هل فعلاَ لو معاك 80 الف تروح تجيب سيريون

[hasamonty]

80 الف يا جماعه كتير اوي علي عربيه صغيره زي ديه حته لو معموله بميه الدهب.....ايه اللي انت عاوزه من العربيه...اولا تكون عمليه يعني اصحابك يركبوا فيها مش تقول لتنين تعالو و اتنين لا ...ثانيا و اهم حاجه الشنطه في السيريون مفيش شنطه يعني في السفر هتخلي الشنط تسبقك في السوبر جيت....ثانيا انا لحظت في السيريون في اختبار التصادم ان كل حاجه والموتور و الراديتير كله ضاع يفرحتي عربيه بتحميني بس مش عارفه تحمي نفسها....اخرا وليس اخيرا ال 80 الف ديه تجيب عربيه سيدان محترمه مش عربيه mini كبيري بيها الفلف جوه البلد و اروح و اجي من الشغل......صدقوني 80 الف كتير اوي عليها ...هي كويسه و كل حاجه بس لو كانت ب 50 او 45 الف....80 الف تساوي فيرنا 1600 سي سي و فول اوبشن مش سيريون 1300 سي سي و خلي 7 او 8 الاف في جيبك برشق نفسك بيهم :D :D :D

[الصاوي]

مستحيل طبعا الا اذا كان عندي 10 او 15 عربية تانيين و جايبها علشان العب بيها مثلا

[PAYOO]

هذا الكلام يدل على عدم تجربة هذه السياره مطلقا مما يجعله مجرد حُكم على الشكل ليس أكثر
وكلام صاحب الموضوع جعل أختيار السياره فقط يرجع إلى شكلها أو حجمها متناسي تماما الجوده والأمان وخاصة الأمان الذي لا يقدر بمال

وادعوه إلى قراءة موضوعات من قاموا بتجربة هذه السيارة الرائعة

http://www.nilemotors.net/Forum/viewtopic.php?p=73341#73341

[casperinoo]

اجبها طبعا ..

.ده لو انا بنت حلوه كده وعايزه ابقي اشيك واحده فيك يا طريق
لو لسه متجوزتش..او متجوز وعندي عايلين صغيرين..
لو انا بخيل ومش عايز اركب حد معايا :lol: :lol:


السيريون عربيه تحفه وانا شايف انها غاليه شويه بس فيرنا ايه ياعم اللي تقرنها بيها...
بس انا لو معايا 80 الف كنت هشتري السيريون او الجيتز :)

[hasamonty]

هههههههههههه جامد اوي الرد ده يا صاوي .....تاب والله هي ديه الحقيقه تخيل مثلن معايا بعد كام سنه لما الاود يكبرو هتركبو كلكم ازاي و هدومهم تكبر معاهم فين الشنطه اللي تشيل ....و طبعا هتقولي بس هيا في الركن كويسه هقولك مبلاش عربيه احسن وريح دماغك من الركن اساسا....بس بجد والله 80 الف كتير جدا جدا عليها .....ديه مش عربيه عائليه خالص ديه ممكن تكون عربيه تانيه في البيت مش الوحيده ...او عربيه واحد لسه ناجح و بابي لسه جايبهالو و كمان مش هتبقي عمليه معاه

[hasamonty]

بس يا يايو شوف اختبار التصادم و انت هتعرف ان الصاج بتاعها ضعيف اوي و ركز اكتر هتلاقي ان كل حاجه منها الموتور ضاعت وركز هتلاقي ان من التصادم حصل عوجه في عضم العربيع و العتب تحت الباب + انا بقول انها عربيه كويسه جدا بس لو سعرها 50 الف مش 80 و في منها 85 و 1300 سي سي او اقل كمان

[hasamonty]

ايوه بس العربيه مش عمليه خالص يعني مش بتاعت اسره ..بتاعت واحد لسه متجوز جديد ...او شاب في جامعه.....اما لو اسره رايحه تشتري عربيه و معاها 80 الف اكيد مش هتشتري سيريون...يعني فهمني مثلن اسره 5 افراد الاب والام وولدين و بنت او 3 ولاد او 3 بنات :D اقنعني ازاي هيركبه فيها ....فده يدل ان انت هتدفع 80 الف عشان بكتير اوي يكون معاك تلاته في العربيه و تلفلفه بيها يعني في السفر الشنط هتلروح فين عاوز انقل حاجاتي من حته لحته هحتها فين ... يعني لو انت شخص عملي يبقي مستحيل تشتري سيريون و سيبك بقا من التابلوه هحت فيه ابني الصغير والكلام ده

[PAYOO]

