رابطة مالكي السويفت

[exact]

شكرا على الافادة يا د/مصطفى وجزاك الله كل خير

بالنسبة لمنظف الكربراتير اللى بينضاف على تنك البنزين هل ممكن يكون له آثار سلبية على طلمبة البنزين أو الخراطيم ..

وعندى سؤال تانى : ازاى أفك فرش الأبواب الداخلى علشان أغير أكر الزجاج

والله وده رأي شخصي بحت....ماعتقدش انه هيعمل حاجة لانه مخصوص للكلام ده وانا كنت في كارفور اسكندرية وشفت حاجة للعربيات الكربيراتير وفيه حاجة للانجيكشان عشان الرشاشات فاحنا طبعا اللي هيلزمنا الكربيراتير
وبعدين اعتقد لو التزمنا بالتعليمات وجيبنا ماركة كويسه قدر الامكان يبقى مفيش اضرار غالبا....وكمان مش بنحطه كل يوم...ده مرة كل كام شهر...بس انا شخصيا مش بافضله عشان مش ضامن التانك...لياخد الاوساخ من التانك يرميها فالكاربيراتير وابقى جيت اكحلها



بخصوص سؤالك انت بتسال على حاجتين...انت الاول لازم تفك الاكرة بتاع الازاز عشان تفك الفرش...وفك الاكرة ده سهل جدا...وطبعا مش بطريقة الصنايعية الغير محترمين اللي يضربها مفك في جنبها....بس اعمل زي ما هاقول لك عشان متتكسرش....ودي مع معظم العربيات
اهم حاجة انك تكون واقف على ارض نضيفة عشان ساعات بيكون فيه تيلة حديد فلو نطت منك يبقى سهل تلاقيها (حدث بالفعل--شفت عصارة الخبرة)...سيادتك هتنزل الاكرة ناحية تحت ...وتجيب فوطة صفرا تروح مدخلها بين الباب والاكرة وانت ماسك الطرفين في ايدك وتبدا تمرجح الفوطة قدام وورا وطبعا هتلاقي الاكرة بتتحرك معاك مرة في مرة هتلاقي الاكرة بتتسحب من على عمود مكنة الازاز وتطلع
ورب صورة تغني عن الف كلمة فمابالك بالفيديو بقى شوف فيه كام كادر

http://www.youtube.com/watch?v=CqeDtAaNv4Y

تعبت شوية على ماجبته بس يلا الطيبات لله
وخلينا متعاونين

[semsem_inside]

تسلم والله يا باشا

[asdtarek]

العلاج الصح للصدا

ارجو من الاخوة الافاضل يرشدونى اعمل ايه فى الصدا الكتير والبارومة الموجودة اسفل العربية

ضرورى جدا يا جماعة وشكرا

[exact]

ارجو من الاخوة الافاضل يرشدونى اعمل ايه فى الصدا الكتير والبارومة الموجودة اسفل العربية

ضرورى جدا يا جماعة وشكرا

هو ملوش حل غير انك تعمل حملة تطهيرية شاملة وتشيل الصدا بمساحة محيطة كويسة وبعدين ترشها بالبلك وتديها دوكو

[semsem_inside]

بقالى كام يوم كل لما أدور العربية ألاحظ رجرجة جامدة فى العربية ولما بفتح الكبوت ألاحظ هزة فى الموتور وفى الخلف هزة فى علبة الشكمان .. وبعد 3 أو 4 دقايق لما العربية تبتدي تسخن بتروح الهزة دى وبتروح برضه لو قعدت أزود بنزين كام مرة
وبرضه لما أطلع بالعربية على الأول بلاحظ لو مزودتش بنزين جامد الرجة بتبقى موجودة بخلاف قبل كده كنت بزود نزين سنة بسيطة مع رفع رجلى من على الدبرياج ببطئ
ممكن يكون الموضوعين بسببين مختلفين .. يا ريت تفيدونى

وده رابط للسؤال ده كنت طرحته فى قسم الورشة

http://www.nilemotors.net/Nile/183737-a.html

[anwarnono]

حد يعرف حساس الاكسجين بيتباع منه جديد ولا لا

[dr_dina77]

بليز يا جماعه
عربيه سوزوكى سويفت موديل 93 رشه بره فابريكا من الداخل
1300 سى سى
تكييف وزجاج كهربا امامى وخلفى وسنتر وانزار ومعمولها عفشه من فتره قريبه
وحالتها تعتبر كويسه جدا
عاوزه اعرف تعمل كام بالظبط

