حكايتي مع السوبارو (المشكله اتحلت الحمد لله)

[Chicco]

نا قلت اقول كل اللي بيحصل في الموضوع وتطوراته وادعولي يتحل على خير ان شاء الله

جزاك الله خيرا و إن شاء الله ترسى على حاجة بسيطة

[SEATLOVER]

ما انا قلتلك يا خالد من الاول شوف حد كبير هناك
بداية الغيث قطرة ....ربنا معاك ...خير إن شاء الله .

[Ahmed Hassan]

ان شاء الله الموضوع يخلص على خير يا خالد بس اصحك بالآتي:
- بس بلاش تكمشي بالعربيه لحد ما تعرف ايه اللي هيحصل.
- متسمعش كلام اي صنايعي... طبعا هيطلعلك كل العبر في التوكيل علشان تبقى زبون عنده و تسيبك من التوكيل.
- لو طلع عيب صناعه حتى لو الضمان بتاعك 60000 انا متأكد انهم هيصلحولك العربيه بردو.. و على فكره احنا عندنا في الشغل فيه 4 عربيات موديل 2004 و 2005 كلهم ايجار و جايين زيرو و شغالين سفر على طول.. و عمر ما حصل فيهم اي حاجه زي دي.

ان شاء الله خير..و يا ريت تبعتلي تلفونك في رساله خاصه علشان عايز اكلمك في حاجه خير ان شاء الله

[cars_lover]

شوفتوا يا رجاله ... خافوا من الدعايا السيئه ....عال عال عال عال

أن شاء الله الموضوع حيتحل منهم بسهوله.

ربنا يبارك فى كل أعضاء هذا النادى ..ما شاء الله كلهم ايجابيين..

استجابتهم دى تعنى أنهم بيخافوا على سمعتهم ،يعنى محترمين ، فى توكيلات تانيه كبيره فى هذه الحالات وفى أقل منها بتقول للعميل "أخبط راسك فى الحيط "

[cars_lover]

ان شاء الله الموضوع يخلص على خير يا خالد بس اصحك بالآتي:
- بس بلاش تكمشي بالعربيه لحد ما تعرف ايه اللي هيحصل.
- متسمعش كلام اي صنايعي... طبعا هيطلعلك كل العبر في التوكيل علشان تبقى زبون عنده و تسيبك من التوكيل.
- لو طلع عيب صناعه حتى لو الضمان بتاعك 60000 انا متأكد انهم هيصلحولك العربيه بردو.. و على فكره احنا عندنا في الشغل فيه 4 عربيات موديل 2004 و 2005 كلهم ايجار و جايين زيرو و شغالين سفر على طول.. و عمر ما حصل فيهم اي حاجه زي دي.

ان شاء الله خير..و يا ريت تبعتلي تلفونك في رساله خاصه علشان عايز اكلمك في حاجه خير ان شاء الله

أنا ليه رأى ما كنتش عايز أقوله و أسبق الاحداث وهو أنه لو كان عيب صناعه كان ظهر فى عربيات كتير . أنا بشوف عربيات سوبارو قديمه و بوقف أصحابها وأسئلهم عليها بيكون الرد ممتازه وحمالة أسيه و ما فيش مشاكل . كلهم بيتكوا على كلمة حمالة أسيه .

طبعا أنا معاك 100 * 100 أن الواحد مش لازم يسمع كلام اى صنايعى للسبب اللى قولته(خصوصا كلمت دى خامس عربيه تجيلى بنفس العيب منهم واحده عامله 4000 كم) ..وأيضا التوكيلات لما بتكون حاجه صغيره بايظه بيفضلوا يغيروا حاجات كتير جنبها ويريحوا دماغهم .

بخصوص موضوع أخونا خالد هناك نقطتين غامضتين لازم حيبانوا ان شاء الله : موضوع البنزين + موضوع الخسائر اللى حصلت فعليا فى الموتور

والله أنا عمال أضور على النت بخصوص أى حاجه فى أى موديل سوبارو بخصوص الماتور فى مواقع محترمه جدا و مجلات السيارات مش لاقى حاجه خالص

فلازم نتفق على انه ليس عيب صناعه و الا كانت شكوى من كل السيارات فى مصر و خارج مصر.. ولا مفيش حد عمل الــ 80000 كم زى أخونا خالد ؟؟؟؟

,ايضا موضوع الجاز ده أنا قتلته بحثا ..فهناك نقطتين:
1- لوكان البنزين فيه جاز كتير العربيه مش حتدور أصلا.
2- لو كان قليل .لازم العربيه حتقطع وتنتش والموتور يصقف . لازم لازم ده يحصل مع أى موتور فى الدنيا

فالسؤال هنا لاخونا خالد: هل حسيت فى مره من المرات تقطيع أو تنتيش أو تصقيف خصوصا أن ده يظهر واضح جدا جدا فى السرعات العاليه لازم لازم تبان ؟؟؟؟؟

وأيضا لو كان الموتور جاب بستم كان حيأثر ضرورى على سحب السياره..بالذات فى الطلعه وبالذات فى السوبارو الـــ AWD و "رعشه كده في السلانسيه" زى م قال أخونا خالد لا تؤكد أنها بسبب BISTON FAILURE

[cars_lover]

اه صحيح العربيه مانيوال
والموضوع ده حصل بعد ماكنت راجع على الدائري كنت ماشي بتاع 160و170 واول لما وقفت عشان النزله سمعت الصوت
والعربيه سواء قبل او بعد التخبيط اللي بيحصل ده اداءها زي ماهو بالظبط مفيش اي تغيير (نفس السحب والتسارع وكله ) بس كمان بيبقى فيها رعشه كده في السلانسيه

يا ريت يا أخ خالد تبعتلى نمرة تليفونك على البريد الخاص ..مش عارف ليه حاسس أنى حقدر أساعدك ...

