رابطة مالكي الكريستالة..لانسر 1996 - 2000

[HeMa_LanCeR]

انت بتفتي ليه يا عم هيما
انت معاك ميتسوبيشي ؟
انت معاك لانسر ؟
انت معاك كريستالة؟
لما تبقي معاك حاجة من دول تبقي تفتي
وبعدين غير اسمك احسن لك بدل ما اقدم فيك شكوي انك بتنتحل صفة غير حقيقية ومزور في اسمك
ههههههههههههههه
واحشني يا هيما
بقولك ايه
يا عم ابعت لي رقم موبايلك الموبايل بتاعي كالعادة ضاع ونمرتك ضاعت معاه
انا رايح الحرفيين عند العقيد خالد يوم التلات الجاي بعد بكرة الساعة 12 الضهر تيجي معايا ؟؟؟؟؟؟؟؟؟؟؟
بس هنرجع كعابي

ليه كده بس ده حتي الدنيا ضيقه قوووووووووي
وبكره تيجي تقولي يا استاذ هيما لانسر عندي سؤال

الرقم 0126722285
وبالنسبه لموضوع الحرفيين مش هقدر علشان انا شغلي من 9 الي 12 مساء

[am79]

ان شاء الله هروح اسال عليهم بكرة تانى واشوف اخر كلام فيهم ايه وهبلغك بالسعر على طول وهيكون ان شاء الله ديسك و اسطوانة وبليه
ومفيش غير نوع يابانى واحد بس مش فاكر اسمة ايه هسال واقولك

شكرا يابشا وفي انتظارك

[ahmeddoda]

يا استاذ هيما لانسر عندى سؤال وياريت ترد فاسرع وقت ممكن
العربية معايا سحبها قليل اوى وصوت الماتور خشن نوعا ما
التالت كان ممكن يجيب معايا 80 او 90 دلوقتى العربية مش بتجمع بسرعة وصوت الماتور بيعلى عكس ما كان الاول
دة يبقى اسطوانة دبرياج ولا حاجة تانية

[HeMa_LanCeR]

يا استاذ هيما لانسر عندى سؤال وياريت ترد فاسرع وقت ممكن
العربية معايا سحبها قليل اوى وصوت الماتور خشن نوعا ما
التالت كان ممكن يجيب معايا 80 او 90 دلوقتى العربية مش بتجمع بسرعة وصوت الماتور بيعلى عكس ما كان الاول
دة يبقى اسطوانة دبرياج ولا حاجة تانية

90% اسطوانه
طيب الدبرياج بقي عالي معاك؟ والعربيه بترجرج معاك في الطلعه؟

[dr-mohamed]

ليه كده بس ده حتي الدنيا ضيقه قوووووووووي
وبكره تيجي تقولي يا استاذ هيما لانسر عندي سؤال

الرقم 0126722285
وبالنسبه لموضوع الحرفيين مش هقدر علشان انا شغلي من 9 الي 12 مساء

حبيب قلبي يا هيما
وبعدين ما انت بعتني في اول ملف لما قلت لك انى رايح للعقيد خالد بالعربية وبعتني وقلت عندي شغل من 9 الى 12

[dr-mohamed]

بما انى قررت ارش العربية رشة نضافة من البهوات الحبيبة بتوع المدارس والعيال بتوع الجامعة اللى مش بيحلي لها القعدة والسندة برجلها غير على الاكصدامات ولاتخلص من اثار التكاتك والميكروباسات وكل الالات غير الادمية المنتشرة بمصر فقد قررت ان ارش العربية واعملها سمكرة ودوك عند اخونا خالد باشا وجبت شوية حاجات اليكم اسعارها

1- كشافين اشارة ماركة ديبو من عند المنير في فيصل ب50 جنيه الاتنين

2- شبكة ب35 جنيه

3- مسمار للعجلة اكتشفت انه مقطوم ب 10 جنيه

واشتريت من الحرفيين التالي:

1- رفرفين علشان الرفارف الموجود معجبتش محمود باشا الصنايعي عند خالد بيه وقالي مش هاتبقي قافلة على الكوبت كويس
المهم لفينا لقينا فيه رفرفين ب450 استيراد ومعجبوهوش وجبنا 2 بردو استيراد ب200 جنيه عجبوه اوي

2- اكصدام امامي جديد تايواني ب 140 جنيه والسعر ده غالى لان عند المنير في فيصل ب120 جنيه بس عند المنير مش متوفر غير من بكرة وانا كنت رايح النهاردة
والاستيراد في الحرفيين ملقيناش حاجة كويسة والكويس متركب في نص عربية ومحدش عايز يفك


