تحذير: الهوا يتلاعب بالياريس

[sa3dawy]

بعيدا عن اي حاجه... معرفش... بس المشرف رد

ممكن نرجع قريبا بقى و ترد عليا؟

يا احمد باشا ..

الامبريزا انا معاك اثبت من الياريس طبعا...مفيش كلام..
واصلا اثبت من الكورولا والالنترا والمازدا وبقية الشلة المعروفة..

لكن طبعا ..السيفيك مثلا...ثباتها اكيد ممتاز ..وقريب جدا..
الجولف ايضا..ثباتها حكاية....

بس الفكرة ان انا مش مع المبالغة فى وصف ثبات العربيات دى..
وايضا انا شايف ان فى تجنى واعتقاد خاطىء حول ثبات الياريس..

الياريس صحيح ثباتها مش قد كده..لكن مش ضايع زى الفيرنا والافيو...لا ابدا

الياريس تتقارن فى الثبات..بالانسر البوما..وباالكورولا الشكل الى فات...وبعتقد انها ممكن تكون افضل من دول او زيهم على الاقل..

بس هو دا الى اقصده...

بس ازاى بقى الامبريزا اثبت من الفئة الثالثة؟؟
معقولة دى..

انا صراحة..مسوقتش بى ام ولا الفئة الفخمة دى قبل كده..
بس يعنى البى ام ...بى ام ..
يعنى اوعى وشك

طب ايه رأيك..مين الاثبت فى دول..
الجولف والامبريزا والا السيفيك ؟؟؟

الثبات المفروض هلى ما اعتقد...اهم عوامل بتحدده ...وزن العربية..والعفشة او نظام التعليق عموما...ومقاسات الكاوتش...وطبعا شكل العربية واختراقها للهواء؟؟

هشوف كده الاوزان وشوية حوارات كده..
وراجعلك ...

[Ahmed Hassan]

يا احمد باشا ..

الامبريزا انا معاك اثبت من الياريس طبعا...مفيش كلام..
واصلا اثبت من الكورولا والالنترا والمازدا وبقية الشلة المعروفة..

لكن طبعا ..السيفيك مثلا...ثباتها اكيد ممتاز ..وقريب جدا..
الجولف ايضا..ثباتها حكاية....

بس الفكرة ان انا مش مع المبالغة فى وصف ثبات العربيات دى..
وايضا انا شايف ان فى تجنى واعتقاد خاطىء حول ثبات الياريس..

الياريس صحيح ثباتها مش قد كده..لكن مش ضايع زى الفيرنا والافيو...لا ابدا

الياريس تتقارن فى الثبات..بالانسر البوما..وباالكورولا الشكل الى فات...وبعتقد انها ممكن تكون افضل من دول او زيهم على الاقل..

بس هو دا الى اقصده...

بس ازاى بقى الامبريزا اثبت من الفئة الثالثة؟؟
معقولة دى..

انا صراحة..مسوقتش بى ام ولا الفئة الفخمة دى قبل كده..
بس يعنى البى ام ...بى ام ..
يعنى اوعى وشك :oc_sun1[1]:

طب ايه رأيك..مين الاثبت فى دول..
الجولف والامبريزا والا السيفيك ؟؟؟

الثبات المفروض هلى ما اعتقد...اهم عوامل بتحدده ...وزن العربية..والعفشة او نظام التعليق عموما...ومقاسات الكاوتش...وطبعا شكل العربية واختراقها للهواء؟؟

هشوف كده الاوزان وشوية حوارات كده..
وراجعلك ...

