حكايتي مع السوبارو (المشكله اتحلت الحمد لله)

[mohamed ibiza]

جاز و ميه مستحيل ما انا والدي حت في الابيزا قبل كده بنزين طلع مغشوش ميه ولا حصل الكلام ده اكيد عيب صناعة












Ibiiiiiiiiiiiiiiiiiiiiiiiiiiiiiiiiiiiiiiizzzzzzzzz zzzzzzzzzzaaaaaaaaaaaaaa For Ever

[khalid_adel]

واضح فعلا ان فيه ضغط عليهم بالنسبه لموضوعي والا ماكانوش كلموني 3 مرات لوحدهم وربنا يقدم اللي فيه الخير
بالنسبه لموضوع الميه او الجاز فالراجل بيقولي لو البنزين مغشوش وانت ماشي بيه في وسط البلد والزحمه وهادي فمش هيعمل حاجه وحيخلص وخلاص
اما لو مغشوش وجريت بالعربيه بيه (زي كده كل يوم دائري رايح جاي ) فده يبوظ البيستم وميستحملش على السرعات العاليه
ده كلام المهندس معايا وانا الصراحه مش فاهم اوي في الكلام ده

[memo_hefnawy]

طب قولى يا خالد اليوم المشؤوم ده التانك بتاعك كان فيه بنزين قد إيه ؟؟

لأن لو كان فوق الربع فإستحالة إن الماء يوصل للبنزين - ده طبعا مقياسا على كلامهم و بالتالى تقدر تنفيه بنفس إسلوبهم

أنا مقتنع أساسا بموضوع إن الماء هو السبب بس عشان تخاطبه من نفس منظوره

[khalid_adel]

انا اصلا يا حوده عمر التانك عندي ماواصل اقل من الربع لاني بفول العربيه دايما ولما يوصل للربع بفول وهكذا
ولما حصل الموضوع ده كان التانك فوق النص
المهم دلوقتي انا معملتش اي حاجه في موضوع البنزين والمهندس بتاع التوكيل بيقولي تعالى هات العربيه يوم السبت وهكشف عليها واشوف اذا كانت في مشكله في الكاتينه والسيور (اللي غيرتهم اخر صيانه) او المشكله منين بالظبط
ويوم الاحد حيجي معايا للاداره في العبور ونتكلم ونوضح الموضوع معاهم وطبعا حنحاول نرضيك بالحل المرضي ليا
دلوقتي مش عارف اعمل كده فعلا ولا اعمل انا حاجه تانيه وايه بالظبط

[boody2]

انا في رئيي ان حضرتك تتوكل علي الله الاول و بعدين واضح كدة انهم مش عايزين مشاكل و عايزين يخلصوا المشكلة علي خير

ربنا يوفقك علي خير ان شاء الله

[tomtogo]

اول صيانة فى جسر السويس ليا مع 2008

انا شايف ان الناس هناك محترمين جدا و وضحين فى كل حاجة و بيقولولك على كل حاجة عن جداول الصيانة و اسعار مصنعيات الصيانة لكل حاجة لو سالت و حتى لو ما سالتش زيىهو المشكلة هناك فى موقع المركز (الشارع مكسر و مستخبيى و بعيد )لكن كلمت حق الناس مخترمين جدا و لو فى حد هناك مش تمام ياريت تقلولى عليه علشان لما اروح تانى ابعد بعيد عنه و اشوف غيره و ياريت بسرعة علشان انا رايح الصيانة كمان كام يوم و جزيل الشكر.

