أنت تسأل وإسـتـشـارى منتدى متسوبيشى يجيب

[مصراوي جدا]

فى شويه اسئله يا بشمهندس بتدور فى دماغى بقاله فتره كنت عايز اعرف راى حضرتك فيها
معلش يا بشمهندس الاسئله كتيره شويه بس ده من عشمنا فيك
1-هل نظام فرامل البومه فى ال1600 مختلف عن 1300 نازله او بفرامل abs والى مفهاش او الاتوماتيك والمانوال بمعنى انى لو عايز اغيراجزاء فى نظام الفرامل زى (التيل و الطنابير والماستر العمومى )هل فيه اختلاف بين اجزاء ال1300 وال1600 او الاتوماتيك والمانوال او abs والى بدون
2-بخصوص لمبات الكشاف الامامى هل يمكن تعليه الواط الخاص بيها باكثر من الى نازل مع العربيه
3-عايز اعرف سعر الكشاف الامامى الغامق للبومه ؟

سألت المهندس عبد الجليل مدير الاستقبال بمركز خدمة قليوب رد بالآتي :
1- طبعا يوجد اختلاف بين نظام الفرامل الـ ABS واللي بدون ABS والنصيحة هي عدم اللعب في مكونات السيارة الأساسية وتغيير أو اضافةأجزاء من موديل لآخر
2- لمبات الكشاف مرتبطة بقلاووظ له نهاية وحد مسموح به لأدنى مستوى للنور المنخفض ولا يجب تغييره او اللعب فيه
3- سعر الكشاف الأمامي الغامق للبومة 1056 ج + 10 %

السلام عليكم
فى اشاعات يا بشمهندس بتقول ان اسعار العربيات الجديده هتقل بنسبه 49 فى الميه نتيجه الركود العالمى والعربيات اللى هتيجى من المغرب هل لو ده حصل سعرالعربيات اليابانى برضه هيتأثر بحاجه زى دى

للأسف الاشاعات كتيرة دلوقتي والتكهنات كتير ولا يمكن حد يعرف المستقبل القريب هيكون ازاي في اسعار العربيات الا الله سبحانه وتعالى

1-انا عندى لانسر 1600 خليجى وكنت عايز اغير ليها زيت اللى هو 10000 كم وعايز اعرف التكلفه
2-لو عايز ادخل العربيه على الكومبيوتر اكشف عليها تكلفة الكشف كام
3-لو عايز اغير الزيت فى مركز الخدمة فى قليوب هل لازم احجز قبلها ولا اجى علطول وهل يوم الخميس القادم مناسب ولا بيكون زحمه

1- سعر تغيير الزيت والفلتر 286 جنيه + 15 ج مصنعية + 10 % ض.م
2- الكشف 166 جنيه
3- آسف على التأخير في الرد يوم ما حبيت تيجي أرجو تحديد يوم تاني ونحجز فيه

السلام عليكم و رحمة الله و بركاتة
كان هندي سؤال يا باش مهندس ... هو غسيل من تحت غلط و لا لأ

المهندس عبد الجليل رد بأن كثرة غسيل السيارة من أسفل ان لم يستدعي الأمر لا داعي منه حتى لا يسبب صدأ للجزء السفلي من السيارة ولكن لو فيه ضرورة مثل غرز السيارة في منطقة موحلة بالطين أو ما شبه ذلك فيتم غسيل السيارة من أسفل

السلام عليكم استاذ طارق انا بس كان ليا سؤال انا اعندى لانسر شارك 2008 لسة شاريها من حوالى شهرين وهى بصراحة عربية ممتازة جدا فوق الوصف فكل حاجة من ثبات ورفاهية وشياكة وكل حاجة بس انا فالحقيقة مكنش عندى علم بحكاية التلين اللى قبل 1000 كيلو دة فكنت بجرى بيها شوية سؤالى لحضرتك هل كدة انا ممكن اكون ضريت العربية انى جريت بيها قبل متعمل ال1000 كيلو والمفروض كنت امشى على سرعة كام وهى فالتلين وشكرا جزيلا لمجهوداتك

