الى المتسائلين عن الكورولا الافريقى الاحباب اليكم فصل الخطاب

[M.Mokhtar]

استاذ محتار انا كدا فهمت حضرتك
الفتيس بيبقى فيه نقله زياده علشان راحه الموتور مش للشد دشفته فى عربيات كتير زى الاوكتافيا مثلا السادس فيه مش بيجيب اكتر من اللى الخامس بيجيبه ولكت بيريح الموتور
وشفتها برضه فى الكورولا القديمه
اتمنى حضرتك تكون فهمت وجهة نظرى واحب اعرف تعليقك

ماشى انا عندى كده برده السادس مش بيفرق كتير عن الخامس

بس ده ايه علاقته بالموضوع بتاع السرعه بالنسبة لل RPM؟
على فكره الصوره دى وانا ماشى على المود العادى
من غير اسبورت مود ولا حاجة
وعلى فكره انا الخامس عندى بيجيى بعد ال 160 كم/س فى المود العادى
بالاسبورت مود مش عاوز اقولك العربيه بتبقى عامله ازاى
بس برده ده مش موضوعنا صعب نقارن موتور 2000 سىسى المانى ب 1600 يابانى

بس انا بحترم الموتور بتاع تويوتا
عجبنى جدا فى الشد بتاعه
قريب هركب العربيه دى واقولك انطباعى عنها كسائق

[abo samra]

ع فكره انا ما قارنتهاش بالكورولا انا قارنتها بالبى ام دبليو 320 2007

وبعدين انا شايف ان المواتير اليابانى اللى هيا 1600 سى سى كلها اقوى منا الالمانى

[أبو عبدالله]

على فكره انا اتوماتيك و 1300 سي سي والرابع عندي بيجي بعد 160 كم

[abo samra]

ابو عبد الله اهلا بيك
اصلا الكورولا القديمه عشرة سنين لانها كانت عندنا بالفعل من كام سنه
العربيه كانت بتنقل على الرابع بعد 168 وسرعة السياره لم تذيد
ولكن اول ما اضغط على زر الاوفر اسبيد اللى فى الفتيس كانت بتجيب لحد 182 كم بعد لما تسقط نقلة وتبقى على التالت
ده معناه الرابع مصمم لراحة الموتور

[M.Mokhtar]

وبعدين انا شايف ان المواتير اليابانى اللى هيا 1600 سى سى كلها اقوى منا الالمانى

no comment

على فكره انا اتوماتيك و 1300 سي سي والرابع عندي بيجي بعد 160 كم

الموضوع مش كده يا ابو عبدالله
شوف انت اصلا عندك الفتيس كام نقله
وال 160 كم بيجوا على كام RPM
هتعرف ليه ال 160 كم بيجوا على الرابع ده غير وزن العربيه الخفيف

[abo samra]

العربيه 4 نقلات يس

[adibrz22]

الف مبروك يا (ADIBRZ) و ربنا يباركلك فيها والله طمنتني بعد كل الدوشة اللي حصلت بس معلش عندي سؤالين:
- صحيح بتحس بنتشة على نظام ال (e) و هي بتنقل؟
- كمان ال (m-mt) ده هيتغير في (2009)؟ - و عادي الواحد ما يستناش 2009 يعني اتكل على الله و اجيب (2008) مش هاتفرق؟

شكرا يا رشاد باشا. أنا لو عايز رأيى، هات الجنوب أفريقى و إنت متطمن. بالأمانه العربيه ممتازه و تويوتا هى تويوتا حتى لو معموله فى مصر.

ُثانيا، 2008 أو 2009. برضه مش هتفرق غير فى الفتيس، بس الموتور الجنوب أفريقى ممتاز جدا و أحسن من الخليجى بمراحل. و فى حاجه تانيه: العفشه الجنوب أفريقى مناسبه لشوارعنا أكتر و العربيه أعلى نسبيا (كلام العفشه ده حد شغال فى الخليجى قاللى عليه). يبقى الفرق فى الفتيس. و ده يرجعلك.

ألفتيس ال MMT فتيس محترف أكتر. محتاج تتعلمه و تتعود عليه قبل ما تقدر تعمل بيه إللى إنت عايزه بالضبط.-كأنك بتتعلم على عربيه مانيوال لأول مره، بعد كده بتقدر تعمل بيها حاجات متتعملش بالأوتوماتيك- أما الأوتوماتيك أنا بعتبره مش فتيس إحترافى، لأن ببساطه أى حد ممكن يسوقه و مش محتاج تعود. بس القرار يرجعلك طبعا فى الأخر.