::::::::::: صيانة سوبارو بقت فى النازل ....... انا مش حاروح جسر السويس ده تانى .
-
الطقم كله اتغير وجه ناس جداد .. تخيل بيقولك حيغير فلاتر وتيل وزيوت قبل ما تدخل بالعربية
ومن غير كشف عليها .. ويطلب 1000 جنيه :؟!!!؟! من غير ما اشتكى من حاجة فى العربية ....
ولولا انى وقفتله وقلتله اعمل الصيانة العادية ب 350 جنيه دلوقتى .. قاللى انت حر بس دى لازم
تتعمل - المهم وصلنا لتغيير حاجات ب 500 جنيه وفوجئت ساعة الدفع ان المطلوب 680 جنيه
قال ايه عمالة ومصنعية وضرائب ؟؟!؟!!؟!! = 180 جنيه ؟!!!!!!؟؟!؟!؟!
---------------------------------------------------
حا بقى افتح موضوع تانى فى قسم سوبارو حول هذه النقطة .. مش وقته انا عارف
-
عموما ان أعرف ناس معاهم 2003 امبريزا اشتكوا من صوت خبط فى منتصف العربية كده . وطلع بلى العجل الخلفى . وتم تغييره للكل فى الضمان

[cars_lover]

انا شايف ان الناس هناك محترمين جدا و وضحين فى كل حاجة و بيقولولك على كل حاجة عن جداول الصيانة و اسعار مصنعيات الصيانة لكل حاجة لو سالت و حتى لو ما سالتش زيىهو المشكلة هناك فى موقع المركز (الشارع مكسر و مستخبيى و بعيد )لكن كلمت حق الناس مخترمين جدا و لو فى حد هناك مش تمام ياريت تقلولى عليه علشان لما اروح تانى ابعد بعيد عنه و اشوف غيره و ياريت بسرعة علشان انا رايح الصيانة كمان كام يوم و جزيل الشكر.

يا ريت يا باشا تقولى ايه رايك فى 2008 وهى مانيوال و لا اوتوماتك

[ahmed1981]

قلتله طب ايه السبب قالي يظهر ان في ( عيب صناعه ) في الموتور ده لان دي 5 عربيه تجيلي فيها نفس المشكله ومن غير اي سبب منهم واحده كانت عامله 26000 كيلو وحصلها كده ومرضوش يعملوها في التوكيل في فتره الضمان ( انا عامل 80000 كيلو والضمان خلص عندي )
وسألت عايد ده مش بسبب البنزين قالي لا البنزين ميعملش كده دي حاجه عيب في الصناعه وبتحصل من غير اي سبب
وانا بجد مش عارف اعمل ايه واديني ركنت العربيه مش حاحركها (كلهم قالولي بلاش تدورها حتى لانه غلط جدا وممكن يزيد )

البنزين ميعملش كده أبداً حتى لو مخلوط بكركديه (إلا لو كان مخلوط بديناميت)
أكيد عيب صناعة
لو الضمان خلص عندك حاول تراسل شركة سوبارو في اليابان وتشرح لهم الموضوع بشكل دقيق بالإستعانة بمهندس الصيانة في التوكيل مثلا (من غير ما تعرفوا إنك هتبعت)
وتكتب رقم الموتور والشاسيه بتاع عربيتك وعدد الكيلومترات المقطوعة وتلفونك وعنوانك وإسمك وإسم موزع سوبارو في مصر (كل ده تكتبه في المراسلة)
وتطلب منهم تغيير الموتور أو إصلاحه على حسابهم على أساس إنه عيب صناعي (العيب الصناعي يتم تغييره على حسابهم حتى لو خارج الضمان)
ويا سلام لو أرفقت بالرسالة ملف صوت مسجل به صوت السيارة

المهم متكسلش عن هذا الفعل لأنه لو مفادش مش هيضر

انا شفت في التلفزيون اعلان لماده اسمها (ريسورس) بتتحط مع الزيت وبيقولو انها بتعمل زي العمره وبتظبط البساتم والتكسير اللي حصل في الشمايز وكده وهي ب 260 جنيه فبفكر اجرب مش حاخسر حاجه اوي (ضربو الاعور على عينه) مش عارف اجرب وخلاص ولا ايه رأيكو
وأيه رأيكو في الموضوع ككل فعلا حد يصدق اللي حصل ده كله

