مميزات وعيوب الماروتى بالتفصيل

[sweetheart_]

انت عايزها على كام سنه
وهتجبها منين؟

[a77med]

انا ماعرفش مكان معين وعشان كده برده من ضمن استفسارى ياريت حد يدلنى برده على مكان كويس
وبالنسبه للمدة هتكون على 5 سنين

[sweetheart_]

بص اعتقد ان احسن واسلم مكان من حيث انه حلال ان شاء الله يبقى الشركة العالمية المتحده وهى نسبة المقدم فيها 20% اقل حاجه ونسبتهم 9% واكتر مده 5 سنين ويكون الدخل ضعف القسط وكمان تامن فى المكان اللى انت عايزه المهم انك تامن وبالنسبه ليك لو دفعت 10 الاف مقدم هيبقى متبقى 25000 وعلى خمس سنين هيبقى القسط الشهرى هيبقى 604 تقريبا وهيكونوا وخدين منك زياده 11250 فائده ولو على 4 سنين 708 تقريبا ويبقوا خدوا منك 9000 فائده وربنا يهديك للى فيه الخير .

[a77med]

بشكرك جدا يا اخ سويت على ردك وياريت من باقى الاعضاء لو عارفين شركات او معارض بسعر كويس ياريت مايبخلوا بالرد وجزاكم الله كل خيرا

[sweetheart_]

اخوك احمد بردوا وعلى فكره فى اسعار ارخص من كده بس مش اسلاميه مع العلم ان المعارض زى المصريه وغيرها تقريبا نفس النسبه دى ولو لقيت اقل من كده هتبقى 8% او 7% وهتكون تبع بنوك اللى هى نظام قرض مش شراء سياره واللى بتعمله اكتر المعارض دى بمساعدة البنوك وعلى فكره الشركة المتحده دى مبتزودش عليك فلوس لو اتاخرت بس لو اتاخرت شهرين بيبقى فى اجاءات قانونيه واتاكد برده

[hesham_tawfiq]

عنوان معرض الشركه المتحده وشروط التقسيط

السلام عليكم
ممكن اعرف طيب عنوان معرض المتحده وايه شروط التقسيط وهل ممكن الاقى عندهم رينو لوجان
شكرا

[sweetheart_]

http://www.nilemotors.net/Nile/showthread.php?t=24323

شوف الموضوع دا

[ahmed1981]

بشكرك جدا يا اخ سويت على ردك وياريت من باقى الاعضاء لو عارفين شركات او معارض بسعر كويس ياريت مايبخلوا بالرد وجزاكم الله كل خيرا

راجع الموضوع التالي:
http://www.nilemotors.net/Nile/showthread.php?t=5618

[botros]

المصريه للسيارات بتقول ان سعر الماروتى الكاش 34900 . ده تقريبا اقل سعر للى عايز يشترى

الكلام ده انا جايبه من اعلانهم فى الوسيط بتاع السبت صفحه 23

[Abdm]

يا ريت أحد الاخوة من الادارة يقوم بتثبيت هذا الموضوع الذى أصبح مفيد لكل من يريد شراء السيارة الماروتى ليكون مرجع لهم فى كل ما يحتاجونة من معلومات عن السيارة
ولكم جزيل الشكر .

[botros]

يا جماعه ؟ ليا 3 اسئله عن الماروتى :
1- فيها عداد للكيلو للرحله ؟ اللى بيتصفر كل مسافه معينه ؟
2- عداد الكيلو كام رقم ؟ 5 ارقام و الا 6 ؟ يعنى بعد 99999 بيقلب صفر ؟ و الا بيكون 099999 ؟
3- صندوق التروس كام نقله ؟ 4 و الا 5 ؟

انا بسال الاسئله دى لانى على النت شفت اختلافات عجيبه ؟ مره بعداد مسافه و مره لا . مره 4 نقلات و مره 5 ؟ و كده و اتلخبطت بصراحه . و مش عارف اللى بتنزل مصر انهى فيهم ؟

[Abdm]

يا ريت أحد الاخوة الافاضل من الادارة يقوم بتثبيت هذا الموضوع الذى أصبح مفيد لكل من يريد شراء السيارة الماروتى ليكون مرجع لهم فى كل ما يحتاجونة من معلومات عن السيارة
ولكم جزيل الشكر .

