كل ما يخص مازدا 323 موديل 82 (اعطال.قطع غيار.كماليات)

[M1808269]

شكرا يا جماعة على الموضوع الشيق دة وعلى فكرة انا عارض عربيتى مازدا 323 موديل 82 للبيع ودة رقم تليفونى للجادين فقط

[M1808269]

على فكرة انا ببيع عربيتى لدواعى السفر مازدا 323 مويل 1982 موبيل ( 0121808269)

[agwaa]

السلام عليكم جميعاً
سؤال هام وحيوي
قيل لي أن هذه السيارة لا ينفع فيها العمرة لأن النفخ لما يحدث بيكون من تحت في الشيكمان
فهل هذا كلام حقيقي ولا أتوكل على الله وأعمر

[thedeveloper87]

فعلاً بلاش بلاش بلاش ( 3 بلاش ) المساعدين الإستيراد وعن تجربة شخصية والله
غيرت الأربعة إستيراد وبعد أسبوع واحد رجعت للراجل تاني وغيرت إتنين من الأربعة السابق تركيبهم لأنهم دبدبوا وبعد شهر رجعوا يدبدبوا تااااني فريحت دماغي ورميتهم وركبت أربعة جداد kyb ياباني والحمد لله زي الفل ...
الأستاذ / محمود ريان الله يكرمه نصحك بالصح
والحقيقة كل نصايحه في 10 ÷ 10
:s_thum1[1]:

ياباشا ده من ذوقك والله... أنا ماتعلمتش غير منكم انتوا... ربنا يبارك فيك

[thedeveloper87]

السلام عليكم جميعاً
سؤال هام وحيوي
قيل لي أن هذه السيارة لا ينفع فيها العمرة لأن النفخ لما يحدث بيكون من تحت في الشيكمان
فهل هذا كلام حقيقي ولا أتوكل على الله وأعمر

وعليكم السلام ورحمة الله وبركاته

من الآخر كده هاتلك موتور استيراد بالجيربوكس بأدوات التغذية كامل ، وياريت يبقى 1300 سي سي ، علشان لو جبت 1500 هتعدل في العفشة والفرامل (يعني تكاليف أكتر)

[thedeveloper87]

على فكرة انا ببيع عربيتى لدواعى السفر مازدا 323 مويل 1982 موبيل ( 0121808269)

الأفضل تحط العربية في قسم البيع والشراء علشان ناس كتير تشوفه.

بيـــع و شــــراء

[salahlanser]

عاوز مساعدتكم ضرورى انا لسه مشترى مازدا هاتشباك من كام شهر المهم اوحش حاجه مراياتها مش بتتقفل وبتكسر
انا عاوز اركب مرايات تقفل او تضم مش تفضل مفتوحه كده من غير ما اعمل تعديل فى الباب
مش حابب انى اخرم فى الباب ايه اللى يركب عليها هل مرايه الشاهين ولا لادا
ارجوا المساعده من اهل الخبره لانى جديد فى المازدا

[samirpop2]

انا افضل الحاجه الاصليه للعربيه

[agwaa]

باركوا لي عمرت عربيتي العزيزة ( 323 / 83 ) عمرة كاملة والحمد لله رغم إعتراض صديق لي معه نفس السيارة ونفس الموديل حيث كان رافض موضوع العمرة نهائياً وقام بتسقيط موتور إستيراد

[ahmed_mazda323]

مبروك

[ahmed_mazda323]

يا شباب كان عندي مشكلة في الفرامل كانت بتسيب مرة واحد واجي ادوس علي دواسة الفرامل بتكون زي الهوا كان لازم اكارك ليها اكثر من مره ...وكان في صوت دبدبة في العجلة الأمامية اليمين ...ورحت ل بلبل مازدا بتاع القلعة لاواحد عندة اسمه اسلام قام الاستاذا اسلام بتخريخ الهواء وكارك كام مرة وقال لي ان مشكلتك انتهت ....روحت مشيت وخرجت من عندة وانا ماشي من عندة خلاص بدوس علي دواست الفرامل حصلت نفس المشكلة وكأني بدوس علي هواء كاركت اكثر من مرة مفيش فايدة ....خلاص كنت هلبس في اللي امامي ..روحت شديت فرامل اليد العربية لفت مني شوية بس الحمد لله العربية ملبستش المهم رجعت لية تاني ل بلبل ذات نفسة وقلت لية انا عايزك انت لو سمحت تشتغل فيها بنفسك ...قام بردو كارك وخرك الهواء وطلع معايا جربها ..وقال لي زي الفل ...ولما مشيت من عندة لقيت نفس المشكلة وانا علي الدائري ...في نفس اليوم روحت لميكانيكي عندانا في القطامية ...اول شيء عمل الخطوات الصح عشان يشوف العيب من اية رفع العربية من الامام بكوريك وبيهز الجنط وجد انا الجنط ملخلخ خاااالص (((يعني معجزة اني امشي بيه وهو كدة )))) المهم عرف العيب ان "" السره "" بتاعت الطنبورة مكسورة المهم اشتريت طنبورة من الحريفين استعمال كاملة بالمستر والتيل و البلي ب 200 جنية وركبت والحمد لله ....ولكن اية رئيكم في الأستاذ نبيبل او كما يقال بلبل مازدا اللي كان هيتسبب في حادثة ولكن الله ستر ؟؟؟؟

[ahmed_mazda323]

اية يا شباب فين المازداوية ؟

[kae]

يظهر ان بلبل مبقاش زى زمان , بس اخبار اسعره اييه , يعنى خد منك فلوس اد اييه فى القصة دى ؟

[ahmed_mazda323]

هو مخدش كثير لكن انا كان نفسي ياخد اللي يخده بس يطلع الحاجة مظبوطة ...وعلي فكرة هي دية مشكلة اي عربية يعني لو صنيعي عنده ضمير يبقي هيصلح الحاجة ويرجعهاللك فبريكة ولكن لو صلحها كويس يبقي انت مش هتروحله تاني عشان كدة بيلصم مش بيصلح ....وانا عندة اخوه اسمه رمضان دخلت عنده اتفرجت علي شوية مواتير استيراد علي كربيراتيرات ....
الموتور استيراد فاااااضي ب 1500 جنية بمصاريف تركيبة ولكن بيأخذ منك الموتور القديم وبيديك ضمان 800 كيلو او شهر استخدام
بس عايز اعرف .....ازاي تعرف ان الموتور اللي هيركبة كويس خصوصا انه هو اللي بيبيعة هو اللي هيركبة ....؟؟؟

[ahmed_mazda323]

محدش يعرف معارض او شركات بتقسط المستعمل يا اخوننا ؟؟؟