عيــــــــــــوب الياريس

[smileee]

el salam 3aleiko
sot el 3arabeya wattty we 3ady zay el 3arabeyat el gedida
seir el katina bita3ha 7adid mosh kawetsh fa da beykhaly el 3arabeya sotha a3la sena bassita we bardo mosh ma7sosa khaleess we el seir da beyetghayar kol 300 alf kilo we di miza kebira awy ya3ny ensa enak teghayaro aslan

[hazem_khidr]

يا ابو عبد الله لو كان لمبه الحراره دي ميزه
متهيالي كانوا عمموا الموضوع في اختها الكبيره الكورولا
ولا هو وجود امبير حراره في الكورلا دي يعتبر عيب؟؟
انا فعلا شايف ان قله عداد الحراره دي وحشه جدا.
.......................
بالنسبه للعيوب
بصراحه ما قابلنيش عيب قاتل
الاول كنت بخاف منها علشان ابعادها دلوقتي الحمد لله حفظت ابعادها كويس.
انما صوت العربيه و الكلام دا ولا حسيت بيه بالعكس
لما بقفل الزجاج ببقي في عالم تاني حتي لو التكييف مش شغال

[ahmed1981]

فكرة الموضوع جميلة جداً
فعلاً إحنا محتاجين نعرف العيوب أكثر عن أي سيارة
والمزايا دائماً واضحة والإعلانات توضحها أكثر
فشكراً لصاحب الموضوع

بالنسبة لوجود لمبة للحرارة بدل عداد فرأيي أن هذا عيب كبير وذلك بسبب :
العداد يحدد مدى خطورة الحرارة هل هي عالية بمدى مقبول أم أن المحرك سيحترق
لكن لمبة الحرارة لو أضاءت سأقف بالسيارة فوراً ولن أستطيع التعرف هل من الممكن الإستمرار فترة بسيطة أم يجب التوقف فوراً وسأظل حائراً بدون تحديد موقف

[tot]

اى عربية عادية يعني بيبقى فيها عداد للحرارة و كمان لمبة اما توصل ل 130 بتقيد و تطفي عشان السواق ياخد باله، يعني حكاية اللمبة دي مش اختراع فى الياريس، بس المفروض يبقى فيه عداد طبعا

[ye7ia2007]

والله يا خونا ما بقيت عارف كانت داخلة دماغي بشكل جبار بس لما شفت ال sx4
مش عارف شكلي كدة حغير تفكيري بصراحة تجنن من كل حاجة المشكلة بس كلها في قلة انتشارها وتوكيلها معرفش عنه حاجة كويس او سئ مش عارف فيه تعليقات متضاربة بس تلاقي النتيجة واحدة اللي قال وحش فيه زيه بالظبط قال توكيل محترم وكويس فمش عارف انتو ايه رايكم يا جماعة في العربية ديه وقارنوها بالياريس عايزين نشوفها ايه مقارنتها بالياريس يا خونا عارف ان ديه 1300 والتانية 1600 يبقي بيتهيالي ال 1600 وبالتمن ده والكماليات ديه يبقي تكسب حدفع 10 زيادة بس خدت عربية مفهاش غلطة باه كل اللي ناقصني موضوع ارتفاعها عن الارض قد ايه زي الياريس ولا اقل كتير؟

[ZIMOFOX]

فكرة الموضوع جميلة جداً
فعلاً إحنا محتاجين نعرف العيوب أكثر عن أي سيارة
والمزايا دائماً واضحة والإعلانات توضحها أكثر
فشكراً لصاحب الموضوع

بالنسبة لوجود لمبة للحرارة بدل عداد فرأيي أن هذا عيب كبير وذلك بسبب :
العداد يحدد مدى خطورة الحرارة هل هي عالية بمدى مقبول أم أن المحرك سيحترق
لكن لمبة الحرارة لو أضاءت سأقف بالسيارة فوراً ولن أستطيع التعرف هل من الممكن الإستمرار فترة بسيطة أم يجب التوقف فوراً وسأظل حائراً بدون تحديد موقف

اخى احمد لا شكر على واجب الواحد بصراحة لازم يضع ماله فى شىء يستاهل بالذات لو تعبان فى مالك وربنا يارب يبارك

[ابوشريف]

انا لما جربت الياريس، حسيت انه صوت الموتور مسموع جدا حتى مع قفل الزجاج و التكييف، و الموتور بينعر لما عدد اللفات تزيد، بس على السلانسيه ملهوش صوت زى اى عربية تانية

موتور ايه اللى بينعر ده ...!!!!

