بشرى لحاجزيين النيسان صنى

[ابوشريف]

خلاصة الكلام اللى عاوز صنى يحجزها من دالوقتى بالسعر القديم قبل ما الاستهبال يشتغل

هل اللى يحجز على السعر الحالى مش ملزم باى زياده تحصل قبل الاستلام ؟؟؟؟؟

[mohaismail]

لآ انت بتدفع السعر اللى انت حاجز بيه

[ابوشريف]

Re: إحذروا

خلي بالكوا يا شباب انا سمعت ان النيسان صنى سعرها حيزيد من اول شهر نوفمبر حوالى 3 او 4 الاف جنية زي مثيلاتها من الانسر و الكورولا

اعتقد دى اشاعه للمحافظه على القوه الشرائيه الموجوده عليها حاليا

لانهم لو كانو ناويين على زيادتها فعلا كانو طبقو الزياده مع نزول موديل 2008 كما فعلت لانسر وتويوتا

[youssef_sallam]

ياريت

يا ابو شريف ياريت تكون إشاعة بس انا صديقى فى المصنع قالى انها حتزيد من اول نوفمبر 4650 جنية دة بالنسبة للمانيوال و كلمت مودرن موتورز اللى انا حاجز معاهم واحد قالى انها حتزيد 5000 جنية بس مش عارف من إمتى و اعتقد ان الكلام متطابق .
بالنسبة للحاجزين اعتقد دى لازم يكون فى ضمير علشان انا حاجز من شهر على السعر القديم و التأخير ده هما السبب فية مش انا .
بس إحنا فى مصر أعتقد إن الرأى ساعت الإستلام حيكون من المعرض ( يا بية و انا مالى ده المصنع اللى إتأخر عليا و هوا اللى رفع السعر و هو مسلمنى عربيتك بالسعر الجديد و لو سعادتك مش عايز خد عربونك و ورينا عرض أكتافك ) :twisted:

[ابوشريف]

Re: ياريت

يا ابو شريف ياريت تكون إشاعة بس انا صديقى فى المصنع قالى انها حتزيد من اول نوفمبر 4650 جنية دة بالنسبة للمانيوال و كلمت مودرن موتورز اللى انا حاجز معاهم واحد قالى انها حتزيد 5000 جنية بس مش عارف من إمتى و اعتقد ان الكلام متطابق .
بالنسبة للحاجزين اعتقد دى لازم يكون فى ضمير علشان انا حاجز من شهر على السعر القديم و التأخير ده هما السبب فية مش انا .
بس إحنا فى مصر أعتقد إن الرأى ساعت الإستلام حيكون من المعرض ( يا بية و انا مالى ده المصنع اللى إتأخر عليا و هوا اللى رفع السعر و هو مسلمنى عربيتك بالسعر الجديد و لو سعادتك مش عايز خد عربونك و ورينا عرض أكتافك ) :twisted:

لو انا مكانك وحصل معايا كده هاخد العربون بدون تردد واشترى شيفروليه اوبترا وامرى لله

[youssef_sallam]

ده بعد ما تكون قعدت شهر مستنى و بعدين محبة على قلبهم اننى اعمل كده و انا ارفض الإستسلام ممكن ده يكون اخر المطاف بس مش بالسهولة دية يا ابو شريف

[mohaismail]

لآ بصراحة لو حصل معايا كده وغلى السعر هاخد العربون وامشى وانصحك انك تعمل كده بس انا متأكد انك هتدفع التمن اللى انت حاجز بيه متقلقش ولو حصل حاجة نصيحة متتدفعش مليم زيادة

[ابوشريف]

فينك ياحمو .......شكلك استلمت النيسان

طيب مش تقولنا علشان نبارك ....وفين تقييمك ليها

ياريت تطمنا عليك

[hamo2007]

اخيرا وبعد صبر دام شهر و5 ايام استلمت النيسان صنى وفعلا كنت مشغول جدا لانى ما كنتش قاعد فى البيت طبعا من الفرحة النيسان دى حاجة جامدة جدا وهم مكنتش متصور ذلك لونها اسود وده عطيها شكل مميز ولكن منيوال مش اتوماتيك لانى كنت حاجز منيوال فى الاول وبعد كده غيرت وقلت اوتوماتيك ولكن الحجز تم على المنيوال فاستلمت لانى مكنتش قادر اصبر اكتر من كده والحمد لله استلمتها و ذهبت للتوكيل علشان اعمل فرش جلد ولكن قال 450 جنيه ولكن مثله تماما تكلف 300 بره بتركيبه وتمام وطقم الابنوس الى مثل السوبر صالون هركبه انشالله ب450 جنيه بالضريبة والتركيب. واخيرا تم الاستلام الحمد لله

[ابوشريف]

مبارك عليك وربنا يديك خيرها ويكفيك شرها ويكفيك شر العين

وعايزك بقى يابطل تحكى كتير عنها مش الكلمتين البساط دول

انا عارف انك اكيد مشغول بيها علشان كده مكنتش بتكتب فى المنتدى

ياريت تحكيلنا عنها بالتفصيل الوافى الشافى

وشكلى انا بناءا على كلامك عنها قربت استقر عليها خلاص

لكن عايز اعرف هل الصالون ورا ضيق زى ما بيقولو ؟؟

وعايز اعرف هل هى ضخمه قوى بالفعل ؟؟( خايف ما تدخلش الجراج عندى )

