كل ما يخص مازدا 323 موديل 82 (اعطال.قطع غيار.كماليات)

[thedeveloper87]

الف مليون شكر ليك بجد انت راجل ذوق واخلاقك عاليه

انا هجيبه خلال يومين كده واجربه واقولك على النتيجة ان شاء الله

انا قريت موضوع هنا على المنتدى بخصوص تنظيف الكاربرتير بالمنتجات الحديثة
ان شاء الله هطبق الموضوع ده واجرب بس هو ملوش اي اضرار ؟! مثلا انا سمعت انه بيوسع البيكات هل ده صحيح ؟! وهل هو بترش مره واحدة ولا ممكن نصه اصل انا خايف ابوظ الدنيا

ياباشا ربنا يخليك ، والله انت اللي راجل ذوق.

بص ياباشا استعماله سهل جدا.
1. فك العمة وشيل فلتر الهواء (الكلام ده والموتور لسة بارد).
2. رش جوة الكاربيراتير كام رشة محترمة (5 رشات كده)
3. رش على البيكات (مسمار الهواء والبنزين). تجنب الرش على أي وصلات كهربائية.
4. دور الموتور. الموتور مش هيدور من أول مرة وده طبيعي.
5. سيبه يسخن شوية.
6. زود بنزين من خلال بكرة الاكسراتير وخليك مزود واقعد رش كام رشة محترمة كده (بتاع 6 أو 7 رشات).
7. حط فلتر الهواء واقفل العمة وخد جولة بالعربية لمدة 15 دقيقة كده.

وعموما المنتجات مخصصة للكاربيراتير فمش ممكن يعني ينزلوا حاجة تبوظلك الكاربيراتير يعني.

نصيحة هامة جدا: أغلب هذه المشاكل بتحصل لأن البنزين بيبقى مغشوش. لو بتتعامل مع بنزينة معينة غيرها. (أنا دايما بمون من وطنية وشل وموبيل ... ابعد عن مصر للبترول والتعاون)

[thedeveloper87]

يا جماعة أنا عايز أشتري اسكاترة جديدة ، أشتريها منين؟
أشتريها جديد (تايواني) ولا استيراد (ياباني)؟

[hemalotfy]

يا جماعة أنا عايز أشتري اسكاترة جديدة ، أشتريها منين؟
أشتريها جديد (تايواني) ولا استيراد (ياباني)؟

ازيك ياباشا والف شكر على ردك بخصوص منظف الكربراتير

المهم

انا اشتريت اسكاتره جديدة من سنتين بالضبط كانت تيواني ب 375 جنيه من الزقازيق ولحد الان الحمد لله كويسه جدا ومفيش فيها اي خبط
القديمة حليتها كتير وازبطها وترجع تخبط بعد شهرين
بس معرفش اذا كان الاستيراد افضل ولا ايه (بالذات في موضوع العفشة)
لو محتاج رقم الراجل ده ممكن ابعتهولك على الخاص هو عنده كل حاجة للمازدا بس بتهيالي القاهرة ارخص

[thedeveloper87]

ازيك ياباشا والف شكر على ردك بخصوص منظف الكربراتير

المهم

انا اشتريت اسكاتره جديدة من سنتين بالضبط كانت تيواني ب 375 جنيه من الزقازيق ولحد الان الحمد لله كويسه جدا ومفيش فيها اي خبط
القديمة حليتها كتير وازبطها وترجع تخبط بعد شهرين
بس معرفش اذا كان الاستيراد افضل ولا ايه (بالذات في موضوع العفشة)
لو محتاج رقم الراجل ده ممكن ابعتهولك على الخاص هو عنده كل حاجة للمازدا بس بتهيالي القاهرة ارخص

جزاك الله خيرا على رد حضرتك. عندنا هنا في القاهرة من 300-350. بس لما اروح للراجل أقوله عايز علبة دركسيون كاملة؟؟؟ ولا ايه؟

أنا بحس إن في الحتت المكسرة ، بل بقت الشوراع العادية كمان ، بحس بكل زلطة في الأرض وكل حتة طالعة ونازلة ، ده غير إن بحس التابلوه مفكك ، هل كان عند حضرتك نفس الكلام؟
ولما غيرت الاسكاترة حسيت بفرق في اخنفاء التخبيط وثبات العربية؟

[hemalotfy]

جزاك الله خيرا على رد حضرتك. عندنا هنا في القاهرة من 300-350. بس لما اروح للراجل أقوله عايز علبة دركسيون كاملة؟؟؟ ولا ايه؟

