حجزت السيريون 1300 gl اتوماتيك

[rockana]

شريف بعد اذنك طبعا
دا موضوع انت كنت عامله عن غيارات الاتوماتيك
انا جبته هنا علشان الاستفاده

http://www.nilemotors.net/Nile/54459-a.html

شكرا بجد

[bmya]

ياباشا تحت امرك طبعا وانا كنت عامله في قسم ايابانيالعام نظرا لانه يشتمل علي 3 انواع من السيارات الياباني مش السيريون بس
وعموا طبعا مفيش مشكله

[bmya]

طبعا يا محمود لو فيه استفسار تاني بعد ما قرأت الموضوع تحت امرك برده ان شاء الله

[rockana]

تسلملي شريف باشا
دعواتكم
هاستلم يوم الاتنين ان شاء الله

[bmya]

ربنا يكرمك ياباشا ومبروك مقدما وطمنا عليك اول ما تستلم

[medo_sirion]

ربنا يكرمك ياباشا ومبروك مقدما وطمنا عليك اول ما تستلم

خلاص ياعم هنرشح مشرق القسم

[bmya]

ههههههههههههه بس المرتب كاااام ؟

[medo_sirion]

لا هما بيدفعوا فلوس من جبهم

[Youssef.Awad]

يا أخ محمود روكانا راجع نفسك تانى


1. من رأيى ان السيريون عربية مش بتاعت مشاوير طويلة ولا سفر وإجهاد يومى وجسمها مكعبر كده
يعنى من الاخر عاوزة مشاوير قصيرة جوة البلد
وكمان لسه اعطالها ما ظهرتش وهل فعلا قطع غيارها معمرة زى تويوتا ولا لأ خصوصا انها مش رخيصة زى الكورى؟
ياريت حد يقولنا على اسعار قطع الغيار الاساسية لأن اغلب العربيات المباعة منها موديلات حديثة لم تظهر بعد كفاءتها وكمان هاتجيب اتوماتيك يعنى مشاكله مكلفة وتستلزم تغيير كلى للفتيس لا قدر الله


2. التويوتا ياريس أحسن من السيريون لو بتدور على سعر اعادة البيع خاصة انك كده كده بعد 5 سنين على الاكثر هاتحتاج تغير لظروف العائلة وساعتها تكون خلصت الاقساط ومحتاج تمسك فى ايديك مبلغ محترم تجيب بيه عربية تانية مستعملة او مقدم زيرو تانية ان شاء الله
افتكر ان السيريون مش هايكون سعر اعادة البيع بتاعها يستاهل زى ما تكون ياريس ولا لانسر بوما


3. عن نفسى أتمنى لك كل الخير والتوفيق فى اختيارك بس الواحد بيحسبها كصفقة كاملة مش شكل وكماليات وامكانيات وقطع غيار ومصاريف صيانة وبس
يعنى افتكر ان فيه عربيات كتير فى نفس الفئة السعرية بتاعت السيريون وتستحق زى البروتون جين2 وبيرسونا ولا الهيونداى نيو اكسنت ولا حتى الماتريكس لو بتحب الهاتشباك الكبيرة وكده كده انت بتقول مش هاتفرق فى القسط غير فى السنين بس
فالأفضل تجيب عربية تفرح بيها يومين ولما تحب تبيع ما تجيبش ثمنها ولا تجيب عربية تانية اغلى حاجة بسيطة ومتجربة ومضمونة وتجيب ثمن كويس لما تحب تبيع


4. بالرغم من ان دايهاتسوا تابعة لتويوتا بس توكيل دايهاتسوا فى مصر غير مستقر ولسه يعتبر جديد وكمان الموديلات القديمة منها دلوقت حالاتها متبهدلة واسعارها فى الارض
بصراحة انا مش عاوز أبوظ عليك فرحتك بس احسبها تانى كده بينك وبين نفسك وخد قرارك الاخير

[Youssef.Awad]

سؤال محتاج الرد عليه؟
ايه حكاية علبة الدركسيون فى السيريون وليه مشاكلها وتغييرها كتير ؟ وياترى سعرها كام ؟
وهل بتبوظ بسوء الاستعمال ولا عيب صناعة فى السيريون تحديدا
وكمان - بناء على ملاحظتى الشخصية - عفشة العربية وخاصة الخلفية غالبا ماتكون مش مزبوطة يعنى الاقى العجل الخلفى مش مستقيم ومقوس كده خاصة لو حد راكب على الكنبة او محمل الشنطة
بصراحة ياريت حد من مالكى العربية يرد ويطمنى ويطمن الاخ محمود اللى ناوى يشترى العربية عشان يبقى على علم بالموضوع وما يتفاجأش بالعيوب دى لو صح التعبير
وشكرا

