انا و م/هيثم رايحين التوكيل (مشكلة الخبط فى الدركسيون)

[معاذ الشرباصى]

اللي حصل من قبل ان انهم كانو بيغيروا تيل الفرامل على الضمان واللسبب كان بيبقى الميه اللي بتيجي على التيل بتخليه يبلط وده عيب معروف لأي صنايعي
ان التيل ما يجي عليه ميه من غسيل العربيه بيبلط فبعمل تصفيره كده خفيفه تحس انها زي سلك رفيع بيحك في حديد

واليابان راحت طبعا لما عرفت الموضوع منعت التغيير لأنه مش عيب تصنيع وانما عيب استخدام
ولما اتكلمت مهندس الضمان على الموضوع ده
قاللي متقلقش لو الطنابير حصل فيها حاجه بتدخل في الضمان

يعني يا معاذ متقلقشي مش للدرجه
وارجو ان نكون اصبر من ذلك ولا نهول لأشياء لم تحدث
واحنا مش هناخد كلمة ونبني عليها اهوام
خلينا معاه للنهاية خصوصا ان الوكيل لم يغزل احد من قبل
فمنبقاش سيئي النيه به
ولو حصل ساعتها هنتحرك كلنا وان شاء الله انا اولكم

تغيير التيل ده عدم احترافية منهم, و ده مش معناه معاقبة الناس بعدم تغيير الحاجات بسهولة

انا الصوت معايا من ساعة لما جبت العربية

مقلقتش خالص, و كنت مطمئن جدا, ان لو فى حاجة, هتتغير فى الضمان

رحت فى صيانة الالف, العربية عملت الصوت على خفيف, بس م/احمد ممكن مخدش باله منه, قلت مش مشكلة, ده الضمان 100 الف او 3 سنين, يعنى مش هتفرق

اتخضيت بقى لما عرفت ان الصوت عند هيثم بقاله 20 الف كم, و كل مرة يقولهم هناك, يقولوا انه صوت عادى, و العربية سليمة, مع العلم ان عربية هيثم مو 2007, يعنى داخلين على سنة من غير اى تطور فى الموضوع

يبقى حقى اتخض و لا لأ؟

انا شفت بعينى هناك بيغيروا لعميل شاشات Lcd كان مركبهم فى تريوس و باظوا, يعنى مبدأ التغيير فى الضمان موجود

لكن دى شاشة, اما العيب اللى عندى ده علبة دركسيون, مش حاجة بسيطة

كمان اتخضيت من اللى حصل مع هيثم, لأنى مش متعود على كده من م/احمد عبدالوهاب. تحت اى بند يقوله انه لو عاوز يعملها يدفع المصنعية (فى حدود مصنعية 6 ساعات), طيب الضمان بيعمل ايه؟!!!!!!!!!!

على العموم, انا مترقب ايه اللى ممكن يحصل, اللى خلانى استنى من شهر 3, مش هستنى اسبوعين كمان يعنى, بس بعد كده يبقى تقصير تام من ناحية التوكيل تجاه عملائه

السلام عليكم

المشكلة يا أبو عبدالله إن لو طلع عيب تصميم أو تصنيع في علبة الدركسيون....هل هايوافق يغير كل العلب بتاعت 2008 ؟؟ ولا الي ظهر فيه العيب مثلاً

أنا مشكلتي إن زوجتي مبتمشيش كتير بالعربية زينا كدة ( يدوبك بتمشي 50 كم في اليوم ) وحتى الان العربية مر عليها شهرين ومعملتش غير 2500 كم !!!

هو العيب دة ظهر بعد كام كيلو تقريباً؟

يا استاذ عمرو العيب فى موديلات 2007 و 2008 على السواء

يعنى لو مش عندك الصوت من الاول, يبقى غالبا مش هيبقى عندك

[معاذ الشرباصى]

انا مش بتجنى على التوكيل

هما عملوا شغل حلو كمبيعات, و بدأوا يعلوا اسم دايهاتسو

لكن للاسف النمو فى المبيعات, صاحبه نمو ابطأ فى خدمات ما بعد البيع

يعنى مركز صيانة واحد صغير لغاية دلوقت, و ان شاء الله يفتحوا بتاع ابو رواش و يتبعه بتاع التجمع الخامس و بتاع اسكندرية

عدم توافر بعض قطع الغيار, و تأخر حضورها لبعض الحاجات

لكن انا عندى معلومتين مؤكدتين لمواقف محترمة من جانب التوكيل:

الاولى انهم غيروا لعميل عربية تريوس, كان فيها عيب فى العفشة, لا يمكن تصليحه, و على اثره العربية رجعت اليابان, و استلم واحدة زيها بالظبط تانى, و ده مش اى توكيل عنده الشجاعة انه يعمل كده

