Tweet
بصراحة موضوع الرياح القوية حسيته اول مرة أيام العواصف الترابية اليومين اللي فاتوا ... لما كنت بزود عن 80 كم/س كنت بحس فعلا ان العربية بتتحرك من مكانها ... (فيرنا)
-
-
Come on guys, lets face it , the YARIS is no more than a city low end car , a typical female car for going to a supermarket, goin to work ,etc....[SIGPIC][/SIGPIC]Comment
-
معلش سؤال:المشاركة الأصلية كتبت بواسطة SE_coralsea مشاهدة المشاركة
انت عربيتك فيها ABS ؟
أصل اللي انت بتحكيه ده ملوش دعوه تماما بأن العربيه خفيفه أو ان الهواء بيلعب بيها
واضح ان عندك مشكله في زوايا العجل أو في نظام الفرامل
أو الاسواء ان يكون المساعدين فيهم مشكلهComment
-
صاحبى الى عامت منه واتخبطت كان دايس فرامل وفيها ABS .المشاركة الأصلية كتبت بواسطة tamohsen مشاهدة المشاركة
هل كدة العربيتين محتاجين زوايا او المساعدين بايظين ؟؟؟ معتقدش.gif "Copy Of Majd(4)")
[CENTER]سبحان الله وبحمده سبحان الله العظيم
لا تظلمن إذا ما كنت مقتدرا --------- فالظلم يرجع عقباه الى الندم
تنام عينك والمظلوم منتبه --------- يدعو عليك وعين الله لم تنم
[/CENTER]Comment
-
ماهو ايه علاقه ان
واحد ماشي علي 100 وأخد غرزه غلط ومعرفش يرجع فيها
قام الموضوع هرب منه ولبس في عربيه راكنه
بأن العربيه خفيفه والهواء بيأثر عليها؟
دي حاجه ودي حاجه!!Comment
-
هو فعلا فيه مشكلة في الزوايا من يوم ما استلمت العربية و هي دي سبب الحدفة اللي حصلت , و عموما العربية دلوقتي في التوكيل علشان صيانة ال 10000 كم و بيكشفوا علي الفرامل و بيراجعوا الزوايا و كمان طلبت منهم أعادة ظبط الطارة الي المنتصفالمشاركة الأصلية كتبت بواسطة tamohsen مشاهدة المشاركة
علي فكرة العربية النهاردة و أنا طالع كوبري الفردوس العربيتين اللي قدامي "كيا" و "لانسر" وقفوا فجأة و أضطررت ادوس علي الفرامل الي الاخر و العربية وقفت بدون مشاكل
عموما أنا منتظر نتيجة الكشف بالتوكيل و أقولكم العيب كان فين بالظبط[SIGPIC][/SIGPIC]Comment
-
فعلا تم الكشف علي العربية و كانت النتيجة أن الحدفة دي بسبب خبطة جهة الشمال (مطب أو رصيف) اثرت علي المكان تثبيت المقص الشمال بالشاسيه و سببت ترحيل بسيط جدا و تم علاجه بعمل زرجينة و ظبط الزوايا و العربية دلوقتي زي الفل
بس علي فكرة انا وضحت لهم أن العربية أستلمتها كده و من يوم ما اخدتها ماحصلش اني أخدت بيها أي مطب علي سرعة عالية[SIGPIC][/SIGPIC]Comment
-
معلش قدر الله وماشاء فعل والحمد لله إنها مسببتش مشكله خطيره
إن شاء الله اداء العربيه يبقي احسن بعد كدهComment
-
طيب ياجماعه مع أحترامى لكل ملاك التويوتا حد يقدر يقول أن المشكله دى موجوده فى النيسان صنى ال1600سىسى لأن موضوع ثبات العربيه ده شىء مهم جدا بالنسبه لى وانا بحاول أخد قرار شراء ومحتار شويه علشان المبلغ اللى معايا يجيب نيسان صنى زيرو أو كرولا 1300 أستعمال خفيف حد يفدنا وجزاه الله خيراComment
-
موضوع شيق فعلا :)
أنا بس عاوز اقول حاجه ..... ان لو فيه رياح قويه يبقى العيب مش من اليارس ولا من اى نوع عربيه تانى
تقولكم تجربتى ...... انا مصرى باعمل بالسعوديه و ساكن فى الرياض و قررت انى اروح اعمل عمره فى مكه بالعربيه
معايا عربيه بيجو 307 موديل 2003 ماشيه 150000 كيلو هاتش باك و جنوط و كاوتش عريض و كله تمام الحمد لله
طبعا يا شباب المسافات الى بتتكلموا فيها فى مصر دى ولا حاجه بالنسبه للسعوديه من الرياض لمكه 850 كم
المهم و انا رايح كنت ماشى 150 الى 160 و اتصورت رادار مرتين و الطريق مساعد و العربيه مساعده و اخر حلاوه و اخدت الرحله تقريبا فى 7 ساعات مع الاستراحات
و انا راجع بقى هنا مربط الفرس ...... اول 150 كيلو برضه ماشى 150 الى 160 مفيش مشكله بعد كده لقيت العربيه بتعووووووووم جامد جدا و بتتنقل من حاره الى حاره لوحدها من غير ما احرك الدركسيون و كان معدل استهلاك البنزين 8 لتر ل 100 كيلو لقيته ارتفع الى 10 لتر ل 100 كيلو فطبعا نزلت السرعه الى 100 الى 110 فقط لاغير و مش قادر ازود عن كده علشان بتعوم و ده كان حوالى 300 كم بعد كده الهوا خف و رجعت للسرعه العاليه تانى 150 الى 160
