مرة أعديه قدامي و أمشي وراه شوية و مرة أعدي منه و أطير منه لحد ماوصلت لمحطة أمارات مصر قبل البوابة بحوالي 30 كم , فقررت أدخل اشرب حاجة و أزود بنزين و هنا بقي قررت أعمل حركة مجنونة و أدلع الألنترا و أكافئها
مونت بنزين 95
كام لتر ؟ 13 لتر و العامل بيزود بعد ما الطلمبة فصلت و قولت له
كفاااااااااااااااااية
بكام بقي ؟؟؟ 76 جنيه
يعني بتمن تفويلة 92 كاملة
بس يالا مش خسارة في الالنترا و قولت كأني حطيت منظف رشاشات
طبعا لما حسبت 13 لتر بنزين علي مسافة حوالي 137 كم أقل سرعة جبتها 120 كم/س و معظم المسافة ماشي 140 - 160
يبقي متوسط الاستهلاك 9.5 لتر / 100 كم
كده أعتقد معقول جدا
طبعا بعد ماطلعت من أمارات مصر لحد ماوصلت البيت في الرحاب و أنا ماشي علي الصراط المستقيم زي ما الكتاب بيقول علشان أحافظ علي شوية البنزين اللي حطيتهم و فعلا متوسط الاستهلاك في مسافة 80 كم عمل معايا 6.4 لتر / 100 كم بحد أقصي للسرعة 130 كم/س
و في تمام الثانية ألا ربع صباحا دخلت الالنترا الباركينج المواجهه لمنزلي بالرحاب بعد رحلة عمل طويلة أستمرت قرابة ال 20 ساعة
و الي لقاء جديد و رحلة جديدة مع التسونامي الكوري هيونداي - ألنترا[SIGPIC][/SIGPIC]Comment
-
حمدلله على السلاااامه يا باشا :D
والف لا بأس عليك
وايه التهور ده !! 200 ومش عارف ايه :D لالا انت اتغيرت خالص يا باشمهندس وماتقوليش حالة الطريق ومش حالة الطريق لالالا اعذار مش مقبوله خالص.
بس انا عاوز اقولك ان السيراتو بعدي ال200 عادي جدا انما الناس دي يا إما خايفة يا إما مش عارفه مقدرة العربيه.
والغريب بقى والي ماكنتش عاوز اقولهولك قبل كده ان ازاي الالنترا الجديده تعدي ال200 ؟
ده انا شديت مع النترا md على المحور بالليل والطريق فاضي تماما وكنت بطلع منه بمنتهى السهوله واعديه وبيختفي من المرايه !
ربنا يباركلك في عربيتك يا كبيرنا :)Comment
-
اشد فى شعرى - نسيت انا اقرع-عمرى ما شوفت سيراتوا عدت 195 ابداااااااااااااااااااااااااااااااااااااااااااالمشاركة الأصلية كتبت بواسطة mahmoud_afifi مشاهدة المشاركة
على طريق وشد على 210 بالانوس
سيراتو اصلا ممكن تقفل 185 وتحلف على كدةComment
-
ههههههههههههههههههههالمشاركة الأصلية كتبت بواسطة lanos2004 مشاهدة المشاركة
صدقني بيخافوا او مابيعرفوش يجيبوا اخر العربيه..السيراتو متخلفه في الجري بس اديها لواحد سويق.
اعرف ناس معديين ال210 بالسيراتو بالجير ال6 سرعات كمانComment
-
ماهو أنا أفتكرت كده أنهم خايفيين يجروا بالعربية
بس دول 3 عربيات سيراتو في يوم واحد
و العربية الاخيرة كان فعلا بيدوس معايا و بيحاول بجد و أخره كان 180 كم/س و ثبتت سرعتي معاه علي كده و فضلت ماشي في شماله مسافة كبيرة و برضه ماطلعش مني
و لما عملت كيك داون عديت ال 190 و طلعت منه بسهولة
و قبل كده شوفت السيراتوا مع الالنترا علي طريق السويس قدامي و كنت ساعتها مش أنا اللي سايق و العربيتين الالنترا بهدلوا السيراتو[SIGPIC][/SIGPIC]Comment
-
هاتوووووووووولي سيراتووو :dالمشاركة الأصلية كتبت بواسطة samir elshahawy مشاهدة المشاركة
وانا اوريكم بيتعمل بيها ايه
شوفوا ياسر الصياد مثلا ماشاء الله تبارك الله بيعمل ايه بالسيراتو ؟
وفي ناس بتقول على الالنترا بطه
العبره في الي بيسوق يا جماعه :)Comment
-
علي فكرة ..
