انا و م/هيثم رايحين التوكيل (مشكلة الخبط فى الدركسيون)

[أبو عبدالله]

ربنا يبشركم باالخير

بس طالما الموضوع بسيط كده ليه التوكيل ما يريحش نفسه ويصلح العيب ده ويخلص من شكاوى العملاء ؟؟؟

ليه بتقولو مستني رد من اليابان والكلام ده ؟

ما احنا قولنا انه مش عيب من اساسه
ده اكتشاف مصري بحت لظروف شوارعنا الخاصة وهما بعتوا تقرير لليابان بالموضوع ده علشان اليابان تشوف لو هتعدله او تعمله حل بحيث يتوافق مع مطبتنا اللي بتبقى ورا بعضها مره واحده
يعني القصد ان هو ليس له ضرر فعلي في العربيه ولكن انت بتسمه سوت خفيف زي طقطقه كده مع المطب ده
انا شبهته بصوت البيضه اللي بتبقى ماسكه العجله

[bmya]

يعني يا ابو عبدالله حضرتك واثق من الكلام ده
اصل الصوت ده موجود في لعربيه من اول ماجت من قبل مركبها وانا كنت جايبها ماشيه اقل من 4 كيلو ؟!!!!! يعني ملحقتش انها تمشي اصلا في شوارع مكسره او مطبات

وبعدين العربيه لسه معملتش غير 800 كيلو وبنسمع صوت اومال بعد سنتين بقه ايه اللي هيحصل
انا بصراحه بحس انها ضعيفه اوي وعفشه طريه ومش هتستحمل البهدله زي العربيات التانيه
ولا الناس رايها ايه؟

[معاذ الشرباصى]

استاذ توفيق

اولا شكرا لحضرتك على المعلومة

بس صراحة مبحبش اى حد يلعب فى العربية, خاصة انها فى الضمان

------------------------------------------------

ابو عبدالله

اللى فى العربية ده عيب طبعا

هما المبرر انها باور كهرباء, ممكن نعمل لستة طويلة بعربيات فى السوق المصرى فيها باور كهرباء و مبتعملش كده

و انا سقت معظمهم, مش كلام و خلاص

يعنى هو لازم ينزل عربية مجهزة للبلد هنا

الخبر اللى عرفته ان الموضوع ده ظهر فى نسبة كبيرة من العربيات مش بس 10%
(النسبة معدية ال 50%)

انا لسه مش مستعجل الموضوع, و مستنى اما اشوف هيبقى ايه الحل

خاصة ان فى وفد من دايهاتسو مصر فى اليابان حاليا, منها مناقشة هذا الموضوع

[osama_alam]

انا عندي نفس الصوت بس مكنتش مهتم بيه علشان مكنش بيحصل على طول فالمطبات الخفيفة على سرعة واطية بسمع صوت فالدريكسيون

انا ان شاء الله رايح التوكيل على الاسبوع الجاي علشان صيانة الالف واشوف فرامل اليد اللي مبتمسكش عندي فحقولهم على المشكلة بس مش عارف فاسكندرية حيقدروا يفهموها ويحلوها ولا لأ

لو اتحلت ياريت تقولولي ويا رب تتحل والعربية تثبت شوية من غير مشاكل :(

[hitham_sh]

انا اتصلت باحمد عبد الوهاب يوم الاثنين الي فات وقالي ان لسه مفيش اي رد من اليبان وقالي نستنى اسبوع كمان
معن الاسبوعين الي قالي عليهم خلصو
بجد يا جماعة الصوت بيزيد جدا مع الوقت
الصوت دلوقتي بقه عندي اعلى من الاول بكتير وبقى يطلع مع اي مطبات حتى لو خفيفه

[أبو عبدالله]

انا اتصلت باحمد عبد الوهاب يوم الاثنين الي فات وقالي ان لسه مفيش اي رد من اليبان وقالي نستنى اسبوع كمان
معن الاسبوعين الي قالي عليهم خلصو
بجد يا جماعة الصوت بيزيد جدا مع الوقت
الصوت دلوقتي بقه عندي اعلى من الاول بكتير وبقى يطلع مع اي مطبات حتى لو خفيفه

يا هيثم متحطهوش في دماغك لأن الصوت ثابت
لأن سببه واحد وليس مأثر على شئ في الرعبيه صدقني
فبلاش تسيب نفسك ان الشيطان يوسوسلك فيه
كل العربيات ماشيه تماما وفيه الصوت لأنه مش حاجه مؤثره على الأداء
كل مشكلته انه بيطلع صوت وفي بعض الحالات

[ara]

