انا جبت السيبا برايد الجديده

[zizoagain]

السلام عليكم
اسمحولي دي تكون اول مشاركة ليا معاكم هنا
انا قريت كل الكلام من بداية الموضوع من ساعة ما توفيق اشتري عربيته ربنا يباركله فيها وكل الناس اللي اشتروها
انا روحت التوكيل وشوفت العربية وانا شايف انها بجد كويسة
لكن كنت عاوز اعرف هو الضمان بتاعها والتأمين بيكون علي يعوب الصناعة وﻻ ﻻ قدر الله لو في حادثة بيشملها برضك ؟

[tawfic]

السلام عليكم
اسمحولي دي تكون اول مشاركة ليا معاكم هنا
انا قريت كل الكلام من بداية الموضوع من ساعة ما توفيق اشتري عربيته ربنا يباركله فيها وكل الناس اللي اشتروها
انا روحت التوكيل وشوفت العربية وانا شايف انها بجد كويسة
لكن كنت عاوز اعرف هو الضمان بتاعها والتأمين بيكون علي يعوب الصناعة وﻻ ﻻ قدر الله لو في حادثة بيشملها برضك ؟

اولا بعتذر على التأخير فى الرد
ثانيا بالنسبه للضمان زيها زى اى ضمان ضد عيوب التصنيع
والتامين على حسب نوعه هل شامل ام لا

[Casperotta]

congratularions ,I'm really waiting for ur opinion as my bro gonna buy one and still can't trust it

[sadeek]

بعد السلام حضرتك كنت قولت فى رد سابق عن الاشياء اللى مع العربيه شنطه عده صغيره ياترى محتوياتها ايه وشكرا على الجهود الطيب الرائع دة

[sadeek]

معلش ياابو توفيق هو الكاسيت سى دى ولا شريط عادى لان فى اخ اشتراها والكاسيت شريط عادى وهى بردة الهاف وشكرا.

[tawfic]

بعد السلام حضرتك كنت قولت فى رد سابق عن الاشياء اللى مع العربيه شنطه عده صغيره ياترى محتوياتها ايه وشكرا على الجهود الطيب الرائع دة

شنطه قماش بها مفك دبل يعنى من ناحيه صليبه ومن الثانيه عاده + مفتاح 10 + مفتاح بيوجيهات

معلش ياابو توفيق هو الكاسيت سى دى ولا شريط عادى لان فى اخ اشتراها والكاسيت شريط عادى وهى بردة الهاف وشكرا.

اللى انا عرفته انه بقه ينزل كاسيت عادى شريط بس انا اول ماجبتها كان cd وده تقريبا من ضمن السياسه المتبعه فى بلدنا دون اى بلد اخرى لما يحصل طلب على الشى يبتدى تغير عناصر منها لتحقيق هامش ربح اخر سريع

[sadeek]

اشكرك كتير على الردود ومعلش لى طلب من سيتك لو ممكن بما ان التسجيل بقى عادى مبقاش فيه سى دى بييجى مع العربيه اللى هو بتاع التعليمات فهل ممكن ترفعه لينا ويكون ليك جزيل الشكر.

[essam2222]

السلام عليكم ورحمة الله وبركاته لكل احباب السيابا الجميلة
وسلام خاص جداااااااااااااااااااااااااااااااااااااااااااااااا اا الاستاذ توفيق اللى بجد وحشنى جدا جدا جدا وفعلا استاذ توفيق بيعشق مساعدة الاخرين بالمشورة الجيدة والاراء الحسنة وشكرا لحضرتك جدا جدا لمعلوماتك الشيقة. بجد وحشنى جدا.
اما بالنسبة لموضوع الكاسيت سواء موجود او لا فالاحسن ان الواحد لما ربنا يكرمه بقرشين يجيب واحد تانى غير الماركة العجيبة دى لانى كان عندى السى دى نوعه رودستار فحبيت انى اركب سامعات على الكاسيت فراجل قالى ياريت بدل ما تركب السماعت تشترى كاسيت تانى علشان السماعات مش حتديلك الصوت الكويس بالسى دى دا فابلفعل ركبت سى دى تانى كينودد بفلاشة من المركز الرئيسى بتاعه ب 650 بالتركيب وجبت سامعات وفعلا حاسيت انى بسمع كويس غير اللى كنت بسمعه قبل كدا .

