انا و م/هيثم رايحين التوكيل (مشكلة الخبط فى الدركسيون)

[S H @ F T]

ياجماعة الموضوع أبسط من كدة والناس بتحاول بكل جهدها انها تحل القصة حل نهائي بس اصبروا عليهم اسبوع أو اتنين بالكتير
وانا قلت الكلام ده للأخ معاذ قبل كدة بس مش عارف ليه برضوا مستعجل

[aliabutaleb]

ياجماعة الموضوع أبسط من كدة والناس بتحاول بكل جهدها انها تحل القصة حل نهائي بس اصبروا عليهم اسبوع أو اتنين بالكتير
وانا قلت الكلام ده للأخ معاذ قبل كدة بس مش عارف ليه برضوا مستعجل

يا باشمهندس
انا شخصياً ليس لدي أي اعتراض على اللي حضرتك قلته
بس من كلام معاذ وهيثم التوكيل هو اللي طلب منهم ييجوا في أي وقت ويحلوا المشكلة
كان المفترض مادام هما منتظرين تأكيد او تصريح او ما شابه من اليابان ميدوش للناس مواعيد ولما يروحوا يكتشفوا ان التوكيل طالب تصريح من اليابان
طب كنت بتقول لهم تعالوا من الاول ليه؟
ولو الأمر ظهر بشكل طارئ
كان هايبقى أظرف بكتير لو اتعمل اتصال تليفوني بصاحب المشكلة يعتذروا له عن عدم استطاعتهم حلها الا بعد اسبوعين أو أياً كانت الفترة
ده اللي باقصده

[Sharky]

لو بمقياسك ده يا احمد
يبقى توكيل رينو كذلك
ما الكليو راحت والله اكتر من 5 مرات علشان نفس العيب وكل مره مفيش حل ويقولوله لازم تعملها امامنا طيب هو يعمل ايه
وفي النهايو مشى عملتها راح مخبوط

مش كده

كل ما في الأمر ان الحاجه لما تبقى حاجه اساسية في العربيه اليابان فبقوا بيخلوهم يبعتوا الطلب وبعدين يتم الموافقة عليه من اليابان ويتم التغيير
بمعنى اصح انه تقريبا معدوش بيثقوا في المهندسين واراءهم في التغيير

يا محمد حكاية توكيل رينو مالهاش علاقة بتوكيل دايهاتسو
إيه إللى جاب توكيل رينو فى الموضوع دلوقتى

و على العموم خليك مكان التوكيل حتصلح حاجة إزاى و إنت مش شايف العيب أصلا و فى نفس الوقت توكيل رينو معندوش إعتراض على تصليح الحاجة جوا الضمان بس يشوفوا العيب فين .
لكن فى دايهاتسو عارفين العيب و رافضين يصلحوا فى الضمان إلا بموافقة اليابان مش غريبة دى يعنى رينو معملوش نفس الموقف دا !!!!

أمال الضمان معمول ليه أصلا إذا مكانش بيغطى عيوب السيارة و إيه لازمة التوكيل لما ما يقدرش يصلح عربية جوا الضمان إلا بموافقة اليابان !!!!!

على فكرة فى توكيل رينو أى حاجة أساسية زى علبة الدريكسيون بتتغير عالطول فى الضمان لو كان فيها عيب بدون أخذ موافقة فرنسا لإن فيه ثقة فى مهندسى توكيل رينو و إلا لو مافيش ثقة كان المفروض يسحبوا منه التوكيل أصلا

[معاذ الشرباصى]

ياجماعة الموضوع أبسط من كدة والناس بتحاول بكل جهدها انها تحل القصة حل نهائي بس اصبروا عليهم اسبوع أو اتنين بالكتير
وانا قلت الكلام ده للأخ معاذ قبل كدة بس مش عارف ليه برضوا مستعجل

و الله يا باشمهندس انا اتصلت بمهندس احمد قبلها

و قالى انها بتتعمل, بس هسيب العربية, و قالى اتصل بى تانى يوم الثلاثاء, اتصلت بيه قالى بتتعمل, بس لازم العربية تبات هناك

بما ان عندى امتحانات, كلمت م/هيثم, و هو وافق انه يسيب العربية, بس اهم حاجة انها تتعمل

و م/احمد عبدالوهاب كان مأكد عليه انها بتتعمل, غير انه مأكد على الناس بتوع المبيعات فى دايهاتسو انهم بيصلحوا العيب ده, بدليل انى لما سألتهم فى المعرض الاول, كانوا واثقين مليون فى المية انها بتتعمل, و قالى ان العيب ظهر تقريبا فى 10% من العربيات

لكن لما يروح, و يقول له انها مش هينفع, او تعملها على حسابك, فده كلام غريب جدا!!!!!

