بتدفع أصحابك معاك في البنزين و لا لأ ؟

[HeMa_LanCeR]

وبعدين لو انا مش قد بنزين العربيه باركب عربيات ليه؟

لأ سعات الواحد يكون معاه فلوس علي القد (لأن انا طالب باردو يعني معنديش دخل)
فا مش بحب مثلا اضيع فلوسي في البنزين وده باردو لسبب عائلي عندي لأن ممكن اكون ممون العربيه واي حد من اخواتي ياخدها ويستهلك البنزين ومش بيمون وطبعا ده بيأثر عليا جدا
فعلشان كده كتير بسيبها شبه فاضيه يعني انا ممكن امون كل يوم علي قد مشواري
بس مش معني كده اني مش قد العربيه او مش قد بنزينها انا لما يكونوا اخواتي مسافرين بخلي العربيه مفوله تقريبا كل يومين

[ahmad5997]

ههههههههههههههههه
وبدفع المدام والاولاد
وكل من تسول له نفسه انه يقترب من العربية

ههههههههههههههههههه ( طبعا بهزر لحسن تطلع عليا في المنتدي)

[classboy]

لأ ياجماعه فلوس ايه الي أخدها من صحابي .....شكلها وحش جدا يعني

وبعدين مفيش فرق بيني وبين اصحابي انا النهارده بخرج أو بسافر بعربيتي بكره صحبي بيسافر بعربيته انما اخد 10ج ..... علشان مسافر بعربيتي اعتقد بالنسبه ليا
فكره مش لطيفه خالص

[classboy]

لأ ياجماعه فلوس ايه الي أخدها من صحابي .....شكلها وحش جدا يعني

وبعدين مفيش فرق بيني وبين اصحابي انا النهارده بخرج أو بسافر بعربيتي بكره صحبي بيسافر بعربيته انما اخد 10ج ..... علشان مسافر بعربيتي اعتقد بالنسبه ليا
فكره مش لطيفه خالص.....لكن لو انا مسافر مع حد وحاسس ان العمليه مكلفه عليه
ممكن انا اشيل حاجه تانيه ,,,,, مثلا لو هناكل بره ..... ابقي شاركت بس بطريقه مش مباشره...وده رأيي

[eng.octooo]

لا طبعااااا بس لو هانسافر مشوار طويل زى مارينا مثلا هانساعد مع بعض على الاقل ممكن تجيب عصير او كدة بس اطلب فلوس صعبة اوى

[vodanet]

ممكن اخد لو واحد صاحبى عايزنى اوصلوه مشوار العربيه مافيهاش بنزين

[Amr_tika88]

طب ياجماعة في سؤال لو اصحابك 4 او 5 ومفيش حد منهم معاه عربية غيرك هتعمل ايه او في منهم واحد معاه عربية وبيستهبل ويقولك اصل ابويا قافش مرة تانيه اصلي مش معايا وكده تعمل معاه ايه

[shaddadfalcon1]

عمري ماعملتها
بس صحابي من نفسهم بيردوها في اي حاجه
يعني ممكن الاقيهم يدفعولي تمن الأكل او حاجه ساقعه او اي حاجه وساعات تعدي تمن البنزين كمان

[alex_life1989]

استحالة اقولهم حاجة زى كده
الا اذا احنا شيرنا مع بعض
لكن انا اقول لالالالالالالالا

[Rsarabia]

لو خروجة عادية فى البلد او لف و كدا اكيد طبعا مش هقول لصحابى كل واحد يدفع 3 جنيه و نص تمن البنزين !!!!

لكن لو مسافرين مثلا اسكندرية و هنشترى حاجات و كدا بنقسم المصاريف كلها على بعض و من ضمنها البنزين ما هو حرام انى اتحمل لوحدى 120 150 جنيه بنزين و استهلاك للعربية كمان و هما ميدفعوش :) ولا ايه ؟؟

[marmoraiaaa]

انا عندى رأى ممكن يريحنا كلنا .

