هل فعلاَ لو معاك 80 الف تروح تجيب سيريون

[ahmed1981]

و حرام بصراحه اجيب عربيه ب 80 الف عشان واحد بس في الاسره ..و سيريون مش تنفع غير عربيه تانيه للاسره و حرام العربيه التانيه تبقي ب 80 الف + ان في اختبار التصادم بان اوي ان هي ضعيفه و تصميمها بيخالي الموتور و الحاجات اللي جنبه اكثر عرضه للتلف

طب ليه حرام
البيكانتو كوري وأصغر من السريون ورغم كده سعرها فوق الخمسين ألف
لو واحد ربنا فاتح عليه والرزق متوفر يجيب لإبنه مثلا سيريون ب 80 ألف مفيهاش حاجة

وبالنسبة لإختبارات التصادم فجميع مصممين السيارات في العالم يتنافسون للتضحية بكل شيء في السيارة وقت التصادم لحماية الراكب
بمعنى لو عربية خفيفة وبالتالي إستهلاك بنزين بسيط ولكن في التصادم تحافظ على الراكب بأي ثمن فهذا هو التصميم الصحيح

وأضرب لك مثال بأحد تصميمات مرسيدس عند التصادم الشديد ينفصل شاسيه السيارة من عد صدر السيارة بحيث ينزلق قليلا أسفل الكابينة ليحافظ عليها وبذلك يصبح الموتور والنصف الأمامي بالكامل كأنه وسادة من الحديد يضحى بها لحماية الراكب

[hasamonty]

طاب مالو فاتح عليه ميزود شويه و يجيب استرا او ميجان

[ahmed1981]

طاب مالو فاتح عليه ميزود شويه و يجيب استرا او ميجان

أذواق بقى
وجايز ربنا فاتح عليه على قد كده بس :D

[Ahmed Anwer]

للأسف السيريون سيارة لا مستقبل لها في مصر رغم إجماع من يعاينها في المعارض علي إعجابه بها و جميع ماليكها بيقولوا فيها شعر مش بس أبو عبد الله وأنا وقفت كذا حد راكبها و سألته,و أنا شخصيا كنت تقريبا خدت قرار إنني أشتريها بس كل الناس حاسسوني إن ده أسوأ قرار ممكن أخذه اللي يقوللي يا بني ده اللي يشوفها يفتكرها عربية صيني ب أربعين ألف و اللي يقوللي لو جيت تبيعها هتخسر كتير و هتدلل عليها و هتبقي أكبر غلطة و السبب عشان إحنا في مصرالشوارع فاضية و هاي واي و كل واحد ساكن في فيلا فيها بسين و جراج يبقي لازم العربية تبقي طول بعرض و شنطة تملي العين عشان البرستيج عشان كده أي عربية هاتشباك مبنحبهاش مثلآ الياريس لما كانت هاتشباك مكانش حد بيعبرها و لما نزلت سيدان و فخموها اتباعت أكثر من ال 128,يعني الناس تفضل تشتري عربية كبيرة مستعملة تطلع عينهم و ما يشتروش عربية صغيرة زيرو رغم إن صغر حجم العربية ده ميزة و ليس عيب في رأيي خاصة إذا كانت واسعة أوي من جوه ذي االسيريون و حتي شنطتها مش مشكلة لأن كراسيها الخلفية بتتطبق علي جزئين بطريقة سهلة و بتوع توكيل دايهاتسو نفسهم بيعترفوا إن الدايهاتسو اللي بيتباع في مصر الشاريد و التيريوس بس , الشاريد عشان عربية صغيرة و رخيصة وسمعتها معروفةو التيريوس عشان أرخص عربية 4*4 في السوق لكن صعب حد يشتري عربية بتتصنف علي أنها صغيرة من غير شنطة و مش ماركة فاخرة ب 80 ألف جنيه

[hasamonty]

لو فاتح علي قد كده بس يبقي يعنل حساب الزمن و يجيب عربيه عمليع عن ديه بكتير :twisted: :mrgreen:

[ahmed1981]

لو فاتح علي قد كده بس يبقي يعنل حساب الزمن و يجيب عربيه عمليع عن ديه بكتير :twisted: :mrgreen:

طب ولو المسألة أذواق :?: :?: :D

[aboalm]

