إعـــــــلان

Collapse

.

,
See more
See less

كل ما يخص مازدا 323 موديل 82 (اعطال.قطع غيار.كماليات)

Collapse
This is a sticky topic.
X
X
 
  • Filter
  • الوقت
  • Show
Clear All
new posts

  • ربنا يسترها عليك يا mazagangi
    وبعدين قولى غيرت الزجاج الامامى بكام وفين

    Comment


    • الزجاج الامامى ب 240 بالتركيب فى الزقازيق مكتوب عليه المصريه وتخين 3 الواح على بعض كان ده اغلى حاجه وكان فيه حاجه تانيه ب 170
      ============
      احتكمت على قرشين وبدل ماطيرهم رحت ركبت الاتى (بلا خطوبه بلا وجع دماغ المازدا اولى)
      اسبراتير الكترونى النهارده ب 200 :( استيراد علشان اريح دماغى من الابلاتين والكوندينسر اللى بيلدع كل شويه وبيحطنى فى مواقف طين ومقاومه الموبينه اتلغت بعد تركيب الاسبراتير
      وفلشت الموتور (engine flusher) من ليكيو مولى ب 31 جنيه وغيرت زيت وفلتر بعدها
      ملاحظه
      التسارع احسن من الاول بس صوت المكنه على شويه
      عايز اوطى المسمار بتاع الكاربرتير بس مش عارف انهى واحد علشان ملخبطش الدنيا مع الهوا
      =========
      مرايا يمين كامله ب 40 بتاعت مازدا 323 بدل الشاهين اللى كانت راكبه واتكسرت ومكنش لها لازمه اصلا
      واول مره احس بفرق واكتشف انها مهمه
      عيب المرايا دى انها مبتضمش !!
      =========
      العربيه بعد مالبست فى البلاعه الطاره بقت خفيفه جدا اكنها باور!!!!!!!!
      وبعد الكشف عليها من تحت احمد قاللى زوايا مع انها مابتحدفش جامد والعربيه مفيهاش اى حاجه من تحت بس العجل مفارق
      لما اروح لشيبوب هقولكم اخر التطورات
      ===========
      سنتر سباى ب 110 جنيه ومصنعيه 25
      ===========
      مكنه ستوب (اسمها كده) ب20 علشان الكشافات الحمرا مكنتش بتنور مع الفرامل وكان فيه واحد هيلبس فيا من اسبوع بسبب الموضوع ده
      ==========
      لسه شويه تنجيد للكراسى الاماميه وسمكره واغير الكوالين واكون عملت اللى عليا وزياده مع العربيه دى واقعدها معايا 5 او 6 شهور ان شاء الله وافكر ابيعها
      جروب مالكى وعاشقى لانسر كريستاله
      https://www.facebook.com/groups/lancer.egypt.1996.2000/

      Comment


      • mazaganigiاخبارك ايه ومنوووووووووور رابطه مازدا 323
        انا جبت طقم كوالين 2 باب ب30ج
        وكالون شنطه ب30 ج
        تركيبهم مع تزييت مكن الزجاج وترييح البيبان ب40ج
        يعنى القصه كلها 100ج
        بس كنت عايز اعمل حاجه تانيه وقولت اخد رايى اعضاء المازدا اللى ماحدش بيرد منهم عليا غير واحد بس (بس مش مشكله مسيركو تردو فى يوم)
        عايز اغير الجلد بتاع البيبان والشنطه عشان الميه بتدخل العربيه سواء غسيل او مطره
        وبتاع البيبان قالى ان المتر منهم ب10ج
        وطبعا الباب الواحد ممكن ياخدلو حوالى 2.5 متر
        وكمان لسه ماعملتش حاجه فى العفشه عايز الاسكاترا وجوز المساعدين قدام
        فى بيقولى هات الkyb
        وفى ناس تانيه تقولى هات المونرو
        انا فى حيره شديده وبعدين الموضوع مش حنين ده 700 او 800
        والاستيراد 300 او 400
        وفى حاجه كمان امبارح ركبت تيل امامى ب45ج والتركيب 15ج
        ملاحظاتى كانت ان فى جلد كان دايب بس الراجل قالى انه مش موجود جديد وصعب تلاقيه ده فى العجل الامامى
        ياريت اى حد يعمل اى حاجه فى عربيته انشالله لو راح فول العربيه 95 يقولنا اكيد هنفيد بعض

