هل فعلاَ لو معاك 80 الف تروح تجيب سيريون

[hasamonty]

هههههههههههههههههههههه سيبتوا كل حاجه و فضلتوا مسكين هيا فعلا ولا فعلن ...هههههههه

بالاضافه يا استاذ عبد الله ان
اصغر عربيه 1300 سي سي ب 80 الف
اصغر عربيه اتوماتيك ب 80 الف
يا جماعه 80 الف ديه تجيب حاجات كتير و اكبر من انها تجيب سيريون و بعدين مقولتيليش غلي الصوره اللي بتبين ان هيا ضعيفه جدا في اختبار التصادم ...+ هل ديه ممكن تكون العربيه الوحيده في البيت .... و بعدين يا استاذ عبد الله موضوع الياباني ده مات خلاص فيه حاجات كتير اوي هتقعد الياباني و تخليه اخره يصنع توك توك سوري القافيه حكمت :mrgreen:

[hasamonty]

مهيا المشكله في النت ..تاب مانا ممكن اعمل موقع و اقول في ان السيريون احسن من الميني كوبر و افضل اقول اصل هيا اصغر من الميني كوبر فممكن تركن احسن و انها ياباني برده فأحسن من الميني كوبر و قطع غيرها ارخص و الميني كوبر الكبوت بتاعها ضعبف و اي كلام....وانت تدخل الموقع و كلامي يقنعك و تفضل مصمم ان السيريون احسن من الميني كوبر مع اني كنت كاتب اي كلام

[Ahmed Anwer]

يا أخ hasamonty الراجل جاب العربية و راكبها مش بيكلم علي كلام علي النت
و هوا بيقول إنها ممتازة و المفروض إنا إحنا نصدقه
و كلنا انتقداناها انتقادات موضوعية من ناحية الحجم و الإنتشارو إعادة البيع
و هو تقبل الإنتقادات دي و قال وجهة نظره
حضرتك عايز أيه منه بقه ؟؟
بصراحة إنتقادتكم غير موضوعية ، في موضوع تاني شوفت واحد بينتقدها من ناحية الأمان و بيقول العربية عشان من غير شنطة لو خدت خبطة من ورا الناس اللي قاعده ورا هيضيعوا :?: :?: :?: :?:
كلام مش منطقي إطلاقا مكنوش نزلوا عربيات هاتش باك أساسا
بعدين مفيش في سعرها غير عربيات كوري ،
في واحد متفرقش معاه الحكاية دي و واحد تفرق معاه جدا ،،، وجهات نظر مش هنوصلها لإتفاق

[Ahmed Hassan]

لو فاتح علي قد كده بس يبقي يعنل حساب الزمن و يجيب عربيه عمليع عن ديه بكتير :twisted: :mrgreen:

ممكن اعرف تعريف حضرتك لكلمه "عمليه"؟ اصلي بصراحه شايف ان دي عربيه عمليه جدا جدا لعائله صغيره "اب و ام و طفل او اتنين". انا شايف انها عمليه للأسباب دي:
- شكلها و تصميمها تحفه.
- جوده صناعه و خامات و اعتماديه عاليه جدا.
- ثبات على الطريق في فئتها.
- محرك اقتصادي جدا و آداؤه عالي جدا "في فئته"
- اتساع داخلي و على فكره الشنطه ممكن توسع بطي الكنبه الخلفيه او تحريكها للأمام.
- وكيل اكتر من ممتاز.
- اسعار قطع غيار لا يمكن وصفها بأقل من "شعبيه" مقارنه بقطع غيار السيارات الجديده حتى الكوري و الصيني منها.
- امان عاي جدا غير متوفر في مثيلاتها.

اذا كان احنا كمشترين معندناش وعي كافي او بناخد بالحجم فدي مش مشكله العربيه.. دي مشكلتنا احنا.

منتظر رد حضرتك على سؤالي مع طرح البديل الأحسن.

[أبو عبدالله]

المشكلة يا احمد ان احنا مش عارفين اصلا نقيس يعني ايه عربيه اعتماديه
واحد بينظر للماتور وخلاص وواحد بينظر لفلوسها اللي مدفوعه فيها وخلاص وواحد بينظر لأعادة البيع وخلاص وواحد بينظر لأسعار قطع الغيار وخلاص وواحد بينظر لمظهر الخارجي للسياره وخلاص وواحد بينظر لفخامتها وواحد بينظر لأسمها وواحد وواحد وواحد ......................