الموضوع بمنتهى البساطه هيا عربيه ممتازه لواحد مش عاوز اكتر من كده فى عربيته لكن لو على السعر طيب ما انا اجيب مثلا الآفيو الجديده و اتوماتيك برضه و بنفس السعر من غير و لا مليم زياده

[Ahmed Anwer]

لو ذوق الشعب المصري مش عجباه ؟
اللي عايز يبيعها يعمل ايه ؟؟
اه نسيت انتوا بتقولوا اللي شاريها مقتدر مش فارق معاه الفلوس

[أبو عبدالله]

ممكن سؤال للأستاذ الفاضل hasamonty

هو مخذى السؤال ايه ؟؟؟؟
يعني انا مش فاهم هو ايه سبب السؤال يعني حضرتك بتشتري عربيه ولا ايه ؟؟؟؟

ممكن توضحلنا علشان نعرف نرد على حضرتك علشان الفائدة

[hasamonty]

لا والله انا بس حبيت ادي نصيحه للناس اللي بتشتري عشان حسيت ان انت كلامك وردي اوي عن السيريون + حاجه جت في راسي فحبيت اخد راي الناس فيها

[hasamonty]

انا بس حبيت اقول ان اهم حاجه في العربيه ان هيا تكون عمليه ؟؟ يعني انت يا استاذ عبد الله متزوج و عندك اولاد ولا عايش لوحدك؟؟

[أبو عبدالله]

أنا متزوج وعندي ولد
وبسافر عالطول بالعربيه وعمري ما حسيت انها ليست اعتمادية واقسملك بالله ما تجميل للعربيه ولا حاجه ولكن هذا هو الحق
العربيه بتخون الناظر اليها نها صغيره ولكنها كبيره جدا وانا حكيت قبل كده اني ركبت فيها ما يقارب بــ 7 افراد متوسطين الحجم
وهقولك كمان انا حطيت فيها قبل ذلك شنطة سفر ومعاها سخان خمسين لتر بشنطة السيارة

بص العربيه لو حجتها الشنطة مع انها مش للدرجه برضه انت عندك الكنبه الخلفيه منقسمة لقسمين قسم مكان اتنين وقسم مكان واحد قابلين للطي فمن الممكن انك تطوي اي قسم منهم لوحده ويبقى عندك مساحه غير موجوده في السيدان العاديه

وبعدين بخصوص تنظيم الأسرة والكلام ده فأنا الان معي طفل وامامي اكتر من خمس او ست سنين لحد ما ابقى عندي اتنين كمان
ومتهيالي حتى ساعتها برضه العربيه هتكفي وربنا يديلنا طولت العمر ان شاء الله


بس بجد الناس اثبتت المثل اللي بيقول

اللي ما يعرفك يجهلك

ثانيا العربيه لا يقاس انتشارها في خلال سنه وشويه العربيه نازله مصر في نص 2006 كده
يعني لا استطيع ان احكم الان ومع ذلك العربيه لها مبيعات جيده بالنسبة لعدم ثقة الناس السابقة فيها بسبب الوكيل رجب القديم
وهقولك على حاجه السيريون القديمه كان عندنا هنا في المنصورة اتنين عارفينهم مفيش غيرهم وشوف الموديل القديم ده اقعد كام سنه ومع ذلك الجديده عندنا وفي خلال سنه ونصف اللي انا اعرفهم وبشوفهم حوالي من 15 الي 20 عربيه داخل مدينة المنصورة ومع ذلك الوكيل بتاعها يؤكدلي انه بايع في المنصورة اكتر من كده

واؤكدلك ان كل اللي اشتروا السياره من كلامي انا بعد ما اشتروها دعولي وقالولي كان عندك حق والعربيه تعرفك جيدا معنى الأعتماديه مع قلة اسعار قطع الغيار

وبعدين بمناسبة موضوع السعر فهيا لا تقاس كذلك دعنا نراها برؤية اخرى

ارخص عربيه ياباني في السوق المصري 1300 سي سي هيا بدون منازع السيريون بــ 75 الف
ارخص عربيه ياباني في السوق المصري 1300 سي سي اوتوماتيك هيا السيريون يــ 80 الف
ارخص عربيه ياباني في السوق المصري 1300 سي سي اوتوماتيك فول اوبشن بوسادات هوائية و ABS , EBS هيا السيريون بــ 85 الف

