حصريا على نايل موتورز اختبار قيادة سيفيك 2012 الجيل التاسع

[hany63]

quote=hany63;3874478341]انا شايف ان دي مجرد ملاحظات لا تقارن بباقي الممزايات و بالنسبه للمحرك الصافي على العجل 105 حصان على الداينو في عربيه موديل 2007 يعني يعمل 110 حصان اقله لو العربيه زيرو و الكوري ال 123 حصان الصافي بتاعه طلع 85 على نفس الداينو فالعمليه لازم تتقاس كده مش يقول لك 140 حصان و خلاص المفروض نعرف الصافي على العجل كام
تاني حاجه الفتيس ثم الفتيس عشان ممكن يكون الموتور قوي و الفتيس اداؤه يضيع الدنيا
وبدون ذكر عربيات تيجي تدوس بنزين متلاقيش

طيب بما أنك دخلت الكوري في الموضوع مع أنك قلت بلاش نتكلم عالكوري ...

1- مش هنتكلم على قيادة السيفيك الجديدة علشان مجربنهاش بس معلش أنت بتقول خامات بلاستيك كتير بس صاحبك قالك أنها مقوامة للأحتباس الحراري والغبار الذري بينما لما يبقى في بلاستيك في الألنترا تقولوا دي عربية معمولة كلها بلاستيك طبعاً دي نقطة ضد الحيادية بتاعة حضرتك .

2- أتفق معك تماماً أن تابلوه السيفيك الجديدة يحسسك أنك في زمن تاني وهو زمن التسعينات البدائي ومش شايف أي جمال أو تصميم عصري خاصة العوجة اللي في نص التابلوة دي شكلها مش لطيف بصراحة ونفس العداد القديم مع اعجابي " بشكل " عجلة القيادة .


[/quote]
ازاي انا مش حيادي في نقطة البلاستيك ؟!!!!
طب مانا كان ممكن ما جبش سيره بالعكس ده انا قلت انه منتشر في التابلوه و الابواب كمان
و قلت ان معجبنيش كلام صاحبي لما قال موضوع البيئه و قلت لما اجرب في طريق خشن عشان اشوفه هيعمل اصوات ولا لاء
استاذ اشرف من حقك تكره الهوندا عمى بس لازم اعتقد انك لازم تفصل ما بين الهوندا و الهونداويه ولازم الواحد يوزن كلامه و هو بيقيم عارف ليه؟
عشان فيه ناس بتستلف و تجيب عربيه بناء على التقارير اللي بنعملها
بالنسبه للتابلوه فعلا عندك حق في العوجه بس لما بتركب ما بتبقاش ملحوظه قوي
اشك ان حضرتك ركزت في شكل العدادات لما قلت انها نفس الجيل السابق هي عشان السرعه طالعه بالارقام تبقى هي؟ دي مختلفه ٣٦٠ درجه
حضرتك شكل العدادات في ال ٢٠١٢ و الفنكشنز اللي زادت و الالوان و تناسقها صدقني اقل حاجه تتقال انها تهبل
اسف اني علقت مرتين على المشاركه بس حبيت ارد على ملاحظاتك عشان مكنتش مركز و خليها عندي المره دي

[AshTurbo]