المشكلة بقه ان العربيه الصح هيا اللي تقدر تعمل اقرب معادلة بين كل اللي انا ذكرته ........... مع احتياجاتك واولوياتك
وساعتها هيا هتبقى احلى عربيه عمليه لك


يعني على سبيل المثال انا لما عرفت اسعار الاكصدامات عندي قولت والله يا بلاش الواحد بقه ميهموش ويخاف عليهم وايه يعني ما اخرها 600 جنيه واغيره كله واخلص ...........
ومثلا لما اضربلي مشوار كبير انا بحسها قوي في البنزين اني مش فارقه معايا امشي اكتر ...........لأنها بتعمل في الطوالي بالتكييف والأوتوماتيك 350 ك للصفيحه 20 لتر
في احلى من كده :D :D :D

[PRO-DRIVE]

يا استاذ hasamonty

انت بتقارن ياباني بمين ؟؟؟ ثانيا اساسا سياسه شركه دايهاتسو انها تعمل عربيات صغيره !!! مش عاوز منها متشتريهاش
بعدين مشفناش انجازات لكوريا في العربيات غير انهم ينجزوا في الميزانيه بس عشان يطلعوا رخيصه

بعدين لما اليابان تصنع توك توك مين ينافس امريكا و اوروبا في عربيتها ؟؟ اكسنت :mrgreen:

ولا ممكن كمان حبه نسمع accent vs m5 هههههههههههههههههههههه لوووووووووووووووول :mrgreen:

امووووووت و اعرف شركه كوريه اخترعت نظام !!! اموت و اشوف عربيه كوريه اتفوقت علي يابانيه

لو عاوز مقارنه في المحركات و الجوده بالمللي انا ممكن اعملك حالا بس لو مش حتزهق قولي عاوز تقارن مين بمين

صدقني الكوري حطه في مكانه صح عربيه رخيصه حلوه و عمله و علي قد فلوسها

[hasamonty]

ههههههههههههههههههههههههههه لا اصل احنا بنسمع سيريون VS ميني كوبر ولا سيريون VS توك توك حتا و بعدين كل اللي يقولي بيقولي الشنطه واسعه لما تطبق الكراسي السؤال تاب لو معاك شنط و اشخاص و مسافرين هل هتركب الاشخاص و بعد كده تطبقها عليهم و بعد كده تحط الشنط.....و بعدين يا جماعه المشكله اساسها في الاحصائيات اللي من النت ...عشان ديه مش علي مواصفات العربيات بتعتنا ديه علي مواصفات كل دوله علي حده يعني انت بره هتلاقي السيريون ب 7 اير باج مثلا اما في مصر هتلاقيهم واحده او اتنين بالكتير و بعدين قلولي بقه لو السيريون سعتها من جوه اكبر من الانسر و الامبريزا و النترا و الصني ليه بقه صنفوها تبع السيارات الصغيرا جدا MINI CARS ...العربيه ديه يا جماعه كبيرها لواحد لسه متخرج او لسه في الجامعه مش للاسره خالص......و بعدين للبيقولي قارنلي بين اي عربيتين ؟؟؟ انا بقولك اهه قارنلي بين النترا 2007 و لانسر 2007 في كل حاجه و حط نقط علي كل اختيار و نشوف مين يكسب في الاخر ...و بعدين انا ليا بالتجارب و اللي انا حسه في الشارع السيريون مش موجوده مش عارف ...وبعدين هقتبس حاجه كان واحد قالها في المنتدي ...ليه لما بيبقه معاك اكتر من 150 الف مثلا بتقول ياباني ايه مفيش احسن من الالماني والاوروبي يعني لو معاك 150 تجيب اوبل فيكترا ولا تجيب سيفيك ؟؟؟ انا عن نفسي هاجيب سيفيك :mrgreen: :mrgreen:

[PRO-DRIVE]