الثانية, و دى انا و على (ابو رقية) قابلنا بنفسنا الراجل ده. عميل عنده مشاكل صحية, حصل مشكلة معاه فى مركز الصيانة, على اثرها العميل ده تعب. راحوا لحد عنده البيت, حلوا المشكلة, و طلعوه عمرة هو و زوجته على حسابهم, و العميل ده اشترى من عندهم تريوس و شاريد و سريون 1500 بسبب اللى عملوه ده

يعنى التوكيل فى الموقفين دول ممتاز

طيب ليه بقى التقصير طول الفترة اللى فاتت دى فى موضوع علبة الدركسيون؟!!!!!

مش حاجة تحير؟

انا مش بنقد و خلاص, او متربص لهم, انا يهمنى انهم يتطوروا و يتحسنوا, على الاقل علشان مصلحتى, مش نقد هادم و خلاص

[S H @ F T]

ياجماعة نغيير العلبة مش هو الحل والله
لو التوكيل شاف ان التغيير هو الحل كان غير من زمان بس للأسف هيكون حل مؤقت
للأسف في حاجات في شغلنا مينفعش العميل يعرف تفاصيلها بتبقى في التعامل بين التوكيل والشركة الأم
أنا لولا ان الناس مأمناني اني ماحكيش التفاصيل كنت شرحتلكم الموقف
لكن رجائي انكم تصبروا وان شاء الله بعد الموافقة أستأذن م/أحمد الوكيل اني أقولكم التفاصيل


ملحوظة:
أنا لا أمتلك سيارة دايهاتسوا ولا أعمل بالتوكيل ولا لي أي مصلحة من الموضوع لكن الناس اللي شغالة هناك أصدقائي ولذلك قدرت أعرف منهم التفاصيل ومقدر الموقف اللي هما فيه
وكمان مقدر موقف اللي كل عميل معاه عربية دايهاتسوا حاسس بيه وبطمنكم ان العيب ده مش هيأثر على أي حاجة تانية وان التوكيل في طريقه لإنهاء المشكلة

[معاذ الشرباصى]

ياجماعة نغيير العلبة مش هو الحل والله
لو التوكيل شاف ان التغيير هو الحل كان غير من زمان بس للأسف هيكون حل مؤقت
للأسف في حاجات في شغلنا مينفعش العميل يعرف تفاصيلها بتبقى في التعامل بين التوكيل والشركة الأم
أنا لولا ان الناس مأمناني اني ماحكيش التفاصيل كنت شرحتلكم الموقف
لكن رجائي انكم تصبروا وان شاء الله بعد الموافقة أستأذن م/أحمد الوكيل اني أقولكم التفاصيل


ملحوظة:
أنا لا أمتلك سيارة دايهاتسوا ولا أعمل بالتوكيل ولا لي أي مصلحة من الموضوع لكن الناس اللي شغالة هناك أصدقائي ولذلك قدرت أعرف منهم التفاصيل ومقدر الموقف اللي هما فيه
وكمان مقدر موقف اللي كل عميل معاه عربية دايهاتسوا حاسس بيه وبطمنكم ان العيب ده مش هيأثر على أي حاجة تانية وان التوكيل في طريقه لإنهاء المشكلة

م/احمد

بجد شكرا لحضرتك على اهتمامك ده, يعنى كده الواحد مطمئن "نسبيا" عن الاول

خلاص يا فندم احنا هننتظر, و ان شاء الله يتحل الموضوع على خير

بس مش هنسيبك غير لما نعرف التفاصيل :boxing_smiley:

[hitham_sh]

يارب الموضوع ينتهي على خير

[Sharky]

لكن للاسف النمو فى المبيعات, صاحبه نمو ابطأ فى خدمات ما بعد البيع

يعنى مركز صيانة واحد صغير لغاية دلوقت, و ان شاء الله يفتحوا بتاع ابو رواش و يتبعه بتاع التجمع الخامس و بتاع اسكندرية

عدم توافر بعض قطع الغيار, و تأخر حضورها لبعض الحاجات

كلام مظبوط جدا و لازم يلحقوا يصلحوا الكلام دا سريعا و إلا سيذهب كل إللى عملوه فى سنتين هباءا

لكن انا عندى معلومتين مؤكدتين لمواقف محترمة من جانب التوكيل:

الاولى انهم غيروا لعميل عربية تريوس, كان فيها عيب فى العفشة, لا يمكن تصليحه, و على اثره العربية رجعت اليابان, و استلم واحدة زيها بالظبط تانى, و ده مش اى توكيل عنده الشجاعة انه يعمل كده