ومن العجيب ايضا ان اسعار قطع غيارها ارخص من مثيلاتها في السعر مع انها ياباني ومن المعروف انها من العربيات المعمرة

ومن العجيب انك تقارن هذه السياره بمثيلاتها في السعر وليس الفئة
السيريون تقارن بمثيلاتها من السيارات الهاتشباك وليس السيدان لأنها سيارة هاتشباك
وبالتالي تعالى نشوف من مثيلاتها في السوق
مثيلاتها الجيتز مثلا
هل تقدر تقولي ان الجيتز اكتر من السيريون في السوق المصري مع العلم انها ارخص وماتور 1600 سي سي وموجوده في السوق من قبل السيريون
انا لا اتفق تمام يعني على سبيل المثال عندنا في المنصورة اللي بشوفهم تقريبا والله اتنين او تلاته بالكتير
طيب ده معناه ايه ان الناس بتدفع اكتر في عربيه اقل في السعة اللترية والقديمة بتاعتها لم تكن بالأنتشار اللي يخليهم مندفعين على شرائها هكذا ................. اكيد في شئ


وفي النهاية ممكن أخوانا الأحباء اللي جربوا العربيه مني يقولوا رأيهم وانت تعرف مدى صحة كلامي أمثال كريم منير وهاني بايوو ومعاذ ومحمود الحفناوي وأخونا الكبير سبعاوي

اما عن اعادة البيع فأؤكدلك ايضا انك لما تركبها اتحداك انك تبعها
الا لظروف خارجة عن الأرادة لا قدر الله
ومتهيالي ثقة الناس دلوقتي واعجابهم بها الشديد اكيد دليل ان العربيه هتعمل سوق كبير بعد ذلك
واحب ان ضيف انها نواة لتحول في السيارات العالميه اللي جميع الماركات العالميه بما فيها الألماني بيتوجهوا الآن للعربيات ذات الحجم الصغير لتوفير الوقود وتقليل المساحات المهدرة من السيارة وهذا توجه عالمي معروف يكتب عليه في جميع المجلات العالمية لعالم السيارات

[PRO-DRIVE]

ثانيا انا لحظت في السيريون في اختبار التصادم ان كل حاجه والموتور و الراديتير كله ضاع يفرحتي عربيه بتحميني بس مش عارفه تحمي نفسها


^^^^^^
طيب و ايه رايك في عربيه اول ما تصتدم ملهاش دعوه بيك بس ( ان ربنا كتبلك و كملت حياتك سليم ) مش حتدفع ولا مليم ؟؟

طيب يا فرحتي اموت ولا اتشل و مدفعتش تمن رادياتير ولا شويه حجات قدام ؟؟؟


لو حضرتك عندك فكره عن ال SAFE CELL او SAFE CAGE و دا في كل عربيات مرسيدس و فيراري ولامبو
( مش دايهاتسو )

زي ما البشمهندس احمد رد بتبقي انت و الركاب في قفص محمي و تضحي بكل العربيه بس انتوا تعيشوا !!!
و في الاخر التأمين حيدفع تمن التصليح


في الاخر انت ممكن تشتري لادا 128 كل الحجات دي علي مزاجك و حلوه حديد قوي بس و ( ربنا يستر عليك في التصادم )

او العربيات الصيني بس حتبقي انت و المتور جنب بعض :mrgreen:

[الصاوي]

الموضوع يمكن تلخيصه في جملة واحدة:
لولا اختلاف الاذواق لبارت السلع

و رأيي الشخصي ردا على الموضوع من الاول نشوف شكل التابلوه اللي يفطس من الضحك بعدين تقولوا رأيكم
المسألة اذواق يا جماعة

[tamohsen]

ايه يا شباب العمليه مش بتتقاس كده خالص !!
مين اصلا قال انها عربيه عائليه
العربيه دي سوبر ميني يعني لشباب او عيله صغيره معاها طفل صغير
وهي فعلا تستاهل تمنها
مش معني انها مش عائليه يبقي لازم تبقي رخيصه :!:
امال الميني كوبر ام 180 الف بتتباع ازاي :?: :!: