كل ما يخص مازدا 323 موديل 82 (اعطال.قطع غيار.كماليات)

[moatazbunny]

غيرت زيت وفلتر

أنا النهاردة روحت غيرت زيت وفلتر
غيرت موبيل الرمادي ب 103 جنيه وفلتر كوري ب 35 المهم لحد هنا كويس بس الراجل اللي كان بيغيرلي الزيت عرف إني هغسيل الردياتر في المحطة فـقال لي بدل ما يملولك الرديائر أرْبع أزايز من بتاعتهم وياخدو منك 80 جنيه روح هات جركن من المحطة ب 35 جنيه اوفرلك وهيوفر معاك ... قلت في نفسي هو الراجل لما قال لي اغسل الردياتر قال لي بعشرين جنيه بس مقاليش على المية دي ... آه فهمت ده قصده من غير المية
المهم رحت اشتريت الجركن بتاع المحطة الراجل قال لي عايز موبيل ولا المصري قلتله موبيل
المهم خاتوه وروحت اغسل الردياتر الراجل قال لي إنت من اللي قال لك تجيب ده قلتله أخويا بيجيبوا وقال لي عليه حلو الراجل قال لي بس دي مية زارقة مش هتنفع وكمان مش بتتخفف إنما أنا اللي عندي بتتخفف ... طب يا سيدي اللي عندك بكام قال لي العلبة بعشرين
قلتله وأنا هاحتاج كام علبة قال لي اربعة
قلتله لأ ... حست إن في إنَّ فل الموضوع .. واخوكم جديد في الموضوع ده أصلا
قلتله لأ حُط اللي معايا ده قال لي يا بيه ماينفعش دي مية مش مركزة وإنت كده هتحتاج تجيب جركن تاني لإن العربية هتاخد 8 لتر وإنت جايب 4 لتر بس
قلتله فاضيه وخلاص وزود مية أنا كده كده كنت حاحطلها مية عادية
قلتله خلاص حُط مية عادية وبلاها مية بفلوس خالص وخت الجركن ومشيت وهوا قعد يحلفلي إنه والله مش بيضحك عليه ...

اللي عايز بس اعرفه هو الدورة دي بتنفع في حاجة أصلي لقيته شال المية الاديمة وحط غيرها وبس كده معملش حاجة تانية ... و أنا كده إضحك عليا ولا اييه على فكرة اديته 20 جنيه في الموضوع ده
بس محبتش انهم يستغلوني
الكلام ده في بنزينة موبيل اللي قبل الطلبية اللي في الهرم

[moatazbunny]

هوا مفيش حد دخَل الموضوع من امبارح ولا إيه ده أنا مردتش أنام إلا لما احكيلكم علي حصلي وبعدين قمت نمت عشان باصحى بدري ... فين السادة اعضاء جمعية يا أصحاب المازدا اتحدوا مستني رايكم بجد

[mohamed777]

أنا النهاردة روحت غيرت زيت وفلتر
غيرت موبيل الرمادي ب 103 جنيه وفلتر كوري ب 35 المهم لحد هنا كويس بس الراجل اللي كان بيغيرلي الزيت عرف إني هغسيل الردياتر في المحطة فـقال لي بدل ما يملولك الرديائر أرْبع أزايز من بتاعتهم وياخدو منك 80 جنيه روح هات جركن من المحطة ب 35 جنيه اوفرلك وهيوفر معاك ... قلت في نفسي هو الراجل لما قال لي اغسل الردياتر قال لي بعشرين جنيه بس مقاليش على المية دي ... آه فهمت ده قصده من غير المية
المهم رحت اشتريت الجركن بتاع المحطة الراجل قال لي عايز موبيل ولا المصري قلتله موبيل
المهم خاتوه وروحت اغسل الردياتر الراجل قال لي إنت من اللي قال لك تجيب ده قلتله أخويا بيجيبوا وقال لي عليه حلو الراجل قال لي بس دي مية زارقة مش هتنفع وكمان مش بتتخفف إنما أنا اللي عندي بتتخفف ... طب يا سيدي اللي عندك بكام قال لي العلبة بعشرين
قلتله وأنا هاحتاج كام علبة قال لي اربعة
قلتله لأ ... حست إن في إنَّ فل الموضوع .. واخوكم جديد في الموضوع ده أصلا
قلتله لأ حُط اللي معايا ده قال لي يا بيه ماينفعش دي مية مش مركزة وإنت كده هتحتاج تجيب جركن تاني لإن العربية هتاخد 8 لتر وإنت جايب 4 لتر بس
قلتله فاضيه وخلاص وزود مية أنا كده كده كنت حاحطلها مية عادية
قلتله خلاص حُط مية عادية وبلاها مية بفلوس خالص وخت الجركن ومشيت وهوا قعد يحلفلي إنه والله مش بيضحك عليه ...