[hhhmmmzzzz]

ياريس انت حسستنى انك بتتكلم علي عربية 127 مش يابانى مشاوير جوة البلد ازاى يعنى مانت لو معانا فى المنتدى هتلاقى موضوع عن اختها الصغيرة(الشاريد)موديل 90قطعت1000سي سي قطعت 1000ك متواصلة وعايز يعمل بيها مشوار للاقصر واسوان دى نقطة
النقطة التانية دى عربية يابانى يعنى مانتكلمش فى موضوع الفتيس الاوتوماتيك خالص ولم يشتكى منه احد حتى الان(الحمد لله)
النقطة الثالثة بتقول توكيل دايهاتسو غير مستقر مين قالك كدة وهو لسة فاتح فرع جديد فى ابو رواش يعنى خلاص ناوى مش ملاحق علي العربيات لو كان عددها قليل والمراكز المفتوحة تساعها مكنش فتح مراكز جديدة.
النقطة الرابعة ما تقارنش العربية دى بعربيات هيونداى اللى الناس عارفة انها فاشلة بس ده حال المستهلك المصري عايز رخيص ويقضى الحال
يعنى بطبيعتنا نقول نفس المبلغ بس الهيونداى اكبر و1500سي سي هو دى طبيعتنا عشان كدة الناس كلها راكبة الشاهين بيقى كدة يشترى شاهين احسن(عربية كبيرة-فول اوبشن-قطع غيارموفرة- سعر اعادة بيع)
كل يوم اشوف عربية هيونداى سيارة قطراها شكل العربية جديد ابص يمكن عاملة حادثة الاقيها زى الفل وصاحبها راجل محترم قاعد فيها يضرب كف علي كف وذلك بحكم عملي بجوار مركز خدمه هيونداى6اكتوبر.
النقطة الخامسة سعد اعادة البيع بعد 5سنين يامين يدينا العمر
النقطة السادسة انا مشتريها فى3/2009يعنى 8شهور تقريبا ومفيش مشكلة فى علبة الدركسيون دى موديلات كانت نزلت فى الاول وبعدين انا ركبت عربية احد الاخوة اللى بيشتكو منها ولسة ماغيرهاش حاولت اسمع الصوت ولازم تبقى ماشى فى حته غير ممهدة عشا تسمع الصوت وبجد لقيت صوت ضعيف جدا لايذكر فقولتله مش مستاهلة تغيرها خالص بس هو منتظر منها كعربية جديدة مايكونش فيها صوت خالص وده حقه
واخيرا وليس اخرا دى اراء شخصية وكل واحد له وجهة نظرة
وعلى راي المثل لو تشابهت الاذواق لبارت السلعة

[Dr_Smart]

اكيد احنا مش عايزين نبوظ عليك فرحتك انا عارف احساس لما تبقى معجب بعربيه ومستني تستلمها

بس احنا كلنا اخوات وماخاب من استشار

السيريون عربيه جميله وعمليه ... ياباني وموتور ممتاز واقتصادي ووسع وتقفيلها حلو وانا من اشد المعجبين بيها بس هي موجهة لفئه معينه .. يعني شاب في جامعه ... آنسه عايزه عربيه خفيفه تقضي مشاويرها جوه البلد

الياريس افضل كسياره عائليه وسعر اعادة بيع افضل وقطع غيارها متوفره وماحدش اشتكى منها ( غير في موضوع الثبات ) لكن السيريون لما تجيلك اول مناسبه تحتاج فيها الشنطه وماتلاقيهاش هتحس باحباط .. ولو ناوي تبيع قريب هتبقى اتقل في البيع ... وفيها مشكلة علبة الدريكسيون ( هي أي نعم مش مأثره في حاجه لكن مش حلو اني اشتري عربيه زيرو واسمع صوت مالوش حل لسه )

غير السيريون والياريس ... عندك نيسان صني ex بس هيبقى استهلاك البنزين اعلى شويه ... والجين 2 والبيرسونا اعضاء كتير في المنتدى بيشكروا فيهم جدا

بس طالما حضرتك مقتنع بيها وشايفها مناسبة ليك يبقى توكل على الله ودايهاتسو عربيات اعتماديه واحنا معانا دايهاتسو من 83 وماشاء الله ممتازه وماتفرقش عن التويوتا