أنا بحس إن في الحتت المكسرة ، بل بقت الشوراع العادية كمان ، بحس بكل زلطة في الأرض وكل حتة طالعة ونازلة ، ده غير إن بحس التابلوه مفكك ، هل كان عند حضرتك نفس الكلام؟
ولما غيرت الاسكاترة حسيت بفرق في اخنفاء التخبيط وثبات العربية؟

جزانا واياك كل خير

هتقول للراجل اسكاتره اه بس مش عارف ليها اسم تاني ولا ايه
بتيجي الاسكاتره بالدرعات بتاعتها كامله بالكوتشات طبعا بالقفزان بس من غير بيض اسكاتره.
انا كنت بحس كده وكنت بحس الدريكسون بيتحرك في ايدي عند المطبات وبحس ان العربيه بتتخلع مني ((ده في الحتت المتكسره والطرق البايظه وعين القطط))

كان الراجل العفشجي يحلها ويزبط فيها مسكار كده وياخد 30 جنيه وتزبط شهرين وبعد كده ترجع تشخلع تاني
جبتلها طقم اصلاح وبرضو قعد حوالي 6 شهور ورجعت شخلعت تاني
رحت راميها وجايب واحده جديده والحمد لله هي دلوقتي كويسه بس عندي خربطه بسيطه دلوقتي اعتقدانها جلب مقصات بتظهر عند الطلعة والوقفه فقط

حضرتك حليت الاسكاتره قبل كده ؟

ممكن يكون المسمار ده عايز يرتبط بس وتتشحم او محتاجه حاجة بسيطه ولو دي اول مره تتحل هتلها طقم اصلاح وجرب

انا بتعتي اتهرت حل فزهقت منها وغيرت وبعدها حسيت بالفرق طبعا علشان القديمة كان فيها بوش جامد وكنت تلاقي الركسيون لماتيجي تلفه وهي واقفه تحس ان فيه خبطه كده لما بيوصل لحد الاخر

[thedeveloper87]

عملتلها حشو قبل كده. وحليتها برضه من حوالي سنة علشان كانت عايزة بارات. الحمدلله مافيش بوش في الدركسيون بس بحس بدبدبة في الطرق المكسرة.

[moatazbunny]

يا جماعة تيجي نعمل مقابلة عشان نستفيد أكتر من بعض ونشوف عربيات بعض

[thedeveloper87]

يا جماعة تيجي نعمل مقابلة عشان نستفيد أكتر من بعض ونشوف عربيات بعض

وأنا موافق. بس ياريت حاجة قريبة مننا كلنا (لأن تقريبا بعض الأعضاء من محافظات تانية)

[mohamed777]

حلوة فكرة المقابلة
بس حتكون فين؟احنا فعلا من محافظات مختلفة
عن نفسى انا من المنيا

[abdelaziz-waleed]

السلام عليكم يا خبراء المازدا
ما شاء الله. تعاون جميل بينكم وبين بعض. ربنا يجعلها في ميزان حسناتكم ان شاء الله
انا اخويا عنده مازدا 323 موديل 82 1500 سي سي
ولكن هو مسافر وانا بستخدمها
انا رحت لبلبل اول امبارح وبصراحة الراجل محترم جدا وفعلا مصنعيته زهيدة جدا
انا عندي مشكلة غريبة في العربية ان العربية وهي على التاني بتهوء زي ما يكون مديها خامس مثلا وماشي على سرعة 10 كيلو مثلا ومش عارف ايه السبب
ثانيا لما بكون على الاول او التاني واشيل رجلي من على البنزين الاقي العربية يحصلها Engine-Break وتنتش جامد
لما رحت لبلبل للاسف اشتغل فيها الصنايعي اللي اسمه موزة
فك الكاربراتير ونضفه بالبنزين بس انا مش حاسس بأي فرق
طبعا طلع معايا بلبل جرب العربية وقاللي انها كويسة ومافيهاش اي حاجة
فا عاوز اعرف هل الموضوع ده عادي ولا كدة فيه مشكلة
والف شكر على المساعدة الغالية

[mohamed777]

مشكلة فرملة الموتور لما تخف رجلك من على البنزين بتحصل معايا بالظبط
بس ماكانتش موجوده قبل العمرة ظهرت بعد ما عملت عمرة للموتور ومش عارف اذا كانت حاجه عادية ولا لأ