اللي عايز بس اعرفه هو الدورة دي بتنفع في حاجة أصلي لقيته شال المية الاديمة وحط غيرها وبس كده معملش حاجة تانية ... و أنا كده إضحك عليا ولا اييه على فكرة اديته 20 جنيه في الموضوع ده
بس محبتش انهم يستغلوني
الكلام ده في بنزينة موبيل اللي قبل الطلبية اللي في الهرم

والله ياباشا انا مش عارف اقولك اية او افيدك ازاى فى الموضوع ده لانى عمرى ماحطيت ماية خضرا ولا زرقا فى العربية وعمرى ما غسلت او سلكت الردياتير ودايماً بحط ماية الحنفية

[thedeveloper87]

كان من الأفضل تجيب جركن مياه سعودي اسمه Speedo ب 32 جنيه وتزوده بمياه مقطرة (ب 2.5 زجاجة لتر تقريبا). وتبقى دورة التبريد زي الفل إن شاء الله.

http://www.nilemotors.net/Nile/68831-a.html

[thedeveloper87]

كنت عايز أستفسر عن قطع غيار عمرة موتور المازدا بكام ومنين؟
(بس يا ريت أسعار القطع الأصلية أو النظيفة)

[mohamed777]

كنت عايز أستفسر عن قطع غيار عمرة موتور المازدا بكام ومنين؟
(بس يا ريت أسعار القطع الأصلية أو النظيفة)

انا لسة عامل عمرة من حوالى شهرين بس عمرة كاملة خرط شمايز وقواعد صمام
طقم بستن وشنابر وسبايك وهلال كرنك وطقم صباب على بعضيهم عملوا 650ج
بس انا مش عارف كل قطعة لوحديها كانت بكام

انت هتعمل عمرة كاملة ولا شنبر بس؟

[thedeveloper87]

المفروض أنا هعمل شنبر بس.
بس تحسبا لو لقيت حاجة غير الشنبر يعني علشان أكون عامل حسابي.
الحاجة التانية هو لازم أغير طقم الدبرياج مع العمرة؟ ولو هغيره أجيبه منين (بس حاجة نظيفة ، مش مهم الثمن) وألف شكر ليك يا محمد باشا

[mohamed777]

المفروض أنا هعمل شنبر بس.
بس تحسبا لو لقيت حاجة غير الشنبر يعني علشان أكون عامل حسابي.
الحاجة التانية هو لازم أغير طقم الدبرياج مع العمرة؟ ولو هغيره أجيبه منين (بس حاجة نظيفة ، مش مهم الثمن) وألف شكر ليك يا محمد باشا

على خيرة لله
ان شاء الله تكون شنبر بس وربنا يبارك
اما لاقدر الله لو دخلت فى خرط شمايز يبقى هتجيب طقم بستن وفية نوعين منهم يبانى اصلى واحد منهم علبة حمره والتانى علبتة بيضة
ابو علبة حمرا غالى بس على حسب كلام الميكانيكى انه ميزتة انه مش بيتمدد يعنى مش بيعمل تسلخات فى جدار الاسطوانة مع الحرارة العالية
بس انا عرفت الكلام ده بعد العمرة وركبت النوع ابو علبة بيضة وشغال زى الفل
والنوعين الومينيوم

بس معرفش بيتباعوا فين فى مصر

طقم الدبرياج ضرورى تغيرة انا غيرت اسطوانة بس وطلعت العربية زى ماهية كل اللي اتغير ان الدخان الازرق اختفى
وانشاء الله ناوى اغير الطقم كلة فى اقرب فرصة بس سألت علية بيعملة حوالى 500 ج اسطوانة وديسك وبلية بس الميكانيكى قالى انه بيكون يابانى اصلى وبيكون طرى زى العربيات الزيرو
مستنى لما يسافر القاهرة يجيبة بمعرفتة