ماشي يا مان نو بروووبلم ولا تزعل
بس لاحظ لاحظ اننا حنحط لالنترا بعد التطوير اول موديل و حنحط للانسر اخر نسخه ها !!
يعني انا شايف انك تقارن بين 2008 النترا و 2008 لانسر ؟؟ ولا انت ايه رايك ؟؟ عشان تبقي العربيتين في نسخهم الجديده

بعدين انت بتقول ::


بعدين يا جماعه المشكله اساسها في الاحصائيات اللي من النت ...عشان ديه مش علي مواصفات العربيات بتعتنا ديه علي مواصفات كل دوله علي حده يعني انت بره هتلاقي السيريون ب 7 اير باج مثلا اما في مصر هتلاقيهم واحده او اتنين


^^^ نفسس الكلام علي هيونداي كمان انت تعرف سوناتا الفل اوبشن بتنزل ب 6 ايرباج

ممكن اعرف بقي سوناتا اللي في مصر بكام ايرباج ؟؟؟ :mrgreen:


بالنسبه بقي لو حتحكم باللي ليك في الشارع يبقي فيراري دي من افشل شركات العالم و بنتلي شركه ملهاش لازمه
و ............................... :mrgreen: :mrgreen:

طبعا سيريو مش من دول بس طالما ليك باللي في الشارع و كل الناس اخدت المبدأ دا
طيب مكنش حد اساسا اشتري غير 128 و لادا و شاهين و العربيات التانيه ملهاش لازمه

و برضه مردتش عليا ايه هي انجازات هيونداي في عالم السيارات ؟؟؟

[Ahmed Hassan]

ههههههههههههههههههههههههههه لا اصل احنا بنسمع سيريون VS ميني كوبر ولا سيريون VS توك توك حتا و بعدين كل اللي يقولي بيقولي الشنطه واسعه لما تطبق الكراسي السؤال تاب لو معاك شنط و اشخاص و مسافرين هل هتركب الاشخاص و بعد كده تطبقها عليهم و بعد كده تحط الشنط.....و بعدين يا جماعه المشكله اساسها في الاحصائيات اللي من النت ...عشان ديه مش علي مواصفات العربيات بتعتنا ديه علي مواصفات كل دوله علي حده يعني انت بره هتلاقي السيريون ب 7 اير باج مثلا اما في مصر هتلاقيهم واحده او اتنين بالكتير و بعدين قلولي بقه لو السيريون سعتها من جوه اكبر من الانسر و الامبريزا و النترا و الصني ليه بقه صنفوها تبع السيارات الصغيرا جدا MINI CARS ...العربيه ديه يا جماعه كبيرها لواحد لسه متخرج او لسه في الجامعه مش للاسره خالص......و بعدين للبيقولي قارنلي بين اي عربيتين ؟؟؟ انا بقولك اهه قارنلي بين النترا 2007 و لانسر 2007 في كل حاجه و حط نقط علي كل اختيار و نشوف مين يكسب في الاخر ...و بعدين انا ليا بالتجارب و اللي انا حسه في الشارع السيريون مش موجوده مش عارف ...وبعدين هقتبس حاجه كان واحد قالها في المنتدي ...ليه لما بيبقه معاك اكتر من 150 الف مثلا بتقول ياباني ايه مفيش احسن من الالماني والاوروبي يعني لو معاك 150 تجيب اوبل فيكترا ولا تجيب سيفيك ؟؟؟ انا عن نفسي هاجيب سيفيك :mrgreen: :mrgreen:

الحقيقه حضرتك مردتش على اسئلتي اللي فوق.

من ناحيه تانيه مين اللي قال ان المفروض نقارن شنطه السيريون بشنطه الانسر او صني او امبريزا؟؟؟ دي عربيه هاتش باك و دي عربيه سيدان.. ده بغض النظر عن ان الاتنين فئتين مختلفتين اساسا. السيريون mini car زي ما حضرتك كاتب.

انا سألت حضرتك عن البديل للسيريون و انته مردتش عليا.. بديل يعني عربيه بنفس المواصفات و نفس الحجم و الآداء و الكماليات "mini car". مع ملاحظه ان العربيه بدايه سعرها 76000 جنيه.

