كل ما يخص مازدا 323 موديل 82 (اعطال.قطع غيار.كماليات)

[mazda3231984]

السلام عليكم يا جماعة المازدا

انا لسة شارى عربية323 يوم الجمعة الى فات وكنت عايز استفسر عن بعض الحاجات

اصلى جديد جدا على الموضوع العربيات دة
ممكن النصايح المهمة بتاعتكم

الف مبروك عليك وربنا يكفيك شرها

اولا - يا ريت تقولنا انت اشتريت العربيه بكام علشان نعرف متوسط الاسعار في السوق اليومين دول
ثانيا- العربيه دي عربيه عمليه جدا واقتصاديه وممتازة وانت موفق ان شاء الله في اختيارك للعربيه دي
ثالثا - طبعا لا تخلو اي سيارة من العيوب وسيارتنا هذه عيوبها بسيطة ومع الاهتمام تكون خاليه من العيوب بأذن الله ومن عيوب هذه السيارة:
1- العفشه ؛العفشة ضعيفة بعض الشئ وتحتاج صيانة دورية واهم شئ انك تروح علطول لواحد عفشجي تمام يظبطهالك ومتستخسرشي حاجه في العفشة بالذات لان العفشة هيه روح العربية
2- العربية واطيه عن الارض يعني لو محمل جامد بتحك في المطبات ودي حلها انك تاخد المطب بالراحة خالص لما تكون محمل اما لو كنت لوحدك او معاك واحد او اتنين فميهمكش ودوس
رابعا- اقرأ الموضوع ده هيفيدك
http://...........com/vb/showthread.php?t=71383

[mazagngi2010]

ازيكم ياجدعان
الحمد لله الحدفه راحت وانا بركن العربيه امبارح وبكسر يمين احلى صوت تخبيط
من فرحه العربيه بالمساعد اللى لسه راكب جابت كوبلن
وتم تغييره بواحد جديد تايوانى ب 125 جنيه لونه اخضر (تحس انه مضروب كاغلب قطع الغيار) ودى صوره الكرتونه وكان جاى معاه قلم فلومستر معرفش ليه

والتخبيط راح وربنا يهدى امها بقى علشان ماولعش فيها
ده اليوم التالت على التوالى انى اخلص شغل واروح اغير حاجه فى العفشه
كل مايتظبط حاجه تظهر حاجه
وان شاء الله الايام الجايه هترجع مستقره زى الشهور اللى فاتت
وانا بدردش مع احمد فى اسعار الموتور والفتيس لقيته بيقول موتور 1500 وفتيس اوتوماتيك 3 سرعات وكونصوله وتركيب يعمله فى حدود 3500 واللى عندى يتباع خرده ب 400 مثلا يعنى الموضوع يدخل فى 3100
ولما سالته عن مشاكل الاوتوماتيك قاللى فتيسها الاوتو زى الفل ومفيهوش مشاكل

بتزن فى دماغى لو هخللى العربيه دى معايا والموتور جاب اخره اغير للحوار ده

اول حاجه بتقابلنى وانا بركب العربيه وبقول بسم الله الصبح
1-الشبورررررررررررررررره على العربيه من بره ومن جوه كتيره جدا جدا جدا ولو مسحتها بتطين مكانها ومش عارف اعملها ايه
بقف فى السكه مرتين او تلاته عشان امسح الزجاج
2-اول مابدور بسمع صوت سير الكاتينه بيبقى فى تكتكه كده وبعد حوالى نص ساعه بتروح
3-مع اول تكه فى الدواره اول لما العربيه بتلقط بسمع صوت زى مايكون واحد نايم وبيشخر او اكنك بتدور العربيه وهيا دايره
وده بيحصل بعد ما العربيه بتلقط على طول
وعايز حد يقولى جايب كاوتش نوعه ايه ويكون مريح معاه لانى عايز اغيير الكاوتش والجنوط هجيبها حديد بردو مش سبور لان اللى عندى وحشششششين اوى وشكلهم مش هينفعو تيوبليس
وتقريبا ماحدش بيدخل غير3231984 mazagangi & mazda
عموما حتى لو احنا التلاته بس اللى هنرد على بعض كويس اوى اهو نفيد بعض

بالنسبه للمساحات اشترى دماغك زيي وهاتلها قربه (عامله زى كيس بلاستيك بس مقوى) ب 20 جنيه او 25 ومعاها الاكسسورات بتاعتها زى الخراطيم والموتور والوصلات وركبها على بزابيز الميه عندك وبتعمل احلى شغل مع المساحات
بالنسبه ل 2 و 3 معرفش بس شوف المارش زى ما مازدا قالك

لو هتغير مقاس الكاوتش فانا كنت هعمل دكتوراه فى الموضوع ده قبل ماشترى كاوتش جديد
لو هتجنط 14 فمن افضل المقاسات 60-185 ومتعرضش اكتر من كده علشان العفشه وده اللى مركبه عندى وعاجبنى المقاس ده
بالنسبه للكاوتش لو ميزانيتك معديه دوس فى البرجستون مع العلم ان ال14 غالى شويه عن ال13 فى النوع ده
لو على قد الحال زيي ابعد عن الكوموهو السولاس (النقشه العاديه) لانى استرخصت وجيبته اداء زفت ساعه الفرمله ماخدش منه الا صويت وزحف على الاسفلت واكتشفت بعد كده ان الكوموهو اكستا (السرعات) افضل منه فى الفرامل
بالنسبه للاعتماديه
انا عامل بيه لحد دلوقتى 12الف كيلو ومتخرمش ولله الحمد الا خرم واحد وفرده شيعت غباوه منى
ايه رايكم نتقابل ياجماعه على نص الاسبوع الجاى ؟
انا ساكن فى المريوطيه ممكن اعرف انتوا ساكنين فين علشان لو هنختار مكان قريب مننا كلنا؟

hosamsief
اتصل بقشطه وقوله من طرف مزاجنجى وعندى كذا وكذا وهو هيقولك اللى فيها لانى بصراحه مش هعرف افيدك

ومبروك ياعموره على العربيه وتحت امرك فى الحاجه اللى نعرفها
=============
معلومات عن الكوبلن -من الاستاذ سبعاوى-لانى كنت دايما بسمع انه ضرب ومش عارف بتاع ايه اصلا الا لما شفته وعرفت فكرته بعض الشىء

http://www.contactcars.com/discussion/DiscussionIncludes/show.asp?id=7503&TopicID=6&tid=0

معلوات مفيده برضه

http://ar-ar.facebook.com/note.php?note_id=209487702398392

[mazagngi2010]

صوره خير من الف كلمه

[mazda3231984]

وانا بدردش مع احمد فى اسعار الموتور والفتيس لقيته بيقول موتور 1500 وفتيس اوتوماتيك 3 سرعات وكونصوله وتركيب يعمله فى حدود 3500 واللى عندى يتباع خرده ب 400 مثلا يعنى الموضوع يدخل فى 3100
ولما سالته عن مشاكل الاوتوماتيك قاللى فتيسها الاوتو زى الفل ومفيهوش مشاكل

بتزن فى دماغى لو هخللى العربيه دى معايا والموتور جاب اخره اغير للحوار ده

]

يا ريت يا مزاجنجي تتاكد من المعلومات دي اصلي بفكر اغير انا كمان علشان اركب تكييف

استهلاك البنزين هيكون اخباره ايه
السحب والسرعة هيكون فيه فرق ولا عادي
الموتور ده هيكون اكيد كويس ولا ممكن بعد تركيبه يحتاج عمره
لو الموتور الحالي كويس جدا وبحالته يبقي هيتباع برضه ب 400 جنيه ولا سعره هيزيد

[mazda3231984]

انا ساكن فى المريوطيه ممكن اعرف انتوا ساكنين فين علشان لو هنختار مكان قريب مننا كلنا؟


[u]

انا ساكن بالمنوفيه مركز اشمون

[mazagngi2010]

يا ريت يا مزاجنجي تتاكد من المعلومات دي اصلي بفكر اغير انا كمان علشان اركب تكييف

استهلاك البنزين هيكون اخباره ايه
السحب والسرعة هيكون فيه فرق ولا عادي
الموتور ده هيكون اكيد كويس ولا ممكن بعد تركيبه يحتاج عمره
لو الموتور الحالي كويس جدا وبحالته يبقي هيتباع برضه ب 400 جنيه ولا سعره هيزيد

الكلام ده من لسانه وطبيعى موتورك يتخسف بيه الارض حتى لو حالته كويسه علشان كده قولت لما يجيب اخره او هيفتح بقه فى عمره او حاجه كبيره علشان مزعلش
بالنسبه للسحب متستناش يكون زى المانوال (المانوال طياره اصلا)

ومتكسلش وابقى تعالى لو هنعمل مقابله

[mado83]

السلام عليكم يا جماعة المازدا

انا لسة شارى عربية323 يوم الجمعة الى فات وكنت عايز استفسر عن بعض الحاجات

اصلى جديد جدا على الموضوع العربيات دة
http://www.nilemotors.net/nile/image...ies/baby25.gif
ممكن النصايح المهمة بتاعتكم

الف مبروك وربنا يكفيك شرها ويديلك خيرها

[mado83]

انا ساكن بالمنوفيه مركز اشمون

احنا طلعنا بلديات بقه يامازدا
احنا بلدنا كفر الفرعونيه وانا ساكن فى شبررررررررررا
على فكره موضوع غطاء العربيه ده مهم جدا بيحافظ فعلا
ياريت كل واحد قبل مايطلع ينام يغطى عربيته امبارح عملت كده لقيتها النهارده الحمد لله
مافيش بلل مافيش دموع على الزجاج والشبوره والندى كان على الغطا
فعلا الغطا ده نعمه من عند ربنا بس احنا ماكناش حاسيين بيها ودى اول مره انى اغطى العربيه

[mazagngi2010]

انا عندى الغطا من ساعه ماجيبتها ومغطيتهاش الا مره واحده
على فكره انا من الشرقيه يعنى ممكن نتقابل فى بنها :) لو محدش تانى جاى

[ahosny]

عليكم السلام .. انا حفيدك يا باشا باللي اعرفه و اتمني يكون فيه جديد ..
بخصوص الشبوره .. الافضل تنظف الزجاج الصبح بمنظف زجاج من اللي بتستخدمه في البيت علشان موضوع الطين ده .. ثانيا لو العربيه مفيهاش بخاخات مايه او بايظه .. صلحهم هو ده الحل الفعل ليك و انت ماشي..

بخصوص التكتكه .. احيانا دي بتبقي مشكله تكيهات .. غالبا بتحصل علي مداخل الصيف و الشتا ... لو انت كل ما بتزود بنزين بتسمع .. تك تك تك .. يبقي هي دي .. و ماظنش انها بتروح في نص ساعه .. في الحاله دي حتشوف واحد بتاع تكيها او ميكانيكي بيفهمم يظبطلك عمود التيكهات .. و خلي بالك لازم تكون العربيه بارده قبل ما يظبطها..

بخصوص الكاوتش .. انا مركت toyo ده ياباني و مريح معايا مش عامل مشاكل ..

[ahosny]

انا مكنتش بدخل يا جماعه علي النت بقالي فتره بس عايز اعلق علي موضوع الزيت .. لاني شوف في بوست الناس بتقول ان الزيت مش بيفرق .. و انا مش مقتنع تمام بكده .. لان الزيت بيفرق جدا في اداء الموتور بتاع العربيه دي .. لو انت متعود تحت تعاون او وطنيه .. جرب المره الجايه تحت شل الاحمر ... او لو الميزانيه تسمح حط Havoline ( بتاع كالتكس) او شل الاصفر و جرب شوف صوت الموتور و الحراره حيفرق ازاي ..