        Comment


        • واحد صديق بيقولى جرب زيت الوطنيه الخاص بيهم بيقولى ممتاز لان كل اللى فى السوق مضروب ومشتق من التعاون بعد الاضافات وكمان بيقولى مون العربيه من عند وطنيه لانها تابعه للجيش ومافيهاش غش زى باقى (الجانزيمات)

          Comment


          • معلش بس عايز اعرف ماهو الengine flusher)
            وماهى فايدته

            Comment


            • المشاركة الأصلية كتبت بواسطة mado83 مشاهدة المشاركة
              mazaganigiاخبارك ايه ومنوووووووووور رابطه مازدا 323
              انا جبت طقم كوالين 2 باب ب30ج
              وكالون شنطه ب30 ج
              تركيبهم مع تزييت مكن الزجاج وترييح البيبان ب40ج
              يعنى القصه كلها 100ج
              بس كنت عايز اعمل حاجه تانيه وقولت اخد رايى اعضاء المازدا اللى ماحدش بيرد منهم عليا غير واحد بس (بس مش مشكله مسيركو تردو فى يوم)
              عايز اغير الجلد بتاع البيبان والشنطه عشان الميه بتدخل العربيه سواء غسيل او مطره
              وبتاع البيبان قالى ان المتر منهم ب10ج
              وطبعا الباب الواحد ممكن ياخدلو حوالى 2.5 متر
              وكمان لسه ماعملتش حاجه فى العفشه عايز الاسكاترا وجوز المساعدين قدام
              فى بيقولى هات الkyb
              وفى ناس تانيه تقولى هات المونرو
              انا فى حيره شديده وبعدين الموضوع مش حنين ده 700 او 800
              والاستيراد 300 او 400
              وفى حاجه كمان امبارح ركبت تيل امامى ب45ج والتركيب 15ج
              ملاحظاتى كانت ان فى جلد كان دايب بس الراجل قالى انه مش موجود جديد وصعب تلاقيه ده فى العجل الامامى
              ياريت اى حد يعمل اى حاجه فى عربيته انشالله لو راح فول العربيه 95 يقولنا اكيد هنفيد بعض
              حبيب قلبى
              ناوى اغير الكوالين وقشطه هيدلنى على واحد عنده كوالين تويوتا تركب فيها ومفاتيحها صغيره ومش سهل تتفتح لان مفاتيح ال323 سهل جدا تنضرب وعن تجربه كلامه صحيح
              وكويس انك جيبت الشنطه ب 30 لان انضحك عليا فيه وجيبته ب 40 او 45 مش متذكر
              والبيبان لما بتتظبط بتكون حنينه وكويسه مش زى بيبان الفيات
              واصبر يامعلم والناس هترد علينا
              انا حاسس ياجدعان ان مفيش حد عنده العربيه دى من النوم اللى فى الموضوع ده!!!!
              بالنسبه لكاوتشه الباب فنفس المشكله عندى وبتسرب ساعه الغسيل ويتهيالى الاسعار هتكون ارخص من كده بكتير فى التوفيقيه بعد الفصال
              والمساعدين الناس بتشكر فى ال kyb وتمنه جديد 670 جنيه والاستيراد 350 زى ماكتبت قبل كده
              وايه الجلد الدايب ده؟؟ كان زانق التيل مثلا ولا ايه لان لو كان التيل مزنوق بيه يبقى تجيب طقم سوست انضف وموجود
              ويامسهل والرجاله تكتب خبراتها
              =============

