حجزت السيريون 1300 gl اتوماتيك

[aliabutaleb]

متألق يا ابو حمزه ككل مداخلاتك
طب خليك انت مكاني
سيريون 1300 ب فول اوبشن85000
يارس 1300 ب هاف اوبشن96000
انا مش فارق معايا الشنطه خالص
و لسه متجوز يعنى مش اقل من 6 سنين لما احتاج مكان للشنطه بتاعة العيال
اجيب ايه
معلش انا عارف ان التردد وحش - بس انا هادفع كتير
اه على فكره انا هاجيب قسط يعنى الفرق مش كبير جوا القسط

مانا كنت باختار زيك كدة
بس أنا لو منك ومعايا فرق الفلوس مع الياريس الأوتوماتيك ومش مهمة عندي فرق الأوبشنز هاجيب الياريس.
وعلى فكرة الشنطة هاتحتاجها قريب ان شاء الله لما ترزق بأول مولود وتضطر تبقى حاطط العربية بتاعته في الشنطة على طول :)
متنساش الاستخارة ضرورية جداً وإن شاء الله ربنا يرزقك الخير كله.

[GMakram]

متألق يا ابو حمزه ككل مداخلاتك
طب خليك انت مكاني
سيريون 1300 ب فول اوبشن85000
يارس 1300 ب هاف اوبشن96000
انا مش فارق معايا الشنطه خالص
و لسه متجوز يعنى مش اقل من 6 سنين لما احتاج مكان للشنطه بتاعة العيال
اجيب ايه
معلش انا عارف ان التردد وحش - بس انا هادفع كتير
اه على فكره انا هاجيب قسط يعنى الفرق مش كبير جوا القسط

انا فكرت فى العربيتين دول قبل ماشترى وكان الفيصل هو انت عايز اتوماتيك ولا مانيوال طلما اى حاجه تانى مش هتفرق معاك

[rockana]

انا فكرت فى العربيتين دول قبل ماشترى وكان الفيصل هو انت عايز اتوماتيك ولا مانيوال طلما اى حاجه تانى مش هتفرق معاك

يا gourge الاتنين اوتوماتيك
ماهوا دا اللى مجنني
قسطل السيريون 750 على 3 سنين
قسط اليارس 750 على 50 سنين
اجيب ايه يا ابو حمزه
هاشد فى شعري
المفروض يوم الاتنين القادم اكون مستلم العربيه يا السيريون يا اليارس اجيب ايه
طب اليارس فيها مشكله مش موجوده فى السيريون فا انفض لليارس ؟؟
وكيل وحش- قطع غيار اغلى - اي ابن لازينه يخلينى اشيلها من دماغي !!!!؟؟؟

[rockana]

فيه حاجه غريبه ممكن حد يرد عليا فيها
اليارس 92 حصان
السيريون 91 حصان ؟؟!!!
هل الكلام ده صح ولا لأ - لو دا صح يبقى السيريون احسن لان جسمها اخف فا التسارع هايكون احسن ؟؟؟

[GMakram]

يا gourge الاتنين اوتوماتيك
ماهوا دا اللى مجنني
قسطل السيريون 750 على 3 سنين
قسط اليارس 750 على 50 سنين
اجيب ايه يا ابو حمزه
هاشد فى شعري
المفروض يوم الاتنين القادم اكون مستلم العربيه يا السيريون يا اليارس اجيب ايه
طب اليارس فيها مشكله مش موجوده فى السيريون فا انفض لليارس ؟؟
وكيل وحش- قطع غيار اغلى - اي ابن لازينه يخلينى اشيلها من دماغي !!!!؟؟؟

