عيــــــــــــوب الياريس

[محمد ابراهيم 1]

يا سعداوى باشا يا حبيبى صباحك شريف
أى باور جنب باور الياريس فهو تقيل جدا ما عدا الرينو ميجان
ثانيا أنا مش نتفق معاك فى مسألة الثبات دى
أنا كنت ماشى بال 307 بسرعة 210 كم والعربيه مكلبشه فى الأرض
فمش عارف مسألة الثبات دى عمرى ما سمعت حد إشتكى من ثبات عربيه بيجو بكافة موديلاتها
وبالنسبه لكونها بتفصل ومش بتدور فأنا متفق معاك إن الأوربى بيحصل فيه أعطال كهربائيه كتير

[hazem_khidr]

بسم الله أولا أنا عامل باليارس 34000 يعني حكمي إلا حدما كويس
و بما إنا بنتكلم على العيوب فقط :
1- الثبات العيب الأكبر و الاعظم ثبان اليارس متوسط إلا سيء بعد120 -140
2-عداد الحرارة عيب ضعيف بس موجود
3- خامة التابلوه ( و ليس شكل)
أما بالنسبة للعفشة و صوت المحرك و الفرامل ده تهريج أنا عندي العربية من سنتين و كام شهر

كلام محمد مضبوط فعلا فعلا.
العربيه فعلا ممتازه علي قد فلوسها و افضل ما يمكن شراؤه بالتمن دا

[KiNgMaX]

يا جماعة عشان الموضوع ميتفهمش غلط
انا لما اتكلمت كنت بتكلم فى موضوع اسمه عيوب الياريس
يعنى العيوب اللى انا فى الحالة دى مش بقارنها بحد
يعنى انا مش بنصح فيها بعربية تانية فى نفس الفئة يعنى العيوب دى عيوب فئة باكملها
يعنى محدش ياخد كلامى ويقولى لانسر احسن لا فى العيوب الى انا بتكلم فيها كل العربيات اللى فى الفئة دى كده
يعنى انا لما قولت نفسى اغير لما هغير مش هغير لحاجة اقل من اوكتافيا a5 او لانسر ex او ميجان على مل انهم يكونو احسن
يعنى انا مقولتش لانسر ولا فيرنا ولا العربيات التعبانة الى فى الفئة دى
يعنى لو عايزين ميزات للياريس عن اخواتها هكتب من هنا للصبح
( احسن وكيل واحسن اعتمادية عمرها مابتعمل اى مشاكل احسن استهلاك احسن ارتفاع عن الارض خامات معقولة افضل كماليات امان فى فئتها شكل شيك وسع ممتاز )ولو عايزين تانى فى
انا دلوقتى بدعى على الحكومة الى حددتنا بفئة معفنة من العربيات يعنى الى حصل انى اتصدمت انى دفعت مبلع كنت متوقع انو يدينى عربية بجودة عالية لقيتها عادية
يعنى مش معنى انى قولت العيوب دى انى بقول للناس روحو اشترو لانسر لا كله محصل بعضه واللى انا متاكد منه ان الياريس احسن من الانسر
معلش انا إذا كنت كعبلت الدنيا بس للحديث بقية إن شاء الله

[abo samra]

احب اضيف رايىء فى الموضوع
بالنسبه للياريس عربيه جميله جدا وبالنسبه للعيوب انا شايف ان عيبها الوحيد الثبات ولكن مقابل ده راحه
بالنسبه للفرامل والصوت العالى للمتور الكلام ده مش مضبوط الياريس صوتها بيبقى عالى فعلا على السرعات العاليه لان موتورها 1300 ولكن سلاسينته ممتازه عند المقارنه باللانسر
انا سمعت راىء احد الاعضاء عن الياريس ان اللانسر التى يمتلكها انعم وصوت موتورها انعمالكلام ده خاطىء 100 فى 100 اللانسر مش مصنوعه للراحه او الهدوء نهائى
بالنسبه للزميل سعدواى حضرتك تكلمت عن ثبات الكورولا الخليجى والبيجو 307 ان ثباتهم مش كويس ......ان مدرك ان الكورولا الخليجى ثباتها اقل من الجنوب افريقى اللى معايى ولكن اعتقد مش الفرق الجبار او الشاسع يعنى والكورولا اللى معايا ما شاء الله ثباتها ممتاز لسه جايب 180 بيها من ساعه على الدائرى بين طريق السويس والسلام ومكنتش بشد بيها جامد وماشى براحتى وثباتها ما شاء الله ممتاز وبتجمع سرعات عاليه افضل من اللانسر 1600 خليجى اللى كانت معايا
البيجو 307 عربيه ممتازه فى الثبات وليها تقل اوربى على الطريق

[Sherif Khalifa]

شوفتلها حادثتين على الدائرى
حسيت ان العربية ضعيقة جدا

الاولى ميكروباص داخل فى يارس من ورا الميكروباص اتكسر فية فانوس و شوية اعوجاج فى وش العربية, الياريس مفيش شنطة خالص