[thedeveloper87]

السلام عليكم يا خبراء المازدا
ما شاء الله. تعاون جميل بينكم وبين بعض. ربنا يجعلها في ميزان حسناتكم ان شاء الله
انا اخويا عنده مازدا 323 موديل 82 1500 سي سي
ولكن هو مسافر وانا بستخدمها
انا رحت لبلبل اول امبارح وبصراحة الراجل محترم جدا وفعلا مصنعيته زهيدة جدا
انا عندي مشكلة غريبة في العربية ان العربية وهي على التاني بتهوء زي ما يكون مديها خامس مثلا وماشي على سرعة 10 كيلو مثلا ومش عارف ايه السبب
ثانيا لما بكون على الاول او التاني واشيل رجلي من على البنزين الاقي العربية يحصلها engine-break وتنتش جامد
لما رحت لبلبل للاسف اشتغل فيها الصنايعي اللي اسمه موزة
فك الكاربراتير ونضفه بالبنزين بس انا مش حاسس بأي فرق
طبعا طلع معايا بلبل جرب العربية وقاللي انها كويسة ومافيهاش اي حاجة
فا عاوز اعرف هل الموضوع ده عادي ولا كدة فيه مشكلة
والف شكر على المساعدة الغالية

نفس المشكلة معايا بس مش عارف ليه.
لما تروح لبلبل بلاش موووزة بلاش مووزة. هو الواد اللي اسمه "كرم" وبس.

[agwaa]

وأنا موافق. بس ياريت حاجة قريبة مننا كلنا (لأن تقريبا بعض الأعضاء من محافظات تانية)

يا جماعة تيجي نعمل مقابلة عشان نستفيد أكتر من بعض ونشوف عربيات بعض

وأنا موافق جداً
ممكن كل واحد يقترح مكان وموعد وفي الآخر نختار الأنسب

[thedeveloper87]

وأنا موافق جداً
ممكن كل واحد يقترح مكان وموعد وفي الآخر نختار الأنسب

حضرتك ساكن فين؟؟؟

أنا ساكن في القاهرة - مدينة نصر - أول مكرم عبيد.

[agwaa]

• السلام عليكم يا خبراء المازدا

ما شاء الله. تعاون جميل بينكم وبين بعض. ربنا يجعلها في ميزان حسناتكم ان شاء الله
انا اخويا عنده مازدا 323 موديل 82 1500 سي سي
ولكن هو مسافر وانا بستخدمها
انا رحت لبلبل اول امبارح وبصراحة الراجل محترم جدا وفعلا مصنعيته زهيدة جدا
انا عندي مشكلة غريبة في العربية ان العربية وهي على التاني بتهوء زي ما يكون مديها خامس مثلا وماشي على سرعة 10 كيلو مثلا ومش عارف ايه السبب
ثانيا لما بكون على الاول او التاني واشيل رجلي من على البنزين الاقي العربية يحصلها engine-break وتنتش جامد
لما رحت لبلبل للاسف اشتغل فيها الصنايعي اللي اسمه موزة
فك الكاربراتير ونضفه بالبنزين بس انا مش حاسس بأي فرق
طبعا طلع معايا بلبل جرب العربية وقاللي انها كويسة ومافيهاش اي حاجة
فا عاوز اعرف هل الموضوع ده عادي ولا كدة فيه مشكلة
والف شكر على المساعدة الغالية

وعليكم السلام ورحمة الله
أهلاً بك أخاً عزيزاً وزميلاً في المازدا وجاراً في نفس المحافظة
ردا على سيادتك :
عندك عطل مركب ( عطلين يعني )
الأول كما وصفت العربية تهوء ( على حد تعبيرك ) وكأن العربية على الغيار الخامس دة نتيجة لأوساخ في الكربراتير ( ولكي تتأكد من ذلك إخلف أي طرفين لبوجيهين والسيارة مبطلة ثم شغل العربية وزود بنزين وخف وكرر ذلك حتي تضرب مدفعين _ ثم أعد أطراف البوجيهات إلى وضعها الطبيعي ستجد الموتور عاد لطبيعته وهو حل سريع إلى أن تصل لمتخصص كربراتيرات )وفي هذه الحالة يحتاج الكربراتير لفك وتنظيفه عند متخصص كربراتير
العطل الثاني التنتيش وهو عيب أبلاتين حيث يحتاج لضبط عند ميكانيكي أو تغييره إن لم يجدي ضبطه