عملتها معايا البومه منها لله

[kareembelal]

أولاً لو الفتيس cvt يبقى سعره كويس لأن تمنه فى التوكيل من 30 الى 32 ألف

ومن فتره كان الاستيراد من الحرفين تمنه 8000 جنيه

ثانياً لو الفتيس فيه مشكله....لمبه ال n بتفضل تنور وتطفى ( error ) حضرتك ملاحظتهاش خالص ؟؟

المفاجأه اللي لم اتوقعها انه بعد التعب والقرف اللي شوفته الفتيس اللي ركبناه ابو 3800 جنيه طلع بايظ اكتر من اللي كان فيها

يعني سرعة الاول وهو بايظ افضل من سرعة التاني اللي ركبناه

الاول في بداية التجربه بعد التركيب العربيه الصوت عالي والسحب هباب لكن افتيس بينقل

بعد شويه ما بقاش ينقل خالص والعربيه تاتا تاتا

وفعلا في الفتيس التاني لمبة ال n بقت تنور وتطفي
يا تري من ايه ده لو سمحت منتظر اجابتك

لأني استلفت عربيه زميل ونزلت اسكندرية وراجع بكره الجمعه لان الميكانيكي اتصل بيا العصر وقاللي انه غير الفتيس وبيركبه لكن تليفونه بقي غير متاح بعدها

يا تري ليه ؟؟

خلص شحن ؟؟ واللا مش عايز يصدمني ؟؟

انا اتحرق دمي من العربيه دي والله

والديناموا اتفضل بعظمته وفصل شحن مع نفسه كده ووديته لكهربائي معفن ولا بيفهم في كهربة الموتسيكلات الصيني حتي وقاللي انه صلح سلك كان مقطوع ولهف 30 جنيه طبعا انا مغترب ودي فرصه لكن لمبة الشحن منوره دايما والشحن شغال

المهم صدعتكوا وبكره هاقول لكوا علي بقية القصة وربنا يستر لأني مقضيها سفر بين اسكندرية والبحيرة والقاهرة وقرفت والله جدا من العربيات

[عصام غنايم]

انا والله حاسس بيك وربنا يكون فى عونك

بس على كده بقى الدايو نعمه !

[nice_bird]

الله يكون في عومك جرب تشوف الفتيس الاستيبترونيك اللي نازل في البوما الجديد يمكن تلاقية استيراد يرحلك المشكلة عالاخر

[elmkaneeki]

طاب انا صاحبى معاه اللانسر ال 2007 سوبر اكشن وماشية 170 الف وزى الفل ما شاء الله.....فرق صيانة واستعمال ولا اية؟

[Ralliart]

طيب الفتيس الجديد بينقل ازاي يعني ؟؟ هو حضرتك جيبته اوتوماتيك عادي ولا ستيب ترونك ولا cvt
وبعدين حضرتك آخر مررة غيرت زيت امتى ونوعه ايه ؟
العربية اتخبطت قبل كدة من عند الفتيس ولا لأ ؟؟
نقلت مررة غصباً عن الفتيس ؟ او حد زق العربية وهي على p ؟

[kareembelal]

طيب الفتيس الجديد بينقل ازاي يعني ؟؟ هو حضرتك جيبته اوتوماتيك عادي ولا ستيب ترونك ولا cvt
وبعدين حضرتك آخر مررة غيرت زيت امتى ونوعه ايه ؟
العربية اتخبطت قبل كدة من عند الفتيس ولا لأ ؟؟
نقلت مررة غصباً عن الفتيس ؟ او حد زق العربية وهي على p ؟

الفتيس cvt
العربيه كانت عامله حادثه قبل كده مع واحد صاحبي
والسؤال الثالث اجابته لا لم يحدث
واليوم
غيرت الفتيس لتاني مرة والمفاجأة نفس الموضوع العربيه مش قادرة تمشي لدرجه انه في مطلع الكوبري نزل صاحبي ساعد معاها وراح أخدها للراجل اللي باع الفتيس في الحرفيين وانا كنت في اسكندرية وسبته مع العربيه

وأخدهم صاحب الفتيس وراح لواحد كاتب علي ورشته ملك اللانسر بس مش عارف اسمه ايه والمهم غير حساسات معينه علي الفتيس والعربيه اشتغلت وبقت كويسه الا انه اتصل بي وقال انت طبعا شاري العربيه كده ؟