لولا ظروف ياسر الصياد و ظروف عربيته كنت شكيت أنه هو خاصة أن كان فيه مقابلة للمنتدي في اليوم ده بشاطئ النخيل و قولت أحتمال دي عربية من عربيات المجموعة اللي هناك
بجد السيراتو كان بيجيب أخره هو و الاسبيرانزا
بس كنت برضه بأخليهم يعدوا مني علي ال 120 و بعد مايبعدوا عني مسافة 100 و لا 200 متر أرجع أجيبهم و أطير من جنبهم ...... ههههههههههههههه
بصراحة أستمتعت أمبارح بالالنترا و الطريق و بالكابوتشينو أبو كراميل
هههههههههههههه[SIGPIC][/SIGPIC]Comment
-
ربنا يستر عليكماللى حيضيع بلدنا : الفهلوة و كلمة باشا و معلش و أصل
[SIGPIC][/SIGPIC]Comment
-
بس عربية ياسر بتنجاني مش سوده :pالمشاركة الأصلية كتبت بواسطة samir elshahawy مشاهدة المشاركة
ربنا يكرمه وعربيته تتصلح
بس برضه عيب سواق في السيراتو :d
و لعلمك بقى لو شوفت اي النترا md هعمل معاهم الصح :p خاصة الي لونها فضي :d
والف هنا عليك الكابوتشينو ابو كراميل :dComment
-
- 3 سيراتوالمشاركة الأصلية كتبت بواسطة mahmoud_afifi مشاهدة المشاركة
- 1 أسبيرانزا 113
- 1 هوندا سيتي
- 1 جراند فيتارا
- 1 أفيو
كل دول مش بيعرفوا يسوقوا .....
و هو أنا يعني اللي بأعرف أسوق و أجري و أشد ؟؟
و بالمناسبة لو طلعت من الالنترا MD اللي بتقول عليها دي أبقي قول لي
[SIGPIC][/SIGPIC]Comment
-
كلهم في البلالا ماعدا السيراتوالمشاركة الأصلية كتبت بواسطة samir elshahawy مشاهدة المشاركة- 3 سيراتو
- 1 أسبيرانزا 113
- 1 هوندا سيتي
- 1 جراند فيتارا
- 1 أفيو
كل دول مش بيعرفوا يسوقوا .....
و هو أنا يعني اللي بأعرف أسوق و أجري و أشد ؟؟
و بالمناسبة لو طلعت من الالنترا md اللي بتقول عليها دي أبقي قول لي :e_braces[1]:
وبعدين يا باشا انت ماشاء الله بتعرف تسوق وفي الطريق كل يوم يعني حتى لو مابتعرفش اكيد اتعلمت :p هههههههههههه
وبعدين انا بمشي في السويس كتير ماصادفتكش خالص ليه ؟Comment
-
حمدالله على السلامة يا هندسة
منورنا والله
وخليك فاكر اول مرة تكسر ال 200 كان مع زوزو والعبد لله :d
بس شغل عالي عجبني الشغل دا :d
ربنا يحفظهالك ويحفظك منها يا ربAshraf_IbrahimComment
-
العبد لله معلم على 500 سيراتو بجميع الالوان وعلى كل الطرقالمشاركة الأصلية كتبت بواسطة mahmoud_afifi مشاهدة المشاركةهاتوووووووووولي سيراتووو :d
وانا اوريكم بيتعمل بيها ايه
شوفوا ياسر الصياد مثلا ماشاء الله تبارك الله بيعمل ايه بالسيراتو ؟
وفي ناس بتقول على الالنترا بطه
العبره في الي بيسوق يا جماعه :)
دة حتى الكوبيه مرحمتهاش---سيراتو توصل 195 تحمد ربنا قوى--والطريق الى هيه عليه 210 بكون 230Comment
Comment