هل فعلاَ لو معاك 80 الف تروح تجيب سيريون

[أبو عبدالله]

يا أخ ابو عبد الله
ربنا يباركلك في العربية
بس حضرتك مش ذاكر و لا حاجة مضايقاك في العربية إنشاء الله إن يكون الأزاز بيعمل تك في الآخر
ده برده مش منطقي في ناس كتير كتبه تقييمات لعربياتها بعد الإستخدام علي المنتدي
حضرتك الوحيد اللي مش ذاكر أي نقطة سلبية

بص يا احمد انت لك لفه وهخليك تتطول فيها وطلعلي انت بقه العيوب لأنك مش متحييز زيي ....حلو كده

[Ahmed Anwer]

يا باشا ده شرف ليا ،،،،،
أنا اتمني إني اتعرف علي إنسان محترم زي حضرتك
بس بجد أنا مبحبش أسوق عربية حد ،، حاجة فيا من زمان باخف اجرحهالوا و لا علي حظي حد يطلعلي من هنا و لا هنا
حضرتك ممكن تلبس نظارة سودا و تحاول تشوف عيوب في العربية :D :D :D :D
أو تشوف حد ركبها و قالك حاجة فيها
بس الحق يتقال أنا لما كنت بتفرج عليها في توكيل ديهاتسو اللي في شارع النزهة ،، إحساسي الداخلي إنها مستوي تاني في الجودة غير كل العربيات اللي فئتها محستش الإحساس ده محستوش نهائي في الياريس و اللانسر و أكيد في الكوري
يعني تقل الأبواب و قفلها ، تقل باب الشنطة ، خامات الصالون و التقفيل نفسه ، يعني تحس إنها حاجة فاخرة بس علي صغير ،،
بس زي ما قولت لحضرتك دي وجهة نظر واحد مش خبير
هقولك أنا بقه علي عيب
عربية سيريون عندنا في الشارع ، اتجرحت واتخبطب و الإكصدام بتاعها وقع ،،، شكلها بقه وحش قوي ،،، ده برده إحساس داخلي إن العربيات الصغيرة لما بتبهدل بيبقي شكلها وحش أوي عن العربيات الكبيرة لما بتبهدل
و ده برده إحساس داخلي عند المصريين إن العربيات الصغيرة بتبهدل بسرعة عن العربيات الكبيرة

[hazem_khidr]

يا ااستاذ احمد هو في عربيه في العالم من غير عيوب؟؟؟؟
دا الكمال لله وحده اكيد اي عربيه فيها عيوب حتي لو كانت فيراري مش دايهاتسو هاتش باك :D :D :D .
من رايي انها عربيه بنااااااااااااااتي و ما تنفعش اسره مع اخترامي لجميع مالكيها.
حنقول واسعه اوك و دا بسبب ان الاربع عجلات بتوعها محطوطين في اخر زاويا العربيه يعني متحرفين للاخر و دا اللي مخليها واسعه و دي فكره زكيه.(و الاوربيين اول من استعملو الفكره دي علي فكره ). بس برضه مهما كانت مش اسمها عربيه بجد زي اللانسر ولا الكورولا و لا الحاجات دي حتي لو دول اضيق منها .برضه راكب عربيه عريضه شويه و و اثبت علي الطريق.

[أبو عبدالله]

مش اسمها عربيه برضه
وبعدين انا اول مره اعرف ان في عربيه نص نص وعربيه كامله

ودي اراء ووجهات نظر قابلة للخطا والصواب

[Ahmed Anwer]

أولآ حمد الله علي السلامة يا حازم باشا بقالك كتير مبتظهرش
حكاية بناتي دي بقه مالهاش معني أوي ، لأن بصراحة الستات مفيش موديل ماسابهوش ، و اللي يغيظك إن الموديلات الحديثة و الفاخرة دايما اللي بيركبها ستات
حكاية إنها مش زي الكورولا و اللانسر متشوف فرق السعر بينها و بينهم ايه ؟؟؟
مع العلم إني أتوقع إن السيريون هيبقي أدائها أحسن لأنها 1300CC علي الحجم الصغير ده ، دي وجهة نظر شخصية
يا راجل ده التوكيل الوحيد اللي العربية بتنزل بره 1000cc و هوا جاب 1300 CC
هوا المشكلة إن إحنا عايزين ناخد كل حاجة حجم و برستيج و جودة و إعادة بيع و كمان سعر رخيص

[hazem_khidr]

أولآ حمد الله علي السلامة يا حازم باشا بقالك كتير مبتظهرش

الله يسلمك يا احمد باشا

حكاية بناتي دي بقه مالهاش معني أوي ، لأن بصراحة الستات مفيش موديل ماسابهوش ، و اللي يغيظك إن الموديلات الحديثة و الفاخرة دايما اللي بيركبها ستات

يعني مثلا عربيه زي المرسيدس ليها طابع رجولي كده و قليل لما تلاقي واحده سايقاها او عربيه زي الفيرنا مثلا شوف كام راجل سايقها و كام بنت سايقاها.