              المشاركة الأصلية كتبت بواسطة mado83 مشاهدة المشاركة
              واحد صديق بيقولى جرب زيت الوطنيه الخاص بيهم بيقولى ممتاز لان كل اللى فى السوق مضروب ومشتق من التعاون بعد الاضافات وكمان بيقولى مون العربيه من عند وطنيه لانها تابعه للجيش ومافيهاش غش زى باقى (الجانزيمات)
              مش كل الزيوت مشتقه من التعاون عندك كاسترول وفالفولين وليكيو مولى اللى بستخدمه بييجوا من بره اساسا
              والكلام بتاع بنزين وطنيه سمعته برضه من كذا واحد وقدر الامكان بحط 80 منها
              =============
              المشاركة الأصلية كتبت بواسطة mado83 مشاهدة المشاركة
              معلش بس عايز اعرف ماهو الengine flusher)
              وماهى فايدته
              Engine flush LIQUI MOLY - YouTube
              حاجه زى الجاز- مثلا- بتنضف الموتور وتشيل الرواسب اللى فيه
              بيتحط على الزيت القديم قبل تغييره وتسيب العربيه دايره 10 دقايق على السلانسيه وبعدها تغير الزيت القديم ولازم تحط فلتر جديد

              وبصراحه العربيه اتسعرت بعد ماحطيته وغيرت زيت (معرفش السبب منه ولا من الاسبراتير الجديد ولا من السبراى اللى اترش على الكاربرتير)
              وماينصحش انك تحطه على الفاضى والمليان
              متعرفش المسمار اللى بيوطى العربيه فين بالظبط؟؟
              جروب مالكى وعاشقى لانسر كريستاله
              https://www.facebook.com/groups/lancer.egypt.1996.2000/

              Comment


              • المشاركة الأصلية كتبت بواسطة mado83 مشاهدة المشاركة
                mazaganigiاخبارك ايه ومنوووووووووور رابطه مازدا 323

                عايز اغير الجلد بتاع البيبان والشنطه عشان الميه بتدخل العربيه سواء غسيل او مطره
                وبتاع البيبان قالى ان المتر منهم ب10ج
                جلد الباب بيجي علي بعضه مش بالمتر
                انا اشتريت جوز للبابين الاماميين الواحده ب 35
                بس للاسف طلع مش مظبوط قوي لازم ترزع الباب علي الاخر علشان يقفل فركبت واحد ومرضتش اركب التاني
                نصيحة متغيرش جلد الباب الا لما تتاكد انه نفس الجلد اللي راكب عندك
                [SIZE="2"][FONT="Impact"]د.عبدالرازق[/FONT][/SIZE]

                Comment


                • المشاركة الأصلية كتبت بواسطة mazagngi2010 مشاهدة المشاركة
                  ==========
                  لسه شويه تنجيد للكراسى الاماميه وسمكره واغير الكوالين واكون عملت اللى عليا وزياده مع العربيه دى واقعدها معايا 5 او 6 شهور ان شاء الله وافكر ابيعها
                  زعلتني قوي بقي يا راجل ناوي تسيب رابطة الغلابه اللي عندهم مازدا
                  طيب والغلابه اللي زينا هيعملو ايه من بعدك
                  [SIZE="2"][FONT="Impact"]د.عبدالرازق[/FONT][/SIZE]

                  Comment


                  • المشاركة الأصلية كتبت بواسطة mazagngi2010 مشاهدة المشاركة

                    متعرفش المسمار اللى بيوطى العربيه فين بالظبط؟؟
                    بص يا باشا انا الحمد لله عرفت مكان مسمار البنزين ومسمار الهواء وطريقة تظبيط العربيه بحيث تكون مظبوطه علي الاخر
                    اول حاجة علشان تعرف تظبط من غير تعب الافضل انك تفك غطاء فلتر الهواء عن طريق فك الصاموله اللي فوق و3 صواميل في الجنب
                    كده الكاربيراتير هيكون واضح امامك وكل حاجه ظاهره تمام
                    هتلاقي مسمار طويل وحوله سوسته (دا مسمار البنزين)
                    وفيه مسمار تاني قصير وحوله بلاستيكة صفراء (دا مسمار الهواء)