[dr_dina77]

انا اشترتها فعلا خلاص بس كنت عاوزه اطمن على السعر

واسمحولى ابقى معاكم فى الرابطه

[exact]

انا اشترتها فعلا خلاص بس كنت عاوزه اطمن على السعر

واسمحولى ابقى معاكم فى الرابطه

قاعدة عامة فالمستعمل...ما دمتي اشتريتي يبقى متسأليش هي بكام وتسألي سؤال عملي اكتر...هادفع كام عشان اصلح او اظبط ايه...وده الأهم...والنصيحة التانية متقوليش لاي بني آدم اطلاقا على السعر وبالذات الصنايعية...عشان مهما قللتي فالسعر هيقول لك كتير...لو قلتي ب10 قروش هيقول دي متسواش غير 7 (حتى لو زيرو) ولو جبتي زيرو هيقول لك مقلتيش ليه ده كان قدامي واحدة استعمال عالشعرة...ولا هو كان قدامه ولا حاجة عشان بس يخليكي تبقي تثقى فيه وتعتمدي عليه وبالمرة يحرق دمك حبتين...واتذكر اني في مرة ثبت واحد وقلت له طب ما تشوفها لابن عمي..قال لي ماهي اتباعت

عموما..ربنا يبارك لك في الشـــروة...وعلى حد علمي سوق السويفت عالي شوية اليومين دول بعض الشئ...واهلا ومرحبا بك فالرابطة...واي استفسار في اي وقت

[dr_dina77]

متشكره يا فندم على الرد الوافى
انا كنت حاسه انها بس غاليه شويه بس خلاص فعلا يلا اهى جت وخلاص
ربنا يسهل ان شاء الله ومتكونش محتاجه كتير

[dr_dina77]

متشكره يا فندم على الرد الوافى
انا كنت حاسه انها بس غاليه شويه بس خلاص فعلا يلا اهى جت وخلاص
ربنا يسهل ان شاء الله ومتكونش محتاجه كتير
على فكره انا عربيتى نفس اللون

[semsem_inside]

قاعدة عامة فالمستعمل...ما دمتي اشتريتي يبقى متسأليش هي بكام وتسألي سؤال عملي اكتر...هادفع كام عشان اصلح او اظبط ايه...وده الأهم...والنصيحة التانية متقوليش لاي بني آدم اطلاقا على السعر وبالذات الصنايعية...عشان مهما قللتي فالسعر هيقول لك كتير...لو قلتي ب10 قروش هيقول دي متسواش غير 7 (حتى لو زيرو) ولو جبتي زيرو هيقول لك مقلتيش ليه ده كان قدامي واحدة استعمال عالشعرة...ولا هو كان قدامه ولا حاجة عشان بس يخليكي تبقي تثقى فيه وتعتمدي عليه وبالمرة يحرق دمك حبتين...

فعلا أنا معاك تماما فى الرأى ده ..

ممكن تكون العربية أغلى فى السعر شوية بس ان شاء الله تلاقى الحالة كويسة وتريحك من اللف عند الصنايعية .. وممكن فى بعض الأحيان تلاقى الزملاء بيتكلموا عن العيوب الشائعة فى السويفت تحسى انهم بيتكلموا على عربية تانية غير بتاعتك

على العموم ربنا يعطيكى خيرها .. ويكفيكى شرها

[dr_dina77]

انا بعت رساله لحضرتك بالسعر بس تقريبا مش وصلت
هى 30 ونص بس حسب كلام الميكانيكى الى شافها انها كويسه

[Viper911]

السلام عليكم يا جماعة
معلش لو بس فيها رخامة ممكن حد يقولي ايه موضوع فرامل السويفت ديه
أنا يأست منها بجد و حاجة أخر قرف و عملت كل حاجة و برضو أداء مش مقنع بالمرة
الفرامل اللى ورا مالهاش لازمة تقريبا و لسه مغيرلها تيل و رجلشت و ده بخلاف التيل الأصلي بتاعها الى بردو رجلشتوا و عملت كل حاجه و صنفرته و غيرت زيت و سحبت هوا و كشفت على الماستر و اديتوا فرصه يطبع و بردوا مافيش أي تحسن
أنا جبت أخري أعمل ايه

[dr_dina77]

متشكره يا جماعه جدا
عندى مشكله فى الرسايل الخاصه مش بتتبعت تقريبا