حاجه كمان مهمة سير الكاتينة الجنزير اتطمن علية مهم اوى تغيرة لو بايظ لانة بيرحل توقيت التقسيمة
وتكشف علية لما تفك الموتور هات سير الجنزير واعملة مجوز وامسكة من طرفة بحيث يكون فى وضع افقى اكن ماسك عصاية لو كان لسة فى مستواة وماعملش منحنى لاسفل ونزل لتحت معنى كده انه كويس ويشتغل
اما لو نزل لتحت فمعنى كده انه بدأ يبوش ويحتاج تغيير

واى استفسار انا تحت امرك

[mohamed777]

[thedeveloper87]

ربنا يبارك فيك. وبالمرة ياريت تقولنا خبرتك مع التليين علشان باقي الأعضاء يستفيدوا إن شاء الله. معلش هنتعبك معانا

[uhlphp]

هل هناك احتمال من انقطاع سير الكاتينة الجنزير مثل السير الكاوتش فى بعض السيارات .

وهل هناك اى اصوات تشير الى احتياج تغييره او ضبط الشداد الخاص بالجنزير لانى دائماً الاحظ صوت خشن فى حوض الموتور وتقريباً من ناحية مكان الجنزير وطرمبة الماء والدينمو .

[mohamed777]

هل هناك احتمال من انقطاع سير الكاتينة الجنزير مثل السير الكاوتش فى بعض السيارات .

وهل هناك اى اصوات تشير الى احتياج تغييره او ضبط الشداد الخاص بالجنزير لانى دائماً الاحظ صوت خشن فى حوض الموتور وتقريباً من ناحية مكان الجنزير وطرمبة الماء والدينمو .

الله اعلم اذا كان بينقطع زى السير الكاوتش بس ده بيعيش مدد طويلة جداً

ممكن يكون الصوت من بلية الدينمو

[mohamed777]

ربنا يبارك فيك. وبالمرة ياريت تقولنا خبرتك مع التليين علشان باقي الأعضاء يستفيدوا إن شاء الله. معلش هنتعبك معانا

من ناحية التليين على حسب ما قرأت فى كتاب عن الميانيكا المفروض اول ما تدور الموتور بتسيبة شغال من 10 الى 15 دقيقة وبعدين بتغير الزيت والفلتر(طبعاً ماحدش بيعمل كده) وتدور الموتور على فترات تصاعدية يتخللها فترات راحة
ازاى؟
يعنى تدورالموتور 15 دقيقة وتريح 15 دقيقة زيهم ويعدين نص ساعة تشغيل وتريح نص تانى وساعة وساعة وساعتين وساعتين وهكذا
ولما تكتمل فترات التشغيل فى مجموعها اربع ساعات نبدأ فى تحريك السيارة لمسافة اول 1500 كم لاتزيد السرعة عن 70 وبدون حمولة اكثر من 70% من الحمولة المقررة للمركبة من قبل المصنع

ده الكلام النظرى اللي فى الكتب زى ما بيقولوا

اما من ناحية التجربة العملية اللي مريت بيها لازم وانت بتشغل الموتور لاول مرة تتأكد من عمل المروحة بتاعه الردياتير انها مظبوطة هى والترموستات لان الموتور هيعلى لدرجات حرارة عالية وبسرعة جداً
وطبعاً مراقبة عداد الحرارة كويس
انا ماحرقتش غير حوالى 10 لتر على الواقف واتحركت بالعربية وكنت مش بزود اكتر من 60 كم
وغيرت الزيت على 500 كم
ممكن يكون الكلام ده مش كويس على الموتور لان اغلب الناس بتقول تحرق صفيحتين على الواقف
وربنا سترها معايا والحمد لله
هى مش عاوزه استعجال
شوية صبر والامور هتبقى تمام
الكلام ده بالنسبة لعمرة كاملة يعنى خرط شمايز وكرنك وشنابر وسبايك اما بالنسبة لنصف العمرة (طقم شنبر فقط)فمش عارف اكيد هتكون اخف من كده
هذا والله اعلم

[thedeveloper87]

ال 10 لتر خدوا قد ايه وقت علشان يتحرقوا وهي واقفة؟

[mohamed777]

ال 10 لتر خدوا قد ايه وقت علشان يتحرقوا وهي واقفة؟

يومين