انا مش مستعجل, انا اهم حاجة ان العيب يتعمل, غير انى خايف ليكون بياثر على علبة الدركسيون فى عمرها الافتراضى, و ساعتها اتحمل انا الموضوع ده

هيثم عربيته مو 2007, و عال بيها تقريبا 20 الف كم, مش فترة طويلة ان عيب زى ده ميتصلحش؟!!

[Sharky]

و م/احمد عبدالوهاب كان مأكد عليه انها بتتعمل, غير انه مأكد على الناس بتوع المبيعات فى دايهاتسو انهم بيصلحوا العيب ده, بدليل انى لما سألتهم فى المعرض الاول, كانوا واثقين مليون فى المية انها بتتعمل, و قالى ان العيب ظهر تقريبا فى 10% من العربيات
لكن لما يروح, و يقول له انها مش هينفع, او تعملها على حسابك, فده كلام غريب جدا!!!!!

يعنى المفروض كمان كان عارف العيب و عامل حسابه إنه يغيره !!!
و و المصيبة إن التوكيل بيقول إن العيب دا ظهر فى 10% من العربيات و لسه ماخدوش موافقة اليابان عليه !!!!
فعلا قمة الإنضباط فى التوكيل

بصراحة كلام يغيطظ من التوكيل و ربنا يصبرك يا معاذ و يا هيثم
و إن شاء الله مشكلتكم تتحل و التوكيل يحل مشاكله من اليابان و تبقى معاملته أفضل من كده مع الملاك و خاصة فى فترة الضمان فترة الضمان و ربنا يستر فى ما بعد الضمان

[معاذ الشرباصى]

يعنى المفروض كمان كان عارف العيب و عامل حسابه إنه يغيره !!!
و و المصيبة إن التوكيل بيقول إن العيب دا ظهر فى 10% من العربيات و لسه ماخدوش موافقة اليابان عليه !!!!
فعلا قمة الإنضباط فى التوكيل

بصراحة كلام يغيطظ من التوكيل و ربنا يصبرك يا معاذ و يا هيثم
و إن شاء الله مشكلتكم تتحل و التوكيل يحل مشاكله من اليابان و تبقى معاملته أفضل من كده مع الملاك و خاصة فى فترة الضمان فترة الضمان و ربنا يستر فى ما بعد الضمان

شكر يا احمد باشا

انا اتمنى فعلا يبقى فيه تحسن فى التوكيل عن كده

و مش لازم نسكت, يعنى اللى عنده شكوى, او اقتراح لحاجة يكلم التوكيل على 16168

فى اصلا اعضاء تانيين عندهم العيب ده هنا زى: ara و bmya

انا كنت مأجل انى اكتب على العيب ده لغاية اما اكتب العيب + الحل, لكن بما ان الحل شكله هيتأخر, يبقى قلت انبه الناس له فى الموضوع بتاع م/عمرو

http://www.nilemotors.net/Nile/showthread.php?p=326748#post326748

[عمرو عمارة]

السلام عليكم

أنا بدأت أقلق من التوكيل دة.......ربنا يستر.....أنا حاسس إن إحنا إتسرعنا شوية في الحكم على التوكيل بإنه جيد جداً أو ممتاز لأنه مظهرش في وقتها مشاكل كبيرة

علبة دركسيون في الضمان عايز يتعمل فيها تعديل ومعندهمش صالحية إتخاذ القرار والرد هيجلهم كمان إسبوعين!!!!.....طيب لو العلبة كلها عايزة تتغير؟؟؟!!!

[معاذ الشرباصى]

السلام عليكم

أنا بدأت أقلق من التوكيل دة.......ربنا يستر.....أنا حاسس إن إحنا إتسرعنا شوية في الحكم على التوكيل بإنه جيد جداً أو ممتاز لأنه مظهرش في وقتها مشاكل كبيرة

علبة دركسيون في الضمان عايز يتعمل فيها تعديل ومعندهمش صالحية إتخاذ القرار والرد هيجلهم كمان إسبوعين!!!!.....طيب لو العلبة كلها عايزة تتغير؟؟؟!!!

هو على كلام م/احمد

"الموضوع هيكلف مصنعية عالية و قطع غيار, و هما عاوزين يبقوا متأكدين ان اليابان هتتحمل التكاليف دى"

معنديش تعليق على النقطة دى

لكن فعلا اللى انا خايف منه, ان الموضوع ده يبوظلى علبة الدركسيون, او يقلل عمرها الافتراضى, و اجى انا بعد كده ابقى محتاج اغيرها, يقولى على حسابك!