انا اسف فاكرك بتقارن بين السيريون اوتو والياريس مانيوال
بص هقوللك حاجه,انا معايا السيريون اوتوماتيك وليا صاحبى معاه الياريس اوتو وانا ركبت عربيتى وركبت عربيته,من جوا العربيتين الفوارق تقريبا لا تذكر لكن لما سافرنا هو كان سحبه على الطريق احسن منى جدا مع انه كان معاه 3 فى عربيته اوزان وانا كان معايا 2 اوزان برضو غير الشنط عنده وعندى,فى نقطه تانيه هو ديما بيقوللى ان عربيتى موفره فى البنزين عن عربيته بس انا معرفش مدى صحه المعلومه دى بصراحه,اللى عايز اقوله من الاخر السيريون والياريس اولاد عم فى انهم يابانى اذا مكانوش اخوات لكن لو تقدر تجيب الياريس هاتها من غير تفكير بسبب ميزه الشنطه وعندى ملحوظه اخيره(اختيار موفق جدا انك عايز تجيب 1300 مش 1600 زى معظم الناس دلوقتى)

[rockana]

اللى عايز اقوله من الاخر السيريون والياريس اولاد عم فى انهم يابانى اذا مكانوش اخوات لكن لو تقدر تجيب الياريس هاتها من غير تفكير بسبب ميزه الشنطه وعندى ملحوظه اخيره(اختيار موفق جدا انك عايز تجيب 1300 مش 1600 زى معظم الناس دلوقتى)

ما هو دا اللى انا كنت حاسس بيه
بالرغم من كوني حاسس كمان ان السيريون اوسع من اليارس من جوه
و كمان فى حركه مش كويسه بتحصل معايا
المعرض عاوز يبعلى اليارس ب 99000 لانها مبقتش موجوده فا انا هاصرف نظر
لان فرق 14000 كتير اوي على فرق الشنطه
دانا اشتري 128 احط فيها الشنط ارخص و كمان اليارس 92 حصان و السيريون 91 يعنى الفرق مش جامد

[bmya]

بص ياباشا فرق الياريس عن السيريون هو الشنطه وان دي تيوتا ودي دايهاتسو مع العلم تويتا شاريه دايهاتسو تمام
السيريون 1300 توين كام 91 حصان هاتش باك وزنها 950 كيلو تقريبا
الياريس 1300 92 تقريبا توين كام برده وزنها 1045 تقريبا في فرق 100 كيلو يعني العربيتين خفاف والحصان ده مش هيفرق عادي
العربيتيت حلوين جدا في الجري والنعومه
الياريس شكلها مش استابل خالص وهي فعلا خفيفه مع واحد صحبي وعاليه عن الارض ودي ميزه بس مش حلوه في الجري خصوصا لو فيه هواء جامد والسيريون برده خفيفه بس شكلها تحس انها عريضه كده وده عشان الرفارف والاكصدام منفخين
نيجي للسعر سيريون كامله اتوماتيك سبورت تقريبا ب 85 او 86
ياريس اتوماتيك بس 96 تقريبا 10000 فرق عشان ايه بقه عشان الشنطه بس
يبقي حضرتك هتحسم الامربانك هتبص دلوقتي حضرتك محتاج الشنطه يعني معاك عيله كبيره وكده يبقي تجيب الياريس لو لانسر 1300 او اي حاجه بشنطه
لكن حضرتتك بتقول لسه متزوج وربنا يكرمك باطفال برده هتلاقي السيريون هتسد معاك السيريون حلوه اوي والله
بالنسبه لجورج باشا حضرتك ياباشا لما تيجي تشد مع حد وعايز تعلم عليه بجد متشد معاه علي الd خالص الا لو عربيه تعبانه يعني اقل منك
وانا عن نفسي لسه معلم علي صديقي الصدوق ومعه كيا سيراتو لحد ال120 ومشينا مع بعض وطلع مني 140 وكنت ماشي وراه مع العلم هو 1600 وانا 1300 وبقه مش مصدق وكان فاكرانه هيطلع مني من الاول فمتشدش علي الd خالصصصصصصصص
الاتو علي فكره ممكن يطلع كل قوته برده بس دي عايزه الخبره مع الفتيس الاتوماتيك

