حصريا على نايل موتورز اختبار قيادة سيفيك 2012 الجيل التاسع

[hany63]

صباح الخير لكل اعضاء المنتدى
اولا كل سنه و انتم طيبين بمناسبة عيد الفطر المبارك و انشاء الله العيد اللي جاي يكون كل واحد جاب العربيه اللي بيتمناها وبعتذر مره تانيه اني اتأخرت في التقرير

طبعا بصراحه مافيش عربيه اتهرت تقطيع بسبب و بدون سبب اكتر من السيفيك الجديده فبصراحه اول ماجت الفرصه اما صدقت و خصوصا اني راكب vti 2010 فهقدر اقيم كل الاختلافات و التطورات عن الجيل السابق و بصراحه عمري ما بحكم لا بالشكل و لا بالريفيوهات عشان بحسه شغل هواه الفيصل التجربه العمليه و خصوصا اخوكم من النوع اللي هوايته السواقه و بصراحه الهوايه دي خاربه بيتي عشان بركب زيرو من سنه 95 و اقصى حاجه للعربيه معايا 3 سنين
نيجي للمهم

سيفيك اول فئه lxi 2012

الشكل الخارجي

مش هتكلم كتير عشان الموضوع ده بالذات اتهرى و اتبرى و دي اذواق بس اللي عايز اقوله ان العربيه على بعضها على الطبيعه معقوله جدا يمكن اللي لفت نظري في المؤخره ( لا مؤاخذه ) البومبيه اللي في جانبي الاكصطدام الخلفي من تحت تحسه بارز و مش ماشي مع حجم الفانوس الصغير نسبيا بس احتمال ان التصميم ده عشان الايروديناميك بما انها عليت شويه الله اعلم

الصالون و وضعية الجلوس

طبعا زي مانتوا عارفين ان العربيه تعتبر اوسع من الجيل السابق و موضوع فرامل اليد اللي رجع لورا و كان معانا واحد صاحبنا قاعد ورا طوله 185 سم من غير مشاكل
نيجي لكرسي السائق تحححححححححفه ناعم و زي مايكون مزودينه اسفنج فمريح جدا اريح كرسي قعدت عليه بصراحه
الدركسيون جميل جدا انضف من الجيل السابق بمراحل من ناحية الملمس و الديزاين بتاع الملتي فنكشن تحس انك هتسوق عربيه الماني فخمه
طبعا لاحظت ان كمية البلاستيك زايده في التابلوه و جانبي الابواب و صاحبي قال لي اصل ده مش بلاستيك دي ماده عشان ما تتفاعلش مع الشمس و تسبب غازات مسرطنه و ضاره بالبيئه بصراحه طنشت و قلت اما نمشي على طريق خشن نشوف الوضع
بالنسبه لتصميم العدادات مع انوار التابلوه و التكييف و ال dvd
يخرب بيت الجمال تحس انك راكب عربيه من زمن تاني و الله من كتر جمالها تخطف عينك اكتر من الطريق كمية تناغم في الالوان مع التصميم فعلا تحس انه الجيل الجديد من التصميم ده و سمعت ان ال vti اشد كمان من ناحية شاشة المعلومات

نطلع بالعربيه

طبعا العربيه طلعتها حلوه بس فيه ملاحظه انها وهي على التاني (30-40) اقل تسارع مقارنه بالجيل التامن و الموتور بيعمل صوت نعره من الشكمان و انت بتسحب على 2500 لفه و الصوت ده مش موجود في الجيل التامن بس مش مشكله ده بيدي اثاره
المهم طلعت على الدائري و انا مش متفائل من الاداء بس بصراحه العربيه خيبت ظني
العربيه بتتسارع بعد سرعة 50 بمنتهى الخفه و الرشاقه استجابه غير عاديه لدوسة البنزين
اداء فتيس ناااااااااعم - كيك داون بسهوله زي ما تكون بتقرا افكارك
بالنسبه للثبات هو هو نفس الثبات بتاع الجيل التامن رغم انها عليت