قولت له ايوه .. قال الضفيره بايظه خالص وعايزة تغيير في اقرب وقت

محتاج ضفيرة داخل وضفيرة حوض وانا مش عارف انت ماشي بالعربيه كده ازاي

لأن العربيه دي كهربا ومش هاتتظبط معاك الا بظبط الكهربا وممكن الفتيس يبوظ

طيب بكام يا عمنا ؟؟ قال تعمل 1500 جنيه

وسافرت الليله بالعربيه اسكندريه والملاحظ عليها

مهما تضغط وال rbm يوصل 6 والعربيه سرعتها 100 فقط ولا تستجيب خالص
انا بجد زهقت جدا ومش عارف ايه السبب

ولو حد عارف ايه المسئول عن السحب يقوللي

ولو حد عارف تمن الضفيرتين يقوللي

مطلوب المشورة يا رجاله واللي يعرف واحد يسأله لأني صرفت حتي الان 4500 ومافيش نتيجه كله راح علي الفاضي

وانا شاكك ان الفتيس الاولاني بتاعي سليم والله طالما الموضوع كده

وبكره ان شاء الله هاروح للكهربائي يشوف الضفيره ونظامها

[Ralliart]

تمام كدة شكلها مشكلة كهرباء او كنترول مش فتيس حاول تشوف بيبقى في ناس متخصصة في الكنترول اسألهم لان اكيد لو المشكلة منه هتكون مرت عليهم قبل كدة اللي سمعت عنه كان على حسب ما افتكر عن طريق مركز تكنو وان كان صلح مشكلة في كنترول فتيس سيراتو بتاعت واحد في المنتدى هنا
ربنا يكون في عونك انا عارف احساسك لما تبقى مش عارف المشكلة فين
بالنسبة للفتيس cvt فهو المفروض مينقلش ازاي حضرتك بتقول بينقل!! وهو مفيهوش تروس اصلاً

[ayman_mahran]

لا اله الا الله
الحمد لله جت على قد كده
انا مقدر شعورك وموقفك.. انا مريت بيه في عربيتي النوبيرا اللي فاتت ولما زهقت صلحتها وبعتها فورا
حاول تشوف التوكيل لو فشلت في الحل
وربنا يكرمك ويحافظ على الجميع باذن الله

[kareembelal]

تمام كدة شكلها مشكلة كهرباء او كنترول مش فتيس حاول تشوف بيبقى في ناس متخصصة في الكنترول اسألهم لان اكيد لو المشكلة منه هتكون مرت عليهم قبل كدة اللي سمعت عنه كان على حسب ما افتكر عن طريق مركز تكنو وان كان صلح مشكلة في كنترول فتيس سيراتو بتاعت واحد في المنتدى هنا
ربنا يكون في عونك انا عارف احساسك لما تبقى مش عارف المشكلة فين
بالنسبة للفتيس cvt فهو المفروض مينقلش ازاي حضرتك بتقول بينقل!! وهو مفيهوش تروس اصلاً

انا مشكلتي واضح انها مالهاش حل وانا تعبت بجد والتشخيصات كلها بمصاريف

يعني زي ما حضرتك قولت

فيها ميكانيكي ركب العربيه معايا اليوم وقاللي العربيه مش بتنقل السحب ده بتاع غيار وانت بتقرص عليه

وباقي الحساسات مش شغال ومافيش لقط خالص

لأن صوت الموتور علي جدا والسرعه من 90 الي 100 ومافيش غير كده وال rbm بيوصل 6

فقال لو انت دوست كده علي غيار التاني او التالت في المانيوال هاتديك السرعه دي

بمعني ان الكهربا فيها حاجه فاصله وكهربة الفتيس مش مظبوطه خالص

يا إما الكنترول و الكارته فاصل فيها حاجه

طيب ايه الحل

تغيير ضفيره ب 1500
او تغيير كارته كنترول

والعيب في حاجه منهم مثلا ا و في حاجه تانيه ؟؟

وانابصراحه مش عايز كل ما واحد يقول غير دي أغيرها لأنها مصاريف وممكن تكون علي الفاضي والعيب مش في المنطقه دي

لكن لو ما وصلتش لحل هاغير الاتنين وأمري لله مع اني مش لاقي ضفيره شمال خالص كله يمين اوروبي ولازم يتعدل فيها بالنسبة لدخلة الكنترول وفيشة ال aps لانهم في العربيات اللي دركسيونها يمين عكس عربياتنا