ياراجل دا حتى موتورالميكروباس التويوتا الذى يعمل بالسولار تحس انه بيغنى

اشك بصراحه انك جربت الياريس

وياريت لو كنت جربت اى سياره تويوتا أخرى حتى ولو موديل قديم تقولنا انطباعك عنها ؟؟؟

[amrnader]

موتور ايه اللى بينعر ده ...!!!!

ياراجل دا حتى موتورالميكروباس التويوتا الذى يعمل بالسولار تحس انه بيغنى

اشك بصراحه انك جربت الياريس

وياريت لو كنت جربت اى سياره تويوتا أخرى حتى ولو موديل قديم تقولنا انطباعك عنها ؟؟؟

لعلم حضرتك، انا لما جربت الميكروباص التويوتا الجديد عاجبنى جدا نعومته، الصراحة انعم من الياريس بكتيير.

[KiNgMaX]

ياجماعة انتو كده جيتو على الجرح
انا الفترة دى مستنى على شعرة وهطق من العربية دى
اولا انا عامل بالعربية اكتر من 21000 كم وبيتهيالى كافيين جدا للحكم عليها
1- صوت الموتور فعلا على السرعات بينعر تقريبا بعد ال 100 بيبقى هينفجر
2- الى بيجرى بالعربية دى يبقى بينتحر وياسلام بقى لو طريق سريع والدنيا ريح طيران
3- وزن خفيف جدا 1025 كجم جرب تقف بالعربية على جنب اى طريق وشوفها هتتنطط ازاى لما حاجة تعدى جنبها بسرعة
4- الدبرياج تقيل جدا ورخم
5- الكرسى عالى جدا (حتى وهو على اوطى مستوى ) مما يعزز الشعور بعدم الثبات والقيادة الرياضية الى مش موجودة اصلا
6- العفشة زى الزفت مع مفارق الكبارى اى اى حاجة تعدى عليه بسرعة تحس ان انت فى غسالة
7- التكييف بمزاجه مرة كويس مرة سخن مرة وسط
8- بحس ان اداء العربية عموما متغير كل مرة بحالة
9- الفرامل بدات تضعف عن الاول جامد
10- طبعا لو على سرعة وفرملت العربية بترقص باليه
11- مفيش اى سيطرة فى الملفات

طبعا ياجماعة الحاجات دى بانت بعد الإستخدام لفترة تجاوزت السنة وبعد ماعدت فترة الإنبهار بالسيارة الجديدة
ولكن مع كل اللى قولته ده العربية فى فئتها لا يعلى عليها اى فئة ؟؟؟؟
فئة السيارات الصغيرة للسير وسط المدينة بمحرك صغير 1300 سى سى وإمكانيات محدودة للمحرك
كونها دخلت فى فئة سعرية اعلى لإعتبارات تانية ( كماليات وهبل توكيل واسم وسمعة )
ده مش مشكلتها هى مازالت سيارة تويوتا الصغيرة للإستخدام المحدود داخل المدينة مع إستهلاك بنزين متميز وخدمات وكيل مميزة
طبعا كله هيسال ايه اللى مصبرنى عليها
اولا امكانيات مادية لاتسمح بتغييرها حاليا
ثانيا خايف اقع فى عربية اوحش منها اتخدع فيها بكلام حد مش امين متلبيش احتياجاتى ولا تعوض هذه المشاكل
شكرا

[amrnader]