هل ممكن نعمل قائمة بأصحاب السريون اللى عندهم الصوت ده عن طريق الإدارة و تقديمها الى التوكيل؟ كنوع من الإصرار على رد واحد رسمى من التوكيل لنا؟

[hitham_sh]

ايه يا جماعه مفيش حد عندو اي اخبار جديده لحل المشكله دي

[معاذ الشرباصى]

ايه يا جماعه مفيش حد عندو اي اخبار جديده لحل المشكله دي

لسه مفيش جديد يا هيثم

من اسبوعين, المفروض ان كان فى ناس فى التوكيل فى اليابان للبث فى الموضوع ده

احنا مستنين

[hitham_sh]

يا مسهل يارب الموضوع يخلص على خير

[معاذ الشرباصى]

ارسل اصلا بواسطة ايوعبدالله:

هو هو صوت السيريون

وانا لسه على كلامي لأن الصوت ده مش عيب في العربيه وانما عدم توافق مش اكتر مع المطبات الخفيفة اللي في الأسفلت

ببساطة بس يارب اعرف اوصل المعلومة

علبة الدركسيون مكانها عالي عن الأرض يعني عن العجل
لأن المدى بتاع المساعدين كبير شويه عن الطبيعي
ودايهاتسو بتتميز بدائرة اللف بتاعت العجل الأمامي اصغر من اي عربيه تانيه
فده بيخلي ان الدراعات اللي ماسكه العجل وقادمة من علبة الدركسيون يبقى البيضه اللي في اخرها لازم تكون تقدر تيجي في كل النواحي بزاويه جامده عن الطبيعي لأن المدى الأفقي والعرضي عالي

ومع علو مكان علبة الدركسيون بسبب ان العربيات دي اصلا عاليه عن الأرض من بطن العربيه

فبيخلي العربيه مع المطبات اللي زي اللي حضرتك ذكرتها اللي بتبقى مطبات خفيفه خلف بعض او التمويجه اللي في الأسفلت بسبب العربيات

بتجعل العربيه تعمل الصوت ده

وهو صوت لا يسبب اي شئ يعني مفيش منه ضرر
ضرره الوحيد انه بيطلع صوت بس

اما غير كده مفيش

وده تحليلي للمشكلة من وجهة نظر بحته

انا نقلت الكلام ده من موضوع تهنئة لاخ معانا فى الموقع جاب الماتريا, و مرضتش اعقب هناك, علشان منخرجش بره الموضوع الاساسى

------------------------------------------------

ابوعبدالله, هو حضرتك سمعت الصوت اللى فى سريون علشان حضرتك تحكم سببه؟ او انه نفس الصوت اللى اتسمع فى الماتريا

انا عندى صوتين مختلفين باستمرار, ده غير صوت ثالث من ناحية اليمين بيروح و يجى, بس ده بيبقى تزييق مش زى الباقى

اولا ازاى ده مش عيب, خاصة انه بيظهر فى عربيات و عربيات لأ!!

و على فكرة المبرر الى ساقه لى احد العاملين بدايهاتسو مختلف عن تحليل حضرتك تماما, بس انا مش عارف اعيد كتابة ما ذكره لى, لانى مش متذكره بالكامل, فمش عاوز اقول معلومة ناقصة

يعنى لو كلام حضرتك انه عدم توافق مش شوارعنا, يبقى كل السريون و الماتريا لازم يعملوا الصوت ده!!!!

الصوت ده عبارة عن احتكاك حاجات فى بعض. البديهى كده حاجات بتخبط فى بعض, و دى مش مهمتها الرئيسية, يبقى الاحتكاك ده ممكن يسبب تأكل فيها و تقليل لعمرها الافتراضى, مش بس صوت

اللى اعرفه ان اى صوت غير طبيعى فى العربية, بيبقى سببه مشكلة, مش صوت عادى و اتعايش معاه, و لازم حل المشكلة دى علشان ميفاقمش

يعنى حضرتك لو كان عندك الصوت ده فى العربية, مش كنت هتفكها حتة حتة, و علشان حضرتك بتحب حاجتك تبقى سليمة مية فى المية؟ احنا كمان نفسنا نستمتع بالعربية من غير اما حاجة تسد نفسنا عليها. انا كل لما بسمع الصوت ده, فعلا ببقى متنرفز جدا, و مش طايق العربية

دى عربية زيرو, مش استعمال مو التمانينات

[أبو عبدالله]

يا معاذ كلامي واضح انا قلت :

