حجزت السيريون 1300 gl اتوماتيك

[bmya]

استاذomaroof

حضرتك جبت المفيييييد

العربيه الهاتش باك من مميذتها انها اخف واصغر وطبعا تنفع شباب وعائله صغيره ايضا ( مين عنده اولاد وبيبقى معاه فلوس يشترى عربيه اصلا موش يكبرها)
3- ناس كتير واخده مقلب فى اليارس لانها فقط تيوتا فهى عربيه جيده ولكنها ليست جباره والامان فيها ضعيف مثل كل العربيات الصغيره
4- كل شخص يشترى العربيه اللى شايف انها تلبى له احتياجاته ومستحيل تلاقى كل المميزات فى عربيه واحده

[madoo]

اه يا مادو انا روكانا اللى كنت سألتك على الماتيريا
على فكره هى لسه فى قلبى و عقلي "الماتيريا" بس للاسف موضوع الفلوس قصر معايا شويه - علشان كدا اتعلقت بالسيريون كا اقرب شكل للماتيريا

ههههه من غير زعل ال background عندي على اللاب توب هي صوره ماتيريا بعد ال crash test متدمره من الامام
علشان العربيه دي اثرت فى نفسيتي كتير
ياللا كل واحد بياخد رزقه

ان شاء الله ربنا يرزقك بواحده ...وكمان السيريون عربيه محترمه جدا وعلى فكره عربيات دايهاتسو بتتصنع على نفس خطوط انتاج دايهاتسو ...(كريم منير كان قال ان مهندس اكدله كده ايام ماكان بيشترى عربيه جديده وبيفكر فى التريوس)

بس لو سمحت شيل الصوره اللى على الجراوند عندك ههههههههههههههههه

[omaroof]

شكرا لك أستاز باميه وربنا يحفظنا واولادنا اللهم امين

[rockana]

ان شاء الله ربنا يرزقك بواحده ...وكمان السيريون عربيه محترمه جدا وعلى فكره عربيات دايهاتسو بتتصنع على نفس خطوط انتاج دايهاتسو ...(كريم منير كان قال ان مهندس اكدله كده ايام ماكان بيشترى عربيه جديده وبيفكر فى التريوس)

بس لو سمحت شيل الصوره اللى على الجراوند عندك ههههههههههههههههه

ههههههههههه
شلتها يا مادو
حاطط دلوقتي صوره للسيريون من جوا بس حلوه اوي
بس هو ايه

فكره عربيات دايهاتسو بتتصنع على نفس خطوط انتاج دايهاتسو

[rockana]

على فكره يا شباب
شكرا جدا على كل مشاركاتكوا دي
هاحكي قصه صغيره على حوار السيرسون
انا كنت رايح احجز نيو اكسنت من معرض تبع عبد اللطيف جميل وكيل ديهاتسو فى شارع السودان
دخلت المعرض و الراجل كان مشغول شويه ... قعدت اتفرج على كل العربيات الى عنده
1- اسبرنزا تيجو - خامات 0000 صفر كبير
2- لانوس و افيو - لا تعليق علشان محدش يزعل مني
3- جراند تيريوس - (اوعدنا يا رب)
4- عربيه مكببه و صغيره و مرميه فى اخر المعرض !!!!
مكنتش ناوي اعبرها بس قولت ياللا على ما الراجل يفضى
المهم دخلت جواها !!!!!!!!!!!!!!!!!!!!!!!
واسعه بجنون ...... طب ازاي .... دي من بره عمله زي المطب الطبيعي
مريحه الكراسي جداااااااااا
خامات فوق الرائعه - تابلوه جمييييييييييل بجد
سالت الراجل هى المكببه اللى هناك دي اسمها ايه - و بكام!!!
و كان ما كان
رجعت التهمت المنتدي بحثا على السيريون
و تعرفت (اسميا فقط و ليا الشرف ) على ابو عبدالله - الشرباصي- شريف - مادو - ابو حمزه - جورج - ارجو اني ماكنتش نسيت حد
و اقتنعت بجد بيها و هاجيبها يوم الثلاثاء ان شاء الله
على فكره اللى حصل ده كان بعد ما صليت الاستخاره على الاكسنت - و كررتها تاني و ربنا الموفق
.................................................. ...................
دعواتكم اخلص ورقها علشان عاوز اطلع سافارييييييييييييييييييييييييييي بيها

[bmya]

محمود باشا ربنا يوفقك اللي ما فيه الخير ان شاء الله وده المهم بغض النظر عن نوع العربيه ولو استقريت علي السيريون ومرتاح لها نفسيا وده المهم يبقي فوكك بقه من اي كلام خصوصا ان مش بتشتري عربيه اسف يعني صيني دي مهما كانت عربيه ياباني 100% يعني علي الاقل ضامن اساسيات العربيه وجوده الخامات بغض النظر عن بعض العيوب الفرديه والمشتركه(علبه الدركسيون) لكن الي الان الحمد لله كله عيوب محلوله وربنا يسهل وعلبه الدركسيون دي كمان تخلص علي خير
وربنا يوفقك وتخلص الورق وتتطلع بيها سفاري ههههههههههههه

[bmya]