والله ما بكره الهوندا ولا الهونداوية يا أستاذ هاني ببساطة لأن مفيش سبب وربنا مايجيب سبب احنا هنا كلنا أصدقاء وأخوة ومين عارف مش يمكن في يوم أبقى هونداوي وهيونداوي في نفس الوقت .... نرجع للعربية بقى أنا فتقييمي عن السيفيك الجيل الثامن لو تتذكر قلت أن تابلوه الجيل الثامن من سيفيك فيه بلاستيك كتير - وده عادي في الفئة دي هي مش فئة فخامة علشان تبقى كلها جلد حتى الفئات الأعلى فيها بلاستيك بردوا - ومع ذلك قلت الألنترا فيها بلاستيك ولكن أخف وأرخص من السيفيك يعني قلت رأيي بحيادية ودة المفروض مقلتش مثلاً أن هيونداي بتعتمد سياسة الحفاظ على البيئة في التصنيع وبتقلل من الجلود بقدر الأمكان وهي معلومة صحيحة .... بالنسبة لألوان العدادت جميلة مفيهاش كلام انا كان قصدي أن الفكرة هي هي والمكان هو هو وتقريباً ديزاين الداش بورد هو هو يعني مفيش حاجة ثورية كده ..... المهم أنا شفت العربية دي بالفستان الأبيض كان لايق عليها بصراحة أعتقد شفت أعلى فئة بس من ورا تعكنن شوية عموماً ربنا يبارك لصحابها فيها وأكيد واحد هيدفع تمنها هيبقى عارف أمكانياتها وغاويها .

[abo-berry]

تسلم ايدك يا أ هانى

[hany63]

تسلم ايدك يا أ هانى

تعيش يابو بيري

[minicooper20]

نفسى انطباعى لما سوقتها
بس التسارع بيتعها عادى حبتين فوق الميه

[SAMEH_FOUAD]

السيفيك 2012 تحفة فنية وغير ماكنا متوقعين خالص لحد ماكل واحد جربها

والسيفيك 2013 روعة بكل المقايييييييييييييييييييييييييييس شكلا وموضوعا وخامات واوبشن

هوندا الى الامام دائما

[OMAR61995]

شكراً على التقرير الجميل

[hany63]

شكراً على التقرير الجميل

العفو يا فندم

[mody3on]

السيفيك 2012 تحفة فنية وغير ماكنا متوقعين خالص لحد ماكل واحد جربها

والسيفيك 2013 روعة بكل المقايييييييييييييييييييييييييييس شكلا وموضوعا وخامات واوبشن

هوندا الى الامام دائما

انا برضه بعد اذنك عايز اعرف مصدرك بتاع سيفيك 2013 دي

[Amr Axel]

تسلم ايديك يا باشا ع التقرير بس كنا عايزين تقرير مصور مفصل اكتر بالصور عن كل حتة في العربية
انا للأسف لسه مجربتهاش متابعها في الشارع و صور بس لسه عايز اجرب لأننا بنفكر فيها بس نشوف 2013
و انا احب في الياباني اتنين هوندا و سوزوكي تحس انهم بيوفرولك اللي انت محتاجه في العربية بس لو عايزين نشروها و ترجع القمة سعرها يقل شوية يعني لو تقي زي الامبريزا الجديدة او اقل هتضرب في السوق

بخصوص العربية التابلوه انا شايف ان اللي صمم العوجة اللي بعض الناس معترضة عليها كانت فكرته تسهيل الرؤية للسائق لتكون اقرب و اوضح و يحسسك انك قاعد في كابينة طيارة لوحدك :)
بس كان الافضل انهم وفروا الخامة الزيادة في العوجة دي و خلوها سترات بس بالنسبة ليها شايفها حاجة جديدة و جامدة

و في نفس الوقت مدي لكل راكب حقه يعني قدام السواق كأنه مخصص له كابينة
و اللي جنب السواق مخصص له كابينة تانية بتوزيع فتحات التهوية و بالتالي كأن كل شخص في كابينة لوحده
و بالنسبة ليا محبش فرش العربية يكون بيج او رمادي فاتح ع حسب ما شوفت يعني كانوا شافوا لون محايد شوية يعني تبقي بالشكل ده



المسند محتاج يطلع لقدم شوية
طول الهاند بريك يقل شوية و ترجع شوية ورا

الكراسي واضح من التصميم انها مريحة و تحسسك انك قاعد في ريكارو بس اريح و اكبر

الشكل الخارجي بصراحة محتاج شوية تظبيط بالرغم ان التصميم واضح انه بيعوض الارتفاع في الايرودينامك بس انا في رأيي الشخصي يرجعوا المستوي تاني و يعدلوا الشكل

