رابطة مالكي السويفت

[DR.M]

انا بعت رساله لحضرتك بالسعر بس تقريبا مش وصلت
هى 30 ونص بس حسب كلام الميكانيكى الى شافها انها كويسه

مبروووووووووووووووووووووك


سعر كويس

[exact]

السلام عليكم يا جماعة
معلش لو بس فيها رخامة ممكن حد يقولي ايه موضوع فرامل السويفت ديه
أنا يأست منها بجد و حاجة أخر قرف و عملت كل حاجة و برضو أداء مش مقنع بالمرة
الفرامل اللى ورا مالهاش لازمة تقريبا و لسه مغيرلها تيل و رجلشت و ده بخلاف التيل الأصلي بتاعها الى بردو رجلشتوا و عملت كل حاجه و صنفرته و غيرت زيت و سحبت هوا و كشفت على الماستر و اديتوا فرصه يطبع و بردوا مافيش أي تحسن
أنا جبت أخري أعمل ايه

نفسي انصحك والله...بس المشكلة اني علمي بناس فالمحلة والمنصورة
كان عندي موقف مشابه بس رحت لواحد اسمه المهدي في مدخل المحلة من ناحية سكة طنطا امام العيادة الشعبية
الراجل ما شاء الله مركز خدمة كويس مسك ال 4 عجلات وفكهم عشان كان عندي مشكلة ضعف الفرامل وان فيه عجل بيمسك قبل التاني وعجلة بتحك لوحدها كده....فهو فحص ولقى الطنابير عايزة تتخرط وخرطهم فعلا عنده...
وبعدين الفرامل لازم تتظبط والاربع عجلات مرفوعين فالهوا...وبعد اما يخلص يظبط فرامل اليد ويفر الاربع عجلات عشان تتاكد ان مفيهمش احتكاك
وماشاء الله كويسة...اسعفتني في موقف طارئ وقفت العربية تماما من سرعة 100 في مسافة تقارب 30 متر بس كان الكاوتش هيولع والدخنه غطت الطريق
ربنا يكفينا شر الاسفلت

[semsem_inside]

السلام عليكم

كان عندى استفسار بالنسبة لادارة المنتدى .. هو الموضوع ليه مش عايز يتثبت لغاية دلوقتى مع ان ما شاء الله عدد المشاركات كبير جدا والوضوع متجدد باستمرار

والنقطة التانية ايه هى الشروط اللازمة لتثبيت موضوع ما

برجاء التوضيح

[egypt_slave2000]

السلام عليكم

كان عندى استفسار بالنسبة لادارة المنتدى .. هو الموضوع ليه مش عايز يتثبت لغاية دلوقتى مع ان ما شاء الله عدد المشاركات كبير جدا والوضوع متجدد باستمرار

والنقطة التانية ايه هى الشروط اللازمة لتثبيت موضوع ما

برجاء التوضيح

انا برضه ليا نفس الاستفسارات ومش فاهم ايه وجهة نظر الادارة بصراحه لان الرابطه هنا كبيره ومفيده جدا بصراحه وخصوصا للمقبلين على الشراء

[exact]

iهل فيه حد عنده اي معلومة او فكرة عن بلي العجل؟؟وسعره؟؟وهل بيتشحم او بيتصان وللا لأ؟؟وعند الميكانيكي وللا العفشجي؟؟؟

مستني اي رد

[exact]

شكر وتقدير

أتوجه بالشكر والتقدير والعرفان
بالنيابة عن نفسي وعن اعضاء رابطة السويفت
لادارة نايل موتورز
على تثبيت الموضوع

[wlng76]

انا كان عندى سويفت وبعتها من اسبوعين ونادم على انى بعتها لإنها فعلا عربية ممتازة:

مميزات السويفت:
1. تكنولوجيا يابانى واجزاءها يابانى بالكامل، يعنى اقل فى الصيانة مقارنة بالكورى عموما - ده طبعا لو بتجيب للعربية قطع الغيار الأصلية -وخصوصا الهيونداى "اللى هى اسوا عفشة وموتور".
2. تكييفها ممتاز اذا تم عمل الصيانة اللازمة له.
3. استهلاك بنزين ممتاز "يعنى بتعمل من 250 الى 300 كم فى الصفيحة "20 لتر".
4.يمكن استخدام بنزين 80 بدون قلق على الموتور.
5. توافر قطع الغيار.
6. مقارنة بالأكسنت فموتورها افضل بكتير ويحتاج لعمرة مرة مقارنة ب3مرات لموتور الأكسنت.