موقف محرم جدا من التوكيل و دا إللى كلنا كنا بنحسه منهم علشان كده كنا بنقول إنه توكيل محترم
فى إنتظار إن كل مواقفه تبقى على نفس الوتيرة

الثانية, و دى انا و على (ابو رقية) قابلنا بنفسنا الراجل ده. عميل عنده مشاكل صحية, حصل مشكلة معاه فى مركز الصيانة, على اثرها العميل ده تعب. راحوا لحد عنده البيت, حلوا المشكلة, و طلعوه عمرة هو و زوجته على حسابهم, و العميل ده اشترى من عندهم تريوس و شاريد و سريون 1500 بسبب اللى عملوه ده

موقف أخر محترم لإنهم أكيد كانوا غلطانين مع العميل دا ولما سببه له أزمة صحية و حسوا بغلطهم قاموا بتصليحه على أكمل وجه و بطريقة فى غاية الإحترام و مش عيب إنه يحصل منهم موقف غلط و يصلحه لكن العيب إنه يصلح موقف غلط و مايصلحوهوش

ياجماعة نغيير العلبة مش هو الحل والله
لو التوكيل شاف ان التغيير هو الحل كان غير من زمان بس للأسف هيكون حل مؤقت
للأسف في حاجات في شغلنا مينفعش العميل يعرف تفاصيلها بتبقى في التعامل بين التوكيل والشركة الأم
أنا لولا ان الناس مأمناني اني ماحكيش التفاصيل كنت شرحتلكم الموقف
لكن رجائي انكم تصبروا وان شاء الله بعد الموافقة أستأذن م/أحمد الوكيل اني أقولكم التفاصيل

واضح إن علبة الدريكسيون المصنعة فى اليابان فيها عيب و حتى الجديدة حتكون بنفس العيب و بالتالى تغيير العلبة كاملا لن يكون الحل و جايز جدا العيب دا ظهر فى مصر فقط علشان شوارعنا الغير ممهدة فمهندسى التوكيل قدروا يكتشفوا الحل و هو عمل تعديل معين فى العلبة ينهى العيب وهما مستنين موافقة التوكيل على عمل الحل دا لإن العلبة لو جت من اليابان برضه حيظهر فيها العيب دا تانى

لو الموضوع كده يبقى متهيألى مافيش مشاكل من ملاك السيارات يستنوا شوية لحد ما موافقة اليابان تيجى رغم إنى ليه ملاحظة لماذا لا تقوم اليابا بالتعديل و عمله فى سياراتهم الجديدة و العلب إللى نازلة جديد ؟؟

و فى حالة إذا كان توقعى سليما فأنا أحى التوكيل لإنه بيحاول يحل المشكلة نهائى بالتعديل مش مؤقتا
لكن تبقى مشكلة هل سيدوم هذا التعديل ؟ و هل سيستمر الضمان على التعديل ؟

[معاذ الشرباصى]

واضح إن علبة الدريكسيون المصنعة فى اليابان فيها عيب و حتى الجديدة حتكون بنفس العيب و بالتالى تغيير العلبة كاملا لن يكون الحل و جايز جدا العيب دا ظهر فى مصر فقط علشان شوارعنا الغير ممهدة فمهندسى التوكيل قدروا يكتشفوا الحل و هو عمل تعديل معين فى العلبة ينهى العيب وهما مستنين موافقة التوكيل على عمل الحل دا لإن العلبة لو جت من اليابان برضه حيظهر فيها العيب دا تانى

لو الموضوع كده يبقى متهيألى مافيش مشاكل من ملاك السيارات يستنوا شوية لحد ما موافقة اليابان تيجى رغم إنى ليه ملاحظة لماذا لا تقوم اليابا بالتعديل و عمله فى سياراتهم الجديدة و العلب إللى نازلة جديد ؟؟

و فى حالة إذا كان توقعى سليما فأنا أحى التوكيل لإنه بيحاول يحل المشكلة نهائى بالتعديل مش مؤقتا
لكن تبقى مشكلة هل سيدوم هذا التعديل ؟ و هل سيستمر الضمان على التعديل

الكلام الاتى ده من شخص فى دايهاتسو, يعنى مش كلامى

" سبب الخبط او العيب اللى حصل, هو الشوارع الغير ممهدة, و ان كان مبيظهرش فى كل العربيات

المهندسين فى التوكيل هنا, خدوا جايزة لاكتشافهم العيب و اقتراح لتعديله, خاصة ان العيب ظهر فى اكثر من دولة

سبب الوقت الطويل اللى بياخده التصليح, ان الباور بتاع العربية كهرباء مش هيدروليك, فالتعامل معاه بيحتاج حرص اكتر"