الحوض حاسس انهم مزنقيين كل حاجة لدرجة تخنقك زي عربيات كتيير بس بعيد شوية عن المقدمة
و اعتقد ده في مصلحة العربية برده و الموتور لأن لو لا قدر الله حادثة من قدام متوصلش للموتور و الاجزاء الشديدة و كل ده حماية للكابينة و الركاب و ده الاهم
بس اللي مضايقني شوية في الحوض التقفيل كان محتاجة تقفيل احلي من كده بالاضافة اني مش شايف اي عازل حوالين البطارية لحمايتها من سخونية الموتور و اللي بتأثر بالسلب ع عمر البطارية اعتقد ده شئ المفروض ميعديش ع عربية بالامكانيات و السعر ده و لا انا اللي مش شايف كويس
ده انطباعي عنها من خلال الصور و مشاهدتها في الشوارع

و ان شاء الله اذا عملت تجربة قيادة هنزلكم تقرير برده

[Formulator]

سؤال فني
هل التوكيل يرضى يعدل برمجة الجيل التامن بنفس برنامج الجيل التاسع وهل ينفع اصلا

للأسف ياكبير،
almost كل التوكيلات فـ مصر بتغير كنترول كامل (ECU بضفيرة وحساسات...etc)

محدش بيلعب فـ State-of-Tune ولا الـMap اللى نازلة عـ التشيباية

- ولو ينفع أصلا (أنا الحقيقة معرفش).. الأصح انك تعمل Custom-Remap عند تيونر محترم
وفيه ناس بتعملها فـ مصر، بس الـHorsepower-Gains مش كبيرة
بتتكلم فـ 8-10 حصان.. وبيغير فـ فتح الـV-TEC (سواء Timing أو Lift) للـintake تحديدا
وقابل إستهلاك البنزين يامعلم

Edit: أنت عارف انتو مشكلتكم أيه فـ الموتور ده؟؟!!!
مش أنه 1.6.. لأ، المشكلة انه مش منتشر (برا مصر)

ياباشا التيونرز برا بيلعبوا فـ مواتير الهوندا الـ1.8 كامة واحدة، والـ2.0 DOHC أحلى لعب
فيه Performance-Remap و Eco-Remap.. زى مانت عايز!! ومن غير تربنة ولا أى ابن-تيييييييييييييت

فـ الآخر: أنا شايف ان الموتور بالـ123 حصان، ونفس وزن الـ8th gen تقريبا.. more-than كفاية ياكبير.

وبعدين انتو عايزين أيــــــــــــه؟؟ هتفتروا؟؟؟!!!
السيفيك بيتحط على أى 1.6 فـ مصر (كورى أو حتى ألمانى)!!
ههههههههههههههههههههه

[SAMEH_FOUAD]

انا برضه بعد اذنك عايز اعرف مصدرك بتاع سيفيك 2013 دي

ماتخليها لما تنزل رسمى احسن عشان فية مفاجأت تانية كتير , وماتقلقش كل اللى انا قولتة صح ونزل بس هيتم ظهورة فى معرض جنيف الدولى

[hany63]

انا برضه بعد اذنك عايز اعرف مصدرك بتاع سيفيك 2013 دي

ما تقول له يا سامح
غالبا استاذ مودي ناوي يغير

[olver]

طيب معلش انتو مش شايفين ان سعر العربيه اغلى شويه من الجيل التامن يعنى انا شايف ان البيزلاين لما تكون ب 175 ده كتير بمقارنه مثلا بعربيه زى السوبارو الامبرايزا الجديده ولا ايه ؟

[hany63]

طيب معلش انتو مش شايفين ان سعر العربيه اغلى شويه من الجيل التامن يعنى انا شايف ان البيزلاين لما تكون ب 175 ده كتير بمقارنه مثلا بعربيه زى السوبارو الامبرايزا الجديده ولا ايه ؟

طب ما تشوف السوبارو من سنتين كانت بكام
كله بيغلى مع بعض عشان عملة بلدك بتنزل