مميزات وعيوب الماروتى بالتفصيل

[freespoken]

رحت لميكانيكي

يا جماعة انا رحت لميكانكي قبل الوقفة والغريبه انه قالي محدش عملك حاجة في التوكيل في ظبط الموتور وكان عايز يظبط تاكيهات وكان معايا واحد صاحبي وقاللي بلاش العربيه لسه جديدة ومش معقول تبقي زيرو ويتظبطلها تاكيهات خليه يظبط موتور بس وفعلا ظبطه وتخيلو المفاجأة
لما حسبت الاستهلاك طلع اكتر من ما كااااااااااااان 1 لتر = 9.9 كم بدل 11.5 كم
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟

[tamercc84]

يا باشا الاخ دا فاكرها 125 او لادا من الحاجات اللى هيه موديل 1970 و بيقولوا هيه كلها اد ايه دا احنا نفكها و نركبها من جديد و فى الاخر بتلاقيه طلع مبيفهمش حاجه فى اى حاجه ولا ليه اى لازمه اصلا و بتلاقى ان كلامك انت طلع هو اللى صح و انه المفروض كان يظبط الموتور من الكهربا و الهوا بس
و معناها ايه اصلا انه يقولك عربيه زيرو تاكيهاتها مش مظبوطه وهو بقى اللى هايظبطها دا جزء من ثقافه الجهل عند الصنايعيه واللى احنا بس اللى بنعانى منها
المهم اللى حصل حصل انا شايف انك لو رحتله تانى قلتله العربيه بقت بتاكل بنزين عمره ما هيرجعالك زى الاول عشان ميطلعش حمار قدامك هو بس هيوطيلك الكهربا او الهوا و يقولك هيه كده اتظبطت يا باشا و كمان يقولك بقى الاراء العبقريه ان العربيات دى وحشه و متنفعش و دى متستحملكش و مش عمليه و الى اخر الخرف دا بحيث يبعد العيب عنه
انا شايف انك لو تروح التوكيل تخليهم يشيكوا على العربيه او تروح لميكانيكى و تقوله اللى حصل و متسيبهوش يعمل حاجه الا لما تدخل دماغك و دا مش عيب عشان انت بتدفع فلوس و لو حسيت انه متردد او هيخترع سيبه فورا و روح لواحد تانى المهم احنا عاوزين حاجتين:
1- نتأكد ان التاكيهات مظبوطه و لو مش مظبوطه نظبطها.
2-بعد ما يخلص التاكيهات خالص نظبط الكهربا و نشوف الاستهلاك عامل ايه.

انا ش

[mohsobhy30]

السلام عليكم
يا جماعة أنا قرأت من أول صفحة إلي أخر صفحة في المنتدي ده وكنت بدور علي سؤال معين بس للأسف محدش سأل السؤال ده
أنا كنت في سوق السيارات أمبارح ووجدت عربية سوزوكي ماروتي مكيفة أزاي؟؟
طبعا أنا قولت لصاحب العربية أنه أكيد بيتعب الماتور.. فأكد أنه زاي الفل معاه ومش تاعب الماتور والعربية زاي الفل.
طبعا صاحب العربية لازم يقول أنها زاي الفل بس السؤال هنا
لو فعلا تم تركيب تكيف للعربية الماروتي أيه تأثير التكيف عليها وأيه هي المشاكل التي تحدث بسبب تركيبة وشكرآ

[tamercc84]

انا ماقابلتش واحد ركب فعلا تكييف للماروتى لكن شفت عربيه مكيفه كانت موديل 95 و الموديل دا كان بينزل مكيف و كمان ال94 لكن الموديلات الجديده نازله متقلبه جاهزه مع انها فى الهند بتنزل مكيفه و لو حد ركب تكييف فى عربيته الماروتى (بالفعل) يا ريت يفيدنا..و السلام

[hoss_rona]

هاي يا جماعه انا عندي ماروتي 2001 ولما جيت اشتريها سنه 2001 لقيت منها عاديه ومكيفه بس الصراحه انا بسمع ان التكييف علي 800 سي سي غلط بس مش متأكد بس انا سنه 2001 لقيت منها العاديه و المكيفه

[m7nsh]

من كام يوم واحد ابن حلال بيفتح الباب من غير مايبص فى مرايته يشوف الكباتين اللى جايين على شماله قام مطيرلى المرايه اليمين ( الأزاز بس ,, لكن جسم المرايه نفسه سليم ) والأشاره والحمد لله العربيه متكحتتش غير حاجه عبيطه كده ,, طبعا قدر الله و ماشاء فعل و الحمدلله انها جت على اد كده

المهم بعد شويه تحاوير ,, و تهزيق ,, طلعت على واحد بتاع ازاز و قصلى مرايه على اد الجوان بتاعها بس ازاز عادى و طبعا مقلكوش ع الخنقه

دلوقتى المشكله انى مش مرتاح خالص بالمرايه العاديه دى ,, تيجى تبص فيها كبيرك تلاقى فانوس العربيه اللى وراك ! بعكس الأصليه المقعره خالص اللى بتخليك تشوف لحد اطباق الدش اللى ع السطوح لحد التل توار وانت بتركن !