ألف مبروك العربية والمفروض في فترة التليين ان عداد RPM لا يزيد عن 3000 لفة / دقيقة انما طالما العربية ماشية معاك كويس ومفيش شكوى يبقى انسى الموضوع واستمتع بالعربية

[hossameg20035]

هو سعر الدريكسيون بتاع العربية اللانسر بومة يطلع كام؟
اللى هو فى ثلاث اضلاع مش القديم

[Islam Amer]

لا تنسي ذكر الله

السلام عليكم:
يا استاذ طارق انا ليه واحد صاحبي عايز يعرف الفرق بين اللانسر الاسبورت والانسر اوتو سام ؟؟؟

[مصراوي جدا]

هو سعر الدريكسيون بتاع العربية اللانسر بومة يطلع كام؟
اللى هو فى ثلاث اضلاع مش القديم

دركسيون البومة الجديد ثلاث اضلاع سعره في التوكيل 1220 ج + 10% وسعر الايرباج اللي داخله 3740 ج + 10%

السلام عليكم:
يا استاذ طارق انا ليه واحد صاحبي عايز يعرف الفرق بين اللانسر الاسبورت والانسر اوتو سام ؟؟؟

في المصري الاتنين 1600 أوتوماتيك جميع الكماليات تكييف وباور وسنتر وزجاج كهرباء ومرايات كهرباء و 2 ايرباج وفرامل ABS وفتحة سقف وسبويلر وجنوط سبور وعتب أمامي وجانبي وراديو كاسيت وسي دي تشنجر أما الفروق فهي :

السبورت فرش عادي و فوانيس أمامية غامقة وخلفية شفافة

السام فرش جلد طبيعي وفوانيس امامية عادية بيضاء وخلفية عادية حمراء

اما في الخليجي فممكن الكماليات تختلف

[Islam Amer]

لا تنسي ذكر الله

جزاك الله خيراااا

[MohabSaeed]

بشمهندس طارق فى امكانيه انى اعرف نوع سير الكاتينه فى التوكيل لموتور 4g18 " موتور لانسر 1600 " هل هو gates ولا dayco او نوع اخر
لانى ان شاء الله ناوى اشتري ال timing belt kit لعربيتى بروتون واجا 4g18 "بنفس موتور لانسر 1600 " . ف كنت عاوز اعرف نوعه و صناعته ايه اذا امكن .
شاكر ليك مجهودك الكبير و الرائع فى قسم ميتسوبيشى .
كل عام و حضرتك بخير

[meg16]

الاستاذ طارق لدى استفسار بالنسبة للبوما 1300 الفتيس الاوتو ماتيك هل له فلتر زيت ومتى يتم تغييره وانا عامل 42000 غيرت الزيت بتاع الفتيس فى بنزينة شل فى مدينة نصر عن طريق الشفط وتم وضع اربع لترات وفى الكتيب مكتوب 7 لل1300 لكن العربية ذى الفل فهل الزيت كافى مع العلم ان المقاس مظبوط وانا عامل 50000 الف حتى الان ولم اقم بتغيير فلتر البنزين فما النصيحة

[samofox]

السلام عليكم استاذ طارق ..كنت عاوز بس اسال حضرتك بالنسبة لصيانة ال10000 للانسر الشكل الجديد اية اللى حيتم فيها غير تغير الزيت والفلتر وسعر غطاء الماتور ميفك كام وهل اقدر اجيبة من محلات قطع الغيار ولا لازم فالتوكيل وشكرا جزيلا

[hazem66]

باشمهندس طارق
انا عربيتى 1600 اوتوماتيك 2009 خليجى وهى عاملة حاليا 2700كم وللاسف واحد ابن حلال بتاع موتوسيكل حاول يخرج منى من اليمين بسرعة فاتزحلق ووقع وخبط العربية فى العتب اليمين خبطة جامدة - الحمد لله على كل حال
وسؤالى هل ممكن يتصلح فى التوكيل ولا بيتغير وبكام فى الحالتين
والسؤال الثانى هل ممكن يركبلها اعتاب زى الهاف سبورت