الف مبروك وتستلم على خير ان شاء الله

[khpopo]

اكيد احنا مش عايزين نبوظ عليك فرحتك انا عارف احساس لما تبقى معجب بعربيه ومستني تستلمها

بس احنا كلنا اخوات وماخاب من استشار

السيريون عربيه جميله وعمليه ... ياباني وموتور ممتاز واقتصادي ووسع وتقفيلها حلو وانا من اشد المعجبين بيها بس هي موجهة لفئه معينه .. يعني شاب في جامعه ... آنسه عايزه عربيه خفيفه تقضي مشاويرها جوه البلد

الياريس افضل كسياره عائليه وسعر اعادة بيع افضل وقطع غيارها متوفره وماحدش اشتكى منها ( غير في موضوع الثبات ) لكن السيريون لما تجيلك اول مناسبه تحتاج فيها الشنطه وماتلاقيهاش هتحس باحباط .. ولو ناوي تبيع قريب هتبقى اتقل في البيع ... وفيها مشكلة علبة الدريكسيون ( هي أي نعم مش مأثره في حاجه لكن مش حلو اني اشتري عربيه زيرو واسمع صوت مالوش حل لسه )

غير السيريون والياريس ... عندك نيسان صني ex بس هيبقى استهلاك البنزين اعلى شويه ... والجين 2 والبيرسونا اعضاء كتير في المنتدى بيشكروا فيهم جدا

بس طالما حضرتك مقتنع بيها وشايفها مناسبة ليك يبقى توكل على الله ودايهاتسو عربيات اعتماديه واحنا معانا دايهاتسو من 83 وماشاء الله ممتازه وماتفرقش عن التويوتا

الف مبروك وتستلم على خير ان شاء الله

+11111111111111111111111
وخصوصا لو فى عائله
ربنا يوفق

[bmya]

تاني تاني تاني راجعين للحوارات دي من تاني
هل حد من اللي اتكلم معه سيريون او جرب سيريون
انا معايا سيريون ومعايا نيسان صني 2008 وبعت لانسررررررررررررررررررررر
وجبت السيريون والسيريون عندي انا احسن من الصني تقريبا في كل حاجه ماعدا ان الصني اتقل وموتورها 1600 مع اني بعلم بالسيريون علي عربيات 1600 عادي يعني وبجيب 170 علي التالت عادي يعني مش فاهم ايه العجل المعووج والشكل المكعبر(الشكل ده ازواق) ياريس احسن في ايه بقه قلنا شنطه واسم تويوتا فقط لا غيييييييييير(مجرب مش بفتي) الجين 2 مع ابن خالي ممن اوائل الناس اللي جابها عربيه تحفففففه بس فيها شويه مشاكل وبنزينها غووول غير ان السيريون فئه ما تتقارنش بصني ولا جين 2 ولا بيرسونا لان دول كلهم 1600 ودي هاتسباك 1300 يعني اللي هيجبها مش هنضحك عليه ويكتشف فجأه انها سيريون وانها هاشباك
عيب الدركسيون وجرد صوت وغير واضح في كل الاحوال الا في الطرق المكسره جامد (الصني عادي الدركسيون بيخبط) يعني دي حاجه نسبيه ممكن يكون الصوت ده عند ناس ومتحسش به اصلا

[omaroof]

متابع باهتمام للاراء الاعضاء هنا ومن واقع خبرتى اللى على قدى اقدر اقول
1- مافيش حاجه اسمها ان العربيه 1000 سى سى فمعنى كدا انها موش بتاعة سفر لان اللى حايفرق هنا هى ماشيه على سرعة كام وليس المسافه اللى حايقطعها يعنى ممكن تسوقها 3 ايام متواصله على سرعه 120 كم والعربيه اللى موتورها كبير ممكن يسوق على 160كم وهاكذا
2- العربيه الهاتش باك من مميذتها انها اخف واصغر وطبعا تنفع شباب وعائله صغيره ايضا ( مين عنده اولاد وبيبقى معاه فلوس يشترى عربيه اصلا موش يكبرها)
3- ناس كتير واخده مقلب فى اليارس لانها فقط تيوتا فهى عربيه جيده ولكنها ليست جباره والامان فيها ضعيف مثل كل العربيات الصغيره وان كنت ارى ان سعرها خساره فيها
4- كل شخص يشترى العربيه اللى شايف انها تلبى له احتياجاته ومستحيل تلاقى كل المميزات فى عربيه واحده
5- اهم شئ صلاة الاستخاره واعقلها وتوكل على الله