[nertt]

استاذ توفيق والسادة الأفاضل مرحبا بكم جميعا ... استاذ توفيق ليه سؤال انا لما اتصلت بالتوكيل الى في الدقي (فولفو) اسال عشان صيانة قالوا اننا لم نعد نتعامل مع العربية وحضرتك بتقول انك لسة بتروح هناك ... لان لما بتروح 6 اكتوبر بتدب مشوار على الفاضي وما فيش حد فاهم حاجة والتوكيل بتارع جسر السويس اولا اسعار قطع الغيار غير الاسعار المعلن عنها بزياة الضعف واكثر وبعدين تحس انهم برضوا مش فاهمين حاجة وكل لما تقول العربية فيها حاجة يقول لك طبيعي ما تعرفش ايه الحقيقة ... هل تعلم فين تاني نلاقي توكيل غير دول ... ارجو الرد

[lailagamgom]

السلام عليكم جميعا , دى اول مشاركه ليا فى موضوع البرايد
انا بأكد كل كلام الاستاذه nertt فى انه دا مش مش توكيل دول شكلهم ناس هواه او ميكانيكى على قده وحب يطور فى نفسه انا رحت فى صيانة الالف غيرلى زيت الموتور بزيت توتال وهو زيت ردىء جدا وغيرلى زيت الفتيس وعرفت بعد كدا انا بيتغير كل 5 سنين او اكثر وبقولى كل شىء تمام وانا مش شايف حاجه ودا اللى فى جسر السويس مشيت من عنده وانا شاكك انه معملش حاجه غير تغيير الزيوت , حسيت بعد كدا بأداء العربيه مش مظبوط وسألت ناس كثير قالولى غير الزيت الى موبيل 1 او شيل وغيرته وفعلا اتظبطت ولكن فيما بعد انا عايز احافظ على العربيه اروح اعمل صيانه فين وانا عامل دلؤتى 3000 كيلو يعنى فاضل 2000 كيلو على ال 5000 كيلو يا ريت حد يفيدنا وخصوصا طبعا الاستاذ توفيق اللى انا مشترتش العربيه دى الا بعد كلامه اللى خلانى اتوكل على الله واشتريها

[essam2222]

السلام عليكم ورحمة الله على اصحاب السايبا الجميلة:
انا بالفعل تعاملت مع الصيانة اللى بتوع 6 اكتوبر هو فعلا مشوار جامد بس المعاملة فى منتهى الادب والاحترام بس كدا لكن بالنسبة لمشاكل العربية او الميكانيكا فبصراحة وعلى اد علمى البسيط بالمكانيكا حاسيت انهم بتوع تغيير زيت وفلاتر والحجات البسيطة اللى بتبقى فى العربية او تغيير التيل.
لكن غير كدا بصراحة لا بتوع اكتوبر ولا الدقى ولا بتوع جسر السويس كلهم واحد اخرهم يعملوا طقم السرفيس وبس.
انا ان شاء الله حاروح لوحد معرفة واحد صاحبى مكانه فى الكيلوا اربعة ونص كانى رايح مدينة بدر بس فى اول الطريق يعنى قريب نوعا ما من محل اقامتى مصر الجديدة علشان شكلى كدا حاغير طقم دبرياج مع العلم انى عامل بيهم حوالى 15 الف ونص . انا حاروح واكشف عليها الاول احتمال يكون حاجة تانية غير الطقم . وحقول لحضرتكم اية الاخبار بظبط علشان لقدر الله لو حصل حاجة لعربية حضراتكم فى المكانيكا تبقوا تتعملوا مع الشخص دا وانتوا مطمئنين . اما الصيانة الدورية للعربية اللى هو العادى يعنى فممكن تتعملوا عادى مع مراكز الصيانة اللى انتوا عارفنها مع العلم انكم ممكن تنزلوا عادى تشتروا الحجات بتاعة العربية زى تيل الفرامل مثلا من شارع دمشق وكورى اصلى يئما ب 100 جنيه او فى كورى تانى 45 جنية من نافع او الجندى اللى فى شارع دمشق وتروحوا بيها مراكز الصيانة القربية من حضراتكم ويتم التركيب.وان شاء الله حقولكم اية الاخبار بالنسبة للمكانيكى اللى حاروحه.

[santacruz]

مبروك يا نجم

[godaa]

ان شاء الله تكون فتحة حير عليك

[essam2222]

الله يبارك فى حضرتك يا استاذ سانتا كروز
وشكرا لحضرتك يا استاذ جودة

[egypt_slave2000]

سمعتم ياجماعه العرض الجديد بتاع البرايد
خصم 4500 جنيه على العربيه
الفاضيه بقت 43000 ، و الفول ابشن اعتقد بـ 47000
بس مش عارف ليه الموضوع ده قالقنى ، خصوصا ان فيه قرارات جديده لمنع بعض السيارات الغير مطابقه للمواصفات القياسيه بالدخول لمصر ، خايف للتوكيل يكون ناوى يخلص المخزون باى تمن بسرعه ويخلع ومعدش يستوردها ، وتبقى حوسه ، فى بعض قطع الغيار ،والباقى اهو نجيبه من الكيا وقطعها ، ربنا يستر