عن نفسى، أنا إستعجلت أشترى العربيه السنه دى و زنقت نفسى شويه فى الفلوس عشان سمعت إشاعة الفتيس الأوتوماتيك بتاع 2009.

أما بالنسبه للنتشه دى حقيقه بس فى الأول، دى هتروح لما تتعود عالعربيه زى ما شرحت.

أرجو أن أكون فد أفدت

[adibrz22]

السلام عليكم ورحمة الله

اشكر الشباب على المعلومات القيمه على الكورولا 2008

لكنى ليا سوال مهم فى حد من اصحاب الكورولا اخد بله من عدد لفات الماتور وهو بيجرى على طريق سريع

ياريت يرد على حد لانى كنت مسافر بالسيارة ولما جبت 140 كيلو عدد الماتور وصل 4200لفة

يعنى لو حبيت اجرى اكتر حيوصل كامل

ومع حد علمى ان فيه حاجة غلط وكلمتهم فى التوكيل ومفيش حد فادنى وقال فى صيانة 10000 نبقى نبص عليها

مع العلم انى كان معى كرولا 2006 ومكنش بيحصل كده

لانه عيب بيقصر عمر الماتور وبياكل بنزين

ارجو الرد لو سمحتوا وايه الى ممكن اعمله

الكلام ده صح بس صاحبك نسى يقولك إن ال140 ب RPM 4200 كانت على السرعه ال4. و العربيه بتنقل للخامس على 182كم RPM 6500. و الخامس بياخدك بعدها لآخر العداد.
جرب و قوللى.

[M.Mokhtar]

البى ام دبليو 320 اخرعا اصلا 220 وموتورها 2000 سى سى ولما شديت معاها الفرق كان بسيط قوى لصالح البى ام ولكن الفيكترا ما عنديش فكره عن الموتور 2000 سى سى بس ما اعتقدش هيبقى اجمد من بى ام 2007 2000 سى سى

وبعدين انا شايف ان المواتير اليابانى اللى هيا 1600 سى سى كلها اقوى منا الالمانى

انا عايزك تركز شويه فى الارقام دى

ولما تتكلم على الالمانى بعد كده ابقى خلى بالك عشان عيب الكلام ده :)
ال الفرق بين الكرولا وال BMW 320i فى الشد كان بسيط اوى :k48:

تلاقيه بس كان بيهزر معاك وبيسحبك وراه :)

لما تعوز تشد مع بى ام شوفلك 316i يكون راجل كبير ومش بيعرف اصول الشد يمكن تطلع منه :k52:

[Ahmad Allawy]

انا عايزك تركز شويه فى الارقام دى

ولما تتكلم على الالمانى بعد كده ابقى خلى بالك عشان عيب الكلام ده :)
ال الفرق بين الكرولا وال BMW 320i فى الشد كان بسيط اوى :k48:

تلاقيه بس كان بيهزر معاك وبيسحبك وراه :)

لما تعوز تشد مع بى ام شوفلك 316i يكون راجل كبير ومش بيعرف اصول الشد يمكن تطلع منه :k52:

خلي بالك من حاجة كمان يا محمد..
الهورس باور بتاع الكورولا ده مش الفعلي..
ده اللي محسوب من علي الحدافة علي طول.. يعني من غير مقاومة خالص..
ولا عفشة ولا هجل ولا طريق ولا دينامو ولا فرامل ولا اي حاجة..
يعني الفعلي هتلاقيه بالكتير 110 لو ولت ليهم اساسا.. زي كل الاسيوي بيتبعوا الاسلوب ده في اعلاناتهم..
لكطن الاورووبي كله بيقول الهورس باور الفعلي.. مقاس من علي الكاوتش علي طول خلاص..