وده تحليلي للمشكلة من وجهة نظر بحته

يعني راي شخصي للموضوع لأني فحصت العربية فبقول انه احتمال يكون الصوت سببه كده

وبعدين انت مقولتش انه كذا صوت

وصدقني الصوت ده لو ليه سبب يجعله بيوظ العربيه هما اول ناس هيجرو يصلحوه لأن العربيه في الضمان ولسه امامها كتير قوي

وبعدين خلي بالك ان العفشة لما بتبقى عاوز تتربط بتعمل صوت

فمتدخلشي الأصوات مع بعضها

ما هو مش معقولة العربيه مشخللة وانت ماشي بها واكيد بتمشي على سرعات
انت حاسس مثلا ان العربيه بتحدف او مش متوازنة او مش ثابته

ما هو معلشي لو في حاجه سايبه زي ما انت بتقول عمر ما العربيه هتمشي طبيعي خالص

وانا لا ادافع ولكن انا بوضح لأن مش عارف حاسس ان موضوع الصوت ده داخل فيه حاجات كتير

[معاذ الشرباصى]

يا معاذ كلامي واضح انا قلت :

وده تحليلي للمشكلة من وجهة نظر بحته

يعني راي شخصي للموضوع لأني فحصت العربية فبقول انه احتمال يكون الصوت سببه كده

وبعدين انت مقولتش انه كذا صوت

وصدقني الصوت ده لو ليه سبب يجعله بيوظ العربيه هما اول ناس هيجرو يصلحوه لأن العربيه في الضمان ولسه امامها كتير قوي

وبعدين خلي بالك ان العفشة لما بتبقى عاوز تتربط بتعمل صوت

فمتدخلشي الأصوات مع بعضها

ما هو مش معقولة العربيه مشخللة وانت ماشي بها واكيد بتمشي على سرعات
انت حاسس مثلا ان العربيه بتحدف او مش متوازنة او مش ثابته

ما هو معلشي لو في حاجه سايبه زي ما انت بتقول عمر ما العربيه هتمشي طبيعي خالص

وانا لا ادافع ولكن انا بوضح لأن مش عارف حاسس ان موضوع الصوت ده داخل فيه حاجات كتير

ما هو يا ابوعبدالله حضرتك بتحلل مشكلة من غير لما تسمع الصوت بتاعها

يعنى ينفع دكتور يكتب دواء لعيان او يشخصه من غير لما يكشف عليه

كلام حضرتك محل ثقة و احترام من الجميع, علشان كده لما حضرتك هتكتب حاجة, الناس بتصدقها, او بتقتنع بيها

فحبيت انبه فى التقطة دى, خاصة ان حضرتك لما جربت عربيتى مسمعتش الصوت, لأنه مبيظهرش على ارض مستوية, او مسفلتة كويس

يا ابوعبدالله الصوت تقريبا من ساعة لما جبت العربية, و هما نفس الصوتين, و العفشة اتربطت مرتين, مرة فى صيانة الالف و مرة فى صيانة الخمس الاف, و انا ذكرت انى سمعت الوصت و انا راجع من التوكيل فى صيانة ال 5 الاف

حضرتك انا الحمد لله عندى تركيز جامد جدا فى موضوع الاصوات, و بقدر اتعرف على مصدر الصوت كمان و بتبعه, و معظم الناس اللى اعرفهم سواء اصدقاء او فى العائلة عارفين الموضوع ده, و لما بيكون فى صوت غريب, بيخلونى اجرب العربية لحد اما نعرف مصدر الصوت, و نحله, فحضرتك متقلقش من موضوع تداخل الاصوات, لأنه الحمد لله مش موجود

العربية فعلا انا مش عاجبانى ادائها, يعنى على السرعات بتعوم, و ده حصل و انا مسافر على طريق العلمين, و ثباتها مش كويس, فهل ده من العربية نفسها, و لا بسبب اللى فيها

لو انا قلت العربية مش ثابتة, حضرتك بتنفى كلامى ده, يبقى الحل الوحيد اللى متاح انه بسبب العيب الفنى اللى فيها ده, و لا ايه؟

معلش اخر نقطة مش واضحة بالنسبة لى؟

[أبو عبدالله]

ما هو يا ابوعبدالله حضرتك بتحلل مشكلة من غير لما تسمع الصوت بتاعها

يعنى ينفع دكتور يكتب دواء لعيان او يشخصه من غير لما يكشف عليه

كلام حضرتك محل ثقة و احترام من الجميع, علشان كده لما حضرتك هتكتب حاجة, الناس بتصدقها, او بتقتنع بيها

فحبيت انبه فى التقطة دى, خاصة ان حضرتك لما جربت عربيتى مسمعتش الصوت, لأنه مبيظهرش على ارض مستوية, او مسفلتة كويس