تفتكروا ده عيب بيجو ولا يارس ولا اى ماركه ؟؟؟؟؟
طيب و انا ماشى حزين على 100 كم و متشعبط فى الدركسيون كانت بتعدى منى عربيات زى اللكزس و البى ام الفئات العاليه و تقريبا ماسيين على 200
بس شوف ابعاد ووزن عربيتهم و ابعاد ووزن عربيتى !!!؟؟؟
أعتقد ان موضوع الهوا و الرياح ده ياثر على اى نوع عربيه فى حجم اليارس او البيجو الهاتش باك
و ده رايى فى القضيه :)
و السلام ختامComment
-
بصراحه اول مرة واخر مرة ركبت فيها تويوتا كانت 2003 تقريبا كورولا وحصل الكلام دة ولا حسيت اني قادر اجيب بيها 120 بسبب العومان دة مع ان العربيه حالتها المفترض ممتازة وكنت فاكره عيب منها كانت عامله 80 الف كيلو تقريبا
وحاسس اني بتفطط يمين وشمال طول الوقت علي الطريق السريع طبعا مش بسيب حاره وادخل حاره بس مفيش اتزان او احساس بالامان بجد معرفش ليه رغم اني كنت معجب بيها علي الهادي داخل المدينة والباور بتاعها
نفس الطريق كان معايا لانسر سوبر اكشن كنت ماشي 140 وفاكر اني مجبتش ال80 وكنت مشغول في الكلام مع واحد صاحبي !![CENTER]سبحان الله وبحمده سبحان الله العظيم
-:: ياسلام لما كــان منتـدى سيـارات ::-
. . . . A l o n e . . . . [/CENTER]Comment
-
طبعا شكرا علي مشاركتك معانا فعلا كل ما العربية بقت خفيفة كل ماظهر فيها العيب ده ضيف علي كده بقي في الياريس أن العربية عالية كمانالمشاركة الأصلية كتبت بواسطة hany_c_v مشاهدة المشاركة
عموما الحمد لله ان الطرق عندنا في مصر لاتسمح بسرعة أكثر من 100 كم/ساعة و لو جبت 120 يبقي تبوس أيدك شعر و دقن علي رأي اللمبي[SIGPIC][/SIGPIC]Comment
-
يا جماعة بجد فى مبالغة وتجنى على الكورولا والياريس..
انا الياريس معايا لحد 150 زى الفل...
والكورولا برده انا فاكر ان انا خدت بيها طريق طنطا اسكندرية واغلب الطريق السرعة كانت بين 160 ل 180...ومكنش فيه مشاكل ولاحاجة...
الثبات متوسط يعنى ومعقول...لكن مش للدرجة دى...[CENTER][SIZE="4"][B][CENTER][SIGPIC][/SIGPIC][/CENTER]
My lil Baby xD [/B][/SIZE][/CENTER]Comment
-
الياريس عالية عن الارض عشان كدة بتلعب حاول تعرض العجل اكبر حاجة مستاطعةالمشاركة الأصلية كتبت بواسطة ahmed _abo samra مشاهدة المشاركة
ثانيا يا جدعان اوكتافيا ايييية ال 1290 !!!!!!!!!!!! دى الفرنا 1190
عايزين تفهمونى ان الفرق بين الاوكتافيا و الفيرنا 100 كيلو بس
الاوكتافيا فوق ال1500 كيلو مستريح لان السيينا 1450 كيلو مكتوب ع الكبوت !!!!!!!!!!!!!!!
و الانسر 1190
و كلة بيلعب ع الطريق متفتكرش ان فى عربية مكلبشة لكن اكترهم ثبات و عن تجربة ال اوكتافيتاa4
و ال 318اللى حيضيع بلدنا : الفهلوة و كلمة باشا و معلش و أصل
[SIGPIC][/SIGPIC]Comment
-
وياجماعة انا مش فاهم اذاى واحد يقولك العربية ثابتة لحد 185 !! يعنى 190 مثلا حيحصل لها اية !!!!
مفيش حاجة اسمها عربية ثابتة لحد 190 و 200 فى حاجة اسمها طريق مساعد مرصوف حلو مفيش مطبات هوائية و كدة
الحاجات دى اللى تثبت العربية
مثال:
بالفيرنا ع طريق السخنة ماشى200 و سايب الدركسيون و العربية ماشاء الله ذى الفل
معنى كدة الفيرنا ثابتة ههههههه
بنفس عربيتى راجع من مطروح و عند منطقة راس الحكمة ماشى 140 و العربية تحس انك فى دريم بارك !! عشان الطريق زبالة
فمحدش يقول عربيتى ثابتة ع 190 !!!
و اللى حصل قدامى اكدلى الكلام دة انا كنت ماشى طول الطريق ورا 750il
فاهمين يعنى اية BMW 750IL و ماشيين 170 او 180 و سايب انا بينى بينة مسافة كبييييييييييييييرة عشان الحق نفسى لو حصل حاجة لقدر الله .... فجأة عربيتة اترزعت فى الارض و راحت من اقصى الشمال للمنتصف ثم لمها تانى للشمال ... طبعا انا هديت لحد 90 كدة و عديت على نفس المنطقة مطب هوائى و سلمة فى الاسفلت!!!
تفتكروا بعد الكلام دة عربية ثابتة و عربية عايمة!!!
الفكرة انك تكون اقعد مطمن فى العربية و حاسس انك مالكها مش هى اللى مالكاك
اللى حيضيع بلدنا : الفهلوة و كلمة باشا و معلش و أصل
[SIGPIC][/SIGPIC]Comment
Comment