[mohamedghanemm]

بجد بجد ان حاسس ان قاعد وسط اخواتى شكرا لك نيل موتورز

[sting]

السلام عليكم ولرحمة الله وبركاته
العربية دى مع واحد صاحبى بقالها سنة وهى زى الفل سافرت معاه المنصورة واسكندرية من العاشر من رمضان ومفيش مشاكل زائد ان استهلاك صاحبى للعربية سيئ جدا بياخد مطبات كتير وبيمشى فيها فى حتت مدغدغة وانا سوقتها وجبت 120 وهو كان ساعات بيمشى على 140 واحنا مسافرين
وعلى فكرة مشاورنا كتيرة , عداد العربية عامل 60000 فى سنة
واعتقد مع ارتفاع سعر البنزين العربية دى اقتصادية 800 CC
بس انا شايف انها خفيفة شوية
سحبها حلو مش بطال
sting

[boshka2005]

في البداية أجيب على الأسئلة المطروحة من الأخ 20-05-2008, 01:12 PM
botros
تاريخ الانضمام: 19Mar2008




يا جماعه ؟ ليا 3 اسئله عن الماروتى :
1- فيها عداد للكيلو للرحله ؟ اللى بيتصفر كل مسافه معينه ؟
2- عداد الكيلو كام رقم ؟ 5 ارقام و الا 6 ؟ يعنى بعد 99999 بيقلب صفر ؟ و الا بيكون 099999 ؟
3- صندوق التروس كام نقله ؟ 4 و الا 5 ؟


الماروتي فيها عداد للكيلو غير العداد العام وهو 4 أرقام
وصندوق التروس 4 نقلة

أما بالنسبة لتجربتي مع الماروتي فقبل أن أسردها على حضراتكم أود أن أشكر كل من ساهم في ابداء المعلومات حول هذه السيارة أو غيرها لأن اسداء النصيحة والمعلومة الى الآخرين ثوابه عظيم جدا وينم عن أخلاق طيبة افتقدناها هذه الأيام ، والرسول الكريم صلى الله عليه وسلم يقول " من كتم علما ألجمه الله يوم القيامة بلجام من نار" صدق رسول الله صلى الله عليه وسلم .

وحتى لا أطيل عليكم أدخل في الموضوع ، الماروتي معايا منذ شهر 1 2006 موديل 2006 ، يعني بقالها معايا حوالي سنتين وخمس شهور ، وبصراحة أنا مبسوط منها جدا فهي سيارة اقتصادية في البنزين في ظل ارتفاع الأسعار الحالي ، وصغيرة في الحجم في الزحمة اللي احنا عايشين فيها ، وأسعار قطع الغيار معقولة ومتوفرة ، وأنا باسافر بيها الاسماعيلية تقريبا 4 مرات في الشهر ، ولم تضايقني في أي مرة ، طبعا لها عيوب كأي سيارة لكن قبل أن اسرد العيوب أحب أن أقول أن أي شيء وليس السيارات فقط أي شيء تحافظ عليه يحافظ عليك ، أو كما يقول دائما أحد اصدقائي السيارة تصونها تصونك وتهينها.. تهينك .
وبالنسبة للعيوب فأكثر شيء مضايقني ان حجمها من الداخل صغير والشنطة صغيرة ودي مشكلة بالنسبة لأسرة لكن في العموم هى سيارة ممتازة وأنا لما اشتريتها كنت محتار بينها وبين ال128 لكن بعد الاستشارة و الاستخارة ربنا هداني اليها وكان اختيار الله عز وجل فيه الخير الكثير لي.
واخيرا وليس أخرا مسألة اختيار السيارة التي تناسب الشخص قراره وحده فهو الذي ينبغي أن يأخذه دون تردد ويتحمل نتائجه وحده ولكن بعد أن يتشير ذوي الخبرة والتجربة ثم يستخير الله عز وجل ويتكل على الله .
وربنا يوفق كل انسان فيما يحبه ويرضاه