فبماذا تنصحني ؟؟

[AHMED1718]

انت معذب نفسك ليه بس

متروح ياعم التوكيل واكشف عليها وحدد العيب وبعد كده قرر

[Ralliart]

ربنا معاك ويصبرك معلش قضا أخف من قضا محدش عارف لو كانت سليمة كان ممكن يحصل ايه
حاول تدور على موضوع فتيس السيراتو في قسم كيا (اعذرني مش هقدر ادور علشان عندي امتحانات) واعرف مكان المهندس بتاع الكنترولات دا متخصص فيها بس وان شاء الله بعرف السبب

[kareembelal]

حطيت العربيه علي جهاز اليوم وكان فيه عيوب في الفيشة الرئيسية للفتيس واتعملت الفيشه لكن بعد التجربه مازال الوضع كما هو والجهاز وضح ان فيه حساس نسيت اسمه لكن الميكانيكي قال انه لا يؤثر ولا يسبب اللي بيحصل وانتهي الي ان الفتيس فيه تفويت

وبناء عليه قرر يصلح الفتيس القديم وفكه فعلا وقال هاصلحه واركبهولك وانت شيل تمن الزيت فقط ومصنعيتي الف جنيه ولا تدفع مليم الا لما تلاقي العربيه اتظبطت وعجبتك

وطبعا هايشيل الفتيس اللي راكب ويركب القديم بعد ما يصلحه ولو ما اتعملش ومافيش نتيجه هايركب اللي كان راكب واجيب زيت تاني يبقي زيت ب 400 جنيه

وانا مش مستريح للموضوع ده خالص والله لسبب

ان مهما كان الفتيس بيفوت فممكن العربيه مع الوقت تجيب 140 و150 كمان انما عندي هي ال 100 مهما كان المشوار

وكمان صوت الموتور بيبقي عالي جدا لما تضغط بنزين مفاجئ وعداد السرعه واقف خالص مش بيتحرك ومتهيألي لو تفويت ما يكونش في عدد 4 فتيس بنفس الحالة

الميكانيكي ده هايكلفني كتير وحاسس انه مش هايجيب نتيجه خالص

صدعتكوا معايا بس دي مشكله مالهاش حل وانا متأكد من كده

والعجيب انه قال لي ان عربيه لانسر قبل كده صاحبها صرف 37 الف علي نفس الموضوع وسعادته عمله ب 196 جنيه تحديدا وطبعا دي اشتغالات

[exact]

مش عارف اواسيك ازاي؟؟؟
طبعا حاجة تغم وتنكد عالواحد وخصوصا ان الصرف مش جايب نتيجة
هل مفيش مركز خدمة لميتسوبيشي قريب منك؟؟

وهل ممكن ترجع الفتيس اللي انت اشتريته ده وتجيب واحد مانيوال اريح لك من وجع الدماغ ده....ماهو للأسف هنا ناس فتايين كتير

انا عندي كتالوج الصيانة بتاع العربية دي ممكن يفيدك لو فيه مجال للقراءة بالنسبة لك
هل هي بوما وللا شارك؟؟

[aliyosef]

كان الله فى العون وربنا معاك بس حاول تغير الميكانيكى ده وروح لواحد غيره انا كانت ةمعايا عربيه بونتو العربيه بتسخن وسحبها زى الزفت روحت لمركز خدمه فى الحرفين اسمه الشروق دفعت حوالى 3500 جنيه وهى هى بعدكده قررت اعتمد على نفسى عند الميكانيكيه وقعت اروح عند ده وده وكل واحد يشتغل مايوصلش لحاجه اقوله شكرا سلام عليكم من غير فلوس لغايه ماوصلت لواحد نهى الموضوع فى 5 دقايق
قالى دور دورت زود زوت سيب وزود تانى عملت قالى بطل العربيه كربراتير الكهربه اللى فيها بايظ غيره
تمام قولتله اشترى اشتغل انا خدامك ماشتغلش بتاعك ولانه متأكد وبيفهم قالى تمام راح اشترى وجه ركب دور جرب العربيه اتحولت لطياره والسخونيه اتظبطت وكل ده بالمصنعيه كلفنى 500جنيه بس اسف للاطاله ولكن غير الميكانيكى لو سمحت وكفايه اللى راح واخيرا ( عمار يادايو )

[adel_2346]

ليه ميتاكدش من الريداتير الاول لانه بيبرد زيت الفتيس واحتمال يكون هو السبب