الامبريزا ثباتها اعلى من الجولف و السيفيك... ببساطه العفشه تحفه... بس الفرق الاكبر جاي من الدفع الرباعي. فاكر العربيات اللعبه بتاعت زمان اللي كان فيها غير الاربع عجلات دايره في نص العربيه من تحت بتخليها تلف حوالين نفسها؟ الامبريزا ببساطه في الملفات تحس انها بتلف حوالين محور في نص العربيه و سبب الاحساس ده ان مفيش عجل بيحدف في الملف لأن كل العجلات بتدفع للأمام فمفيش ازاحه جانبيه.
وزن اي عربيه مش مقياس للثبات بالعكس.. توجيه عربيه تقيله اصعب من توجيه عربيه خفيفه. الميزه للوزن التقيل هتكون في الطرق المستقيمه اللي فيها مطبات هوا.. لكن التوجيه الفيصل فيه مش الوزن ابدا.

عموما مستني مقارنتك.

[sa3dawy]

الامبريزا ثباتها اعلى من الجولف و السيفيك... ببساطه العفشه تحفه... بس الفرق الاكبر جاي من الدفع الرباعي. فاكر العربيات اللعبه بتاعت زمان اللي كان فيها غير الاربع عجلات دايره في نص العربيه من تحت بتخليها تلف حوالين نفسها؟ الامبريزا ببساطه في الملفات تحس انها بتلف حوالين محور في نص العربيه و سبب الاحساس ده ان مفيش عجل بيحدف في الملف لأن كل العجلات بتدفع للأمام فمفيش ازاحه جانبيه.
وزن اي عربيه مش مقياس للثبات بالعكس.. توجيه عربيه تقيله اصعب من توجيه عربيه خفيفه. الميزه للوزن التقيل هتكون في الطرق المستقيمه اللي فيها مطبات هوا.. لكن التوجيه الفيصل فيه مش الوزن ابدا.

عموما مستني مقارنتك.

هو صحيح يا احمد باشا..

موضوع الدفع الرباعى دا متفق عليه انه افضل فى الثبات..

يعنى انا اعتقد ان فى خلاف فى الموضوع دا بين صناع السيارات..

فى الى مؤمن بالدفع الامامى ..وفى الى مؤمن بالخلفى..

بس مع حضرتك بالمنطق كده والعقل..

اكيد لما يكون الاربع عجلات بيندفعوا مع بعض بنفس القوة...اكيد دا افضل من ناحية الثبات...بتهيألى كده يعنى..

بس كنت عاوز اسألك عن التسارع ...ظروفه ايه عندك؟؟
يعنى تقريبا من 0 الى 100 فى قد ايه؟؟

لا انا ملاحظ ان فى ناس بتشتكى من ان الموتور بتاع السوبارو صغير على العربية..وعلى موضوع الدفع الرباعى..؟؟

طب والعفشة والتعليق...هل يعتبر مريح بالنسبة لشخص بيبحث عن الراحة والانتخة..على عكس الى عاوز اداء رياضى طبعا...؟؟؟

[Ahmed Hassan]

هو صحيح يا احمد باشا..

موضوع الدفع الرباعى دا متفق عليه انه افضل فى الثبات..

يعنى انا اعتقد ان فى خلاف فى الموضوع دا بين صناع السيارات..

فى الى مؤمن بالدفع الامامى ..وفى الى مؤمن بالخلفى..

بس مع حضرتك بالمنطق كده والعقل..

اكيد لما يكون الاربع عجلات بيندفعوا مع بعض بنفس القوة...اكيد دا افضل من ناحية الثبات...بتهيألى كده يعنى..

بس كنت عاوز اسألك عن التسارع ...ظروفه ايه عندك؟؟
يعنى تقريبا من 0 الى 100 فى قد ايه؟؟

لا انا ملاحظ ان فى ناس بتشتكى من ان الموتور بتاع السوبارو صغير على العربية..وعلى موضوع الدفع الرباعى..؟؟

طب والعفشة والتعليق...هل يعتبر مريح بالنسبة لشخص بيبحث عن الراحة والانتخة..على عكس الى عاوز اداء رياضى طبعا...؟؟؟

التسارع مش قوي من الثبات... يعني في حدود 13.5 او 14 ثانيه. السرعه القصوى في نفس رينج العربيات اللي في الفئه دي (بتجيب معايا 195 كم/س). لشخص يبحث عن الراحة و الانتخه لا طبعا موديلات من 2003 الى 2007 عفشه ناشفه. من 2008 و انت طالع... سوبارو اتجهت لاتجاه (الانتخه) علشان ترضي شريحه اكبر من الزبائن و ان كان الثبات لا يزال عالي بس اقل من 2007

[Samir Elshahawy]

السلام عليكم اخواني الكرام...

