بشرى لحاجزيين النيسان صنى

[hamo2007]

الشركة ابتديت تندع عربيات مانيوال اليوميين دول بس باولوية الحجز اما الاتوماتيك اسهل فى تسليمه متوفر اكثر لان الطلب على المانيوال اكثر بكثير من الاتو ماتيك علشان كده الى حجز مانيوال يبقى هيستلم انشالله قبل العيد الناس فى التوكيل اكدوا ذلك بس يا رب توصل..... انا زهقت ومليت من الانتظار.

[loai-omar]

أنا حاجز بقالي تقريبا 20 يوم من مودرن موتورز ايلي في الدقي-المساحة

و دافع ال 91 بتوع الصني الاوتوماتيك

و لسه بيقولي يوم الاتنين التسليم

و بيقولي دا المصنع كل ايلي مطلعه مانيوال

مش عارف بأه ايه رأيكو استنا ولا اسحب الفلوس

المشكله اني كل ماسأل معرض يقولي حانجيبلك بس 93 الف مش 91 زي مودرن

ايلي عنده فكره عن الموضوع دا يا ريت يقولي اعمل ايه؟

[mohaismail]

لآلآلآلآلآلآ محدش يضحك عليك العربية ب 91000 ومعلش اصبر شويه لان تسليم العربية فعلا فى مشكلة دالوقتى علشان زيادة الطلب عليها ومبروك مقدما

[hamo2007]

الى صبرك 20 يوم كمل بقى دى هانت خالص يمكن الاسبوع ده انشالله ومبروك عليها ويكفيك شر طريقها انا كمان مستنى زيك وربنا يسهل الحال

[loai-omar]

والله انا بقول كده ربنا يستر بأه و الله يبارك فيكو

و يكفبكو شرها انشاء الله

عايز اشوف صوره live للصني ايلي حتستلمها انشاء الله جنب اسمك :)

[yahyanaabil]

ساعات التأخير بيحصل بسبب اللون لان فيه الوان يبقى الانتاج بتاعه قليل زى اللون اللى بيقولوه عليه سماوى بس هوه بيدى على بنفسجى

[youssef_sallam]

هانت

انا برده حاجز من مودرن اللى فى شارع المساحة فى الدقى و المفروض اننى حستلم يوم الإثنين و يامسهل يارب

[loai-omar]

يوسف انتا بارضو قالولك يوم الاتنين؟

كان المفروض يوم الخميس

على حسب اخر كلام للاستاذ تامر هناك انها يوم الاتنين
يا مسهل يا رب

[hamo2007]

انا كنت عند الطارق وهو الى انا حاجز من عندهم العربية وقالوا انهم بعتوا رسالة تعجيل والاستلام انشالله قبل العيد ده كلامهم وربنا يبعت

[youssef_sallam]

ايوه يا لؤي كان المفروض الخميس و اتاجلت الى الإثنين اللى هو امبارح و ده كلام تامر اللى هناك . بس الظاهر ان الكلام سهل بس إحترامة صعب علشان روحت إمبارح و قابلنى واحد اسمة بلال قالى انا مش عايز اضحك عليك بس ان شاء اللة بعد العيد .
بس اللى انا عارفة و متأكد منة ان اسواء مواعيد للحجز عند مودرن دول يعنى مثلا اوتو ايجيبت اللى فى المهندسين الناس هناك كلامهم التسليم بعد اسبوع من الحجز و لو قولت انك جاى من مودرن حيسلموك بعد يومين (شغل تجار بقى ) و في موزع تانى اسمه مرعى فى اسكندرية ده بقى بيسلم فى خلال 48 ساعة . وكل دول عن تجارب شخصية معايا .
بس الميزة فى مودرن انة بيتعامل مع عدد كبير من البنوك مش زى الباقيين و علشان كده الضغط عليهم كبير .يعنى لو انت حتخلص العربية عن طريق بنك ناصر ( زي حالاتى ) مش حتلاقى غير مودرن وده بيبيع للبنك بسعر السوق 86000 و فى اوتو إيجيبت بس عيبة انة بيبيع للبنك ب 87250
و برضة ياجماعة مع إحترامى للجميع الموضوع فية عدم تنظيم فى الحجز . يعنى و لا المعرض عارف حيستلم كام عربية و لا اية الوانها ولا مواصفتها على حسب اللى بيجيله من المصنع بيظبط اللى حاجزين و بما ان الحاجزين على قفى من يشيل فا مفيش عربية حتقعد و لو حتى جت معاه حاجة زيادة حيكلم واحد من اللى حاجزين من شهرين و يقولة فى لون كذا تاخدة ولا تستنى لوووونك ( نوع من المساومة ( الشخليلة ولا اليويو) ) :lol: :lol:
و فية نقطة كمان المفروض حجزنا ده يبلغوا بية المصنع علشان برضة المصنع يعمل حسابة و يرد عليهم المصنع بميعاد محترم و اكيد . :roll:
و برضة المفروض المصنع يزود حصة مودرن من العربيات علشان ما يعملش فرق جامد قوى في مواعيد التسليم مادام علية ضغط كدة
مع تمنياتى للجميع بأجازة عيد بالصنى