مع العلم إني أتوقع إن السيريون هيبقي أدائها أحسن لأنها 1300CC علي الحجم الصغير ده ، دي وجهة نظر شخصية

اوك ماشي معاك ان ادائها حيبقي كويس جدا كمان طب بالنسبه للثبات؟؟

يا راجل ده التوكيل الوحيد اللي العربية بتنزل بره 1000cc و هوا جاب 1300 CC
هوا المشكلة إن إحنا عايزين ناخد كل حاجة حجم و برستيج و جودة و إعادة بيع و كمان سعر رخيص

يا احمد باشا احنا بندفع في العربيات اساسا ارقام مبالغ فيها جدا بسبب جشع التجار و الجمارك و ما تقدرش تقول ان في عربيه في مصر رخيصه

[Ahmed Anwer]

النقطتين الآخيرتين مقدرش أفيدك فيهم
نقطة بناتي حضرتك حدد بناتي و لا ستاتي ؟؟؟؟؟
عشان الفيرنا مثلآ أنا بشوف ستات كتير فعلآ جايبنها عشان المدارس و الشغل و الأولاد وكده
لكن تقريبا مبشف بنات جايبنها ا

[أبو عبدالله]

أؤكدلك انها في الثبات يا أحمد باشا تاخد 9 من 10 اذا مكنشي عشره من عشره
لأنك لما تجربها على اي سرعه بتحس ان العربيه انت متحكم فيها وهيا مساعداك جامد يعني حضرتك لو ماشي على 120 او 140 او ازيد وحركت الدركسيون يمين وشمال تلاقي العربيه بتستجيب معاك عالطول اكنك ماشي على 50 كم

انا قلت الكلام ده لكل اخوانا اللي جربوها قبل ما يجربوها وهما لاحظو الموضوع ده

وعلى فكره انا اول حاجه لاحظتها في العربيه اول ما سوقتها عدم تأثرها بالتكييف نهائي واستجابة العربيه للدركسيون على السرعات العاليه بطريقه تحسسك انك في مامن في اي لحظة من اي شئ يحدث امامك على الطريق فجأة

واللي جرب غير اللي مجربشي

[الريس]

استاذ ابو عبد الله
انا بجد بعد الكلام ده كله حابب اجربها
اصل مش ممكن يكون كل الكلام ده من فراغ
ودي من العربيات النادرة اللي مركبتش فيها حتى
في مكان في تست درايف ليها؟

[hazem_khidr]

انا بجد بعد الكلام ده كله حابب اجربها
اصل مش ممكن يكون كل الكلام ده من فراغ
ودي من العربيات النادرة اللي مركبتش فيها حتى
في مكان في تست درايف ليها؟

يا باسم باشا لازم تجربها طبعا بس ما تتوقعش انك راكب ميني كوبر مثلا او علي الاقل نيو سويفت
لازم اي عربيه يبقي فيها عيوب مفيش حاجه اسمها عربيه كامله و اللي يقول غير كده يبقي ما جربش عربيات ولا يعرف يعني ايه عربيه

[PAYOO]

انا بجد بعد الكلام ده كله حابب اجربها
اصل مش ممكن يكون كل الكلام ده من فراغ
ودي من العربيات النادرة اللي مركبتش فيها حتى
في مكان في تست درايف ليها؟

يا باسم باشا لازم تجربها طبعا بس ما تتوقعش انك راكب ميني كوبر مثلا او علي الاقل نيو سويفت
لازم اي عربيه يبقي فيها عيوب مفيش حاجه اسمها عربيه كامله و اللي يقول غير كده يبقي ما جربش عربيات ولا يعرف يعني ايه عربيه