كي نحسم الخلاف حول ثبات الياريس من عدمه و درجة هذا الثبات أضفت هذا الاستطلاع كي نتمكن من حصر الاعضاء الذين يشكون من الثبات أو يمدحون فيه

و شكرا لكم علي المشاركة

[buddha]

تويوتا هى عربية الموت
امان وتوازن (لا يوجد اطلاقا ) فى السرعات المرتفعة

المتسوبيشى ---------- اتزان على السرعات المرتفعة اعلى من 160 معقول جدا بس الفرامل (ض.ج)

النيسان -------------- اتزان على السرعات اعلى من 160 جيد بس العربية اصلا صالون مخصص للراحة يعنى تعليق العربية مرن لتوفير الراحة عكس متسوبيشى كما انها مرتفعة عن الارض فدة كلة ممكن يعمل مشاكل فى السرعات ما بعد 160 (عن تجربة) الفرامل ممتازة

هوندا---------- صممت خصيصا لتكون رياضية فتوقع منها الثبات الكلى
الفرامل ممتازة

[Ahmod]

هو الموضوع قديم عموما من 2009 بس مش عارف ايه اللى رفعه او خلاه يظهر في القسم !! ؟

انا قريت بعض صفحات الموضوع وفيه ردود لازم يترد عليها بصراحة !!

ياريس ايه اللى الهوا بيحركها على سرعة 100 وفرامل من سرعة 80 تخلي العربية تحدف !! ؟ وكمان الانوس بقت اثبت منها !!!!!!!

ايه يا جماعة هو انتو بتتكلمو على فيرنا ولا ايه ؟؟

ألف شكر لكل من شارك برد أو فكرة أو أقتراح , بس فعلا اللي حصل أمبارح ده أكد لي أن الياريس مش عربية سفر و لو سافرت بها لا تستطيع الجري أكثر من 120 كم/ساعة , بس هأعمل أيه حظي أني بسافر يوميا الي السويس و الطريق كله ملفات و مطالع مع تيارات هواء شديدة , لولا أني حفظت الطريق ده كان من الممكن أن يحدث مالا يحمد عقباه

عموما ثبت لي ان اللانوس برقبة الياريس في الطرق السريعة

معلش يا باشمهندس بس ان حضرتك تحط الانوس والياريس في جملة واحدة وكمان الانوس بقربتها !!

حضرتك كدة بتهزر

لا يافندم انا جربت اللانوس علي 160 كم/ساعة بنفس الطريق (القاهرة /السويس) صباحا و نفس الظروف و لكن في الحالة الثانية كانت الدنيا ليل و مطر غزير و كان من الصعب أقود أكثر من 100كم/ساعة و ألا كانت تلك القيادة تمثل تهور شديد و لكني بصراحة مع اللانوس بأكون أكثر أطمئنانا و لكن أيضا للأنصاف الياريس أكثر راحة و خاصة ظانها أوتوماتيك

سيدي الفاضل:
صعب أن تجد كل المميزات التي تتمناها في سيارة واحدة

يعني الانوس ثابتة لحد 160 !! والياريس من 100 بتعوم وعلى نفس الطريق !! ؟؟

No comment .....

