بتدفع أصحابك معاك في البنزين و لا لأ ؟

[ahmedsamir5edr]

السلام عليكم ..
انا عارف ان الموضوع غريب شويه بس انا كنت عاوز أعرف من الناس هنا و خصوصا فئه الشباب .. هل لما بتخرجوا مع بعض بتقسموا فلوس البنزين عليكم و لا بيتحملها صاحب العربيه لوحده
و شكراا

[magyver]

واللة ياباشا انا ساعات باسمع من ناس اعرفها بس مش اصحابي
بقي اللي باخرج معاهم وكدة ان فية ناس بتعمل كدة وصاحب العربية بيدفعهم في البنزيين
بس انا مع اصحاابي ماقدرش اقلهم علي حاجة زي دة اساسا
وشايف انها منظرها وحش جداااا
بس قلي انت رايك اية

[ahmedsamir5edr]

أنا يا باشا متعود اني دايما أطلب منهم كده
و هما تعودوا علي كده خلاص
مش شايف فيها أي مشكله

[sammor_28]

انا وزملائي بنخرج مع بعض عشان نفك عن نفسنا ونتمشى وننبسط فاكيد طبعا مش هتفرق 10او20 جنيه بنزين في سبيل انك تكون مع اصدقائك ومبسوط...
واعتقد برضه شكلها مش حلو ان الواحد يقول لأصدقائه هاتو فلوس بنزين

[ahmedsamir5edr]

بس سبب الموضوع ده ان اليوم حصل مشاده كلاميه بسيطه من احد الأصدقاء لأعتراضه علي الدفع ( أول مره يركب معايا )
و طبعا قولتله اللي يريحك

[ahmedsamir5edr]

بس هوه فعلن دفع في الأخر

[dr.amr]

بص ياباشا
لو خروجات عاديه في البلد وكده عادي مابتفرقش خالص هتطلب من كل واحد مثلا 2 جنيه مش معقول طبعا
لكن مثلا انا كنت مسافر اسماعيليه مع اصحابي من فتره
وماكنتش هطلب بصراحه لقيت واحد صاحبي قاللي ماينفعش انك تدفع بنزين لوحدك وفعلا اتفق مع الباقيين ودفع كل واحد 14 جنيه بنزين
حل اخر بدل الفلوس وكده انكوا تخرجوا كل مره بعربية واحد
علي فكره هي بتعتمد الشخص حسيس ولا لأ انا في واحد صاحبي كان عايز يقاسمني في كل حاجه حتي الباركينج وواحد تاني والله مبقتش اعرفه بسبب الموضوع ده كان عنده مازدا وشاهين يجيلي كل مره بالشاهين ويقعد يقولي عربيه تقيله ورخمه وماينفعش نخرج بيها لغاية ما اديته علي دماغه صح

[Most_H]

انا وزملائي بنخرج مع بعض عشان نفك عن نفسنا ونتمشى وننبسط فاكيد طبعا مش هتفرق 10او20 جنيه بنزين في سبيل انك تكون مع اصدقائك ومبسوط...
واعتقد برضه شكلها مش حلو ان الواحد يقول لأصدقائه هاتو فلوس بنزين

1+
الموضوع مش ظريف برضة

إلا بقى لو انتو صحاب على الاخر، وانت مزنقة معاك فى الفلوس ومفيش بنزين كفاية، ممكن ساعتها اشير معاهم، بس لو صحابى قووووووووووووووووووووووووى

غير، اركب موصلات احسن

[ahmedsamir5edr]

هو المشاوير بتكون طويله
يعني 120 - 140 كم في الخروجه الواحده

[ahmedsamir5edr]

واضح فعلا ان كلكم متفقين علي رأي واحد

[magyver]

بس سبب الموضوع ده ان اليوم حصل مشاده كلاميه بسيطه من احد الأصدقاء لأعتراضه علي الدفع ( أول مره يركب معايا )
و طبعا قولتله اللي يريحك

معلشي في الكلمة
هو صاحبك دة راكب تاكسي وبعدين انت بتقول اول مرة يركب معاك
يعني شكلهاوحش جدا جدا جدا
ياريت تاخد كلامي بصدر رحب

[YaSSerwIN]

فى حالة السفريات فقط اما الخروج العادى لاء

[م.محمد علاء]

بصراحه لو خروجه مشتركه..يعنى مثلا قررنا فى يوم أجازه نسافر مثلا..أكيد مش انا اللى حشيل البنزين لوحدى..
لو رايح مثلا مشوار أو مسافر بردو..ومعايا واحد ..بس سواء جه أو مجاش انا مسافر..مش باخد منه..
كله بالأصول اللى متزعلش حد

[esam_comm]

بصراحه انا بالنسبه لي الموضوع ده سامحوني قمه البواخه من اللي معاه العربيه ولو هي مزنقه وحاسس انها تقيله ابقوا اركبوا مواصلات لاني عن نفسي لو رايح اسوان من القاهره عمري ماهخلي حد يدفع مليم حتي الكارته لان الموقف ده حصل معايا وصحابي عرضو يشاركو في البنزين والكارته وانا اندهشت طب ازاي يعني ينفع حد يبقي في بيتك ووقت غدا وتقوله لو هاتاكل معايا تدفع وتحسب له سعر الارز واللحمه بكام ويدفع معاك بصراحه موضوع بايخخخخخ اخررر حاجه بس ممكن تتعوض ان طبعا في المشوار لو وقفتم تاكلوا حد يحاسبلك او قعدتو علي كافيه حد يحاسب وكده يعني

[amr.elsayed]

على جثتى حد يدفع مليم فى عربيتى انسى يا عمرو
وانا كتير صحابى هما اللى بيعرضوا عليا عشان ساعات
بمشى بالعربية كتير لكن برفض رفضا تاما