صحيح بخصوص لقب مطب صناعي
فعلا اول مااتشريت السيريون وكنت رايح لعفشجي مع واحد صحبي اول ما العفشجي شافها وهو اصلا صاحب دماغ عاليه(مابيتغلش وهو فايق) بصلي وقالي ايه يا استاذ جرييييييييف المطب الصناعي اللي انت ركبه ده اومال اللانزررررر فين ياعم ههههههههه

[Youssef.Awad]

شكرا يا استاذ بامية على مداخلاتك وردودك على تعليقى

والف مبروك يا باشمهندس محمود على المطب الصناعى
بس يارب يكون مطابق للمواصفات القياسية مش معمول بعشوائية
وربنا يكفيك شر علبة الدركسيون ويديك خيرها ان شاء الله

[Dr_Smart]

ربنا يباركلك فيها وتستلم وترخص على خير ان شاء الله

بجد والله اهم حاجه تكون مقتنع بالعربيه ساعتها هتحس انها احسن عربيه في الدنيا وربنا يملاهالك بركه

[rockana]

شكرا تانى و تالت و رابع على المشاركات الحلوه دي

[rockana]

Masrawy Videohat - ظƒظٹظپ طھطµظ†ط¹ ظ…ظ† ط§ظ„ظ‚ظ„ظ… ط§ظ„ط±طµط§طµ ظ…طµط¨ط§ط. طں

كيفيه عمل مصباح من قلم رصاص (طوارئ فى سيارتك)

[tarek7elmy]

ممكن بيانات الوكيل ورقم التليفون

و ممكن نعرف تفاصيل التقصيد الاسلامى و الاوراق المطلوبة

[rockana]

اهلا بيك يا طارق
قبل ما تقتنع باللى انا هاقوله دلوقتي - اقرأ الكلام اللى فى اللينك دا

http://www.nilemotors.net/Nile/24323-a.html

و بعدها
اقرأ كلامي ده تاني
انا روحت لعبداللطيف جميل فى شارع السودان - المهندسين
بيعمل تقسيط مباشر (بيشتري السياره من التوكيلات التانيه و يبيعهالك )
بتكتب معاه عقد و تمضى على كمبيالات بباقي المبلغ
بياخد 8% على عربيات دايهاتسو لانه الوكيل بتاعها
9% على باقى العربيات التانيه
لو هاتدفع اكثر من 50 % يبقى مش لازم تأمن على العربيه
لو اقل من 50% يبقى لازم تأمن (فى شركه اسمها بيت التأمين المصري السعودي ) المفروض انها اسلاميه (نصر فريد واصل)
لو مش عاوز تأمن و تدفع اقل من 50% يبقى النسبه بتزيد 1%
على فكره النسبه ثابته باقى المبلغ لنهاية السنين
بمعنى 9% × 3 سنين = 1.27 × المتبقى من المبلغ
الاوراق المطلوبه
صورة بطاقه ليك و للضامن
مفردات مرتب من شركتك
س1 تأمينات
وصل كهرباء او مياه
100 جنيه استعلام
دي تليفوناتهم
37498316
33379321
بالتوفيق
استفتي قلبك و صلي استخاره لو ناوي تمشي فى الموضوع

[Youssef.Awad]

YouTube - DAIHATSU SIRION MY 2008

YouTube - Daihatsu Sirion Review

http://www.youtube.com/watch?v=qSzVcUgiop8

[abohalmos]

اهلا بيك يا طارق
قبل ما تقتنع باللى انا هاقوله دلوقتي - اقرأ الكلام اللى فى اللينك دا

http://www.nilemotors.net/Nile/24323-a.html

و بعدها
اقرأ كلامي ده تاني
انا روحت لعبداللطيف جميل فى شارع السودان - المهندسين
بيعمل تقسيط مباشر (بيشتري السياره من التوكيلات التانيه و يبيعهالك )
بتكتب معاه عقد و تمضى على كمبيالات بباقي المبلغ
بياخد 8% على عربيات دايهاتسو لانه الوكيل بتاعها
9% على باقى العربيات التانيه
لو هاتدفع اكثر من 50 % يبقى مش لازم تأمن على العربيه
لو اقل من 50% يبقى لازم تأمن (فى شركه اسمها بيت التأمين المصري السعودي ) المفروض انها اسلاميه (نصر فريد واصل)
لو مش عاوز تأمن و تدفع اقل من 50% يبقى النسبه بتزيد 1%
على فكره النسبه ثابته باقى المبلغ لنهاية السنين
بمعنى 9% × 3 سنين = 1.27 × المتبقى من المبلغ
الاوراق المطلوبه
صورة بطاقه ليك و للضامن
مفردات مرتب من شركتك
س1 تأمينات
وصل كهرباء او مياه
100 جنيه استعلام
دي تليفوناتهم
37498316
33379321
بالتوفيق
استفتي قلبك و صلي استخاره لو ناوي تمشي فى الموضوع

طب هل العقد بتاعه اسلامى حقيقى يعنى حد خد العقد بتاعه لحد من المتخصصين و شاف العقد و اقر انه حلال مية المية و مفهوش ثغرات .......؟؟؟؟؟؟؟؟؟

الكلام ده مهم اوى عشان ناس كتير بتقول انها اسلامى ..... بس عشان تجيب رجل الناس عندها يعنى برضه امور تسويقية ......و لا ايه ؟؟؟؟؟؟

يا ريت لو حد يعرف يقول .... جزاكم الله خيرا