في مرة كدة هكلم واحد زميلي معاه لانوس وابقى اطلع معاه على الطريق وتيجي تركب معايا عشان تشوف ايه اللى بيحصل في الانوس

"الياريس" عرضت مرة أخري كلاكيت ثاني مرة:
- الزمان: اليوم صباحا في حوالي الساعة الثامنة
- المكان: بعد الكيلو 4 و نص أما مستشفي الكهرباء
- السبب: فرملة قوية علي سرعة 80 كم/ساعة بسبب سيارة "أفيو" توقفت فجأة أمامي
- النتيجة: أنحراف بسيط للعربية و تعريضها جهة اليمين

و لا تعليق.........

هو فعلا لا تعليق !!

انا من تلت ايام بالظبط كنت على المحور ماشي على سرعة 150 كم !! في اقصى الشمال

خدت غرزة قطم بعرض حارات المحور كله من اقصى الشمال لاقصى اليمين واتفاجاءة بعربية راكنة في اليمين لقتها في وشي اول ماخدت اليمين

مسكت اخر الفرامل على 150!! وماحصلش التعريض والانحراف اللى حصل معاك وانت بتفرمل على 80 !!

ففعلا لا تعليق ....

للأسف بسبب ارتفاع العربية المبالغ فيه
امبارح صحيت على مكالمة صديق عزيز ليا فحواها " إلحقنى العربية اتدمرت "

وبعد الذهاب والمعاينة تبين الاتى :

عند محاولته تخطى سيارة من على اليمين فوجىء بسيارة متوفقة امامه راح راجع تانى شمال بسررررررررررررررررررررررر رررعة فما كان من الياريس الا انها عامت ومشيت بالورب وخدت العربية الواقفة وطااااااااااااااااااااااا اااااااخ وشكراا والكلام دا على طريق سريع يعنى اصلالالا ميجيش فى دماغ حد ان فى بنى ادم واقف على اليمين.

التلفيات : -

العربية الى كانت واقفة شاهين الرفرف اتفعص والعجلة اترحلت وشيست.

الياريس دمار كااااامل للجانب الايمن وصدر العربية ( طلعت على الرصيف ولفت 180 درجة ونزلت تانى ) وزيت الفتيس نزل ع الارض والعربية شيست.

نيجى بقى لمربط الفرس كان ماشى على كام ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

100 كيلو/ ساعة !!!!! ايوة مائة كيلو مش غلطة مطبعية وبشهادة جميع الحضور لو نفس الى حصل دا كان بالالنترا ولا لانسر كانت حتلم نفسها وترجع للحارة بسلام.


فانصيحة للى عايز يجرى باليارس (على اساس ان 100 دى جرى) يوطيهاااا شويتين ان شاء الله تحك فى كل المطبات بس تمسك نفسها شوية.

واسف لو كلامى مش مترتب بس انا اعصابى سايبة شوية من منظر العربية الى حاليا متسويش كيلو بصل وحزمتين جرجير.


اتمنى بكل قلبى الا يحدث هذا لاحد اخواتى فى المنتدى

معلش اسمحلي افسر لحضرتك السيناريو اللى حصل

زميلك اول مادخل الحارة اليمين وشاف العربية راكنة مع الخطة مسك اخر الفرامل

واثناء ماهو ضاغط على اخر الفرامل كسر الدركسيون شمال بقوة عشان يرجع حارته وهو ماسك الفرامل !!

تخيل فرملة قوية على سرعة 100 مع كسرة دركسيون ! ؟ لازم العربية تطلع من مسارها

حتى وان كان راكب اي عربية ثباتها اعلى مع الفرملة الجامدة وكسرة الدركسيون لازم تطلع من مسارها

طبعا لما طلعت من مسارها ماعرفش يتحكم فيها وكل اللى هو عامله انه ضاغط اخر الفرامل فلبس !!

انا حاسس اني لو كنت كملت قراءة ال 15 صفحة التانين كنت ممكن لاقي رد لواحد بيقول انه كان بياخد U-turn على سرعة 20 والعربية قلبت منه ولبس الرصيف !!!!