[hamo2007]

انا من الاسكندرية وحجزت من عند الطارق لان مرعى < الى هو توكيل صنى فى الاسكندرية> كان قافل لانه كان جمعة وما صبرتش وحجزت من عند الطارق الى فى الداون تاون وحجزت صنى مانيوال سوداء وقال التسليم من اسبوعيين لشهر الكلام ده من ثلاث اسابيع واتصلت من اسبوع قال فيه واحدة سوداء اتوماتيك ما تاخدها احسن قلت له انا حاجز مانيوال وما بعرفش اسوق الاتوماتيك قال اعلمك فى خمس دقائق -- وطبعا الى بيسوق بقاله 10 سنين مانيوال هتلاقى رجله الشمال اتوماتيك بدوس على الفرامل بحركة لا ارادية وبالشكل ده ممكن نروح فى داهية --- قلتله هاصبر واستنى وبعدها بيوميين قال مش مهم اى لون فى المانيوال قلت لا اسود فقط عديت صدفة عليه لقيت واحدة فقط مانيوال سوداء دخلت وقلت عربيتى جت قال لا دى باولوية الحجز يعنى الى حجز الاول هو الى يستلم وقال بعد كده اصبر لبعد العيد وان شاء الله هسلمك.......... مش عارف نعمل ايه كانهم بيطلبوا من المصنع عربية واحدة كل اسبوع وبعديين مهما كان عدد الحاجزيين هيبقوا كام هى العربية بقيت حلوة دلوقتى خلاص بقى عليها عسل ما كانت موجودة طول الوقت والناس مطلعة فيها القطط الفاطسانة ..

برجع واقول يمكن العيب من المصنع اصبر يا واد شوية ... يمكن... ايه رأيكم فى القصة الحزينة دى
مأساة وبعديين مرعى الى موجود فى الاسكندرية قال نفس الكلام من اسبوعيين لشهر وكنت عنده امبارح قال لو حجزت النهاردة تستلم بعد عشر ايام . وفهمنى حاجة قال دفعة 2008 بداء التسليم من المصنع رسمى من اول شهر 10 يعنى من استلم عربية قبل هذا التاريخ كانت 2007 مع العلم انه لا فارق بينهم . وشكرا . وكل عام وانتم بخير

حمو او محمد من الاسكندرية
hamonosha@yahoo.com

[yahyanaabil]

انا من اسكندريه برضو يا استاذ حمو
على فكره مرعى عمل معانا نفس الحركه كنا حاجزين نبيتى مانيوال وبعد اربع ايام اتصل بينا وقال عندى واحده اوتوماتيك ورفضنا بس المانيوال جت بعد اسبوع والراجل كان صادق معانا فى حوار التسليم ده قالنا العربيه حتيجى فى خلال 15 يوم بس جت بعد اسبوع واحد
على فكره بتاع مرعى ده بيحور انا مستلم يمو 10 فى شهر 9 واخدناها موديل 2008

[yahyanaabil]

انا من اسكندريه برضو يا استاذ حمو
على فكره مرعى عمل معانا نفس الحركه كنا حاجزين نبيتى مانيوال وبعد اربع ايام اتصل بينا وقال عندى واحده اوتوماتيك ورفضنا بس المانيوال جت بعد اسبوع والراجل كان صادق معانا فى حوار التسليم ده قالنا العربيه حتيجى فى خلال 15 يوم بس جت بعد اسبوع واحد
على فكره بتاع مرعى ده بيحور انا مستلم يمو 10 فى شهر 9 واخدناها موديل 2008

[loai-omar]

انا لسه جاي من مودرن
في اربع عربيات صني النهارده كانت بتتسلم

اسود و فصي و ذهبي

و انا لسه النبيتي :)

[youssef_sallam]

حمد اللة على السلامة و انا كمان روحت النهاردة يالؤى بس بعدك علشان لاقيت فى عربيتين بس فضى و شامبين و واحد جاه و انا قاعد و كان عايز كحلى ( لعبوا فى دماغة و تم إقناعة بالشامين )
هو إنت اللى كنت بتزعق مع تامر على الساعة 9 تقريبا ؟