هذه المادة أنا إستخدمتها من إتناشر سنة في سيارة أمريكي وكنت مشتريها من بره بما يوازي وقتها خمسين جنيه مصري
وهي بتفيد في حالة إن الموتور يبقى خفيف حاجة بسيطة أو بياكل زيت بسيط جداً
لكن بستم مكسور أو شنبر مكسور أو بستم شارخ وما شابه لن يفيد شيئاً
فنصيحة متستخدموش
وللعلم إنه لا يعطي نتيجته إلا بعد كام ألف كيلو من وضعه
ويشترط ألا تغير الزيت لمدة 10000 كيلو متر

[memo_hefnawy]

أيا كان إللى هايحصل لو قالولك إحنا هانخصم نسبة من المصنعيات أو غيره قول لأ ده عيب صناعه و إدخل فيهم شمال جامد و قولوهم أنا بعت أجيب من بره تقرير يثبت إنه عيب صناعه و أعرف صحفى كبير فى الأهرام هاخليه ينشره و جمعية حماية المستهلك تقووم بالواجب

حتى لو هارمى العربية بس فى الحالة دى مفيش حد فى مصر هايركب سوبارو تانى و إنتم حريين


واضح من كلام الناس كلها إن لايمكن البنزين يعمل ده - لأن لو ده حقيقى عربياتنا كلها كان حصل فيها ده مش إنت لوحدك

لمعلوماتك أنا بحرق و بجرى بعربيتى و من فترة العربية كانت بتنتش و تقطع معايا و مكتومة و فضلت كده بتاع 10 أيام أو أكثر و أنا ماشى بيها لحد ما روحت التوكيل و طلع البنزين كان فيه ماء و وتراب كل ده طلع من الفلتر قدام عينى

معلش عايز تقولى إنى موتور الويرا بيستحمل عن السوبارو ؟؟

يابنى ده هلس بيضحكوا بيه على الناس و هايقولك لو عيب أنا مش خسران ده الشركة بره هى إللى هاتشيل التكلفة

لأ خسران مصاريف الشحن و فلوس مركونه لأنه لازم يشحن القطع البايظة أو الموتور البايظ للشركة الأم على حسابه و ده = وقت + فلوس

بص يا خالد التوكيلات فى مصر عشان تاخد حقك لازم صوتك يعلى طالما همه ماعترفوش بحقك من نفسهم

[crazylambada]

للاسف كلامك صحيح في موضوع الصوت العالي

[khalid_adel]

اخر الاخبار رحت النهارده التوكيل وسيبتله العربيه وكشف عليها بجهاز كده على كل مخرج للبوجيه وقالي ان البستم الرابع هو اللي فيه المشكله دي (مش عارف بفى ليه لازم يغيرو الاربعه مكفايه واحد) المهم ده كان فحص صوري عشان لما يجي المهندس معايا الاداره بكره يقولهم من جانبه لقى كذا وكذا
والمفروض اني رايح بكره اتكلم مع مدير خدمه ما بعد البيع
المهم حسيت من كلام المهندس انه بيمهدلي انهم يعملو خصم على التصليح وبس وبيقولي ده قبلك اللي حصلو كده صلحها على حسابه مع انه كان في الضمان بس عشان كان عيب من البنزين برضو (بيقولي انه ملى بنزين من طريق صحراوي والبنزين كان فيه جاز) وصاحب العربيه كان عارف وسكت
يعني من الاخر بيمهدلي اني ابوس ايدي وش وضهر لو عملولي خصم 25 او 50 % مثلا
وشويه يقولي استحاله تكون عيب صناعه يظهر بعد 80000كم كان ظهر من زمان لو كده يقولي ده ممكن يكون سوء استخدام اقولو ازاي يقولي اني بحرق بالعربيه وبمشي 160 و170( انا اللي قايله قبل كده اني بمشي 180 عادي جدا) لما قالي كده قولتله بس اسكت عيب اللي بتقوله ده ومتقولش كده قدام حد انت كده بتشتم في العربيه يقولي برضو كل حاجه وليها طاقه قصوي ومش ممكن تستحمل كتير وكلام على اساس اني بطل راللي وبطل اوتوكروس وبخمس بالعربيه ساعتين كل يوم قبل ماتسخن
مردتش ارد عليه اصلا وقلت لما اتكلم مع المدير بكره واشوف حيحكم بأيه ويارب يعترف انه عيب ويصلحوه هما من غير وجع قلب
عالعموم بكره هعرف ناويين يعملو ايه وربنا يسهل وادعولي
والله كان نفسي ياحوده تيجي معايا بكره عشان خايف ياكلوني في الكلام وحتي كريم منير كتر خيره قالي حيحاول يستأذن ويجيلي بكره في مكان الاداره ( العبور بعد جامعة مصر ) والله بجد ربنا يجازيك كل خير ياكريم على قضاء حوائج الناس
معلش طولت عليكو