روكانا باشا يزي ما قلتلك بقه شوف انت بقه السيريون عيبها الشنطه الصغيره فقط(مع العلم ده مش عيب لانها هاتش باك ) واللي جايبها عارف انها هاتش باك فما يقولش ده عيب فيها
بالنسبه لعيب الصوت هو عندي اينعم بس صوت مش عالي يعني يعتبر خفيف ومش بيبان غير لو ماشي في طرق مكسره اوي وعلي فكره مش مأثر في اي حاجه خالص في الدركسيون ولا الثبات والا بيحدق ولا حاجه هو مجرد صوت خربطه كده ومش عالي ده عندي لول مشغل الكاسيت ومش مركز مش هتاخود بالك منه اصلا وانا عامل 16300 حاليا والصوت زي ماهو من يوم ما جيبت العربيه في شهر 6 2008 مازدش ولا نقص
وان شاء الله اي استفسار كلنا معاك

[rockana]

عزيزي باميا
انجزت و اوجزت
شكرا جزيلا
نتقابل كلنا ان شاء الله

[madoo]

يارب مايكونش ذاكرتى خانتنى .....مش انت اللى كنت باعتلى رساله على الخاص كنت بتسأل على الماتيريا ...على العموم انت ولا لا الف مبروك والعربيتن بجد اختيار هايل وان شاء الله ربنا يديك خيرها ويكفيك شرها

[bmya]

ربنا يوفقك للي فيه الخير ياباشا علي فكرهانا
اخوك شريف

[rockana]

يارب مايكونش ذاكرتى خانتنى .....مش انت اللى كنت باعتلى رساله على الخاص كنت بتسأل على الماتيريا ...على العموم انت ولا لا الف مبروك والعربيتن بجد اختيار هايل وان شاء الله ربنا يديك خيرها ويكفيك شرها

اه يا مادو انا روكانا اللى كنت سألتك على الماتيريا
على فكره هى لسه فى قلبى و عقلي "الماتيريا" بس للاسف موضوع الفلوس قصر معايا شويه - علشان كدا اتعلقت بالسيريون كا اقرب شكل للماتيريا

ههههه من غير زعل ال background عندي على اللاب توب هي صوره ماتيريا بعد ال crash test متدمره من الامام
علشان العربيه دي اثرت فى نفسيتي كتير
ياللا كل واحد بياخد رزقه

[rockana]

اخي العزيز شريف
انا اتشرفت بمعرفتك - بس انا ماكنتش عارف اسمك الحقيقي
اخوك محمود

[GMakram]

بالنسبه لجورج باشا حضرتك ياباشا لما تيجي تشد مع حد وعايز تعلم عليه بجد متشد معاه علي الd خالص الا لو عربيه تعبانه يعني اقل منك
وانا عن نفسي لسه معلم علي صديقي الصدوق ومعه كيا سيراتو لحد ال120 ومشينا مع بعض وطلع مني 140 وكنت ماشي وراه مع العلم هو 1600 وانا 1300 وبقه مش مصدق وكان فاكرانه هيطلع مني من الاول فمتشدش علي الd خالصصصصصصصص
الاتو علي فكره ممكن يطلع كل قوته برده بس دي عايزه الخبره مع الفتيس الاتوماتيك

اخى العزيز شريف
اولا شكرا على اهتمامك بالرد على كلامى بس انا عايز اوضح حاجه ومن غير تريقه:) بالنسبه لصاحبى اللى كنت بتكلم عليه انا مكنتش بشد معاه او عايز اعلم عليه انا اصلا ماليش فى موضوع الشد ده خالص ولا بعرف اشد وبالعافيه ممكن كل كم شهر تطلع فى دماغى كدا وانا سايق اجرى شويه واخدلى غرزه على قدى كدا
بس ده ميمنعش انى بحب اعرف كل حاجه فلو ممكن تقولى موضوع انى ازاى المفروض لو حبيت اشد ده ميكنش على الd لانى احيانا بحب اطلع من حد سواء عربيه نقل او ما شبه وكمان لانى معنديش خبره فى التعامل مع الاوتوماتيك اوى فلو ممكن تقولى بعض المعلومات فى السريع كدا وشكرا على توضيح المعلومه مقدما

[GMakram]

ده بعد اذن صاحب الموضوع طبعا

[rockana]

يا جورج انا معك فى السؤال قلبا و قالبا
لانى كان معايا 131 1600 الماني كنت بعرف افك من اي حد على الطريق
وماليش تعامل مع الاتوماتيك خالص
انا مستني الحصه الاولى يا شريف