[Karim_Monir]

مبروك يا خالد دي البداية ان شاء الله
انت ابن حلال وواضح ان نايل موتورز سمعت في كل حتة
وان شاء الله مشكلتك تخلص على خير
ولو في اي حاجة محتاجة مش هاوسيك ان تليفوني معاك
اخوك كريم

[vet mitcho]

الحمد لله
وان شاء الله ربنا يكرمك و تبقى حاجة بسيطة
وبعدين انا كنت شايف ان كلام الصنايعي ده في كتير من المبالغة
بيقول فيه خمس عربيات جاتله فيها نفس العيب
اظن 5 عربيات ((بيكلم عن شكل 2006))
يعني النسبة هتبقى كبيررررة جدا لو استثنيننا العربيات اللي صحابهم بيودوها التوكيل

[vet mitcho]

^^^^^^^^^
يعني من الاخر كده لو كان عيب في العربية في موديل امبريزا TS(1600cc)
كان اكيد واحد من ملاك سوبارو حضرتك او انا او اي من الاخوة سمع عن الموضوع و هو بيسال الملاك الاقدم عن رايه في العربية لما جه يشتريها
صعب موضوع كبير كده يستخبى
لان مع الناس ال 5 اللي راحو للصنايعي اكيد كان هيروح قصادهم 15 التوكيل

[Ghamrawy]

انا رائى ان الموضوع كله مش حايعدى لخبطة فى الصبابات

[S H @ F T]

,ايضا موضوع الجاز ده أنا قتلته بحثا ..فهناك نقطتين:
1- لوكان البنزين فيه جاز كتير العربيه مش حتدور أصلا.
2- لو كان قليل .لازم العربيه حتقطع وتنتش والموتور يصقف . لازم لازم ده يحصل مع أى موتور فى الدنيا

فالسؤال هنا لاخونا خالد: هل حسيت فى مره من المرات تقطيع أو تنتيش أو تصقيف خصوصا أن ده يظهر واضح جدا جدا فى السرعات العاليه لازم لازم تبان ؟؟؟؟؟

وأيضا لو كان الموتور جاب بستم كان حيأثر ضرورى على سحب السياره..بالذات فى الطلعه وبالذات فى السوبارو الـــ AWD و "رعشه كده في السلانسيه" زى م قال أخونا خالد لا تؤكد أنها بسبب BISTON FAILURE

أتفق معك كليا في النفطة دي

وكمان في سؤال لأخونا خالد
هل الصوت بيزيد مع الRPM ولا بيقل؟
لو بيزيد يبقى فعلا بستم أو بيل أو بنز أما لو بيقل يبقى كستبانات ودي بسيطة

ولو تحب تشرفني في المركز أكشفلك على العربية عشان نتأكد كلنا ممكن تبعتلي رسالة خاصة وأنا أديك العنوان

[khalid_adel]

الف شكر يا اخ shaft على مساعدتك وجزاك الله خيرا
المهم خدت العينه ورحت على معهد بحوث البترول وقلتلهم عايز احلل قالولي ان احنا مش بنتعامل مع افراد نهائي شركات فقط وكمان التحليل ده بيكلف جامد اوي مش هينفع معايا (كذا الف جنيه )
كلمت التوكيل وقلتلهم قالي خلاص ولا يهمك هات العربيه يوم السبت سيبهالي يكون فك وشاف اللي فيها ويوم الاحد المهندس ييجي معايا الاداره (المركز) نتكلم ويكون عرف ايه اللي في العربيه بالظبط ويشوفو انا عايز ايه ويرضوني وكده
يا مسهل يارب بس انا عايز اعرف ايه رأيكو في السيناريو ده وايه اللي ممكن يحصل واطالب بأيه بالظبط
معلش يااخواني تاعبكم معايا في مشكلتي بس والله بجد انا تعبان اوي من الموضوع ده وحالتي النفسيه بايظه ومحبط جدا
والحمد لله على كل حال

[memo_hefnawy]

لآ يا خالد الحوار كده ماشى فى إتجاه إنت مش هايرضيك ولا يعجبك خالص

التوكيل هايفك و يصلح و يقولك حللنا و لقينا البنزين مغشوش و التكاليف عليك

إتفق الأول معاهم + دور على معمل يحلل الموضوع ده أفتكر معانا ناس كيميائيين هنا فى المنتدى يقدروا يفيدوك فين تحلل أفتكر منهم العضو الفاضل MTAK و أستاذ محمد برج الحرم (مش فاكر النيك نيم بالظبط)
و ذى ما قولتلك فى معمل فى شارع الإسعاف ممكن يحللك أى مادة و لف شوية عشان تجيب حقك لازم تتعب فى البلد دى

ماتخليش التوكيل يشتغل فى حاجة قبل ما تتفق معاهم مين هايشيل إيه

[Mustafa_Farouk]

Great talk ya KHALED

ISA everything will be ok, i sent many mails to some persons about this case and told them about the web site to check with themselves

[crazylambada]

مستنيين منك التطورات يا خالد وربنا معاك