كل ما يخص مازدا 323 موديل 82 (اعطال.قطع غيار.كماليات)

[mado83]

لا ياشيكو كلام مازدا هو اللى صح

انا غيرت زيت وفلتر واخدت ال4 لتر بس فى حاجه بعد كده لقيت قياس الزيت اعلى من الماكس بتاعه
يعنى هو فيه زياده حوالى ربع لتر او تلت تقريبا

[mado83]

امبارروحت للميكانيكى قالى الاتى
الكربراتير عايز يتنظف
وعايز تغيير جوان غطا التاكيهات وتظبط تاكيهات
ويقرط على جوان النص
وده عشان الاسباب الاتيه
الشاكمان بيجيب ميه كتيره وكمان الماتور عليه زيت كتير برضو
وروحت لبتاع الريداتير عشان يسلكه قالى لا يجوز لازم يتغير
والكهربائى ركبلى صباع حراره ب25ج فى الماتور والمفروض انى كنت اركب التريموستات بتاعت الحراه كمان بس اقيتها ب85ج اللى هتركب فى الماتور
قولتله مافيش حل قالى بتاعت 32 فيات تركب ب 15ج بس هتركب فى الريداتير وده اللى خلانى انى اروح انظفه وطبعا ده اللى خلانى وقفت القصه بتاعت الحراره
الميكانيكى قالى فى كبالن صينى ب150ج كويسه واحسن من الاستيراد
لان مابقاش فى حاجه استيراد كويسه
كله بقه خلع مش استيراد
يبقى الصينى احسن

[hemalotfy]

صباح الفل

عندي صوت تزييق مزعج كده ناحية العجلة الشمال اللي قدام
حتى لو انا واقف بالعربية وركبت او نزلت بسمع صوت تزييق ويسلام بقى لو طلعت على مطب بيكون الصوت أعلى

ده ممكن يكون سببه ايه ..؟

[ssssss]

التزييق ده سببه البطاحات أو مسامير المقصات مفكوكة

[ssssss]

الى كل خبراء المازدا
ما سبب وجود رائحة عادم قوية عند السير على سرعة عالية
والزيت الموجود بالموتور 3.5 لتر مع انه يوجد زيادة على المقاس
شكرا

[mado83]

انشالله هجدد الرخصه الشهر الجاى
وعايز اعملها 3 سنين ياريت حد يقولى الضريبه بتاعتها كام فى السنه او ال3
يعنى كل اللى هدفعه فى المرور

[mazagngi2010]

250 فى السنه

[mazagngi2010]

الى كل خبراء المازدا
ما سبب وجود رائحة عادم قوية عند السير على سرعة عالية
والزيت الموجود بالموتور 3.5 لتر مع انه يوجد زيادة على المقاس
شكرا

انا عندى برضه الموضوع ده بس عموما الصالون متبهدل شويه عندى من قدام فالكبوت يعتبر مش معزول كويس عن الصالون
=========
مش صباع الحراره اللى انت ركبته ده يامادو بتاع عداد الحراره؟
وترموستات الحراره اللى بيشغل المروحه راكب فى الراديتير من تحت ايه اللى دخل الموتور فى الموضوع
ولا الموضوع ملخبط معايا؟؟
وبالنسبه للكبالن سعرها غالى حبتين
جيبت ايه لصاحبك يامعلم؟

[mazda3231984]

[]يوجد في الموتور 2 صباع حرارة واحد لعداد الحرارة والتاني لترموستات مروحة التبرديد والاتنين جنب بعض واحد في الموتور والتاني جنبه في الكوع اللي بيدخل المياه للموتور

[mazda3231984]

انا غيرت زيت وفلتر واخدت ال4 لتر بس فى حاجه بعد كده لقيت قياس الزيت اعلى من الماكس بتاعه
يعنى هو فيه زياده حوالى ربع لتر او تلت تقريبا

علي فكرة زيادة كمية الزيت عن منسوبه بيضر الموتور جامد ويسبب تلف الجوانات بسرعة

[mazda3231984]

الى كل خبراء المازدا
ما سبب وجود رائحة عادم قوية عند السير على سرعة عالية
والزيت الموجود بالموتور 3.5 لتر مع انه يوجد زيادة على المقاس
شكرا