حاجه تانيه .. خاصه بالبنزين ... بلاش 80 لاني بيبهدل الكربراتير و معدل الحرق بتاعه سئ جدا علي الاقل حط 90 .. ايام ما كنت بحط 90 كان معدل الحرق علي الطرق السريعه من 10 ل 11 كيلو لكل لتر .. من فتره ايام ازمه البنزين بدأت احط 92 لحد دلوقتي و ونضفت الكربراتير و معد الحرق بقي مش اقل من 12.5 - 14 كيلو لكل لتر .. ده غير الحفاظ علي الكربراتير .. برضه لو حد راح ظبط الكربراتير ممكن بعديها يجرب 92 و يشوف ايه رأيه

[mado83]

عليكم السلام .. انا حفيدك يا باشا باللي اعرفه و اتمني يكون فيه جديد ..
بخصوص الشبوره .. الافضل تنظف الزجاج الصبح بمنظف زجاج من اللي بتستخدمه في البيت علشان موضوع الطين ده .. ثانيا لو العربيه مفيهاش بخاخات مايه او بايظه .. صلحهم هو ده الحل الفعل ليك و انت ماشي..

بخصوص التكتكه .. احيانا دي بتبقي مشكله تكيهات .. غالبا بتحصل علي مداخل الصيف و الشتا ... لو انت كل ما بتزود بنزين بتسمع .. تك تك تك .. يبقي هي دي .. و ماظنش انها بتروح في نص ساعه .. في الحاله دي حتشوف واحد بتاع تكيها او ميكانيكي بيفهمم يظبطلك عمود التيكهات .. و خلي بالك لازم تكون العربيه بارده قبل ما يظبطها..

بخصوص الكاوتش .. انا مركت toyo ده ياباني و مريح معايا مش عامل مشاكل ..

ايوه كده الناس بدأت تدخل ونفيد بعض
كن اعرف الtoyo ده بكام
وهل هو جديد ولا مستعمل

[mado83]

انا مكنتش بدخل يا جماعه علي النت بقالي فتره بس عايز اعلق علي موضوع الزيت .. لاني شوف في بوست الناس بتقول ان الزيت مش بيفرق .. و انا مش مقتنع تمام بكده .. لان الزيت بيفرق جدا في اداء الموتور بتاع العربيه دي .. لو انت متعود تحت تعاون او وطنيه .. جرب المره الجايه تحت شل الاحمر ... او لو الميزانيه تسمح حط havoline ( بتاع كالتكس) او شل الاصفر و جرب شوف صوت الموتور و الحراره حيفرق ازاي ..

حاجه تانيه .. خاصه بالبنزين ... بلاش 80 لاني بيبهدل الكربراتير و معدل الحرق بتاعه سئ جدا علي الاقل حط 90 .. ايام ما كنت بحط 90 كان معدل الحرق علي الطرق السريعه من 10 ل 11 كيلو لكل لتر .. من فتره ايام ازمه البنزين بدأت احط 92 لحد دلوقتي و ونضفت الكربراتير و معد الحرق بقي مش اقل من 12.5 - 14 كيلو لكل لتر .. ده غير الحفاظ علي الكربراتير .. برضه لو حد راح ظبط الكربراتير ممكن بعديها يجرب 92 و يشوف ايه رأيه

عايز اقول حاجه بس
هل موضوع تغيير الزيت ده غلط ولا عادى يعنى لما كل مره هحط زيت نوع مختلف لحد لما اعرف احسن حاجه العربيه مرتاحه معاها هل ده غلط ولا اجرب وده عادى

[mazda3231984]

انا عندى الغطا من ساعه ماجيبتها ومغطيتهاش الا مره واحده

انا بقه معنديش غطاء للعربيه اصلا ولو عندي مش هغطيها لاني برجع من الشغل ميت خالص

[mado83]

لما بلف الدريكسيون على الاخر بسمع صوت طقطقه الكوبلن
هل ده ليه علاج ولا لازم تغيير جزرى ولو تغيير جزرى بكام ولو تصليح بكام