ياجماعة انتو كده جيتو على الجرح
انا الفترة دى مستنى على شعرة وهطق من العربية دى
اولا انا عامل بالعربية اكتر من 21000 كم وبيتهيالى كافيين جدا للحكم عليها
1- صوت الموتور فعلا على السرعات بينعر تقريبا بعد ال 100 بيبقى هينفجر
2- الى بيجرى بالعربية دى يبقى بينتحر وياسلام بقى لو طريق سريع والدنيا ريح طيران
3- وزن خفيف جدا 1025 كجم جرب تقف بالعربية على جنب اى طريق وشوفها هتتنطط ازاى لما حاجة تعدى جنبها بسرعة
4- الدبرياج تقيل جدا ورخم
5- الكرسى عالى جدا (حتى وهو على اوطى مستوى ) مما يعزز الشعور بعدم الثبات والقيادة الرياضية الى مش موجودة اصلا
6- العفشة زى الزفت مع مفارق الكبارى اى اى حاجة تعدى عليه بسرعة تحس ان انت فى غسالة
7- التكييف بمزاجه مرة كويس مرة سخن مرة وسط
8- بحس ان اداء العربية عموما متغير كل مرة بحالة
9- الفرامل بدات تضعف عن الاول جامد
10- طبعا لو على سرعة وفرملت العربية بترقص باليه
11- مفيش اى سيطرة فى الملفات

طبعا ياجماعة الحاجات دى بانت بعد الإستخدام لفترة تجاوزت السنة وبعد ماعدت فترة الإنبهار بالسيارة الجديدة
ولكن مع كل اللى قولته ده العربية فى فئتها لا يعلى عليها اى فئة ؟؟؟؟
فئة السيارات الصغيرة للسير وسط المدينة بمحرك صغير 1300 سى سى وإمكانيات محدودة للمحرك
كونها دخلت فى فئة سعرية اعلى لإعتبارات تانية ( كماليات وهبل توكيل واسم وسمعة )
ده مش مشكلتها هى مازالت سيارة تويوتا الصغيرة للإستخدام المحدود داخل المدينة مع إستهلاك بنزين متميز وخدمات وكيل مميزة
طبعا كله هيسال ايه اللى مصبرنى عليها
اولا امكانيات مادية لاتسمح بتغييرها حاليا
ثانيا خايف اقع فى عربية اوحش منها اتخدع فيها بكلام حد مش امين متلبيش احتياجاتى ولا تعوض هذه المشاكل
شكرا

انا شايف ان حضرتك قرفان من العربية بزيادة شوية، انا لما جربت الياريس كان كل اللى فى دماغى انى بقارنها بالانسر البومة و اشوف الشعر اللى الناس بتقوله فى الياريس، و استغربت جدا لما لقيت ان اللانسر افضل منها فى معظم الحاجات، عزلها زى الانسر و تكيفها اضعف بمراحل من اللانسر، و صوت الموتور بينعر بسرعة، و العفشة مش حرير و لا حاجة، و التابلوه اى كلام، بتاع الانسر برقبتها، كفاية ان فى الانسر تحس انه التابلوه و الابواب مكسية جلد.

لكن ارجع و اقول هى كويسة مش وحشة اوى و لا حلوة اوى، و اللى بيعشق اسم تويوتا و مهووس بيها يجيبها و مش هيزعل.

[ahmed1981]

الله يبارك فيكم يا رجاله
كلامكم الصريح بيوضح أمور الواحد لم يكن يعلم عنها شيء بخصوص السيارة تويوتا ياريس
بارك الله لكم وبارك فيكم

[محمدايهاب]

بسم الله أولا أنا عامل باليارس 34000 يعني حكمي إلا حدما كويس
و بما إنا بنتكلم على العيوب فقط :
1- الثبات العيب الأكبر و الاعظم ثبان اليارس متوسط إلا سيء بعد120 -140
2-عداد الحرارة عيب ضعيف بس موجود
3- خامة التابلوه ( و ليس شكل)
أما بالنسبة للعفشة و صوت المحرك و الفرامل ده تهريج أنا عندي العربية من سنتين و كام شهر

[sa3dawy]