دي اخر التطورات واي جديد هكون معاكم واقولكم الاسعار


وانت يا هيما
من الاخر لازم هاتيجي معايا مشوار الحرفيين الجاي مش بمزاجك بالاكراه


اه وسالنا على المواتير هناك فيه ال1600 مايفك ب 6 الاف

ال1500 اتنين كامة بالفين ونص بكل حاجاته وياخد بتاعك بكل حاجته والتركيب عليك وعند واحد تانى نصاب ب3 ونص وبردو التركيب عليك او ياخد الف جنيه ويسلمه لك سليم

ال 1600 لم نتمكن من العثور عليه بس بصراحة ملفناش كتير هما محلين بس اللى رحناهم


هيما لاخر مرة ال1500 اتنين كامة ولا ال1600 واشرح لي كل واحد منهم بالتفصيل هنا علشان مندخلش في وجع دماغ موضوع جديد

[ahmeddoda]

90% اسطوانه
طيب الدبرياج بقي عالي معاك؟ والعربيه بترجرج معاك في الطلعه؟

تمام كدة الدبرياج عالى سنه بسيطة والعربية مش بترجرج نهائى بس السحب بقى فالضياع وصوت الماتور عالى متهيالى لو فى ار بى ام كان هيقرا 5000 مش عايز اروح لحد يلعب ويبوظ وادخل فحوار تانى وشغل الكشف بالجهاز دة شغل دكاترة وانا مبحبش الكلام دة وبحب اجيب من الاخر
اخر كلام العربية بتطلع عادى جدا ومفيش رجرجة بس السحب قليل وصوت الماتور بيعلى دة اللى فيها يبقى ايه ؟

[HeMa_LanCeR]

تمام كدة الدبرياج عالى سنه بسيطة والعربية مش بترجرج نهائى بس السحب بقى فالضياع وصوت الماتور عالى متهيالى لو فى ار بى ام كان هيقرا 5000 مش عايز اروح لحد يلعب ويبوظ وادخل فحوار تانى وشغل الكشف بالجهاز دة شغل دكاترة وانا مبحبش الكلام دة وبحب اجيب من الاخر
اخر كلام العربية بتطلع عادى جدا ومفيش رجرجة بس السحب قليل وصوت الماتور بيعلى دة اللى فيها يبقى ايه ؟

يبقي كده اسطوانه وهتحتاج تفك الفتيس وبعدين تشتري علشان لو محتاجه ديسك كمان
الاسطوانه ب 90 والديسك ب 140 نوعه دايكن ياباني

بما انى قررت ارش العربية رشة نضافة من البهوات الحبيبة بتوع المدارس والعيال بتوع الجامعة اللى مش بيحلي لها القعدة والسندة برجلها غير على الاكصدامات ولاتخلص من اثار التكاتك والميكروباسات وكل الالات غير الادمية المنتشرة بمصر فقد قررت ان ارش العربية واعملها سمكرة ودوك عند اخونا خالد باشا وجبت شوية حاجات اليكم اسعارها

1- كشافين اشارة ماركة ديبو من عند المنير في فيصل ب50 جنيه الاتنين

2- شبكة ب35 جنيه

3- مسمار للعجلة اكتشفت انه مقطوم ب 10 جنيه

واشتريت من الحرفيين التالي:

1- رفرفين علشان الرفارف الموجود معجبتش محمود باشا الصنايعي عند خالد بيه وقالي مش هاتبقي قافلة على الكوبت كويس
المهم لفينا لقينا فيه رفرفين ب450 استيراد ومعجبوهوش وجبنا 2 بردو استيراد ب200 جنيه عجبوه اوي

2- اكصدام امامي جديد تايواني ب 140 جنيه والسعر ده غالى لان عند المنير في فيصل ب120 جنيه بس عند المنير مش متوفر غير من بكرة وانا كنت رايح النهاردة
والاستيراد في الحرفيين ملقيناش حاجة كويسة والكويس متركب في نص عربية ومحدش عايز يفك


دي اخر التطورات واي جديد هكون معاكم واقولكم الاسعار


وانت يا هيما
من الاخر لازم هاتيجي معايا مشوار الحرفيين الجاي مش بمزاجك بالاكراه


اه وسالنا على المواتير هناك فيه ال1600 مايفك ب 6 الاف

ال1500 اتنين كامة بالفين ونص بكل حاجاته وياخد بتاعك بكل حاجته والتركيب عليك وعند واحد تانى نصاب ب3 ونص وبردو التركيب عليك او ياخد الف جنيه ويسلمه لك سليم