الهاندلينج زي الباسات و خصوصا بعد ما لاحظت ان الفرامل بقت اقوىمع نظام الثبات الالكتروني vsa

بصراحه ممتعه جدا جدا في سواقتها و تحس انها واخده روح جديده و الاداء رشيق عن الجيل السابق
دخلت احود بسرعتي على رمله لقيت ال vsa اشتغل و مافيش اي تأثير على الثبات

نظام توفير الوقود شغال و ملحوظ شكل الاداء في حالة تفعيله

نيجي للعفشه بقت عامله زي عفشه الكورولا 2006 و جربتها في المطبات اللي بمشي عليها بعربيتي لقيتها زي الملبن

العزل احسن من الجيل السابق

التكييف بيشتغل و يفصل من غير الرعشه الشهيره

و اخيرا نزلت من العربيه و كنت زعلان و عايز اسوقها تاني


وفي النهايه مش هاقيم العربيه هاسيبكم تقولوا رأيكم ويا ريت المناقشه تكون موضوعيه و مش عايزين ندخل الكوري

[SAMEH_FOUAD]

ياباشا الف شكر على التقرير الجميل دة

وعلى فكرة ان شاء الله فى ال refresh اللى هيتعمل للسيفيك 2012 وهينزل فى اول 2013 حاجات كتير اوى اتعالجت هترجعها على القمة التانى و وهية فعلا عربية فى منتهى الجمال لما ركبتها وكل حاجة فيها جامدة , وكانت واسعة والسقف ماكانش مضايقنى , والعربية كانت ناعمة وصوتها هادى , والتكييف ممتاز جدا , وفعلا الرعشة ماكنتش موجودة

العربية دية عيبها :

1- الشكل لازم يكون احسن من الخلف , لكن من الامام كويس جدا

2- لازم الخامات تبقى جلد تانى

3- نزول محركات اقوى مع انى عارف ان المحرك دة قادر على بهدلة اى سيارة

[hany63]

ياباشا الف شكر على التقرير الجميل دة

وعلى فكرة ان شاء الله فى ال refresh اللى هيتعمل للسيفيك 2012 وهينزل فى اول 2013 حاجات كتير اوى اتعالجت هترجعها على القمة التانى و وهية فعلا عربية فى منتهى الجمال لما ركبتها وكل حاجة فيها جامدة , وكانت واسعة والسقف ماكانش مضايقنى , والعربية كانت ناعمة وصوتها هادى , والتكييف ممتاز جدا , وفعلا الرعشة ماكنتش موجودة

العربية دية عيبها :

1- الشكل لازم يكون احسن من الخلف , لكن من الامام كويس جدا

2- لازم الخامات تبقى جلد تانى

3- نزول محركات اقوى مع انى عارف ان المحرك دة قادر على بهدلة اى سيارة

انا شايف ان دي مجرد ملاحظات لا تقارن بباقي الممزايات و بالنسبه للمحرك الصافي على العجل 105 حصان على الداينو في عربيه موديل 2007 يعني يعمل 110 حصان اقله لو العربيه زيرو و الكوري ال 123 حصان الصافي بتاعه طلع 85 على نفس الداينو فالعمليه لازم تتقاس كده مش يقول لك 140 حصان و خلاص المفروض نعرف الصافي على العجل كام
تاني حاجه الفتيس ثم الفتيس عشان ممكن يكون الموتور قوي و الفتيس اداؤه يضيع الدنيا
وبدون ذكر عربيات تيجي تدوس بنزين متلاقيش

[AshTurbo]