                    _________________
                    طريقة الضبط
                    _________________
                    العربيه لازم تكون بارده
                    اول حاجه تربط مسمار الهواء علي الاخر (بس اوعي تربط جامد قوي علشان ميتكسرش وتدعي عليه)
                    2-هتفك مسمار الهواء تاني لفتين اتنين فقط كل لفه 360 درجة وعلشان تكون مظبوط حاول تحط علامه علي المفك اللي معاك
                    3-ظبط بقه مسمار البنزين علي حسب صوت العربيه بحيث تكون العربيه صوتها هادي ونفس الوقت مفيهاش رجرجه


                    __________________
                    وعد____________

                    ان شاء الله هصور الخطوات دي وهنزلها قريب جدا


                    عايزين نعمل كل حاجه بنفسنا كفايه بقي استغلال الميكانيكيه


                    _____________________
                    اخيرا
                    ___________________

                    انا ظبط زجاج البيبان بنفسي وخليته خفيف ريشه يعني ممكن ترفع الزجاج وتنزله بطرف صباعك
                    وغيرت الاوكره الداخليه
                    وغيرت جلد الباب
                    وكمان عدلت نور الفوانيس الخلفيه وخليتها تنور بصوره جميله جدا زي الفيرنا بس علي صغير
                    [SIZE="2"][FONT="Impact"]د.عبدالرازق[/FONT][/SIZE]

                    Comment


                    • المشاركة الأصلية كتبت بواسطة mazda3231984 مشاهدة المشاركة
                      زعلتني قوي بقي يا راجل ناوي تسيب رابطة الغلابه اللي عندهم مازدا
                      طيب والغلابه اللي زينا هيعملو ايه من بعدك
                      عمال اصرف علشان اظبطها وبصراحه تستاهل كل مليم العربيه حماله قسيه وموطتش راسي لحد دلوقتى
                      جروب مالكى وعاشقى لانسر كريستاله
                      https://www.facebook.com/groups/lancer.egypt.1996.2000/

                      Comment


                      • المشاركة الأصلية كتبت بواسطة mazagngi2010 مشاهدة المشاركة
                        حبيب قلبى
                        ناوى اغير الكوالين
                        اهم حاجه لازم تتغير هو كالون الشنطة لانه بيفتح بأي مفتاح في كل العربيات


                        ممكن تركب اقفال كهربائية بنفسك والطريقه سهله ومش مكلفه بحيث تفتح الشنطه من الداخل فقط
                        [SIZE="2"][FONT="Impact"]د.عبدالرازق[/FONT][/SIZE]

                        Comment


                        • المشاركة الأصلية كتبت بواسطة mazagngi2010 مشاهدة المشاركة
                          عمال اصرف علشان اظبطها وبصراحه تستاهل كل مليم العربيه حماله قسيه وموطتش راسي لحد دلوقتى
                          طيب يبقي ناوي تبيعها ليه انا عن فسي ناوي قبل ما ارخص ان شاء الله هشد عربيتي شده تمام قوي قوي وهخليها معايا 5 او 6 سنين لانها فعلا عربيه تستاهل وبعدين يوم ما افكر اغيرها هشتري جديد ان شاء الله لانك متضمنش المستعمل الناس بقي معندهاش ضمير خالص
                          [SIZE="2"][FONT="Impact"]د.عبدالرازق[/FONT][/SIZE]

                          Comment


                          • المشاركة الأصلية كتبت بواسطة mazda3231984 مشاهدة المشاركة
                            اهم حاجه لازم تتغير هو كالون الشنطة لانه بيفتح بأي مفتاح في كل العربيات


