بشرى لحاجزيين النيسان صنى

[hamo2007]

ربنا يخليك بس انقسام الاعضاء الى فريقين فريق يؤيد المانيول بشدة ويقول انه الافضل بمراحل عن الاوتوماتيك والفريق الاخر يؤيد الاوتوماتيك ولكن اضعف قليلا من فريق المنيوال وذلك بيصنع انقسام ايضا فى التفكير ويجعل الانسان يقع فى بحلر من الحيرة لان مش هينفع اشترى اوتوماتيك وبعد يومين اندم واروح اقولهم مليش دعوة انا حاجز منيوال وعايزها خلاص هتكون الفاس وقعت فى الراس فعلا انا فى حيرة بعد ما احترت وفقدت الامل فى استلام المنيوال قلت اخد الاوتوماتيك وخلاص بس عمرى عمرى ما سقت الاوتوماتيك .............دلونى ارجوكم لسه لى حق الاختيار قبل ما استلمها بعد العيد.

رسالة من تحت الماء من اخوكم الغريق حمو -- غريق فى بحر الحيرة والاختيار --


وكل عام وانتم بخير

[Ashraf A.Kader]

انا معايا اتوماتيك وبالصراحة تحفة
خليك في الاتوماتيك وربنا يديك خيرها ويكفيك شرها

[hamo2007]

الاختيار صعب والاصعب اتخاذ القرار

[mohaismail]

طبعا الاتوماتيك انا معايا صنى 2007 جايبها زيرو من 7 شهور بس ومانيوال وهبيعها واشترى سوبر صالون علشان الاوتوماتيك

[hamo2007]

شكرا لكم بس لسه ما اخذتش قرار واكيد قرارى الاخير سيكون ساعة الاستلام انا متردد جدا ومدوخ بتاع الصالة و هجنه يوم اقوله منيوال والتانى اوتوماتيك

[3mr Farrag]

هات ماينوماتيك :lol: :lol:
معلش بهزر......لو اللي مقلق حضرتك علي سواقتها فا ماتقلقش انا طول عمري بسوق مانيوال و عادي سوقت قبل كده اتوماتيك و مافيهاش اي مشاكل.....بس تحس انك في الملاهي شويه
انا عن نفسي بستريح للمانيوال :roll:
بس شوارع المحروسه بقيت محتاجه اتوماتيك اوي.....

و هقولك الف مبروك علي الصني الاتوماتيك ان شاء الله

[hamo2007]

طبعا طبعا انشاءالله يا مسهل الحال كله على الله هانت انا مستنى بقالى 3 اسابيع

[hamo2007]

الظاهر الناس مكنوش واخديين بالهم ان الصنى نزلت مصر بل ومصر كمان تقوم بالتقفيل الا من ساعة ما انا حجزت وعلشان كده انا مستنى كنت فاكر هاروح ادفع فلوس واخد عربية وامشى على طول وتانى يوم ارخص طلعت بحلم

[3mr Farrag]

اكيد ربنا قاسم ليك الخير ...
انا قلت لحضرتك رايي علي الاتوماتيك كاستعمال.....بس لو عايز تجيبوا علشان انجاز و حضرتك اصلا مش عايزه....يبقي لأ خليك في اللي مريحك
كل الفكره كام يوم او اسبوع بس تكون مستريح

[hamo2007]

شكرا لك ربنا يقدم الى فيه الخير وسرعان ما تمر الايام واستلم وهبقى ابشركم انشالله

[Ashraf A.Kader]

علي فكرة المشكلة دي حصلت علشان شهر 7و8 الماضيين كل الصني اللي في السوق اتسحب ومكانوش عاملين حسابهم علي الموضوع ده0ولما الحجز زاد عليها(وهي تستاهل بصراحة) قالوا ان الموضوع حياخد وقت علي مالخامات تيجي من اليابان وتتجمع
انا كنت من المحظوظين اللي استلموا في نفس اليوم رغم انا غيرت اللون اللي كنت عايزه بس اللون بتاعي جميل جدا
انشالله ربنا يسهل وتستلموا قريب
كل سنة وانتم طيبين

[hamo2007]

يا رب بمناسبة الالوان انا حاجز صنى سوداء مانيوال فهل اللون ده فى الصنى كويس ولا ايه وما لون عربيتك........

هو بيتمرمط بسرعة بس لون جامد انا اصلا كنت رايح اجيب تويوتا سوداء قالولى خلاص يا بابا كنت فين من زمان خلصت والى لقيتها الاوتوماتيك فقط ب120000 طبع فيه فرق كبير فى السعر يصل الى 34000 جنيه فى النيوال ,29000 فى الاوتوماتيك
وطبعا ده بعد الزيادة الغير مبررة فى السعر حيث زادت حوالى 8000 جنيه بدون داعى مجرد ان فيه تنبوءات تقول ان الكورولا الجديدة هتبداء من 140000 جنيه وطالع فطبعا الصنى رخيصة وفيهل كل الاوبشن الكامل الى فى العربيات اليابانى فتنبوء منى ان العربية دى قريبا هتغلى وخاصة بعد الطلب الرهيب الى نازل عليها. وكل عام وانتم بخير...

[ayman]

اى سياره لونها غامق مثل الاسود والكحلى تحتاج تنظيف بصفه مستمره لان التراب يظهر فيها بسهوله وكمان معظم السيارات التى لونها غامق فرشها الداخلى فاتح اللون ويتوسخ بسهوله وتظهر فيه اى وساخه

[hamo2007]

ايوه بس الاسود من الخارج والبيج من الداخل عاطى على فخامة وشياكة ومغير منظر العربية خالص مخليها كده حاجة تانية

[Ashraf A.Kader]

انا عربيتي زيتي ميتاليك والفرش بيج0بس لون تحفة في الشمس تشوفه ازرق وباليل يبقي اسود اما الفرش فانا جبت فرش للكراسي من اول يوم علشان الكراسي الاصلية متتوسخش وبعدها بشهرين عملت فرش جلد للارضية حاجة جميلة ومريحة جدا في النظافة0
الاسود جميل طبعا بس دي اذواق وكل الغامق بيحتاج عناية خاصة في النظافة0المهم انكم حتلركبوا عربية فعلا جميلة بس خدوا بالكم من موضوع التليين0
كل سنة وانتم طيبين