بشرى لحاجزيين النيسان صنى

[ابوشريف]

طبعا طبعا انشاءالله يا مسهل الحال كله على الله هانت انا مستنى بقالى 3 اسابيع

انا متابع موضوعك باهتمام شديد لدرجة انى حاسس انى انا اللى هستلم العربيه

ومنتظر استلامها بفروغ الصبر مثلك علشان تحكيلنا انطباعاتك عنها جايز تقدر تقنعنى اشتريها

انت استطعت تاخد قرار بشراء الصنى لكن كنت محتار فقط بين المانيوال والاوتوماتيك

لكن انا لسه محتار بين كذا نوع فى نفس الفئه السعريه زى مانت قلت قبل كدا اتخاذ القرار صعب

ورأيك بعد ماتستلم السياره وتجربها اسبوع على الاقل مهم جدا بالنسبه لى

يارب تستلمها خلال الاسبوع ده

وكل عام وجميع اعضاء منتدانا الحبيب بخير وسعاده

[HISHAM80]

يا باشا هات الاوتوماتيك وتوكل على الله انا معايا مانيوال وكل يوم بكره العربيه بسبب الزحام الرهيب ونفسى وان شاء الله اغيرها اوتوماتيك فى اقرب فرصة اتا كنت محتار زيك لغايت لما سوقت عربية واحد صحبى تيوتا اوتوماتيك حسيت بفرق شااااااااااااااسع وان الدنيا جميلة وحلوه حتى فى عز الزحمة ومن ارقام توزيع العربيات الجديدة كلها اوتوماتيك يعنى من كل عشر عربيات كورولا تلاقى واحده مانيوال وبصعوبة

[HISHAM80]

يا باشا هات الاوتوماتيك وتوكل على الله انا معايا مانيوال وكل يوم بكره العربيه بسبب الزحام الرهيب ونفسى وان شاء الله اغيرها اوتوماتيك فى اقرب فرصة اتا كنت محتار زيك لغايت لما سوقت عربية واحد صحبى تيوتا اوتوماتيك حسيت بفرق شااااااااااااااسع وان الدنيا جميلة وحلوه حتى فى عز الزحمة ومن ارقام توزيع العربيات الجديدة كلها اوتوماتيك يعنى من كل عشر عربيات كورولا تلاقى واحده مانيوال وبصعوبة

[hamo2007]

المفرود انى هاصحى الصبح اروح استلم العربية هى لونها اسود اتوماتبك خلاص صرفنا نظر عن المنيوال وربنا يسهل الحال واستلم انا فى انتظار من شهر تقريبا ومازلت فى انتظار ......... نصيحة الى كل الاعضاء لما تشتروا عربية لازم تشتريها من توكيل رسمى لانه بيستلم قبل الصلات غلطة العمر انى حجزت من صالة........

فيه مشكلة عمرى ما سقت اوتوماتيك ومش عارف لو سلمنى العربية هتعامل معاها ازاى . افيدونى ارجوكم عايز اعرف هبداء ازاى وهعمل ايه وانقل ازاى ده عالم جديد بدخل فيه لاول مرى ارجوكم افيدونى وشكرا ولنا متابعة اخرى هاكتب فيها عملت ايه...

اخوكم الى واجع دماغكم حمو

[youssef_sallam]

اية الأخبار

كل سنة و انتم طيبين
اية الأخبار يا شباب استلمتوا العربيات ولا لسة زي حالاتى ... الموضوع كده بقى طويل قوي و العيد كان سواقيين التاكسيات مستهبلين قوى والمواصلات غلسة موووت

[أبو_حمزة]

الأتوماتيك اسهل بمراحل
انت مش محتاج تستخدم غير غيار واحد طول ما ات سايق للأمام (D) و الخلفى (R)
رجلك الشمال حطها على المسند اللى شكل الدواسة أقى الشمال عشان لو دوست بشكل لا ارادى تدوس عليه
امشى هادى و جرب الفرامل عشان تعرف مدى حساسيتها
امسك الدركسيون بي ايديك ال2 و لا تضع اليد اليمنى على عصا الفتيس الى ان تتعود على السيارة
غير كده مفيش غير بنزين زفرامل و دركسيون (اتارى يعنى)
صدقنى سواقة الاتوماتيك اسهل بكتييير من المنوال و هتحس بالفرق فى الزحمة
ربنا يبارك لك

[hamo2007]

كتر خيركم على الردود الجميلة دى النهاردة رحت وفاكر هستلم ولقيت عربيات مرصوصة بره قلت فورجت يا واد طلع لاسبقيت الحجز وقالى انت لو قلتلى اوتوماتيك من الاول كان زمانك مستلم بس انت كنت طالب مانيوال وغيرت رايك فقال لى من هنا لاخر الاسبوع اكونحضرتلك واحدة .

رجعت وانا بجر ازيال الخيبة خيبة الامل طبعا واحبط اخر احباط واخذت انظر الى العربيات التى سوف تسلم بحسرة وبحقد وبكراهية لدرجة انى ركلت واحدة من الواقفيين عقابا لاصحاب الصالة.

ولسه فى مرحلة الانتظار.......وانتم حببتونى فى الاوتوماتيك وعلشان كده غيرت المنيوال.

شكرا لكم واتمنى انه يكون الاختيار الاصوب انشالله

[yahyanaabil]

نصيحة الى كل الاعضاء لما تشتروا عربية لازم تشتريها من توكيل رسمى لانه بيستلم قبل الصلات غلطة العمر انى حجزت من صالة........

كلام مظبوط على فكره توكيل احمد مرعى بيستلم قبل كل الصالات كان مفروض تحجز عنده

[Ashraf A.Kader]

انشالله تستلم قريب واكيد انك احسنت الاختيار عن تجربة

[youssef_sallam]

إحذروا

خلي بالكوا يا شباب انا سمعت ان النيسان صنى سعرها حيزيد من اول شهر نوفمبر حوالى 3 او 4 الاف جنية زي مثيلاتها من الانسر و الكورولا

[youssef_sallam]

بقت بكام

زادت 4650 جنية يعنى بدل 86000 حتبقى 90650 و ياحلاوة على اللى حيلبس زيي

[ابوشريف]

Re: بقت بكام

زادت 4650 جنية يعنى بدل 86000 حتبقى 90650 و ياحلاوة على اللى حيلبس زيي

هل انت متأكد من هذا الخبر

[youssef_sallam]

ايوه يا باشا

انا سمعتة من صديق شغال فى المصنع الرئيسى و ياريت يكون كلامة غلط علشان انا حاجز

[mohaismail]

اه سعرها هيزيد فعلا وهتتباع بسعر 91900 وده من كلام العوض جروب
ومن راييى الشخصى انا شايف انها هتغلى كمان عن كده لان الطلب بقى كتير اوى عليها وتانى حاجة ان العربيات فى نفس الفئة زادت زيادة رهيبة التويوتا ولانسر حتى لانسر الشكل القديم زادت جامد بدون سبب مقنع الصراحة التوكيلات بتستهبل اى حد يزود يبقى كله يزود وخلاص
خلاصة الكلام اللى عاوز صنى يحجزها من دالوقتى بالسعر القديم قبل ما الاستهبال يشتغل

[hatem_badawe]

المونيوال سحبها اشد يا راجل وهي دي متعة السواقة