العربية ثباتها مش بالسوء ده ابدا مش عارف بتتكلمو في ايه ؟؟ !! اه انا قبل ماجنطت كانت احيانا تعوم بس ده كان نتيجة غرز وغرز شديدة على سرعات عالية ! وماكنتش بتعوم للدرجة اللى انا قرتها في بعض الردود

لكن انها على سرعة 100 الهوا يجبها يمين وشمال معلش يعني ده مش كلام يتقال على الياريس واللى حصل معاه كدة ده عنده مشكلة في عربيته مالهاش تفسير تاني

[Motaz.Habib]

معلش حضرتك انا معايا ياريس بقالى سنتين و بسافر بيها كتير العربية حلوة و وسعه و و و و و و كل اللى انت عايزة بس هتجى عند الثبات و اؤلك لأ و على سبيل المثال:
لو انا محمل فيها يعنى 4 فالعربية زى الفلل بجيب 180 على الصحراوى و مفيش اى حاجة تعالى بقى لو انا لوحدى او حد راكب جمبى و نكون فالشتا اكتر من 120 تلاقى العربية زى الصبونة بالظبط
انا الحاجة الوحيدة اللى هتخلينى ابيعها هى موضوع الثبات دة و الصراحة انا كنت بفكر فجنوط 16 و كوتشات لأقيت الموضوع هيخشلة فى 6 او 7 الاف جنية و مش اكيد هتبقى ثابتة و لا لأ بس عن اقتناع بردة مش هتبقى ثابتة

[Motaz.Habib]

معلش حضرتك انا معايا ياريس بقالى سنتين و بسافر بيها كتير العربية حلوة و وسعه و و و و و و كل اللى انت عايزة بس هتجى عند الثبات و اؤلك لأ و على سبيل المثال:
لو انا محمل فيها يعنى 4 فالعربية زى الفلل بجيب 180 على الصحراوى و مفيش اى حاجة تعالى بقى لو انا لوحدى او حد راكب جمبى و نكون فالشتا اكتر من 120 تلاقى العربية زى الصبونة بالظبط
انا الحاجة الوحيدة اللى هتخلينى ابيعها هى موضوع الثبات دة و الصراحة انا كنت بفكر فجنوط 16 و كوتشات لأقيت الموضوع هيخشلة فى 6 او 7 الاف جنية و مش اكيد هتبقى ثابتة و لا لأ بس عن اقتناع بردة مش هتبقى ثابتة

[mohsen_anwar]

الموضوع قديم .. بس مستفز أوي
لسة فيه ناس بتربط وزن العربية بثباتها
وناسيين ان فيه حاجة اسمها علم الايروديناميك
العلم اللي بيوظف حركة ومسارات الهواء
فاكرين العربية ال504 كانو بيسموها النعش الطائر
من كتر حوادثها بسبب عدم الثبات بسبب تصميمها الذي لا يراعي حركة الهواء برغم وزنها التقيل جدا
يا جماعة .. خبراء ديناميكية الهواء اللي خلو الطيارة بوزنها الهائل ده .. تطير
مش هيعرفو يخلو ياريس تثبت على الارض
انا بتكلم عن خبرة في العربيات عموما من حوالي 20 سنة وبالياباني خصوصا
اخوكم بدأ ب128 وبعدين ركبت ما لذ وطاب من الياباني في السعودية
ومن ضمنها الياريس
وسافرت بيها مسافات كبيرة تصل لأكتر من 1000 كم
العربية ثباتها جيد برغم صغر حجمها ووزنها لدرجة اني بمشي بيها 170 و180 لفترات طويلة متصلة قد تصل الي 3 ساعات واللي سافر الخليج عارف الطرق عاملة ازاي والسرعات شكلها ايه
مش زي مصر يادوب تلحق تجرب العداد هيجيب كام وبعدين تهدي تاني
العربية الياريس مميزة جدا وسعرها مقابل ما تقدمه لمالكها مميز جدا وثباتها بشكل عام جيد واللي يقول غير كدة
يستحملني وانا بقوله انت اللي مبتعرفش تسوق
معلش انا زي اخوك الكبير
شكرا

[mohsen_anwar]

نسيت اقول ان اكتر حاجة استفزتني موضوع اللانوس ده ...... يا رااااااااجل ... لانوس!!!!!!