[abo samra]

بص يا بوب الرقم الرسمى من تويوتا للتسارع من صفر الى 100 10.2 ثانيه مش 12.1ثانيه
تانى حاجه هنا فى مصر انتم بتتكلموا عن العربيات الاغلى شويه كانها عربيات خارقه
لو حضرتك روحت الخليج قبل كدا او اوربا او خارج مصر هتعرف ان الفرق بين السيارات دى بسيط مهما اختلفت وجهات النظر
الكورولا اللى معايا طبعا mmt يعنى الفتيس مانيوال اساسا مع وزن اخف شويه من البى ام دبليو320 الفرق يكاد يكون بسيط
البى ام دبليو 316i و116i فيها الموتور 115 حصان و122حصان ما نزلش مصر وموتور البى ام دبليو320 اقل من الرقم اللى ان قلته ب 30 حصان
حاجه مهمه برضه انا مش بقول الكلام ده علشان تصدقنى لان انا مش مستنى رايك ان كنت صادق او كذاب ......لان انا بتكلم بكون واثق بكل حرف بقوله والعربيه اللى بقولك عليها دى شديت معاها 3 مرات مرتين على الطريق ومره بعربيه والد واحد صاحبى
وكون انك مش مصدق كلامى اتمنى تحتفظ بالكلام ده لنفسك

[M.Mokhtar]

بص يا بوب الرقم الرسمى من تويوتا للتسارع من صفر الى 100 10.2 ثانيه مش 12.1ثانيه
.
.
.
.
.
.
وكون انك مش مصدق كلامى اتمنى تحتفظ بالكلام ده لنفسك

طبعا هحتفظ بيه لنفسى عشان مش هينفع ارد عليك
كده الحوار هيقلب على حوارات تانيه مقدرش انا ادخل فيها عشان مش فاضى

انت بتتكلم فى أ ب عربيات محدش هيقتنع بكلامك

ياريت تشوف موتور VW TSI 1400cc ويا سلام لو على فتيس DSG
وقولى ايه فى اليابانى 1600 سىسى يقدر على الموتور ده (مش هقولك هاتلى 1400 سىسى)

طبعا احنا فى قسم تويوتا وانا اصلا كنت داخل اتكلم على RPM عالى فى الكرولا وانت اللى حشرت الالمانى فى الموضوع

وعشان اسلوبك مش لطيف انا فعلا هحتفظ بباقى الكلام لنفسى لان اسلوب الحوار مش بالمستوى اللى يرضينى

سلام يا كبير

بس برده الكرولا شدها عاجبنى :k5:

[أبو عبدالله]

انا عايزك تركز شويه فى الارقام دى

ولما تتكلم على الالمانى بعد كده ابقى خلى بالك عشان عيب الكلام ده :)
ال الفرق بين الكرولا وال BMW 320i فى الشد كان بسيط اوى :k48:

تلاقيه بس كان بيهزر معاك وبيسحبك وراه :)

لما تعوز تشد مع بى ام شوفلك 316i يكون راجل كبير ومش بيعرف اصول الشد يمكن تطلع منه :k52:

للأسف يا أخي محمد
معلومات البي ام 316 غير صحيحه
فهيا من موقع بي ام ايجيبت نفسها ومن ملف البي دي اف بتاعها نفسه
الأرقام غير كده وهيا هنا



يعني عزم الكورولا اعلى من البي ام فعلا والتسارع اعلى كمان


ده غير ان البي ام القديمة اقل من كده كمان

فمش عارف هو شد مع مين

مع الأخذ في الأعتبار ان البي ام اثقل من الكورولا بفارق يعتبر في الشد

[abo samra]

انا برضه اللى اسلوبى مش لطيف ......انا مش سياستى انى اتكلم مع حد باسلوب مش كويس ولكن الفرق اللى بينى وبينك ....................انك بتتكلم بالتخيل والتصور والاعتقاد................. ولكن انا بالتجربه الشخصيه
انا مش هلومك لان فعلا ده طبع المصريين كله بيحب يعمل نفسه عارف ويقول كذا او كذا وما يقولش ما اعرفش اطلاقا
ابسط مثال لما اكون فى منطقه غريبه وبسال الناس عاوز اوصل للمكان الفلانى الاقى الناس بتوصلنى لطريق غير المقصود تماما علشان كلمة (لا اعرف لا يقولها)
ابسط حاجه .......انك لو راجعت كلامى سابقا مش هتلاقى فيه اى اساءه شخصيه او توجيه ولكن غيرت الكلام وخليته غير لطيف و (مش هينفع ارد عليك)(حشرت الالمانى فى الموضوع)
انا ممتنع الرد فى الموضوع ده............
ونصيحه اخيره......ما تاخدش كل حاجه فى الحياه كده قفش .....صدقنى هتتعب كتير

[dr.amr]

انا عايز اسأل سؤال يا جماعه
ازاي القصوي بتاعة الكرولا 198
اذا كان انا عديت 210 بالالنترا وكانت حوالي 6.5
بيتهيقلي انها بتجيب اكتر من كده؟؟؟؟؟؟؟؟؟؟؟؟؟