السؤال ,, ينفع مرايه مقعره تتقص و تركب ؟ و لو مينفعش ,, المرايه الأصليه بتاعت الماروتى بكام ؟وتتجاب منين

و شكراااا

[hoss_rona]

m7nsh في واحد في شارع دمشق عنده كل حاجه تخص الماروتي لو احتجت مسمار فيها هتلاقيه عنده وقطع غياره اصليه ومش غالي اسعاره عاديه

[m7nsh]

متشكر اوى لأهتمامك يا hoss ,, النهرده انا سالت فى محل قطع غيار واكسسوراات قالى الأتنين مع بعض ب 75 جنيه

ايه رايكو فى الكلام ده ؟

[hoss_rona]

والله انا مش عارف لان انا كمان عايز اغير مرايتين بس انا قلت لاصحابي علي الموضوع ده قالولي ان التمن ده غالي اوي

[hoss_rona]

معلش يا m7nsh انا كنت فاكر ان 75 جنيه للمرايا الواحده انما مادام 75 للاتنين وانت شايف انها حاجه كويسه ونضيفه يبقي اتوكل علي الله

[m7nsh]

تمام يا حس ,, وان شاء الله لما ربك يكرم بسيوله نبقى نجيبهم

لحسن بينى وبينك العمليه مأشفره ع الأخر

[khaled02001]

انا قريت الموضوع من اولة بصراحة موضوع اكثر من رائع ومفيد جدا وانا نويت اشترى عربية ماروتى خلاص بس فية ناس نصحتنى وقالتلى متشتريش اليومين دول لان الاسعار هتنزل جامد استنى اول شهرين فى السنة الجديدة وهتجيب العربية ارخص بكتير. يا ترى الكلام دة صح واية حكاية نزول الاسعار دى؟

[hoss_rona]

ربنا يكرمني انا وانتي يا m7nsh باشا عشان بردو الحاله عندي مأشفره علي الاخر وانا بصراحه عايز اعمل واجب مع العربيه لانها موجبه معايا بقالها سنين وانا منفضلها ههههههههههههههههه

[m7nsh]

هههههههه حبيبى ,, انت كمان ؟؟

وربنا المحفظه مافيهاش غير 30 جند دلوقتى وشويه فكه !!

بس ربك بيسترها والله ! الحمد لللله ماشيين على فيض الكريم

بس انت عاوز تظبطها اكسسوارات و كده ولا تظبيط ميكانيكا ؟ واهو لو فى اقتراحات نتناقش فيها سوا لأنى عاوز اظبطها على خفيف برده

بالمناسبه ,, اسمك ايه بقى ؟ و بتدرس ولا مخلص ؟ :)

********

استاذ خالد ,, لوانت بره مصر كنت قلتلك استنى كل حاجه هترخص ,, انما فى بلدنا الموقر مفيش حاجه للأسف بترخص الا نادرا ! انا عن نفسى و ناس كتير كمان متوقعه 100 % ان الأزمه الأقتصاديه اللى حاصله دى اكيد هترمى بلاها على كل حاجه ,, وبالتبعيه انخفاض الأسعار ,, بس ده هيحصل امتى بقى ؟؟ الله اعلم لكن هيحصل كده كده لا محاله

يعنى من الأخر , تعمل ايه ؟ عن نفسى مستنتش وجبت العربيه لأنى كنت محتاجها جدا وده كان من شهر وشويه ,, فانت و احتياجك ولو مش مزنوق فيها اوى الفتره دى فاصبر شويه فعلا للسنه الجديده و شوف اللى هيحصل ,, انت مش خسران حاجه ,, و طبعا كده كده صلى استخاره و تابع و اسال كتير ,, وان شاء الله ربنا يوفقك للأختيار السليم

ولو رسى العطا ع ( القرموطى ) حبيبه الملايين وربنا كرمك بيها متبقاش تنسى تقولنا عشان نباركلك D;

[khaled02001]

الف شكر على اهتمامك يا استاذ m7nsh وان شاء الله اول ما اجيب العربية هديلكوا خبر