[مصراوي جدا]

برجاء الانتظار ليوم السبت 27-12 لتلقي الردود على الأسئلة الأخيرة

[samofox]

معلش يا استاذ طارق..بتعبك معايا انا بس كنت عملت صيانة الالف للشارك وغيرت الزيت والفلتر بس الزيت كان 4 لتر فقط مش 4 وتلت هل كدة فى مشكلة على الماتور؟ وحضرتك تنصح باية واتصرف ازاى دلوقتى العربية عاملة 4000 حاليا ولما قريت ان الشارك بتاخد 4 وتلت قلقت جدا على الماتور ومش عارف فالحقيقة اتصرف ازاى فانتظار رد حضرتك يوم السبت ان شاء الله

[مصراوي جدا]

مفيش اي داعي للقلق .. ببساطة اكشف على مستوى الزيت من مقياس الزيت ولو الزيت ما بين العلامتين الmax , min يبقى مفيش مشكلة وبالتأكيد التلت لتر مش هيخرج الزيت عن العلامتين

[mero26]

باشمهندس طارق لك منى جزيل الشكر و التقدير

انا عضو بالمنتدى من اول ما جبت عربيتى 1600 اوتوماتيك بومه اردنى موديل 2007 بجد استفدت كتير من الاسئلة الموجهة ليك و الاجابات وده كان سبب اختيارى ليها انا قرات ال 51 صفحة فى أنت تسأل وإسـتـشـارى منتدى متسوبيشى يجيب ... بجدد جازاك الله كل خير :k49:
بس انا من شدة ثقتى بالعربية عملت مشكلة لنفسى اخر صيانة عملتها صيانة ال5000 بس و كنت بغير زيت فى مراكز موبيل بمواعيدها بالظبط و تيل الفرامل كل 15000 كم وفلتر التكييف و فلتر الهواء بنفسى دا انا قربت افتح مركز صيانة بس العربية عامله دلوقتى 46000 كم و ادائها بقى مش عاجبنى خالص و استهلاكها زاد بالبنزين انا بستخدم بنزين 92 يا ترى لو روحت اى مركز صيانة هيعملوا ايه و بكام انا من اسكندرية و ضمان العربية كان فى اوتوماجد جسر السويس و هو ده اللى خلانى ما اتابعش معاهم
اه عايز اشتكيلك من حاجه بتوع الالنترا مش قادرين عليهم خالص عالطريق حارقينا خالص وبعدين ياعنى دا احنا اليابانى الاصلى
اخوك/ مهندس مدنى- ماهر علام

[mgk_tex]

السلام عليكم يا بشمهندس طارق
هل كل العربيات البومه 1600 اوتوماتك كلها نظام فتيس cvt ولا فى اوتوماتك عادى ؟
وشكرا

[مصراوي جدا]

بشمهندس طارق فى امكانيه انى اعرف نوع سير الكاتينه فى التوكيل لموتور 4g18 " موتور لانسر 1600 " هل هو gates ولا dayco او نوع اخر
لانى ان شاء الله ناوى اشتري ال timing belt kit لعربيتى بروتون واجا 4g18 "بنفس موتور لانسر 1600 " . ف كنت عاوز اعرف نوعه و صناعته ايه اذا امكن .
شاكر ليك مجهودك الكبير و الرائع فى قسم ميتسوبيشى .
كل عام و حضرتك بخير

سألت مخزن قطع الغيار وقالوا ان السير الأصلي صناعة ياباني وماركة ميتسوبيشي وممكن تجيب القديم ونشوفه على الموجود

الاستاذ طارق لدى استفسار بالنسبة للبوما 1300 الفتيس الاوتو ماتيك هل له فلتر زيت ومتى يتم تغييره وانا عامل 42000 غيرت الزيت بتاع الفتيس فى بنزينة شل فى مدينة نصر عن طريق الشفط وتم وضع اربع لترات وفى الكتيب مكتوب 7 لل1300 لكن العربية ذى الفل فهل الزيت كافى مع العلم ان المقاس مظبوط وانا عامل 50000 الف حتى الان ولم اقم بتغيير فلتر البنزين فما النصيحة