[Sharky]

طب هى أصلا علبة الدريكسيون بكام فى التوكيل علشان تبقى تكلفة تظبطها عالية ؟؟

[عمرو عمارة]

" هما عاوزين يبقوا متأكدين ان اليابان هتتحمل التكاليف دى"

هما شاريين من اليابان بضمان !!؟:)

[Sharky]

هما شاريين من اليابان بضمان !!؟:)

:) :) :) :) :)

[hitham_sh]

انا فعلا مستغرب ليه غيرو كلامهم ومرضيش يعملوهولي
انا شايف ان المفروض فعلا ميصلحهوش المفروض يغيرو علبة الدركسيون انا راي نتجمع كلنا كل الي عندو العيب ده ونبقى عدد ونروح يوم واحد
ومنرضاش بالتصليح ونطالب بتغيير العلبه
ممكن التعديل ده يكون حل مؤقت او مسكن للمشكله وترجع تاني بعد الضمان ما يخلص يبقى سعتها لبسنا احنا العلبه
وممكن يكون بياثر على حاجه تانيه
انا مش عارف انتو ايه رايكو
بجد لازم نتجمع كلنا نشوف كل الي عندو المشكله ونتفق على يوم يوافق مواعيدنا ونروح

[أبو عبدالله]

اللي حصل من قبل ان انهم كانو بيغيروا تيل الفرامل على الضمان واللسبب كان بيبقى الميه اللي بتيجي على التيل بتخليه يبلط وده عيب معروف لأي صنايعي
ان التيل ما يجي عليه ميه من غسيل العربيه بيبلط فبعمل تصفيره كده خفيفه تحس انها زي سلك رفيع بيحك في حديد

واليابان راحت طبعا لما عرفت الموضوع منعت التغيير لأنه مش عيب تصنيع وانما عيب استخدام
ولما اتكلمت مهندس الضمان على الموضوع ده
قاللي متقلقش لو الطنابير حصل فيها حاجه بتدخل في الضمان

يعني يا معاذ متقلقشي مش للدرجه
وارجو ان نكون اصبر من ذلك ولا نهول لأشياء لم تحدث
واحنا مش هناخد كلمة ونبني عليها اهوام
خلينا معاه للنهاية خصوصا ان الوكيل لم يغزل احد من قبل
فمنبقاش سيئي النيه به
ولو حصل ساعتها هنتحرك كلنا وان شاء الله انا اولكم

[عمرو عمارة]

السلام عليكم

المشكلة يا أبو عبدالله إن لو طلع عيب تصميم أو تصنيع في علبة الدركسيون....هل هايوافق يغير كل العلب بتاعت 2008 ؟؟ ولا الي ظهر فيه العيب مثلاً

أنا مشكلتي إن زوجتي مبتمشيش كتير بالعربية زينا كدة ( يدوبك بتمشي 50 كم في اليوم ) وحتى الان العربية مر عليها شهرين ومعملتش غير 2500 كم !!!

هو العيب دة ظهر بعد كام كيلو تقريباً؟

[Sharky]

أبو عبدالله إزاى توكيل دايهاتسو ماخذلش حد !!!

أمال تسمى إيه قطع الغيا إللى مبيوفرهاش و بتتأخر لحد ما تيجى رغم إنه وكيل مش تاجر !!!

تسمى بإيه الكارتيرة إللى جابوها غلط و مطلعتش بتاعة السيريون و ضيعوا وقت زميلة لينا فى المنتدى على الفاضى يوم شراء و يوم فى محاولة تركيبها و يوم فى ترجيعها !!!

تسمى بإيه عيب علبة الدريكسيون إللى ظهر فى 10% من السيارات و لحد دلوقتى لسه ماخدوش موافقة اليابان على إصلاحة أمال كانوا بيعملوا إيه لما م ساعة ما ظهر و هى الموافقة محتاجة وقت كده !!!!

تسمى بإه قولهم لمعاذ و هيثم تعالوا وبيتوا العربية و حنصلحها رغم إن تغيير العلبة مش محتاج بيات أصلا و رغم إنه هيثن راح لهم زى ما قالوا و فى ألأخر رجع زى ما راح لإنهم لسه منتظرين موافقة اليابان طب ليه قالولى تعالى

و ما خفى كان أعظم لإن كل دا فى فترة الضمان أمال بعد كده حيعملوا إيه !!!

هما مستنين لما كل عربيات دايهاتسو يحصل فيها كده علشان يعدلوها ثم ليه أصلا يحصل تعديل و ليه مايغيروش أصلا العلبة كلها و إيه إللى يضمن إن التعديل دا مايغطيش العيب نهائى

أنا إللى أعرفه دا لو توكيل محترم بدون تفكير يغير العلبة فورا بدون مقابل و لا تعديلات و أى حجج من عينة أصل التيل جه عليه ميه و الكلام دا

أبو عبدالله أنا أعرف إنك حقانى و إللى بيحصل من توكيل دايهاتسو دا مش مظبوط نهائى

من الأخر التوكيل دا محتاج وقفة جامدة و إلا حيكون مصيره زى توكيل هيونداى و فورد فى مصر