يا حازم تعليقاتك وتلميحاتك حول السيريون أصبحت أكثر من اللازم جدا واغلبها تعليقات غير ظريفه وغير مقنعه والقارئ أو المتابع لأرئك حول هذا الموديل بالتحديد سوف يشعر في كلامك بكثير من المغالطة والتجريح
فلكي تحترم الناس أرائك يجب أن تكون أرائك موضوعيه وليست لمجرد التهكم والعناد والغيظ في بعض ملاكها ليس أكثر خصوصا وأنك لم تقم بتجربة هذا الموديل بالتحديد

وأنا سوف اعتبر أن هذا تنبيه وليس أنذار

[hazem_khidr]

يا حازم تعليقاتك وتلميحاتك حول السيريون أصبحت أكثر من اللازم جدا واغلبها تعليقات غير ظريفه وغير مقنعه والقارئ أو المتابع لأرئك حول هذا الموديل بالتحديد سوف يشعر في كلامك بكثير من المغالطة والتجريح
فلكي تحترم الناس أرائك يجب أن تكون أرائك موضوعيه وليست لمجرد التهكم والعناد والغيظ في بعض ملاكها ليس أكثر خصوصا وأنك لم تقم بتجربة هذا الموديل بالتحديد

اعتبره زي ما حضرتك عايز يا استاذ هاني انا بقول رايي و مين قال لحضرتك اني ما جربتهاش مثلا قبل كده.
حتي لو مجربتهاش ف انا حر اقول رايي طالما اني ما جرحتش في حد ولا جبت سيره حد و لا غلط في حد و انا مش شايف في كلامي حاجه تدعو للتنبيه او الانذار بس لو حضرتك شايف كده ف ليك الحق تعمل اللي عاوزه لكن انا فعلا ما سخرتش من حد ولا تهكمت علي حد و لا تعديت اي قاعده من قواعد المنتدي

[توفيق طة]

اقتباس:

انا بجد بعد الكلام ده كله حابب اجربها
اصل مش ممكن يكون كل الكلام ده من فراغ
ودي من العربيات النادرة اللي مركبتش فيها حتى
في مكان في تست درايف ليها؟


يا باسم باشا لازم تجربها طبعا بس ما تتوقعش انك راكب ميني كوبر مثلا او علي الاقل نيو سويفت
لازم اي عربيه يبقي فيها عيوب مفيش حاجه اسمها عربيه كامله و اللي يقول غير كده يبقي ما جربش عربيات ولا يعرف يعني ايه عربيه


يا حازم تعليقاتك وتلميحاتك حول السيريون أصبحت أكثر من اللازم جدا واغلبها تعليقات غير ظريفه وغير مقنعه والقارئ أو المتابع لأرئك حول هذا الموديل بالتحديد سوف يشعر في كلامك بكثير من المغالطة والتجريح
فلكي تحترم الناس أرائك يجب أن تكون أرائك موضوعيه وليست لمجرد التهكم والعناد والغيظ في بعض ملاكها ليس أكثر خصوصا وأنك لم تقم بتجربة هذا الموديل بالتحديد

وأنا سوف اعتبر أن هذا تنبيه وليس أنذار

+1000000
هو دا الكلام المنطقى وكلام الأخ حازم ليس نقد موضوعى وأتمنى قبل النقد أن تجربها وبعدين أسمع رأيك ؟؟؟

فية فرق كبير بين مثلا القميص الصينى والمصرى مثلا ,انت صاحب محل ملابس وأدرى بالأصلى والتقليد ؟؟؟؟

أرجو ا، من ينتقد أن يكون قد جرب أولا؟؟؟؟

تحيــــــــــاتى 8)

[hazem_khidr]

هو دا الكلام المنطقى وكلام الأخ حازم ليس نقد موضوعى وأتمنى قبل النقد أن تجربها وبعدين أسمع رأيك ؟؟؟

فية فرق كبير بين مثلا القميص الصينى والمصرى مثلا ,انت صاحب محل ملابس وأدرى بالأصلى والتقليد ؟؟؟؟

أرجو ا، من ينتقد أن يكون قد جرب أولا؟؟؟؟

تحيــــــــــاتى

حضرتك انا مجربها في الامارات مش هنا كمان و فاهم انا بقول ايه و بعدين مين قال لحضرتك اني صاحب محل و ببيع صيني و مصري ؟؟؟؟؟؟؟

[توفيق طة]

أنت صاحب مصنع أليس كذلك ؟؟

وكلامك عن تجربتها فى الخارج على أى موديل نحن نتكلم عن موديل 2007 ..

يعنى آراء كل اللى جربوها أو اشتروها من فراغ أم دعاية أم أى كلام أتمنى أن تكون فى نقدك موضوعى..

تحيــــاتى