ال 1600 لم نتمكن من العثور عليه بس بصراحة ملفناش كتير هما محلين بس اللى رحناهم


هيما لاخر مرة ال1500 اتنين كامة ولا ال1600 واشرح لي كل واحد منهم بالتفصيل هنا علشان مندخلش في وجع دماغ موضوع جديد

ياباشا من عنيه بس اكون فاضي بس
وبأذن الله انا احتمال يكون عندي كام حوار شغل في الحرفيين فا لو كده هعدي علي العربيه اشوفها
وبالنسبه للموتور نرجع تاني ونقول
ال 1500 اقوي علشان 2 كامه بس قطع الغيار قليله لو انت سألت ولقيتها متوفره يبقي توكل علي الله

[dr-mohamed]

ياباشا من عنيه بس اكون فاضي بس :ob_mak1[1]:
وبأذن الله انا احتمال يكون عندي كام حوار شغل في الحرفيين فا لو كده هعدي علي العربيه اشوفها
وبالنسبه للموتور نرجع تاني ونقول
ال 1500 اقوي علشان 2 كامه بس قطع الغيار قليله لو انت سألت ولقيتها متوفره يبقي توكل علي الله

من عينيك من حواجبك ماليش دعوة هاتنزل معايا يعين هتنزل معابا
كل البياعيني يقولوا لك قطع غياره متوفرة في الحرفيين بس طبعا كله بيقول علشان يبيع
لما تيجي تروح الحرفيين قولي علشان نروح سوا

[HeMa_LanCeR]

من عينيك من حواجبك ماليش دعوة هاتنزل معايا يعين هتنزل معابا
كل البياعيني يقولوا لك قطع غياره متوفرة في الحرفيين بس طبعا كله بيقول علشان يبيع
لما تيجي تروح الحرفيين قولي علشان نروح سوا

حاضر من عنيا الجوز
بس صحيح انت بتعمل ايه في العربيه اصلا

[SkyBird]

- رفرفين علشان الرفارف الموجود معجبتش محمود باشا الصنايعي عند خالد بيه وقالي مش هاتبقي قافلة على الكوبت كويس

انا كان عندي الرفارف بيعملوا فراغ وتقديم مع الكبوت السمكري ظبطهم بخبطتين من كلوة ايده بقوا زي المسطرة
الا اذا كان عندك الرفارف في الضياع

وسالنا على المواتير هناك فيه ال1600 مايفك ب 6 الاف

انا محتاج الموتور ده بشده
واعتقد انه افضل من 1500 كامتين
بس 6 الالاف مش كثير عليه ولا تمنه بالفتيس الاستبترونيك ؟

ال 1500 اقوي علشان 2 كامه

مش عارف وجهة نظرك يا هيما ليه 1500 افضل
لو قارنا بين ان الاولاني مايفك والتاني 2 كامة + انه اقل 100 سي سي +قطع غياره اقل
ياريت يا هيما توضح لنا الصورة دي علشان افهم كويس قبل ما اغير
وشاكر ليك جدا

[dr-mohamed]

حاضر من عنيا الجوز
بس صحيح انت بتعمل ايه في العربيه اصلا

كان فيه شوية تجريحات في العربية قلت اخبطها سمكرة ودوكة كلها واروقها
بص في المشاركات اللى قبل دي بشوية هتعرف التفاصيل

انا كان عندي الرفارف بيعملوا فراغ وتقديم مع الكبوت السمكري ظبطهم بخبطتين من كلوة ايده بقوا زي المسطرة
الا اذا كان عندك الرفارف في الضياع
انا محتاج الموتور ده بشده
واعتقد انه افضل من 1500 كامتين
بس 6 الالاف مش كثير عليه ولا تمنه بالفتيس الاستبترونيك ؟
مش عارف وجهة نظرك يا هيما ليه 1500 افضل
لو قارنا بين ان الاولاني مايفك والتاني 2 كامة + انه اقل 100 سي سي +قطع غياره اقل
ياريت يا هيما توضح لنا الصورة دي علشان افهم كويس قبل ما اغير
وشاكر ليك جدا

الرفارف عندي كانت مقدمة شوية عن الكابوت فالسمكري اللى عند المهندس خالد قلا الافضل نجيب رفرفين اصلي استيراد لانى قلت لهم عايز العربية كانها خارجة من التوكيل حالا وبالامانة لفينا لغاةي ما لقينا لامطلوب وسعره كان كويس والحمد لله

