الى المتسائلين عن الكورولا الافريقى الاحباب اليكم فصل الخطاب

[rashad_79]

معلش كنت عايز اسأل حضرتك انا بافكر اجيب الكورولا , فهل استنى موديل 2009 ولا هي هي نفس الشكل و الإمكانيات

[rashad_79]

ارجو الرد يا دكتور

[أبو عبدالله]

اكيد من غير تغيير او اي حاجه برضه استنى 2009
لأن فرق السنة في الموديل بيفرق في سعر اعادة البيع حوالي 5 الاف جنيه
ده غير انك هتفضل سنه كامله راكب موديل السنه لسه

[Ahmad Allawy]

بيتهيألي ممكن تلاقيها نازلة بتعديل في البرنامح بتاع الفتيس عشان يقلل التأثير بتاع النقلات ده.. (Shifting Effect)
زي ما عملوا في الاوبل.. الايزي ترونيك.. و هما غالبا نفس الفكرة بس متنفذة بطرق مختلفة.. انه الفتيس اصلا مانياوال.. بس بينقل بطريقة اليكترونية..
علي فكرة نفس الكلام ده حصل مع الايزي ترونيك.. :) :) و دلوقتي خلاص..
اهم نصيحة للي هيشتري.. ان العربية دي مش اوتوماتيك.. و لازم تجربها الاول.. لو عجبتك توكل علي الله.. لو مش ارتحت معاها هات ستب ترونيك العادي و اشتري دماغك..

[Nour_Peugeot]

بس برده الكورولا عربية محترمه جدا و اثبتت جدارتها في مصر

[rashad_79]

طيب معلش هاسأل س}ال
هو ايه الفرق بين (ستيب ترونيك - ايزي ترونيك - و فتيس الكورولا الجديد)؟

[rashad_79]

اه و مين احسن واحد في التلاتة؟

[Ahmad Allawy]

من ناحية ايه احسن..؟؟
الستب ترونيك هو فتيس اوتوماتيك عادي جدا و تقليدي كمان.. و معرفو ان الفتيس الاوتوماتيك عمره الافتراضي اقل بككتير من المانيوال.. و مشاكله اكتر..
لكن الايزي ترونيك و الفتيس بتاع الكورولا.. فتيس فيه تروس.. يعني مانيوال عادي جدا..
بس كل اللي يفرق فيه انه بينقل بوحده تحكم اوتوماتيكية بس.. يعني دبرياج الكتروني.. :) :)
الستب ترونيك ليه طبيعته وهي الاوتوماتيك العادي.. لكن الايزي ترونيك و الفتيس بتاع الكورولا.. ليه طبيعه خاصة و طريقة السواقة بيه مختلفة شوية بسيطة.. محتاجة تعود و تفهم لفكرة عمله..
اللي يميزه عن الستب ترونيك العادي انه اوفر في استخدام البنزين و معمر اكتر.. لكن في الاداء اوحش شوية بسيطة من الستب ترونيك العادي.. و دع الحاجة الوحيدة اللي بتميزه عنهم.

[rashad_79]

متشكر جدا على الشرح الجميل ده يا باشا
يعني معنى كلامك ان فتيس الكورولا الجديد هو الايزي ترونيك؟

[Ahmad Allawy]

مش بالظبط..
هو شبهه خالص.. و قايم علي نفس الفكرة..
بس وارد ان التنفيذ يكون بطريقة مختلفة..

[rashad_79]

طيب معنى الكلام ده اني ممكن اسوق على نمط (es) ده علطول و يبقى كأني عل ال (d) بظبط في الاوتوماتيك العادي؟

[Ahmad Allawy]

هو بس الفرق انه في المود اللي سعاتك بتقول عليه ده..رياضي..
يعني بيحمل علي الموتور شوية بسيطة..
و استهلاك البنزين بيبقي اعلي شوية.,.,
بس انا مش عارف بقي هو ايه نظامه عشان مجربتوش..
ممكن يكون بيحمل و مش بينقل غير علي عدد لفات كتير.. و كده يبقي مش كويس انك تمشي عليه كتير.
لكن لو بينقل عادي علي عدد لفات متوسط.. يبقي كويس.. لو تحب امشي عليه براحتك..
اللي اعرفه انه بيفرق كمان في نسب خلط البنزين و كده مش لفات الموتور بس..

[abo samra]

ع فكره es مع انه نظام للقيادةالسبورت ولكن مش بتحس فيه نفس قوة الاحساس بالنقله فى e العاديه
ع فكره تقريبا انا مش بقود على e لان على هذا النظام بحس اكتر بالنقلات اضافه الى قلة السحب اضافة الى ان العربيه بتنقل الرابع على 40 وده مش ظريف قوى بس ينفع فى الزحمه فقط

[rashad_79]

يعني بتقود مانيوال؟
طب سؤال هو الشيفتات اللي ورا الدركسيون دي ممكن تستخدها و انت على ال(e)؟
و ايه الفرق بين ال (+) و ال (-)؟ و ليه كل واحدة فيها 2 (+) و التانية فيها 2 (-)؟ (واحدة فوق و واحدة تحت)

[adibrz22]

الجنوب أفريقى

أنا لسه جايب الجنوب أفريقى Advancedمن 3 أسابيع و عملت بيها 1200كيلو و سقتها فى كل ظروف السواقه. أحب أقول إنها ممتازه جدا و يمكن أكتر حاجه بحبها فيها هى الفتيس الMMT.

بالفتيس ده إنت ممكن تسوق ب 3 طرق مختلفه أو بأى تشكيله ما بينهم.

ممكن تسوق ب e و ده النظام الإقتصادى. بالنظام ده اإستهلاك بتاع البنزين بيكون أقل بنسبه ملحوظه بس بيكون أداء العربيه أداء هادى. لأن النقلات بتتغير بدرى على لفات موتور قليله مش بتلاقى العربيه بتتجاوب بسرعه مع الدوسه عالبنزين. النظام ده مناسب لو ماشى فى الزحمه و مفيش إمكانيه للجرى أو لو كنت مسافر و ملتزم بالسرعات. الحلو إن ممكن فى النظام ده تعمل كيك داون من دواسة البنزين أو تستعمل ال(-)إللى ورا الدركسيون عشان تنزل نقله إو نقلتين عشان العزم المطلوب للمناوره.
نظام es برضه زي ال e بس بيخلى العربيه تنقل على لفات موتور أعلى. ده بيخلى العزم و التسارع قوى جدا بس طبعا الإستهلاك بيكون أعلى. فى النظام ده برضه تقدر تستعمل ال (+) و ال(-) إللى ورا الدركسيون. بس حساسيه دواسة البنزين بتكون أعلى ف تقريبا مش بتحتاج ال (+) و ال(-) إللى ورا الدركسيون.
النظام المانيوال ده برضه تحفه لما تكون عايز تلعب بالعربيه. و ده بيديك تحكم كامل سواء بال (+) و ال(-) إللى ورا الدركسيون أو ال (+) و ال(-) إللى فى الفتيس.

و اللى فوق الممتاز فى العربيه دى هو الموتور. أنا ممكن أقول بثقه إنه أقوى موتور 1600 بدون تيربو. أنا سقت ال Civic الجديده أوتوماتيك و جربتها و صاحبى صاحب ال Civic جرب عربيتى و بعدين جربنا الإتنين سوا. إحنا الإتنين لاحظنا الفرق لصالح الCorolla.

أتمنى إنى أكون قد افدت.