[sa3dawy]

والله انا كنت هاجيب امبريزا بس انت كدا قفلتنى

[Chicco]

خالد باشا للأسف الشديد صاحب الحق في بلدنا ما بياخدش حقه غير بطلوع الروح خليك مع التوكيل للاخر بس لازم تفهمهم انك بتاع مشاكل و انك حتبعت لليابان و للجرايد تقولهم إن امبريزا ما تنفعش تتباع في مصر لأن الموتور حساس .....إلخ

حاول تراسل شركة سوبارو في اليابان وتشرح لهم الموضوع بشكل دقيق بالإستعانة بمهندس الصيانة في التوكيل مثلا (من غير ما تعرفوا إنك هتبعت)
وتكتب رقم الموتور والشاسيه بتاع عربيتك وعدد الكيلومترات المقطوعة وتلفونك وعنوانك وإسمك وإسم موزع سوبارو في مصر (كل ده تكتبه في المراسلة)
وتطلب منهم تغيير الموتور أو إصلاحه على حسابهم على أساس إنه عيب صناعي (العيب الصناعي يتم تغييره على حسابهم حتى لو خارج الضمان)
ويا سلام لو أرفقت بالرسالة ملف صوت مسجل به صوت السيارة

المهم متكسلش عن هذا الفعل لأنه لو مفادش مش هيضر

+1111111111111111111111

[mahamedaraby]

ربنا معاك يارب وتتحل المشكله دى

بس ياريت تقولى عملوا معاك ايه بالظبط علشان انا خالى كان نازل يشترى امبيزا اليومين الجايين دول فياريت نعرف ده ايه بالظبط

وهو بتاع التوكيل عايزك تمشى باامييزا على كام يعنى ؟؟؟؟؟؟؟؟؟

[Sherif Khalifa]

رسالة لى سوبارو باليابان هتقلب بيها الدنيا عليهم
و صدقنى عن تجربة بس فى حاجة ابسط بكتير كان موبيل موتورولا
و هنا مردوش يصلحوة بالضمان الدولى بعد الرسالة بى حوالى 3 ايام كلمنى مدير كبير فى متورولا ايجبت و حلو المشكلة بلمح البصر و كان ممكن يغير الموبيل بس للاسف الى كنت جايبة كان اصدار خاص مش موجود فى مصر

من الواضح التوكيلات هنا ممكن تتبهدل جامد من الشركات الام من حاجة زى كدة مرتبطة بى السمعة

جرب مش هتخسر حاجة و لو عمل نتيجة متستبعدش يدوك عربية تانية جديدة :) لمجرد الحفاظ على السمعة فى السوق
بس ياريت لو ترفق مع الرسالة اى تقرير من التوكيل يفيد ان دا عيب صناعة ممكن تقلب الدنيا بجد

احب ااكد عليك تانى متستهونش بى موضوع الرسالة لو منفعتش مش هتضر