عيوبها "مقارنة بمثيلاتها فى السعر الأكسنت والأكسيل":
1. قطع الغيار اغلى شوية من الكورى بس عُمُرها اطول.
2. تكييف الأكسنت أكيد أفضل.
3. ثبات العربية ضعيف بس تقريبا زى الأكسنت والأكسيل.
4. البارومة وخصوصا فى اماكن معينة معروفة فى السيارة.
5. الصاج ضعيف بس أقوى من الأكسيل واضعف من الأكسنت.
6. كويسة جدا بحد اقصى 4 افراد فى العربية.

[semsem_inside]

بقالى كام يوم كل لما أدور العربية ألاحظ رجرجة جامدة فى العربية ولما بفتح الكبوت ألاحظ هزة فى الموتور وفى الخلف هزة فى علبة الشكمان .. وبعد 3 أو 4 دقايق لما العربية تبتدي تسخن بتروح الهزة دى وبتروح برضه لو قعدت أزود بنزين كام مرة
وبرضه لما أطلع بالعربية على الأول بلاحظ لو مزودتش بنزين جامد الرجة بتبقى موجودة بخلاف قبل كده كنت بزود نزين سنة بسيطة مع رفع رجلى من على الدبرياج ببطئ
ممكن يكون الموضوعين بسببين مختلفين .. يا ريت تفيدونى

وده رابط للسؤال ده كنت طرحته فى قسم الورشة

http://www.nilemotors.net/Nile/183737-a.html

أولا مبروك على تثبيت الموضوع

أنا عايز أفكركم لو حد عنده حل للمشكلة دى

[semsem_inside]

السلام عليكم

أنا النهارده خطرت فى بالى حاجة غريبة قوى .. فقلت أدردش معاكم شوية قبل ما ابنى احتمالات وتطلع غلط لما انفذها ..

- بالنسبة للسخان فى العربية عندى ملغى .. يعنى الفتحتين اللى خارجين من التابلوه مفتوحين على الجو

طبعا بيبقى فيه خرطوم للداخل بتاع السخان وآخر للخارج وده مش موجود بس أنا لاحظت ان فيه عندى خرطوم موجود عند ترموستات الكوعة خارج من جانب الترموستات وداخل للمانفولد بتاع الميه الراجعة من الردياتير اللى على الموتور قبل طلمبة الميه (هو قطره أصغر من خراطيم الميه بتاع الردياتير - نصفها أو ثلثها) فهل ده له وظيفة تانية ولا هو معمول بالطريقة دى للاستغناء عن الهيتر ..

أنا كل اللى طالبه منكم ان اللى عنده فى عربيته السخان شغال يقولى هو موجود ولا لأه ولو السخان مش شغال برضه موجود ولا لأه

- واستفسار تانى : لما بيكون ترموستات الكوعة قافل عند بداية تدوير العربية بيكون مسار الميه كله جوه المحرك ولا هو الخرطوم ده معمول علشان كده

- يعنى خلاصة الكلام أنا عايز أعرف هل الخرطوم ده بتاع الفبريكة ولا دى افتكاسة عاملها صاحب العربية اللى اشتريها منه علشان يلغى السخان

- الهدف من الكلام دة طبعا :
1- فى حالة أنه بتاع الفبريكة : يبقى غالبا ده مسار الميه لما الترموستات يكون قافل

2 - فى حالة انه افتكاسة لالغاء الهيتر يبقى لو شفنا طريقة تانية نلغى بيها الهيتر ونشيل الخرطوم ده .. هتفرق كتييييييييير فى حرارة العربية

مستنى ردودكم

[exact]