طيب أنا عندي راي يا جماعه

أيه رأيكم لو في المقابله إللي جايه تيجو وتجربو العربيه دي بالفعل وساعتها هاتيجو هنا في الموضوع ده وتكتبوا كلام مخالف تماما لما قيل

وعلى فركه أنا كنت بقول زيكم كده بالظبط وأكثر كمان لكن لما جاتلي فرصه وجربت العربيه عرفت أنها تستاهل كل قرش مدفوع فيها وممكن نقول انها غاليه حبتين بس مش لدرجة انها تبقى بـ50 الف جنيه يعني مش للدرجة دي

على العموم يا ريت نجرب الاول

[hasamonty]

علي فكره انت هتلاقي كل انتقادي ليها ان هي مش عمليه ...و حرام بصراحه اجيب عربيه ب 80 الف عشان واحد بس في الاسره ..و سيريون مش تنفع غير عربيه تانيه للاسره و حرام العربيه التانيه تبقي ب 80 الف + ان في اختبار التصادم بان اوي ان هي ضعيفه و تصميمها بيخالي الموتور و الحاجات اللي جنبه اكثر عرضه للتلف

[Ahmed Anwer]

حضرتك أنا قتلت السيريون بحثا و انا بشتري
و بتوع ديهاتسو طلع عينهم مني من كتر ما روحتلهم و كل مرة بناس شكل ، المدام ، أصحابي ، زمايلي ،،،،،،،
و وقفت كذا واحد من القلة اللي شارينها و سألتهم و كلهم شكروا فيها جدا و ممكن تشوف مواضيع أخونا أبو عبد الله
بصراحة لو بختار لوحدي كان ممكن اخترها خاصة إني صاحب عائلة صغيرة و طفل واحد يعني مش هحتاج اكبر منها لمدة طويلة و شباب يعني الحمد لله ،،،،،،
بس بصراحة ما حدش شجعني عليها كله يقولك شكلها قلة كده و اللي يشوفها يفتكرها عربية صيني ب 40 ألف جنيه و لما تيجي تبيعها هتدلل عليها و هتقع بين أنياب الوكيل
عشان كده بعدت عنها خصوصا عشان إعادة البيع أكتر من حكاية الحجم
و الحمد لله تقريبا قراري كان صح عشان شايف العربية نازلة بقالها كتير و مالهاش أي إنتشار في الشارع إلا في ما ندر

[casperinoo]

ممكن تبقي فكرت اعلان عن تنظيم الاسره...يجيبو كريمه مختار وواراها عربيه سريون 6 اشخاص بيحاولو يركبوها... :lol: :lol: :lol:

انا شايف ان الموضوع اذواق ...فيه ناس كتير بتحب العربيات الهاتش اكتر من السيدان...والسيريون اشيك عربيه هاتش باك وياباني كمان...والناس كتير بيشكرو فيها كموتور وتقفيل...

[hasamonty]

شوفت اديك بتقول 40 الف و انا قولت 50 يعني انا مجاملهم في 10 الاف ههههههه :D :D
ده بالظبط اللي بتكلم فيه ان هي مش عمليه مش بتاعت اسره بتاعت واحد بس و انا مش بتكلم علي الجوده و الثبات و الحاجات ديه عشان انا مش ركبتها انا بتكلم في موضوع العمليه و السعر

[casperinoo]

...

مثلن اسره 5 افراد الاب والام وولدين و بنت او 3 ولاد او 3 بنات اقنعني ازاي هيركبه فيها

ممكن تبقي فكرت اعلان عن تنظيم الاسره...يجيبو كريمه مختار وواراها عربيه سريون 6 اشخاص بيحاولو يركبوها... :lol: :lol: :lol:

انا شايف ان الموضوع اذواق ...فيه ناس كتير بتحب العربيات الهاتش اكتر من السيدان...والسيريون اشيك عربيه هاتش باك في السعر ده وياباني كمان...والناس كتير بيشكرو فيها كموتور وتقفيل..

...هي كويسه و كل حاجه بس لو كانت ب 50 او 45 الف

ههههههه ديه ال 128 المختعه بتباع ب 40000 :lol: :lol: :lol: :lol: ((صباح الفل))

[hasamonty]

مش كل الهاتشباك صغير اوي كده ...يعني مشلن عندك الاسترا واهيه الماني برده والتوكيل محترم و عندك الميجان الهاتشباك و عندك الفابيا و اهي الماني برده و ان فاتك الاماني مش هيرجع تاني كل دول احسن من السيريون و سعرهم يبان عليهم وكبار نسبيا و الجراند بنتو

[hasamonty]

و الجولف و اسف علي الغلاطات الاملائيه اصل انا مكنتش شاطر في العربي وانا صغير :D :D