ومقاس الكاوتش 14 ولا 15 ؟؟ (ياريت يكون 15 )

والارتفاع عن الارض هل مساو للانسر ولا اعلى ؟؟ ( ياريت تكون اعلى )

وأخيرا عايز اعرف ثمنها بالضبط ؟؟؟

بيقولو انها هتزيد فكنت عايز اسأل لو انا حجزت على السعر الحالى وزادت هل تطبق الزياده عليا عند الاستلام ؟؟

معلش انا عارف انى طولت عليك لكنى فعلا كنت منتظرك تستلم بفارغ الصبر علشان تحكى لنا عنها

ومره اخرى اقولك مبارك عليك

أخوك أشرف

[hamo2007]

الله يبارك فيكم بصراحة مش عارف اقول ايه بصراحة عربية فوق الممتازة وفعلا ركبت فرش جلد بس بره التوكيل وفى التوكيل ركبت طقم ابنوس مثل الى فى السوبر صالون وجبت دواسات وغطاء خارجى.

ملحوظة :- الاوتوماتيك السوداء فرشها لونه بيج اما المنيوال فرشها لونه رمادى . والتابلوه اسود وفرش الباب اسود والسقف بيج والقوايم بيج رحت ركبت فرش بيج لون السقف تمام ودواسات بيج ومش عارف اقولكم ايه البيج مع الاسود حاجة جامدة جدا مع الابنوس رهيب.

اما العربية فلا كلام عليها هى افضل من لانسر وافضل واعلى لا بأس بها ابدا وسحب مشألله رغم انها فى التلين بس انا اساسا مبحبش الجرى معدتش ال 80 او 90 بس التجميع هايل بس عملت غلطة مش عارف غلطة ولا لا حطيت بنزين 90 ونسيت هل من مشاكل. ولا مرة وعدت بس انشألله 92 على طول.

وربنا يسترها معانا ومعاكم اخوكم حمو من الاسكندرية hamonosha@yahoo.com


العربية فخمة وفارهة ومش كبيرة بغباء مثل الكرولافى الطول هى وكرولا واحد اما الكرولا اعرض سنة بسيطة واعلى سنة بسيطة .

انا من ساعة ما استلمتها وانا ما بانامش يا اما سايق يا اما واقف بحرسها بليل واللون الاسود مع البيج تحفية فنية بجد وخاصة لو اسود وبيج .
مقاس العجل طبعا 15. وده عطيها اتزان رهيب .

اما الارتفاع فهى اعلى من لانسر طبعا وخاصة لو فيه 4 راكبين.

اما بالنسبة لثمنها موديل 2008 مانيوال 85,900

لو حجزت على السعر الحالى سيكون بمثابة عقد لا يستطيع اى احد التغير فيه و حتى لو زادت مليون جنيه انا سألت فى الصالة وقالوا كده الحق واحجز علشان الحلو مهره غالى.

عربية لو قعدت احكى عنها سنين طويلة مش هوفيها حقها ده من اول 5 ايام امال لو قعدت شوية بقى هنقول ايه.

لا تقولى لانسر ولا كرولا دول مغرورين بعربياتهم وفاكريين ان مفيش غيرهم فى السوق وعامليين يغلو على ايه معرفش بس فى الغالب على خيبتهم لأن النيسان احسن منهم الف مرة ولو اشتريت حاجة تانية تبقى غلطان.

عربية فوق النمرة 1 بسعر يعتبر خيالى تسلم مصر والتقفيل المصرى الى هو احلى من اليابانى.

[الريس]

اخيرا حمو اقتنع بعد ما طلع عينينا الشهر اللي فات
انا بهزر
اهلا بيك في اي وقت و ربنا يباركلك فيها

[youssef_sallam]

الف مبروك يا حمو باشا و عقبالى يارب
انا فعلا مشتاق و زاد إشتيافى للعربية
وفعلا لو عربية غامقة الفرش يفضل يكون فاتح والعكس برضة صحيح
و الف مليون مبروك يا حمو

[Ashraf A.Kader]

الف مبروك يا حمو في رابطة الصني
ربنا يديك خيرها ويكفيك شرها
علي فكرة اداء العربية بيتحسن جدا بعد التليين وكمان اكتر بعد ال10000 الاولي

[hamo2007]

الله يبارك فيكم بس بجد عربية جميلة فى كل حاجة . مش هتكلم كتير لازم تجربوا بنفسكم انا كنت بسمع كتير وكتر السؤال يخلى الواحد محتار ويصبح منزعج جدا بس الاختار كان صائب جدا فى النيسان بجد بالنسبة لى و بدون زعل افضل سيارة يابانى.

وعقبال الى حاجز يستلم والى عنده عربية غير الصنى يلحق يبيعها بسرعة ويجرب الصنى.

ربنا يكفينا ويكفيكم شر الطريق