دا سببه ان معدل الاحتراق للبنزين مش كامل (هتلاحظ ان العربيه بتستهلك بنزين اكتر من اللازم) والمسؤل عن ذلك عده عوامل متزامنه مع بعضها ولازم تكون كلها مظبوطه علشان يتم الاستفاده من البنزين بشكل كامل
علشان تقضي علي هذه المشكله افعل الاتي
1 تظبيط مسمار الهواء ومسمار البنزين بدقه
2 تظبيط مجموعة البوجيهات (4 بوجيهات) ومن الافضل تغيرهم كلهم مره واحده حتي يكون هناك تكافؤ في عمل الصمامات (سعر المجموعة من 20 الي 40 حسب النوع)
3تنظيف الابلاتين او تغيره (السعر 12 )
4تغيير الكوندسر(السعر 10 )

[mazagngi2010]

[]يوجد في الموتور 2 صباع حرارة واحد لعداد الحرارة والتاني لترموستات مروحة التبرديد والاتنين جنب بعض واحد في الموتور والتاني جنبه في الكوع اللي بيدخل المياه للموتور

انا عندى الترموستات راكب فى الراديتير تحت !! والصبح هكشف على الموضوع ده

علي فكرة زيادة كمية الزيت عن منسوبه بيضر الموتور جامد ويسبب تلف الجوانات بسرعة

انا بحس ان 3 لتر كتير اصلا وبفكر اخليهم 3 الاربع فى حاله عدم تغيير الفلتر لان عندى بيكون اعلى من الماكس بسنه صغيره رغم انى حاطط 3 بس

دا سببه ان معدل الاحتراق للبنزين مش كامل (هتلاحظ ان العربيه بتستهلك بنزين اكتر من اللازم) والمسؤل عن ذلك عده عوامل متزامنه مع بعضها ولازم تكون كلها مظبوطه علشان يتم الاستفاده من البنزين بشكل كامل
علشان تقضي علي هذه المشكله افعل الاتي
1 تظبيط مسمار الهواء ومسمار البنزين بدقه
2 تظبيط مجموعة البوجيهات (4 بوجيهات) ومن الافضل تغيرهم كلهم مره واحده حتي يكون هناك تكافؤ في عمل الصمامات (سعر المجموعة من 20 الي 40 حسب النوع)
3تنظيف الابلاتين او تغيره (السعر 12 )
4تغيير الكوندسر(السعر 10 )

ملحوظه بسيطه لما كنت مركب الاسبراتير القديم وبغير الكوندنسر كان دايما عزل السلك متترمل عليه فخدوا بالكم واتاكدوا ان السلك مفيش عازل بينه وبين الترمله الصغيره بتاعته

[mazda3231984]

انا عندى الترموستات راكب فى الراديتير تحت !! والصبح هكشف على الموضوع ده

تمام يا ريس الترموستات بيكون اسفل الردياتير اما صباع الحرارة بيكون في الموتور يعني ............
صباع الحرارة لازم يكون في الموتور علاشان يحس بالسخونة وينقل الحرارة الي الترموستات اللي موجود اسفل الردياتير ولما يوصل الي درجة معينه الترموستات يفتح و يدي الامر الي المروحة علشان تشتغل فتبرد الموتور فتقل الحرارة فيفصل الترموستات وبكده المروحة تشتغل لما يسخن الموتور بس\\\

[hemalotfy]

التزييق ده سببه البطاحات أو مسامير المقصات مفكوكة

شكرا ياباشا
لو المسامير مفكوكة يبقى ربنا يسترها
دانا لازم الحق اروح لعفشجي يبص بصه ويعمل اللازم

[mazagngi2010]

تمام يا ريس الترموستات بيكون اسفل الردياتير اما صباع الحرارة بيكون في الموتور يعني ............
صباع الحرارة لازم يكون في الموتور علاشان يحس بالسخونة وينقل الحرارة الي الترموستات اللي موجود اسفل الردياتير ولما يوصل الي درجة معينه الترموستات يفتح و يدي الامر الي المروحة علشان تشتغل فتبرد الموتور فتقل الحرارة فيفصل الترموستات وبكده المروحة تشتغل لما يسخن الموتور بس\\\

شكرا ياباشا
انا كنت فاكر الصباع اللى فى الموتور ده لعداد الحراره بس ومش متوصل بالترموستات اصلا

هو الطبيعى ياجدعان لطاره المازدا انها تكون ناعمه ولا تقيله؟؟
لان العربيه بتاعتى لما كانت المساعدين والسوست والمقصات متدمره كانت الطاره تقيله ولما غيرت الكلام ده الطاره بقت خفيفه وناعمه عن الاول بكتير