عودة التسونامي الكوري بقوة علي طريق القاهرة/الاسكندرية الصحراوي (ألنترا Vs سيراتو)

[Samir Elshahawy]

لسه امس على المحور
سيراتو طايرة فوق 180 ووراها هيونداى 2012 ومش قادرة تحصلها
وانا كنت 140 تقريبا ومستحيل احصلهم علشان اتفرج
من خبرتى فى الطرق
سيراتو محترمه تطلع من الينترا محترمه برضه لحد 185 بفرق ممتاز وبعدين الينترا تتبتدى تطلع بعد 190
بس المشكله ان معظم الجرى لحد 180 علشان ظروف الطرق فى بلدنا
يبقه كدة سيراتو تكسب
معلش يا اليتنرا---كفايه عليكى الصحراوى
دة الواحد كل شويه يطلع من الينترا 2012 بس بقول يمكن يكونوا مش بيشدوا وبيجروا سرعه عاليه وخلاص

الالنترا md عايزة طريق مفتوح علشان تجري و تظهر أمكانياتها لكن الطرق بتاعتنا ووسط أسلوب السواقة الغريب من الناس اللي سايقة فيها ماينفعش

كمان لما يكون اللي بيسوق زي حالالاتي مايعرفش يجري وسط عربيات و طرق ضيقة و مكسرة حتي لو راكب فيراري أو بورش

أمبارح راجع بالليل من ميناء الادبية و مش قادر أسوق و لا أجري بس النقل علي الطريق أجارك الله عمال يجري و يرمي زلط و دبش فكنت بأضطر أعمل كل شوية كيك داون علشان أطير من جنبه و اتفادي الطلقات بتاعته

و بعد ميزان بدر الطريق بيتم توسعته فالبهوات بتوع الجيش اللي المفروض انهم بيعملوا الطريق حاطين حجارة علي الحارة الشمال قال أيه علشان العربيات ماتدخلش الحارة اللي تحت الانشاء لكن علشان واحد جاي بيجري بالليل مايشوفش الحجارة دي و يروح في داهية

حسبي الله و نعم الوكيل في البلد دي كلها
- توكيلات زفت بتجيب زبالة العربيات
- حكومات بتسرقنا و بتعمل لنا طرق (ده أذا عملوا) غير مطابقة للمواصفات و لا فيها اي نوع من الامان
- أدارات مرور لاتطبق القوانين علي المخالفين
- شعب بيستهبل و عايش بلا قانون و أتعود علي الفوضي و البلطجة و شغل الدراع

بجد أنا أمبارح ندمت أني مالفيتش من طريق القطامية / السخنة , بس ربنا سترها الحمد لله

بجد الطرق بتاعتنا دي ماينفعش عليها جري