يا جماااعة انا عاوز كل واحد يحط اعتباار للفئة السعرية الى هو بيتكلم فيها...يعنى ببساطة مهما طلعنا عيوب فى الياريس فانا اؤكد لكم انها افضل سيارة فى مصر تجيبها فى الرينج دا من الفلوس....اما العيوب الى حضراتكم بتتكلموا عليها فهى موجوده حتى فى الكورولا الجديدة (اليابانى)...يعنى مثلا موضوع الثباات انا اؤكد لكم ان ثباات الكورولا الجديدة الخليجى سىء بعد 120 والله ....وبعدين ياريت حد يقولى ايه الى ممكن تجيبه بنفس الفلوس احسن من الياريس.....لانسر والا اوبترا والا بروتون جين والا صنى ...انا اؤكد ان الياريس افضل من الانسر والاوبترا والكورولا 2007 ال 1300 عن تجربة ....الصراحة الصنى مسوقتهاش هى والبروتون بس اعتقد مش هتفرق كتيير عن اخوااتها..وعلى فكره انا لما اقول ان الياريس احسن فدا برده ممكن يكون ذوق شخصى..يعنى مثلا انا بحب الاحساس الشبابى والروش بتااع الياريس وابتسامة العربية الجميلة الى بتشوفها اول تخش عليك (ههههههه) وصوتها رغم انه عالى حبتين لكنه صوت جمييل الحق يتقاال وبشهادة كل الى ركبها معايا ...اما الفراااااامل تحفة بجد وبتهيالى مفيش احس من كده..يعنى اى واحد هيجرب الياريس لاول مره هينبهر من حاجتين الاولى الباور الخرافى والفرااامل الفظيعة.....وفى الاول والاخر الفئة الى احنا بنتكلم فيها دى كلها ملياانا عيوب بدليل ان فى الخليج مثلا اغلب العربيات الى منتشرة فى مصر زى الانسر والياريس والصنى والكورولا والانترا بتستخدم فى الديليفرى لاما عربية شااب صغير عاوز يتعلم عليها السواااقة.....فبرده لازم نعرف حدود الفئة الى احنا بنتكلم فيها وبنقاارن بيها الياريس .....معلش طولت اوىىىىىىىى....اصلى بس استغربت لما حسيت ان فى ناس كتير من ملاك الياريس زعلانين من العربية ....لا متزعلووش صدقونى عشاان مكنتوش هتشتروا عربية احسن بنفس الفلوس .....

[محمد ابراهيم 1]

الياريس عربيه ممتازه وأحسن من اللانسر ال 1300 وأجود فى الصناعه منها
والموتور بتاعها بيشتغل بكاتينه حديد مش بسير تقسيمه وده معلى صوتها شويه لكنه مش بينعر ولا حاجه وممكن متسمعوش أصلا تحت ال 120 كم
الفرامل فبالنسبه للمانيوال فهى فعلا حلوه بس على شرط متزحفش العربيه لأنك إذا زحفتها بحس إنها مش بتقف كويس وبتفضل ماشيه على الرغم من توقف العجل
وعامة العربيات الأوربى متلاقيش فيها عيوب من دى نهائيا لكنها مكلفه فى صيانتها وممكن تكون أكثر أعطالا من اليايانى
لكن إنت لو جبت مثلا 207 أو c 3 رينو كليو حتى مش ممكن تشتكى من ثبات ولا من فرامل ولا من جودة خامات لكن دور بقى على الصيانه وشوف حتدفع كام مع شوية توكيلات (اللهم إنى صايم )
أنا العيب اللى أنا شايفه فى الياريس وبجد هو مراية الصالون فقط ممكن تسبب لك نقطه عمياء كبيره أمامك خاصة عند السير فى زحام ووجود مشاه ممكن متشوفهومش من المرايه

[sa3dawy]

يا محمد باشا انا واحد صاحبى معاه 307 وخلانى اسوقها من كام يوم كده والعربية صحيح ممتاازة وشكلها تحفة وفيها اوبشنز كتير...لكن الباور تقير والفتيس المانوال بتاعها خشن دا غير الثبااات الذى لايختلف كليا عن ثباات الياريس...على فكرة العربية دى هو جايبها من سنة وشهرين ودلوقتى ساعات بتفصل منه ومتدورش تاانى....العربياات الاوروبى مش احسن من اليابانى ولا حاجة....وتويوتا متقلش عن مرسيدس وبى ام دبليو ..طبعا انا قصدى على الكزس الى هيا تويوتا برده.....