حكايتي مع السوبارو (المشكله اتحلت الحمد لله)

[Ghamrawy]

الاخوة الافاضل بعد ما قرات الموضوع ده امبارح استغربت و لجأت لموقع انجليزى بيعمل تقويم عن العربيات المستعملة و فعلا اتضح ان المشكلة دى كانت موجودة فى موديلات السوبارو امبريزا من سنة 93 لحد سنة 2000 كان بيحصل فشل فى البساتم اما الموديلات من 2000 لحد 2005 كان فيها مشاكل من نوع تانى، مشاكل فى راس الصبابات و الموضوع ده برضه بيعمل اصوات احتكاك معدنى واضح, الموقع ده اسمه
usedcarexpert.co.uk ياريت اللى عايز يدخل و يشوف بنفسه يعمل تسجيل ببلاش و يشوف الموضوع ده و الجزء اللى فى راس الصباب اسمه Tappet
و اعتقد طالما ان العربية خرجت من الضمان يبقى الموضوع حايخد سكة تانية.

[Sharky]

الاخوة الافاضل بعد ما قرات الموضوع ده امبارح استغربت و لجأت لموقع انجليزى بيعمل تقويم عن العربيات المستعملة و فعلا اتضح ان المشكلة دى كانت موجودة فى موديلات السوبارو امبريزا من سنة 93 لحد سنة 2000 كان بيحصل فشل فى البساتم اما الموديلات من 2000 لحد 2005 كان فيها مشاكل من نوع تانى، مشاكل فى راس الصبابات و الموضوع ده برضه بيعمل اصوات احتكاك معدنى واضح, الموقع ده اسمه
usedcarexpert.co.uk ياريت اللى عايز يدخل و يشوف بنفسه يعمل تسجيل ببلاش و يشوف الموضوع ده و الجزء اللى فى راس الصباب اسمه Tappet
و اعتقد طالما ان العربية خرجت من الضمان يبقى الموضوع حايخد سكة تانية.

معنى الكلام دا إنه عيب فى الإمبريزا و مالوش علاقة بالبنزين

[hazem_khidr]

لا حول و لا قوه لا بالله :(
قدر الله و ما شاء فعل يا خالد ما تزعلش نفسك انا لسه شايف الموضوع حالا.
مش حقدر اقول كلمه بعد كلام الاخوه بصراحه و ربنا معاك

[TAG_Turbo0]

الاخوة الافاضل بعد ما قرات الموضوع ده امبارح استغربت و لجأت لموقع انجليزى بيعمل تقويم عن العربيات المستعملة و فعلا اتضح ان المشكلة دى كانت موجودة فى موديلات السوبارو امبريزا من سنة 93 لحد سنة 2000 كان بيحصل فشل فى البساتم اما الموديلات من 2000 لحد 2005 كان فيها مشاكل من نوع تانى، مشاكل فى راس الصبابات و الموضوع ده برضه بيعمل اصوات احتكاك معدنى واضح, الموقع ده اسمه
usedcarexpert.co.uk ياريت اللى عايز يدخل و يشوف بنفسه يعمل تسجيل ببلاش و يشوف الموضوع ده و الجزء اللى فى راس الصباب اسمه Tappet
و اعتقد طالما ان العربية خرجت من الضمان يبقى الموضوع حايخد سكة تانية.

يعنى أفهم من كده ان المبريزاا دى عربيه تعبانه ولا ايه انا مبأتش فاهم
الواحد كان فاه ان السوبارو دى عربيه غير كل العربيات

[SAbuhashem]

Sorry يا خالد على إلي حصل دة الحمد لله على كل شيء

الموضوع ليه حلول كتير على حسب العيب لو الموضوع هو البستم بس فغير وخلاص دة لو بستم واحد أما لو المجموعة كاملة فهتكون غالية فعلا وفي حالة زي دي الافضل والارخص تجيب موتور إستيراد وتريح نفسك وتخلي القديم قطع غيار.
المتعب في الموضوع دة انك لازم ترخص العربية برقم الموتور الجديد وهي لفة متعبة شوية.
لو لجأت لتسقيط موتور جديد أنا بفضل يكون حاجة عالية شوية علشان تحس بفرق وماتزعلش على إلي دفعته وأهو هتكون مميز يا عم.

قدر الله وما شاء فعل

Thanks
Eng.Sherif Shaker

[Ghamrawy]

[يعنى أفهم من كده ان المبريزاا دى عربيه تعبانه ولا ايه انا مبأتش فاهم
الواحد كان فاه ان السوبارو دى عربيه غير كل العربيات ]
انا ماقدرش احكم فى الموضوع ده،الموضوع ده عايز واحد فنى متخصص و يكون فعلا فى تكرار كتير و واضح لنفس العيب فى نفس الماركة بس بصراحة الشركات المحترمة لما بتكتشف اى عيب فى اى موديل حتى لو يكون مر عليه اكتر من 3 سنين بترجع العربيا ت دى و تعملها صيانة او استبدال .