الثاتية بنت كانت بتاخد ملف بس بسرعة شوية العربية عرضت منها و خبطت فى الرصيف فالمقص الخلفى اتكسر و العربية اتقلبت !!! على ظهرها بس الحمد لله البنت طلعت كويسة

انا عارف ان الحوادث ملهاش كبير فى العربيات بس المنظر كان صعب شوية

[tantu]

السلامم عليكم انا جديد علي المنتدي ويارب اكون خفيف عليكو العربيه كويسه

[amrnader]

يا جماعة عشان الموضوع ميتفهمش غلط
انا لما اتكلمت كنت بتكلم فى موضوع اسمه عيوب الياريس
يعنى العيوب اللى انا فى الحالة دى مش بقارنها بحد
يعنى انا مش بنصح فيها بعربية تانية فى نفس الفئة يعنى العيوب دى عيوب فئة باكملها
يعنى محدش ياخد كلامى ويقولى لانسر احسن لا فى العيوب الى انا بتكلم فيها كل العربيات اللى فى الفئة دى كده

الله ينور عليك، انا من كتر المديح اللى سمعته فى الياريس كنت متوقع لما اركبها انها هتكون عربية وهمية، وده سبب انى اتصدمت فيها جامد، لانى لقيتها عربية جدا جدا زى كل العربيات اللى فى نفس الفئة السعرية،

انا مش عاجبنى العزل فى اللانسر بس لاقيت فى الياريس نفس الكلام، برضه موضوع الراحة و الثبات، لا حسيت بالثبات الضايع و لا الراحة التامة، كله عادى عادى.

صوت الموتور بيوصلك و انت قافل الشبابيك، برضه عادى فى الفئة دية.

المشكلة ان الناس بتبالغ اوى فتحسسك ان الياريس دية بقت ليكزس و بتركن لوحدها و هتقعد مش هتسمع الهوا و تبص على العدادات لحسن هتطير من فوق الارض و انت مش دريان.

من الاخر، عربية عادية جدا، و الصراحة اللى بيفكر فيها انصحه يبص بصة على الهوندا سيتى، احسن من الياريس بمراحل، بس شكلها مش مقبول لكل الناس.

[Sharky]

انا لما جربت الياريس، حسيت انه صوت الموتور مسموع جدا حتى مع قفل الزجاج و التكييف، و الموتور بينعر لما عدد اللفات تزيد، بس على السلانسيه ملهوش صوت زى اى عربية تانية

مع إحترامى لكلام حضرتك الياريس من أكتر العربيات إللى عزلها حلو فى فئتها و أى عربية لما تيجى تقرص على العربية لازم تسمع صوت الموتور لكن زى ما إنت قولت الياريس تتميز بعدم وجود صوت للموتور فى السلانسية و دى ميزة مش حتلاقيها فى بقية فئتها

انا شايف ان حضرتك قرفان من العربية بزيادة شوية، انا لما جربت الياريس كان كل اللى فى دماغى انى بقارنها بالانسر البومة و اشوف الشعر اللى الناس بتقوله فى الياريس، و استغربت جدا لما لقيت ان اللانسر افضل منها فى معظم الحاجات، عزلها زى الانسر و تكيفها اضعف بمراحل من اللانسر، و صوت الموتور بينعر بسرعة، و العفشة مش حرير و لا حاجة، و التابلوه اى كلام، بتاع الانسر برقبتها، كفاية ان فى الانسر تحس انه التابلوه و الابواب مكسية جلد.
لكن ارجع و اقول هى كويسة مش وحشة اوى و لا حلوة اوى، و اللى بيعشق اسم تويوتا و مهووس بيها يجيبها و مش هيزعل.

أولا أنا كان معايا لانسر فعارف كويس اللانسر
1- الياريس عزلها أفضل كثيرا من اللانسر.
2-تكييف الياريس أفضل من تكييف اللانسر 1300 سى سى
3- سحب الياريس مع التكييف أفضل كثيرا من سحب اللانسر 1300 مع التكييف.
4-صوت العربيتين بيبقى عالى عند القرص بالعربية.
5-أبواب الياريس مكسية قماش و التابلوه مطلى بالكروم الفضى و دا مش موجود فى اللانسر.
6- الياريس تتكيز بنعومة الباور عن اللانسر بفارق كبير
7- إستهلاك بنزين الياريس أفضل من اللانسر
8- عفشة الياريس أنعم و أفضل من اللانسر و عن تجربة .
9- خلاصة الكلام من تجربة الإتنين الياريس أفضل و أريح و أنعم فى السواقة من اللانسر 1300
10- الياريس مش عربية خالية من العيوب لإن مافيش عرية خالية من العيوب لكن كعربية مدنية و فى فئتها و سعهرا تعتبر أفضل ما يكون

واللى انا متاكد منه ان الياريس احسن من الانسر
معلش انا إذا كنت كعبلت الدنيا بس للحديث بقية إن شاء الله

كلام مظبوط و دا من تجربتى للعربيتين

معلومة أخيرة الياريس فى الخليج عاملة إنتشار فظيع و أكثر كثيرا من مبيعات اللانسر

[amrnader]

1- الياريس عزلها أفضل كثيرا من الياريس.