[Motaz.Habib]

لا معلش يا اخويا الكبير العربية معايا بقلها سنتين و ثباتها زباله

[Y a r i s]

لا معلش يا اخويا الكبير العربية معايا بقلها سنتين و ثباتها زباله

ماهو لو حضرتك كده تشرفنا وتنورنا في مقابلات تويوتا .... وتحكلنا وتيشكلنا عن مشاكلك في التويوتا كنا بصينا وفحصنالك عربيتك وقارنا كفائتها بكفائة عربيتنا .... ماهي دي ميزة المقابلات. بنحط العربيات جمب بعض. وبنشوف خبرات بعض وبنشوف اي المشكلة الي عندك ومش عندي وايه الطبيعي للعربية وهي دي ميزة المقابلات الي بيعملها دكتور احمد وتلاقينا بنساعد بعض ... لان ممكن يكون عندك عيب في عربيتك ومش واخد بالك منوا وماشي عليه عادي وتحياتي

بس علشان تعرف اذا اليارس ثابته ولا لا جرب تسوق عربية لوجن او فيرنا او نيسان ولا حتى ماتريكس او لانوس وهتقدر تعرف الفرق .... وكل ماتحس. ان عربيتك وحشه. جرب سوق عربية اقل من عربيتك. هتلاقي نفسك ترجع تبووس رفرف عربيتك ( خدود عربيتك ) وهتبوس راس عربيتك ( سقف العربية ). هتبوسوا كده وانت بتعيط ودموعك بتنهمر ( دموع الندم ) وهتلاقي نفسك بتقولها حقك عليا يا عربيتي ظلمتك يا. ريوووسة. ظلمتك يا قمر

[alalfi]

بصراحة يا جماعة انا شايف ان موضوع عدم ثبات الياريس مبالغ فيه شوية بالرغم إني مشتريها من فترة مش بعيده ومجربتهاش كتير في السفر . لكني سافرت بيها مرتين وكنت جايب في كل مرة سواق والاتنين عمرهم ما ساقوا الياريس قبل كده . انا مبحبش السرعات العالية لكني سبتهم يجربوها ومشيوا على 180 كانت ثابته بس للامانة كنا 4 افراد . وللامانة انا كنت بحس بتعويمه لما كنا بنمشي على سرعة عالية جنب اتوبيس ولا نقل كبير .

رأيي ونصيحتي لكل اللي بيسافروا مهما كانت العربية اللي راكبينها بلاش السرعات العالية لانك لو حسبتها مش هتفرق معاك في كل 500 كم اكتر من ساعة .. يعني في ال 500 كم لو سعادتك ماشي معظم السكة على 180 هتقطعهم في حوالي 3 ساعات وشوية ولو على 130 حوالي 4 ساعات وشوية . وبكده تحافظ على نفسك وعلى اهلك وعلى عربيتك وتبقى عملت اللي عليك ولو حصل حاجة يبقى قدر الله وقضاؤه ومالكش فيه ذنب .

ربنا يسترها علينا ويكتبلنا السلامة .. اللهم آمين

[speed_magnum]

هى العربيه مش معفنه ولا حاجه هى الفئه دى كلها لازم تكون كدا بسبب خفة وزنها
اعرف واحد معاه اوبل كورسا 2005 هيتجنن من الهواء اللى بيخلى عربيته تتهز
شوف السوبارو لو وزنها معدى 1300 كجم يبقى كون متاكد من مقاومتها للهواء الجامده
اعتقد الفيكترا والجيتا معدين 1300 لان الاوكتافيا 1290 كجم

يا باشا الكورسا بتاعتي اثبت من الكورولا 2008 في نفس الظروف تماما وعن تجربه