QUOTE=hany63;3874478341]انا شايف ان دي مجرد ملاحظات لا تقارن بباقي الممزايات و بالنسبه للمحرك الصافي على العجل 105 حصان على الداينو في عربيه موديل 2007 يعني يعمل 110 حصان اقله لو العربيه زيرو و الكوري ال 123 حصان الصافي بتاعه طلع 85 على نفس الداينو فالعمليه لازم تتقاس كده مش يقول لك 140 حصان و خلاص المفروض نعرف الصافي على العجل كام
تاني حاجه الفتيس ثم الفتيس عشان ممكن يكون الموتور قوي و الفتيس اداؤه يضيع الدنيا
وبدون ذكر عربيات تيجي تدوس بنزين متلاقيش[/QUOTE]



طيب بما أنك دخلت الكوري في الموضوع مع أنك قلت بلاش نتكلم عالكوري ...

1- مش هنتكلم على قيادة السيفيك الجديدة علشان مجربنهاش بس معلش أنت بتقول خامات بلاستيك كتير بس صاحبك قالك أنها مقوامة للأحتباس الحراري والغبار الذري بينما لما يبقى في بلاستيك في الألنترا تقولوا دي عربية معمولة كلها بلاستيك طبعاً دي نقطة ضد الحيادية بتاعة حضرتك .

2- أتفق معك تماماً أن تابلوه السيفيك الجديدة يحسسك أنك في زمن تاني وهو زمن التسعينات البدائي ومش شايف أي جمال أو تصميم عصري خاصة العوجة اللي في نص التابلوة دي شكلها مش لطيف بصراحة ونفس العداد القديم مع اعجابي " بشكل " عجلة القيادة .

[hany63]

طيب بما أنك دخلت الكوري في الموضوع مع أنك قلت بلاش نتكلم عالكوري ...

1- مش هنتكلم على قيادة السيفيك الجديدة علشان مجربنهاش بس معلش أنت بتقول خامات بلاستيك كتير بس صاحبك قالك أنها مقوامة للأحتباس الحراري والغبار الذري بينما لما يبقى في بلاستيك في الألنترا تقولوا دي عربية معمولة كلها بلاستيك طبعاً دي نقطة ضد الحيادية بتاعة حضرتك .

2- أتفق معك تماماً أن تابلوه السيفيك الجديدة يحسسك أنك في زمن تاني وهو زمن التسعينات البدائي ومش شايف أي جمال أو تصميم عصري في التابلوة اللهم الا العداد القديم مع اعجابي " بشكل " عجلة القيادة

uploaded with imageshack.us

والله لما تشوف على الطبيعه و تطلع بالعربيه تبقى تقول رأيك و ساعتها لو قلت وحشه يبقى وجهه نظر تحترم و انا معنديش مشكله مع الكوري و لو جربت الالنترا و طلعت حلوه هقول مش هعمل زيك

[HISHAM80]

تسلم ايدك على الموضوع اهم حاجه لفتت نظري هي موضوع العفشه لو فعلا زي الكورولا تبقى تحفه أحسن عفش عربيه ركبتها مع التحفظ على الثبات

[ahmedeihab]

تسلم على التقرير الهايل

بس طبعا الملاحظات اللى قالها سامح دى لازم تتعمل بجوار انى عايز نسخه mugen من العربيه دى :P:P:P

^_^

[hany63]

تسلم ايدك على الموضوع اهم حاجه لفتت نظري هي موضوع العفشه لو فعلا زي الكورولا تبقى تحفه أحسن عفش عربيه ركبتها مع التحفظ على الثبات

ياباشا العفو
فعلا العفشه ناعمه بدون تأثير على الثبات عشان ملتي لينك

[AshTurbo]

والله لما تشوف على الطبيعه و تطلع بالعربيه تبقى تقول رأيك و ساعتها لو قلت وحشه يبقى وجهه نظر تحترم و انا معنديش مشكله مع الكوري و لو جربت الالنترا و طلعت حلوه هقول مش هعمل زيك

أنا شوفت العربية أكتر من مرة وعجبني فيها اللون الأبيض بس كشكل بردوا مش حاجة تتعمل في 2012 وكلامي هنا ي الموضوع كان عن شكل فقط مش أداء .

