مميزات وعيوب الماروتى بالتفصيل

[lord23]

كل الكلام ده صح بس فيها عيب ان عفشتها وحشة اوي
يعني لو ساكن في مكان مليان مطبات بلاش تشتريها
وكمان اخرها 100-110كم بالكتير انا معايا موديل 2007 وده اخرها

[moody111]

انتا رغاى اوى مفيش كلام مفيد

[Nile_Storm]

بص اللي اعرفه عن الماروتي
انها صفات اللي يختارها من يبحث عن العمليه و حاجه توديه مشوار مش رفاهيه يعني

استهلاك بنزين كويس اداء معقول مسمعناهش منها بلاوي
كل ده علي حساب الرفاهيه و الوسع و كده

[walid2016]

عربيه جميله جدا واقتصاديه فى البنزين جدا وجميله جدا فى الشوراع الضيقه والحارات وعائليه وصوتها ناعم هى بتسخن شويه بس ده طبيعتها

[sweetheart_]

يا جماعة هو حتت 3 سلندر دى تاثر على عمر الموتور ولا لو الاستخدام كويس الماتور هيستحمل وكمان هل ممكن يتسقطلها ماتور 1100 بعدين لما ماتورها يتعب ولا يبقى شديد على العربيه؟
وحد يعرف بنك ناصر بيشترط التامين على العربيه ولا لا؟

[youssefghally]

انا بفكر اشتريها اجيبها من اين احسن سعر ليها

[youssefghally]

ممكن اشترى الماروتى من مكان مضمون و رخيص

[dr_timo]

ياريت حد يجاوبلا عن حكاية الماتور دي هل هوة فعلا ضعيف وهيحتاج يتغير بعد مدة ولا اية لاني معروض عليا موديلات تسعينات وخايف يكون ماتورها اتهلك

[DAOWD84]

السلام عليكم ورحمة الله وبركاته
كلام جميل

[Nile_Storm]

ياريت حد يجاوبلا عن حكاية الماتور دي هل هوة فعلا ضعيف وهيحتاج يتغير بعد مدة ولا اية لاني معروض عليا موديلات تسعينات وخايف يكون ماتورها اتهلك

موتورها كويس عليها ده اللي اقدر اقولهولك
و متخفش الموتور بيستحمل

[totyfox]

لا تقلق انا من الاسكندرية وسافرت بها بورسعيد عن طريق القاهرة يعنى كان الطريق كالاتى "اسكندرية-القاهرة-الاسماعيلية-بورسعيد " و كذلك العودة انا قاعدت فى بورسعيد يومين و رجعت العربية بسم الله ما شاء الله كنت جايب بيها 130 لا قلق من الموتور ال 3 سلندر لانك لو دورت و را عربيات كتير هتلاقيها 3 سلندر "ماتيز-سبارك-التو-كورسا"

[tamercc84]

السلام عليكم و رحمة الله و بركاته
يا جماعه انا باشتغل مندوب دعايه فى شركه ادويه و معايا ماروتى 2008 و هى عامله معايا 14000 كيلو فى 3 شهور و دا تقييمى للعربيه فى الفتره دى:

1-الموتور بتاع العربيه دى يا جماعه مش ضعيف خالص هو ايوه 800 سىسى بس دى مسأله نسبه و تناسب يعنى الموتور دا حلو اوى على عربيه وزنها 650 كيلو و سحب العربيه فعلا رائع بالمقارنه بعربيات اكبر منها بكتير

2-شنطتها ضيقه جدا بس ممكن نعوض دا بثنى الكنبه كلها او نصفها و بكده يبقى عندنا مساحه معقوله جدا
و اتابع معكم غدا ان شاء الله

[tamercc84]

السلام عليكم
نكمل يا اخوانى موضوعنا و نتطرق دلوقتى للعفشه:و العفشه يا جماعه بتاعه العربيه دى مش بطاله على الاطلاق وعلى سبيل المثال انا كنت بامشى فى طرق ضلمه كحل و افاجأ بمطب و انا على سرعه 80 و100 و طبعا بطير من عليه و انا باتشهد و مره نزلت بعد المطب بحوالى 2او3 متر (بدون مبالغه) و بسم الله ما شاء الله العفشه مافيهاش حاجه خالص دا غير المطبات الصغيره و التكسير فى الطريق اللى باشوفه وانا نازل شغل فى القرى و العفشه مستحمله
4-الفرامل فى الماروتى حلوه بسخلوا بالكو من حاجه مهمه جدا اوعوا و انتوا ماشيين على سرعه فوق70 تدوسوا فرامل على الاخر و مره واحده عشان ساعتها هتلاقوا العربيه بتعوم وبتلف حولين نفسها (كأنك شديت فرامل اليد) وممكن تتقلب لا قدر الله و دا حصل معايا شخصيا اكتر من مره كان طلع قدامى حاجات و مكنش ينفع افاديها و منهم مره تانى يوم ما جبت العربيه-فالافضل منجريش الا فى مكان يستاهل الجرى عشان متطلعش قدامنا حاجه تجبرنا على الوقوف فجأه

5-بعض الملاحظات او العيوب على العربيه:-

1-موضوع التعويم السالف ذكره و دا مش عيب فى الفرامل لكن دا عشان حجم العربيه الصغير والعجل الرفيع فبيقلل الثبات
2-العربيه فعلا بتتأخر فى التدوير لما تكون سخنه و دا مش دايما بس بيحصل و دا تقريبا حاجه فى الكهربه عشان العربيه دى بتيجى اصلا كهربتها عاليه عشان تمشى حلو بال 3 سلندر و قالولى دا اصلا ضبط المصنع بتاعها -ودى حاجه غريبه عشان الصبح العربيه بتدور فى ثانيههو لما تسخن بعد مشوار طويل ابطل و بعد نص ساعه ادور تانى بتتأخر حوالى 4 او 5 ثوانى
3- فيه حكه للمارش فى اخر التدوير و كذا واحد ساقوا العربيه و قالوا الملحوظه دى و دا ممكن يكون برضه من الكهربه و عموما الناس قالولى الكهربائى يظبطهالك
4-فيه عضه فى الفتيس و انا بانقل بس بتتعود عليها و انا دلوقتى مش حاسس بيها و اللى يلفت انتباهى بس لما حد يسوق العربيه و على كل حال دا لا يقارن باللادا

[meeezo333eg]

بالنسبة لحكة المارش فى اخر الدوارة ده معناه ان المكنة عالية شوية فبعد الدوارة و قبل ما الاوتوماتيك يلحق يسحب الترس المكنة بتحصله بجزء من اللفة
بالنسبة لتاخير الدوارة و العربية سخنة دى شفتها فى عربيتين اكسنت بتوع اصحابى و فعلا مجنناهم و مش عارفين ليه
انا ليا اعتقاد بس مش متاكد منه اوى
لو مفيش خرطوم راجع من الكاربراتير و طرمبة البنزين شديدة (و ده ممكن يبقى بسبب ان المكنة عالية) ممكن لو بطلت تعمل زى شرقة للعربية تاخر معاك الدوارة

[adhamhossam]

السلام عليكم ورحمة الله و بركاته
إخواني الكرام بشكركم علي الموضوع الأكثر من رائع و الأراء الجميلة دي
عندي إستفسار أخر

هل الماروتي إل 800 سي سي أفضل و لا الألتو 800 سي سي و لا الألتو 1100


يعني من الأخر انا شايف إن شكل الألتو أفضل و نفسي أجيبها
هل فعلن الألتو أحسن ولا الماروتي

و لو هناك حد مجرب الألتو يقولنا برده إيه العيوب إللي فيها و شكرا