                            ممكن تركب اقفال كهربائية بنفسك والطريقه سهله ومش مكلفه بحيث تفتح الشنطه من الداخل فقط
                            فعلا الكوريك التمساح اتسرق وكان جديد مرفعهاش الا مره واحده :(
                            كان 1 طن ورفعها بالعافيه مع انها خفيفه واكتشفت ان الشنطه بتتفتح بمعلقه
                            وركبت الكالون بنفسي وتركيبه سهل جدا


                            المشاركة الأصلية كتبت بواسطة mazda3231984 مشاهدة المشاركة
                            طيب يبقي ناوي تبيعها ليه انا عن فسي ناوي قبل ما ارخص ان شاء الله هشد عربيتي شده تمام قوي قوي وهخليها معايا 5 او 6 سنين لانها فعلا عربيه تستاهل وبعدين يوم ما افكر اغيرها هشتري جديد ان شاء الله لانك متضمنش المستعمل الناس بقي معندهاش ضمير خالص
                            اكبر عيب فيها ان مفيهاش تكييف
                            لكن فى المجمل العربيه نضيفه جدا حتى شكلها حديث شويه لما بتتظبط اى حاجه بتبان عليها
                            وفعلا كتير من الحديث المستعمل عامل حوادث
                            وشكرا ياباشا على طريقه تظبيط الكاربرتير
                            انا عملت مفتاح فصل على الموبينه هبقى اصورلكم التوصيله
                            جروب مالكى وعاشقى لانسر كريستاله
                            https://www.facebook.com/groups/lancer.egypt.1996.2000/

                            Comment


                            • يعنى الkyb كويس اجيبه احسن ولا اجيب الاستيراد
                              انا لاذلت فى مرحله الاختيار
                              عايز اعرف اجيب المساعدين جداد ولا استيراد لانى لسه هجيب علبه الدريكسيون كمان
                              وبتطقطق فى الملفات فشكلها كده عايزه كبالن
                              اما بالنسب لكوالين البيبان اللى جبتهم جربت افتحهم بمفتاح تانى مافتحش بس لما تخلص موضوع كوالين التويوتا ابقى قولى جبتهم من اين وبكام
                              وياريت ياجماعه حد يقولى زيت الفتيس بيتزود من اين لان عندى الغيار التالت والاول ساعات بيعلقو

                              Comment


                              • انا هبيع المازدا وهشوف ايه الرابطه اللى شغاله فى المنتدى وهشترى نفس نوع الرابطه عشان الاقى حد موجود
                                عموما مش مهم انا هقولكو على حاجه
                                امبارح واحد قريبى بس فى العربيات الله اكبر عليه 100100
                                ركب العربيه وقالى هوطيلك الدبرياج شويه عشان مايتعبكش قولتله عيييييييييييييش
                                المهم هتفتح الكبوت هتلاقى من ناحيه السواق فى ماسور رفيعه خارجه وفيها من الداخل سلك
                                وعليها كاوتشه عامله زى امبوبه القلم الجاف بس اكبر شويه
                                وهتلاقى راكب فيها صاموله
                                اربط الصاموله شويه وجرب الطلعه وادعيلى
                                لان كان عندى بشيل رجلى من على الدبرياج مسااااااافه بعيده عشان العربيه تنطق ومش هقولكو على اللى ورايا بيعمل ايه
                                تيييييييييييييييييييييت

                                وكمان روحت ولحد بتاع زيت وكشفلى على زيت الفيتيس وقالى تمام
                                بس بعدها عداد الكيلو متر فصل ورجعت تانى وقريبى قالى ده بيقع من هنا
                                وقام مادد ايده تحت التابلوه وقعد شويه كده وبعدين قالى تمام
                                Last edited by mado83; 01-12-2011, 11:54 AM. سبب آخر: اضافه

                                Comment

                                Working...
                                X