أنا عملت حادثة يارجالة

فيرنا كبستني من ورا على اكسيل كانت قدامي

والحمد لله الذي انجانا


والحمد لله العربية ممكن تتعمل عالبارد
الله يحرق الغباوة عاللي بيتغابوا
ربطة الحزام مهمة حتى وانت في وسط الزحمة

[ahmed76]

أنا عملت حادثة يارجالة


فيرنا كبستني من ورا على اكسيل كانت قدامي

والحمد لله الذي انجانا

والحمد لله العربية ممكن تتعمل عالبارد
الله يحرق الغباوة عاللي بيتغابوا
ربطة الحزام مهمة حتى وانت في وسط الزحمة

حمد الله على السلامه يا دكتور
معلش
انا عارف بتوع الفيرنا بيسوقوا ازاى
بس اكيد وش عربيته اتظبط ؟؟؟؟؟؟؟؟

[exact]

عود احمــــــد
وحمد الله على سلامة المنتــــــــــدي

[th_it2003]

الحمد لله

الحمد لله على رجوع المنتدى لأننا فعلا بنتعلم منه حاجات كتير و بنعرف حاجات تفيدنا فى التعامل مع سياراتنا .
المهم أنا عندى الكاوتش الخلفى ماعدش ينفع خالص و عاوز اغيره بس بتاع الكاوتش قالى انى ما ينفعش اغير فردة واحد لازم اغير الفردتين الخلفيتين مع بعض هل ده حقيقى ؟ يعنى فيه خطورة لو انا غيرت فرده واحدة بس ؟

[exact]

الحمد لله على رجوع المنتدى لأننا فعلا بنتعلم منه حاجات كتير و بنعرف حاجات تفيدنا فى التعامل مع سياراتنا .
المهم أنا عندى الكاوتش الخلفى ماعدش ينفع خالص و عاوز اغيره بس بتاع الكاوتش قالى انى ما ينفعش اغير فردة واحد لازم اغير الفردتين الخلفيتين مع بعض هل ده حقيقى ؟ يعنى فيه خطورة لو انا غيرت فرده واحدة بس ؟

لو غيرت فردة واحدة بس على سبيل المثال اللي عالشمال بس واليمين قديمة هتلاقي طبعا ان الجديد تماسكه مع الارض اجمد فهتلاقيك لو فرملت جامد العجلة الشمال هتقف قبل اليمين هتخلي فيه حدفه جامدة في الفرامل ناحية الشمال وممكن تعمل مشكلة لو الارض عليها ميه او مزحلقة فعشان كده لازم يكون الكاوتش اللي عالمحور الواحد من نفس النوع والنقشة والمقاس والعمر

سيادتك ممكن مؤقتا تخللي الفردة البايظة دي استبن وتنزل الاستبن في مكانها لحد اما يبقى عندك فردتين بايظين...بعد كده تجيب جوز كاوتش جديد (واقترح عليك بريدجيستون بي 250 بالمقاس اللي يعجبك وان كان الانسب 175-70-13 انا كنت جايبه من عند اولاد عمام بعد مزلقان السكة الحديد اللي عالشون من سنتين وجبت السنه دي نفس النوع والمقاس للجوز التانيين من اعجابي بيه ومتنساش تاخد منه بلوف جديدة)...وتركب دايما الجديد قدام ...لأن الجر من قدام و مركز تقل العربية قدام...وبالتالي حمل الفرامل الاكبر قدام...وان شاء الله اما تيجي تغير بعد كده تعمل نفس الحكاية وترجع اللي قدام لورا وهكذا

[semsem_inside]

السلام عليكم

أولا: مبروك علينا عودة المنتدى

ثانيا: أنا عندى الفواصل الموجودة بين الكبوت والرفرف واسع شوية (ازيد من 0.5 سم) - يعنى بشوف منها بوضوح المسامير اللى مربطة الرفرف من الداخل أنا أول مرة ألاحظه من ساعة ما اشتريت العربية
يا ترى ده بيكون سببه ايه وهل يمكن تضييق الفواصل دى
أنا بصراحة قلقت لما سمعت جماعة بيتكلموا ان ممكن المطبات الجامدة تفتح شاسيه العربية .. فهل ده له علاقة بالموضوع خاصة انى خدت كام مطب جامدين

وشكرا