وبعدين تعمل زيي أيه يا هاني باشا أنا مجبتش سيرة الهوندا الجيل التامن بحاجة وحشة مش فاهم هو لازم أبجلها ياريس كل عربية ليها عيوب ومميزات أنا قلت العربية تسارعها حلو ومكيفها حلو وخامتها أفضل وشكلها حلو وسواقتها حلوة ودواسة بنزينها حلوة يعني أعمل أيه تاني ؟

نسيت أعلق على موضوع العفشة لأنك أنت اللي قولت انها زي الكورولا 2006 .... أنا الأسبوع اللي فات سوقت كورولا 2007 لمسافة 1300 كيلو وبصراحة عفشة الألنترا الجديدة أنعم بكتير ومرة تانية الألنترا تثبتلي أنها عربية محترمة .

[HISHAM80]

بالنسبه لموضوع الكوري هسألك حاجه واحده لما كانت هوندا بتعمل vtec سنه 1990 هيونداي كانت بتعمل عربيه اسمها بوني باين يا ريت تتفرج عليها وده فرق السنين وتراكم الخبرات يعني كمان 20 سنه ممكن مشجعين كوري يشرفونا في قسم هوندا علشان نقارن الالنترا2020 بالجيل الثامن (;-

[HISHAM80]

بالنسبه لموضوع الكوري هسألك حاجه واحده لما كانت هوندا بتعمل vtec سنه 1990 هيونداي كانت بتعمل عربيه اسمها بوني باين يا ريت تتفرج عليها وده فرق السنين وتراكم الخبرات يعني كمان 20 سنه ممكن مشجعين كوري يشرفونا في قسم هوندا علشان نقارن الالنترا2020 بالجيل الثامن (;-

على فكره انا بهزر قبل ما حد يضرب كل سنه وانتم طيبين

[hany63]

استاذ ASH turbo
حضرتك شوفت الفيديو بتاعك كويس ؟العربيه اللي على الداينو 1800 سي سي و عامله 110 حصان

[hany63]

أنا شوفت العربية أكتر من مرة وعجبني فيها اللون الأبيض بس كشكل بردوا مش حاجة تتعمل في 2012 وكلامي هنا ي الموضوع كان عن شكل فقط مش أداء .

وبعدين تعمل زيي أيه يا هاني باشا أنا مجبتش سيرة الهوندا الجيل التامن بحاجة وحشة مش فاهم هو لازم أبجلها ياريس كل عربية ليها عيوب ومميزات أنا قلت العربية تسارعها حلو ومكيفها حلو وخامتها أفضل وشكلها حلو وسواقتها حلوة ودواسة بنزينها حلوة يعني أعمل أيه تاني ؟

نسيت أعلق على موضوع العفشة لأنك أنت اللي قولت انها زي الكورولا 2006 .... أنا الأسبوع اللي فات سوقت كورولا 2007 لمسافة 1300 كيلو وبصراحة عفشة الألنترا الجديدة أحسن ومرة تانية الألنترا تثبتلي أنها عربية محترمة .

ياباشا الخلاف في الرأي لا يفسد للود قضيه
انا حبيت اوضح ان المضمون حاجه تانيه خالص

[AshTurbo]

استاذ ash turbo
حضرتك شوفت الفيديو بتاعك كويس ؟العربيه اللي على الداينو 1800 سي سي و عامله 110 حصان

طبعاً أخدت بالي ال 1800 سي سي 148 حصان والفقد مش كتير زي ما بتقولوا وتعيدوا أن الأحصنة كوري بينما عربيات أمريكي وأوربي وياباني بتفقد كتير مقارنة بالأنترا .

[hany63]

للعلم بغض النظر عن الشكل و البلاستيك العربيه مريحه و فخمه و ممتعه عن الاسترا 116 حصان و الجيتا القديمه و القرطبه