يا ابوعبدالله الصوت تقريبا من ساعة لما جبت العربية, و هما نفس الصوتين, و العفشة اتربطت مرتين, مرة فى صيانة الالف و مرة فى صيانة الخمس الاف, و انا ذكرت انى سمعت الوصت و انا راجع من التوكيل فى صيانة ال 5 الاف

حضرتك انا الحمد لله عندى تركيز جامد جدا فى موضوع الاصوات, و بقدر اتعرف على مصدر الصوت كمان و بتبعه, و معظم الناس اللى اعرفهم سواء اصدقاء او فى العائلة عارفين الموضوع ده, و لما بيكون فى صوت غريب, بيخلونى اجرب العربية لحد اما نعرف مصدر الصوت, و نحله, فحضرتك متقلقش من موضوع تداخل الاصوات, لأنه الحمد لله مش موجود

العربية فعلا انا مش عاجبانى ادائها, يعنى على السرعات بتعوم, و ده حصل و انا مسافر على طريق العلمين, و ثباتها مش كويس, فهل ده من العربية نفسها, و لا بسبب اللى فيها

لو انا قلت العربية مش ثابتة, حضرتك بتنفى كلامى ده, يبقى الحل الوحيد اللى متاح انه بسبب العيب الفنى اللى فيها ده, و لا ايه؟

معلش اخر نقطة مش واضحة بالنسبة لى؟

بص يا معاذ بدون الدخول في تفاصيل اكتر مش هقدر اوصلهالك

الصوت ده القصد ان انا شايف انه له احتمالات كتير
منها ان فيه عمود حديد اللي ماسك العجل الأمامي بالشاسيه
العمود ده ماسك العجل عن طريق بيضه ولكن من الناحيتين
يعني البيضه مش من ناحيه واحده ولكن من الناحيتين بتلف من ناحية العمود ومن ناحية العجل وانا شاكك فيها برضه

المهم على اي حال ربنا ييسر وتتحل المشكلة

اما من حيث الثبات فانا مش عارف معنى بتعوم بالظبط بالنسبة لك
يعني ياريت توصفلي اللي بيحصل بالظبط
لأني مشيت بالعربيه على 170 ومحستشي بحاجه خالص من الكلام ده وخلي بالك ان وزن العربيه واحد طن يعني مهياش عربيه تقيله وجرب تحملها وهات سرعه بها وشوف هيحصل نفس الموضوع كده ولا لأ بس حملها على الأقل بأتنين ورا وواحد في الأمام ويكون وزنها كويس مش خفيف

العربيه واخده نقاط كويسه في موضوع الثبات يعني مش عاديه حتى
انا شايف انها جيده في الموضوع ده لأن بحس انها في المناورات على سرعات بتساعدك مش العكس خالص

اما من حيث الماتور فأنا معاك ان اداء الماتور 1500 سي سي بتاعك مش طبيعي يعني انا حاسس انه المفروض يبقى احسن من كده
خصوصا اني محستشي لما جربتها بانها تفرق عن بتاعتي بل بالعكس جالي احساس اني بتاعتي اسرع من كده

مش عارف لما ابقى اشوفك نبقى نشد مع بعض ونشوف بجد

وانا مش عاوز تقلق كده من الصوت وان شاء الله هيكون خير بإذن الله

[Sharky]

أبو عبدالله هو أبو عبدالله لن يقتنع أبدا بوجود عيوب فى السيريون

سؤال لأبو عبدالله مش ملاحظ إن حل المشكلة طول شويه دا إن كان ليها حل عند التوكيل
و ماتقوليش إنهم لسه مستنين رد اليابان لإن الحكاية دى طولت و بوخت و متهيألى الحل مش لازم ياحد الوقت دا كله دا الموضع بقاله أكتر من 3 شهور على ما أظن و لا جديد فى الرد هى اليابان مش فارق معاه راحة العملاء فى مصر


يعنى من الاخر يظهروا الحل و يبدأو يطبقوا أو على الأقل لو الموضوع شكله حيخش كده فى سنة ولا إتنين يبقى المفروض يغيروا علبة الدريكسيون للعملاء ببلاش طوال فترة الضمان لحد ما يلاقوا حل طالما الموضوع حيطول كده و لا التوكيل مش فارق معاه العملاء

معلومة لا أعلم صحتها سمعتها إمبارح إن توكيل دايهاتسو و العديد من توكيلات السيارت مثل شيفروليه و فولكس فاجن و فورد فى مصر لا يعتبر تغيير علبة الدريكسيون داخل الضمان لإنها ليست عيوب صناع و إنما هى عيوب من شوارع مصر الغير ممهدة