المعلومة دية خطيرة جدا على فكرة :)

انا من تجربتى لقيت العزل مفيهوش فرق ملموس فعلا، صوت الموتور و صوت الكاوتش يضايقك و انت ماشى. و الاتنين مش عاجبنى العزل فيهم.

وبرضه نفس الكلام فى العفشة، محستش بفرق نهائى فى نعومة العفشة، الاتنين معقولين، لا هما مريحين اوى و لا ناشفين اوى.

[amrnader]

تكييف الياريس أفضل من تكييف اللانسر 1300 سى سى

أبواب الياريس مكسية قماش و التابلوه مطلى بالكروم الفضى و دا مش موجود فى اللانسر.

الياريس تتكيز بنعومة الباور عن اللانسر بفارق كبير

عفشة الياريس أنعم و أفضل من اللانسر و عن تجربة .

بالنسبة للصالون، انا شايف بتاع الانسر اقيم، بس هنقول مسألة اذواق و فيها خلاف

نقطة التكييف دية مفيهاش جدال الصراحة، الفرق كان واضح جدا لصالح الانسر، بس على فكرة انا عربيتى خليجى.

طبعا اكيد باور الياريس اقوى مفيش كلام لانه كهرباء، تكنولوجيا مختلفة.

فى النهاية، الهدف من الكلام ده كله ان اللى بيشترى يبقى عنده تخيل لمستوى الراحة و العزل و الهدوء اللى هيشوفه عشان بس ميتصدمش .

[Sharky]

المعلومة دية خطيرة جدا على فكرة :)

انا من تجربتى لقيت العزل مفيهوش فرق ملموس فعلا، صوت الموتور و صوت الكاوتش يضايقك و انت ماشى. و الاتنين مش عاجبنى العزل فيهم.

وبرضه نفس الكلام فى العفشة، محستش بفرق نهائى فى نعومة العفشة، الاتنين معقولين، لا هما مريحين اوى و لا ناشفين اوى.

حضرتك جربت العربية مرة واحدة لكن أنا أمتلكت الإتنين و أظن تجربتى أوقع :)

[amrnader]

حضرتك جربت العربية مرة واحدة لكن أنا أمتلكت الإتنين و أظن تجربتى أوقع :)

انا كونت الانطباع ده من اكتر من تجربة للعربية بالتأكيد، انت اعلم بيها مش هنختلف، لكن انا قلت اللى عرفته عشان اللى بيفكر يشترى يبقى واخد باله و سامع أراء الناس المختلفة و هو يحكم بنفسه.

[Sharky]

انا كونت الانطباع ده من اكتر من تجربة للعربية بالتأكيد، انت اعلم بيها مش هنختلف، لكن انا قلت اللى عرفته عشان اللى بيفكر يشترى يبقى واخد باله و سامع أراء الناس المختلفة و هو يحكم بنفسه.

بس أكيد التجربة غير إن العربية تبقى ملكك و بتجربها يوميا
أهل مكة أدرى بشعابها
و أظن بعد المميزات إللى قولتها الياريس بتتفوق :)

[amrnader]

بس أكيد التجربة غير إن العربية تبقى ملكك و بتجربها يوميا
أهل مكة أدرى بشعابها
و أظن بعد المميزات إللى قولتها الياريس بتتفوق :)

يا سيدى مش هنختلف، اركن الياريس على جنب دلوقتى، انا عايزك فى خدمة، مسألة العزل دية بتعمللى عقدة شوية، انت رجل الميجان فى المنتدى و عاجبك عزل الياريس، هل افهم من كدة ان الميجان عزلها مستواه قريب من الياريس (تبقى مأساة)، لأن الميجان هى كمان سمعت فيها شعر بس مجربتهاش!!

[Sharky]

يا سيدى مش هنختلف، اركن الياريس على جنب دلوقتى، انا عايزك فى خدمة، مسألة العزل دية بتعمللى عقدة شوية، انت رجل الميجان فى المنتدى و عاجبك عزل الياريس، هل افهم من كدة ان الميجان عزلها مستواه قريب من الياريس، لأن الميجان هى كمان سمعت فيها شعر بس مجربتهاش!!

الميجان عزلها أفضل من الياريس طبعا
و الياريس عزلها حلو و يعتبر الأفضل فى فئتها مش فى الأعلى منها

على فكرة مافيش عربية خالية من العيوب لكن المهم إيه هو مدى تأثير العيوب دى و مدى تكيف مالك العربية على العيوب دى