الموتور المايفك موجود بس المشكلة انه بيشتغل ببنزين 95 ومعلش دي مشكلة لوحدها
عايزين حد ياكد لنا هل ينفع يشتغل ببنزين 90 ولا لا ؟؟؟؟؟؟؟؟
والمقارنات اتعملت كتير وموصلتش منها لفايدة عملية ويا ريت هيما يعمل مقارنة شاملة للجهلاء امثالنا يفهمنا فيها كل الفروق بين الاتنين من جميع النواحي
وبسرعة يا هيما لانى هغير خلال اسبوع ان شاء الله

[HeMa_LanCeR]

نرجع تاني ونمسك كل موتور بمميزاته وعيوبه بأسلوب عام وليس اسلوب علمي
يعني هتكلم بلغه السوق علشان الكلام يكون واضح صح
المواتير المتاحه لدينا
مايفك 1600
عادي 1500 2 كامه
عادي 1500 كامه واحده
عادي 1600 كامه واحده
يوجد ايضا 1800 و 2400 بس دول هنستبعدهم علشان الترخيص

1- مايفك 1600 :
مميزات : موتور جبار مالوش حل هيخلي العربيه حاجه تانيه هتبقي صاروخ ارض جو ومتور حمال قاسيه لأقصي حد موتور يتقال بالدهب زي ما بيقولو
العيوب : يحتاج تعديل في العفشه الاماميه وذلك لثقل وزنه
قطع غياره قليله ولو لقيتها هتكون غاليه علشان هو قليل واللي عنده عارف ان اللي مسقطه ده مايهموش فلوس
بيستخدم بنزين 95 هتقولي طيب ما نحط 92 هقولك عادي مش هيحصل حاجه بس انت كده فقدت كامل قوه الموتور يبقي انت كده بتموت الموتور وبقي فلوس فس الأرض
لأني زي ماقلت الموتور ده عايز واحد دماغه تعديل وعامل الفلوس بالنسباله اخر تفكيره

2- عادي 1500 كامه واحده:
لا يحتاج نقاش زي قلته وسط الوحوش الاخرين

3- عادي 1500 2 كامه
مميزات : موتور قوي بغباء وعزمه قوي جدا جدا من الاخر طياره ممكن نقول مساوي لموتور الفيرنا ال 1600
لا يحتاج لتعديل في العفشه
عيوبه : قطع غياره هي متوفره بس قليل بس من الواضح انها ابتدت تبقي موجوده عكس زمان وده يرجع لسبب انتشاره الفتره دي
استهلاك بنزين عالي مع الشد والقرص علشان الكامه التانيه

4- عادي 1600 :
مميزات : قطع غياره زي ال 1300 بالظبط (قصدي في سهوله الحصول عليها)
موتور حلو وقوي باردو بس مش زي ال 1500
بس لما بيفتح في الطريق بيبقي طياره هو موتور حلو جدا بس المشكله الناس كلها بتحب ال 1500 علشان الكامتين علشان يحرق ويقرص براحته
موفره في البنزين مقارنه بال 1500
بس عموما مكنه محترمه
عيوب : لا يوجد له عيوب حتميه تتقال

يارب اكون قدرت اوصل المعلومات واي استفسار انا تحت الامر

[dr-mohamed]

حلوة اوي باسلوب عام مش علمي دي
ما تقول من الاخر للناس الجهلة اللى زيكم وتريح نفسك
ههههههههههههههههه
كدة انت حسمتها للموتور ال1600
سؤال تاني علشان اعمل نفسي خبير في المواتير
الل1500 اتنين كامة كام حصان وال1600 كام حصان ولو تعرف كمان كام جحش يبقي افضل
واخر اخر سعر الموتورين بعد التغيير واستلام الموتور الاصلي وناخده داير شغال متغير زيوته وفلاتره وسيوره يبقي كام

[HeMa_LanCeR]

حلوة اوي باسلوب عام مش علمي دي
ما تقول من الاخر للناس الجهلة اللى زيكم وتريح نفسك
ههههههههههههههههه
كدة انت حسمتها للموتور ال1600
سؤال تاني علشان اعمل نفسي خبير في المواتير
الل1500 اتنين كامة كام حصان وال1600 كام حصان ولو تعرف كمان كام جحش يبقي افضل
واخر اخر سعر الموتورين بعد التغيير واستلام الموتور الاصلي وناخده داير شغال متغير زيوته وفلاتره وسيوره يبقي كام

والله انا مش قصدي كده انا بس ببسط الصوره علشان تتفهم اسرع واسهل
بالنسبه للحصان ال 1500 بيطلع 110
وال 1600 تقريبا علي ما اتذكر في حدود 100