[PRO-DRIVE]

خالد باشا شوف دي معلومات سوبارو اليابان

1-7-2 Nishishinjuku, Shinjuku-ku, Tokyo 160-8316
Tel: (03) 3347-2111
Fax: (03) 3347-2338


او هنا

http://www.subaru.jp/faq/inquiry/

و دوس علي المربع الرصاصي اللي تحت


بصراحه انا مش عارف حيقبلوا هنا انجليزي ولا لا بس لازم نجرب

[PRO-DRIVE]

علي فكره حصل الrecall في انجلترا و في امريكا و حتي بعت لواحد دلوقتي اعرفه في سوبارو في عمان قالي انهم عملوا فعلا recall للموضوع دا !!!
بس كان في 2003

و عملوا قبل كدا لموديل 2000 كان مشكله في الزيت !!!


فين التوكيل بتاعنا هنا !!!!

[Ghamrawy]

[QUOTE] [
علي فكره حصل الrecall في انجلترا و في امريكا و حتي بعت لواحد دلوقتي اعرفه في سوبارو في عمان قالي انهم عملوا فعلا recall للموضوع دا !!!
بس كان في 2003

و عملوا قبل كدا لموديل 2000 كان مشكله في الزيت !!!


فين التوكيل بتاعنا هنا !!!!
]
معنى كده ان ابو غالى نايم فى العسل يبقى كده الدور حايبقى على جهاز حماية المستهلك

[khalid_adel]

ياجماعه بقولكو ان اول ما سمعو الصوت في التوكيل قالي ده بستم من غير حتى مايلمس حاجه في العربيه ورصلي الكلام كله مره واحده وكانه بيقولي خلص وانجز وصلح بقى (بكل سهوله ولا كأني بغير زيت للعربيه ) وده اللي نرفزني وحسسني ان في حاجه غلط
ولما روحت للراجل اللي في الحرفين قالي ان في مشكله في المكنه دي(عيب صناعه) وان هو عمل 4 مكنات نفس العيب منهم واحده كانت عامله 26000 كم ومرضوش يعملوهالو في الضمان (دع كلام الراجل وبيحلفلي على كده )
بالنسبه للاستيراد فعرفت منه ان في عنده موتور استيراد 1600 سي سي ب 6000 جنيه وبيقولي ان الماتور ده عامل 15000 كيلو (مش عارف عرف ازاي) وفي عنده مكنه 2000 سي سي بس دي عامله 17000 جنيه ومش عارف ليه غالي اوي كده
المهم انا لازم اعمل تحليل للبنزين ولو حد يعرف نمره تليفون ليهم او لو شغالين يوم الجمعه او السبت اروحلهم ان شاء الله وربنا يكرم في الباقي ( ادعولي يا اخواني بجد الواحد اتظلم في موضوع مليش اي ذنب فيه ) والحمد لله على كل حال

[mada121977]

الاخ الفاضل الاستاذ خالد ربنا يصبرك على مشكلتك وان شاء الله تاخد حقك وزياده كمان ومادام انتا صاحب الحق يبقى ماتخافش من اى حاجه

[SAbuhashem]

إيه يا عم الاسعار دي الواضح إن المكانيكي بتاعك بيهرج دة لو موتور STI مش هيكون ب-١٧٠٠٠ ألف روح وسأل عند نصارهمة شاغلين في السوبارو بعدين في حاجة مهمة هية العربية طلعت دخان أبيض ؟ولا سمعت صوت تخبيط وبس ؟ أصل في إحتمالات كتير ممكن تكون السبيكة وبس ودي أمرها سهل إن شاء الله

Thanks
Eng.Sherif Shaker

[hazem_khidr]

ربنا معاك يا خالد و تطلع من محنتك دي علي خير

[tmz9111]

ربنا معاك يا خالد

[khalid_adel]

يا شريف هو فين نصار ده واروحله ازاي ؟؟؟
العربيه مطلعتش دخان ابيض ولا اي حاجه وبتمشي كويس زي ماهي بس كل الموضوع صوت ال ( تك تك تك تك تك ) اللي طالع من الموتور واللي رحتلهم مركزين الصيانه والميكانيكي اللي في الحرفيين اجمعو انه ده نقرة البستم (التوكيل قال عيب بنزين والميكانيكي قال ده عيب صناعه)
انا كلمت خدمة العملاء وقالولي ان الاداره في العبور وخدو مني الشكوه وقالولي حنبعتهلهم وادوني رقم وعنوان اداره ابوغالي اللي في العبور
انا ناوي اروحلهم بكره ان شاء الله ادعولي ربنا يسهل الموضوع