على العموم احنا فى انتظار القرار النهائى بفارغ الصبر

[ows212]

ان شاء الله المشكلة تنتهى على خير

[أبو عبدالله]

لكن انا عندى معلومتين مؤكدتين لمواقف محترمة من جانب التوكيل:

الاولى انهم غيروا لعميل عربية تريوس, كان فيها عيب فى العفشة, لا يمكن تصليحه, و على اثره العربية رجعت اليابان, و استلم واحدة زيها بالظبط تانى, و ده مش اى توكيل عنده الشجاعة انه يعمل كده

الثانية, و دى انا و على (ابو رقية) قابلنا بنفسنا الراجل ده. عميل عنده مشاكل صحية, حصل مشكلة معاه فى مركز الصيانة, على اثرها العميل ده تعب. راحوا لحد عنده البيت, حلوا المشكلة, و طلعوه عمرة هو و زوجته على حسابهم, و العميل ده اشترى من عندهم تريوس و شاريد و سريون 1500 بسبب اللى عملوه ده

ده ردي عليك يا احمد
وكمان العربيه الشاريد اللي صاحبتها كانت بتعاني من مشكلة ضبط الزوايا
وغيرولوها العربيه بواحده جديده لانج واختارت لون تاني والعربيه القديمة كانت اترخصت كمان

مش معقولة توكيل عمل كده اروح بقه لما يعمل اي حاجه تانيه انا لا اعلم تفاصيلها زي ما اخونا شافت قال ان في حاجات بتبقى بين التوكيل والمصنع نفسه لا نعلمها

نروح نقول فجاه ده توكيل مش عارف ايه وبتاع ونمسك في خناقه

يعني من الأخر ده جرب عليه حاجات كويسه اتعذرله العذر مادام النيه واضح انها كويسه ده المقصد من الكلام

[Sharky]

طب و عد توافر قطع الغيار يا أبو عبدالله فى العربيات الجدية و القديمة إيه العذر إللى فيها
و التخبط و عدم النظام و المعرفة فى تغيير الكارتيرة لزميلة لنا فى المنتدى إيه العذر إللى فيها
و غير إللى ما بنسمعش عنه بره المنتدى

أبو عبدلله أنا لو مالك للعربية ماليش ذنب فى أى حاجة تحصل بين التوكيل و اليابان
أنا كل إللى يهمنى يحلولى مشكلتى و بعدين يحلو هما مشاكلهم مع بعض .

أبو عبدالله خلاصة الكلام توكيل دايهاتسو له عيوبه ومميزات لكن لا يصنف بإنه من التوكيلات الممتازة فى مصر و يعتبر توكيل عادى و دا من تصنيف ملاك العربية نفسهم إللى موجود فى المنتدى

[ara]

السلام عليكم
معلش انا اسفة بس ممكن حد يوضح هو الصوت قالو سببه إيه؟
إحنا ودينا العربية يوم الخميس وركبنا الكرتيرة الصح (طلعت ب 239 تقريبا) سألنا مهندس أحمد عن الصوت وده اللى قالو:
الباور كهرباء مش طرمبة وزيت, ده بيخلى الدركسيون ممسوك بدعامة حديد معينة, غير بتاعت الباور العادى.. مع العفشة الرياضية (اللى هيا عمرها أطول بس ناشفة) بيخلى فيه صوت لما تاخد مطبات على سرعة بطيئة. والمهندس عبد الوهاب قال كمان لو هيا عفشة مريحة comfort مش هانسمع الصوت ده.. (ياريت لو حد عند العفشة العاديه يقول الصوت ده عندة ولا لاْ)
انا زوجى بيسمع الصوت فقط لو فيه بروزات متتالية او لو عدى على الcat eyes بسرعة بطيئة
اما لو خد ال cateyes على سرعة او لوفيه حفرفى الأرض متتالية وعلى سرعة بطيئة مبيكونش فيه صوت!
هل ده معناه ان المشكلة فى العفشة الرياضية؟ ولا فى علبة الدركسيون.

[Sharky]

يعنى معنى كلامك إن عفشة السيريون رياضية !!

[ara]

المفروض إن ال Glx1.5 عفشة رياضية!

[ows212]

بس الصوت موجود عند هيثم وعربيته 1300 ... يعنى مش رياضية

[Sharky]

يعنى كلام المهندس أحمد عبد الوهاب كده غلط

دا واضح إنه عيب فى كل علبة دريكسيون السيريون و مالوش علاقة بعفشة رياضية او عادية

رأى أبوعبدالله إيه فى كلام م/أحمد عبد الوهاب !!!