[عبد الرحمن اسامه]

انا بحب السيريون جدا جدا و لو كان معايا ثمنها كنت جبتها على طول، السيريون واسعة جدا بشكل غريب و شنططها كمان واسعة ممكن تكون مش غويطة اوي لجوه لكن عالية ممكن تحت صف فوقى صف لغاية ٤ صفوف مثلا، ده غير ان الكنبة بتتنى بسهولة و كمان موتورها حلو زى موتور الياريس ١٣٠٠ انا معرفش ليه حد معاه المبلغ ده يشترى كليو او جيتز.

[الصاوي]

واضح ان مشجعي اعربية و لو من الناحية الشكلية قلة جدا و العربية صراحة غير مقنعة بأنك تدفع فيها المبلغ ده ابدا في حين انك ممكن تدفع حاجة و ستين في فيرنا او في لانوس مثلا و اهي عربيات كبيرة و تشيل عيلة او حتى كليو
اكيد لو كلنت شكليا مشجعة كنت شفت منها اكتر من واحدة في الشارع المصري

[3mr Farrag]

انا بقي شايف ان الموضوع مجرد رغي وخلاص........
و رأيي مع احترام أرأكم كفايه جدل من غير فايده

[Ahmed Anwer]

يا أخ ابو عبد الله
ربنا يباركلك في العربية
بس حضرتك مش ذاكر و لا حاجة مضايقاك في العربية إن شاء الله إن يكون الأزاز بيعمل تك في الآخر
ده برده مش منطقي في ناس كتير كتبه تقييمات لعربياتها بعد الإستخدام علي المنتدي
حضرتك الوحيد اللي مش ذاكر أي نقطة سلبية

[casperinoo]

ايه الكلام الكتير ده....
ان شايف ان الموضوع ملوش لازمه اصلا
انا الاول كنت فاكر ان اللي كاتب الموضوع عايز يشتري العربيه..لا ده كاتب علشان ينتقد العربيه وخلاص

وبالنسبه ل 80000 جنيه اللي ممكن تجيب حجات كتير ..ياريت حضرتك تقولنا عليها((وياريت متقوليش فيرنا ))ديه مش تتحط في مقارنه خالص

مش فاهم انت بتبدأ كلامك ب((((ههههههههههههههههههههه)))ياريت برده حضرتك تبقي توضح انت بتضحك علي ايه علشان ان شايف ان كل الناس اللي اتكلمو قالو كلام موضوعي جدا... :!: :!:
يعني مكنش فيه حاجه تضحك ولا حاجه

[Ahmed Anwer]

ايه وجهة نظرك في الفيرنا متتحطش في المقارنة أصلآ ؟؟؟؟
الفيرنا اللي هيا الأكسنت من 2000 إلي 2005 واخدة المركز التاني في أمريكا كأفضل سيارة إعتمادية شوفها في اللينك ده

http://www.jdpower.com/corporate/news/releases/pressrelease.aspx?ID=2006133

فئة sub-compact car
الكلام ده تقارير واقعية عن السيارات بعد ثلاث سنوات يعني مش تحاليل و كلام نقاد سيارات و تخيلات
ده غير إن الأكسنت اللي غبور بيدلعها فيرنا من أفضل السيارات الصغيرة في العالم كله
هتقولي التجميع المحلي ، علي رأي م/سبعاوي إحنا مبنعرفش نعمل رفرف و مفيش مصنع في مصر بيلتزم بنسبة 45%
يعني محدش هيعرف يخترع فيها مهما عمل و مش لازم نقسو أوي علي التجميع المحلي
أنا رأيي عن تجربة اللي اشتراها فعلا كسبها بموتورها و إمكانياتها
و مفيش دليل أكثر من إنتشارها الفظيع في مصر و بقالها تقريبا أربع سنين و مفيش أي شكوي منها
أنا مبقولش أنها أفضل من السيريون بس أنا زهقت من الكلام عنها في المنتدي علي إنها عربية حقيرة و زبالة و في نفس الوقت مفيش يومين بيعدوا إلا و يكون في موضوع محطوط عن واحد عايز يشتريها و مش عارف يشتريها مثلآ
شيزوفرنيا أو ممكن نسميها شيزوفيرنا :D :D :D
نشتم فيها الصبح و نروح نشتريها بليل