المهندس عبد الجليل رد بالآتي
- السيارة ليس لها فلتر زيت فتيس اوتوماتيك خارجي لكن لها بالطبع فلتر زيت داخلي ولكن يتم تغييره مع عمرة الفتيس
- يتم تغيير زيت فتيس الاوتوماتيك كل 40 ألف كيلو
- يتم تغيير فلتر البنزين كل 40 ألف كيلو

السلام عليكم استاذ طارق ..كنت عاوز بس اسال حضرتك بالنسبة لصيانة ال10000 للانسر الشكل الجديد اية اللى حيتم فيها غير تغير الزيت والفلتر وسعر غطاء الماتور ميفك كام وهل اقدر اجيبة من محلات قطع الغيار ولا لازم فالتوكيل وشكرا جزيلا

سعر غطاء المحرك المايفك اعتقد كان حوالي 450 جنيه في التوكيل ومش عارف موجود بره ولا لأ

باشمهندس طارق
انا عربيتى 1600 اوتوماتيك 2009 خليجى وهى عاملة حاليا 2700كم وللاسف واحد ابن حلال بتاع موتوسيكل حاول يخرج منى من اليمين بسرعة فاتزحلق ووقع وخبط العربية فى العتب اليمين خبطة جامدة - الحمد لله على كل حال
وسؤالى هل ممكن يتصلح فى التوكيل ولا بيتغير وبكام فى الحالتين
والسؤال الثانى هل ممكن يركبلها اعتاب زى الهاف سبورت

بالطبع ممكن تتصلح في التوكيل فيمكن حجز موعد مع قسم السمكرة للحضور ومعاينة العربية وتحديد المطلوب عمله وتكلفته ولا يمكن تحديد تكلفة بدون معاينة
الأعتاب تعتبر كماليات ولا يتم تركيب اكسسوارات في التوكيل

انا عضو بالمنتدى من اول ما جبت عربيتى 1600 اوتوماتيك بومه اردنى موديل 2007 بجد استفدت كتير من الاسئلة الموجهة ليك و الاجابات وده كان سبب اختيارى ليها انا قرات ال 51 صفحة فى أنت تسأل وإسـتـشـارى منتدى متسوبيشى يجيب ... بجدد جازاك الله كل خير :k49:
بس انا من شدة ثقتى بالعربية عملت مشكلة لنفسى اخر صيانة عملتها صيانة ال5000 بس و كنت بغير زيت فى مراكز موبيل بمواعيدها بالظبط و تيل الفرامل كل 15000 كم وفلتر التكييف و فلتر الهواء بنفسى دا انا قربت افتح مركز صيانة بس العربية عامله دلوقتى 46000 كم و ادائها بقى مش عاجبنى خالص و استهلاكها زاد بالبنزين انا بستخدم بنزين 92 يا ترى لو روحت اى مركز صيانة هيعملوا ايه و بكام انا من اسكندرية و ضمان العربية كان فى اوتوماجد جسر السويس و هو ده اللى خلانى ما اتابعش معاهم
اه عايز اشتكيلك من حاجه بتوع الالنترا مش قادرين عليهم خالص عالطريق حارقينا خالص وبعدين ياعنى دا احنا اليابانى الاصلى
اخوك/ مهندس مدنى- ماهر علام

ممكن تروح مركز الصفوة أو المأمون في اسكندرية (مراكز خدمة معتمدة من التوكيل مصرية) وهما ممكن يعملوا كشف على المحرك وضبط للمحرك علشان استهلاك البنزين العالي ده

السلام عليكم يا بشمهندس طارق
هل كل العربيات البومه 1600 اوتوماتك كلها نظام فتيس cvt ولا فى اوتوماتك عادى ؟
وشكرا

ايوة كل لعربيات البومة أوتوماتيك فتيس CVT والاوتوماتيك العادي في البومة1300 فقط