اى حد يبدأ بنفسه يعنى مثلا لو انا حركب مع صحابى انا اقول اننا لازم نقسم فلوس البنزين و اصمم على كدة دا و انا مش فى عربيتى .
فا بالتالى هما لما يركبوا معايا حيعملوا كدة منغير لما اقول .
لان حنكون اتعودنا على كدة ولاحظوا ان احنا طلبة و بناخذ مصروف فاكيد حتفرق معانا جداا.
كمان هما حيدفعوا البنزين . بس صاحب العربية بيتحمل كل حاجة تانية زى تغيير الزيت وكدة ... ناتج عن الكيلومترات الكثيرة واستهلاك حجات كتير فى العربية... كدة يعنى ...
بصراحة الموضوع عاوز احساس من الناس الى معاك فى العربية يكفى ان احنا نكون راكبين حاجة محترمة مش بهدلة مواصلات.
وكل واحد بقى و زوقه

[M.almaghraby]

انا عندى رأى ممكن يريحنا كلنا .

اى حد يبدأ بنفسه يعنى مثلا لو انا حركب مع صحابى انا اقول اننا لازم نقسم فلوس البنزين و اصمم على كدة دا و انا مش فى عربيتى .
فا بالتالى هما لما يركبوا معايا حيعملوا كدة منغير لما اقول .
لان حنكون اتعودنا على كدة ولاحظوا ان احنا طلبة و بناخذ مصروف فاكيد حتفرق معانا جداا.
كمان هما حيدفعوا البنزين . بس صاحب العربية بيتحمل كل حاجة تانية زى تغيير الزيت وكدة ... ناتج عن الكيلومترات الكثيرة واستهلاك حجات كتير فى العربية... كدة يعنى ...
بصراحة الموضوع عاوز احساس من الناس الى معاك فى العربية يكفى ان احنا نكون راكبين حاجة محترمة مش بهدلة مواصلات.
وكل واحد بقى و زوقه

انا بتفق مع الكلام دا ..........

بس اعتقد ان خروجة عادية 30 -50 كيلو مش حتبقي كتيرة كاستهلاك بنزين خالص...

انا شايف ان دا يطبق فالسفر اساسا و لو خروجة طويلة " الرحاب مثلا او العبور"

[magyver]

هيا فعلا تفرق من خروجة لخرووجة
وحسب الناس اللي معاك
بس هيا ليها مزايا وعيووب
وانا بالذاات اتحرج اطلب حاجة زي كدة من اصحاابي
اقل حااجة هايقلوولي مش قد العربية بتركبوا عربيات لي
وفين وفين بقي لما تقنعهم

[bishoy02010]

على حسب سفر ولا إيه النظام بس ساعات بتحصل :) وساعات كتير لأ :)

[moudy88]

انا بقالي 3 سنين بروح بالعربيه الكليه ..وتقريبا 95% وانا مروح بيكون معايا اصحابي ..وطبعا مبطلبش منهم فلوس ابدا ..بس احيانا صاحبي بيعزمني على المشاريب على القهوه او على الطلبات في الشبراوي مثلا ..او حاجه زي كده ..بحجة انه بيروح معايا يوميا ..وانا طبعا برفض ..بس هو بيصمم لانه عنده ذوق واحساس
ولما بتبقى خروجه عاديه بالعربيه برضه مابطلبش ..ولو الظروف مزنقه قوي وفيه خروجه بعيده ..بقولهم ياجماعه انا مش هقدر اخرج بالعربيه لاني معيش فلوس للبنزين ويادوب معايا فلوس الخروجه ...ويااما هما يعرضوا اننا نقسم البنزين او اخرج من غيرها ..والموضوع مفيهوش كسوف ولا احراج
انما لو هسافر بالعربيه اسكندريه مع اصحابي ....اكيد طبعا هنقسم مصاريفها علينا وده الطبيعي لان البنزين بيعدي ال100 جنيه ومش معقوله هعمل شملول واتغرمهم انا لان ده مايرضيش ربنا ...والموضوع ده بيمشي بمنتهى السلاسه والذوق ..ودائما هما اللي بيعرضوا ..وكل واحد بيبقى راضي جدا ..ودائما بيقولو ليا كفايه انك رحمتنا من قرف الميكروباصات وبهدله المواصلات في اسكندريه ده غير بهدلة عربيتك ..يبقى هنحملك مصاريفها كمان !!!

انما طبعا مع قرايبي مستحيل اخد منهم فلوس ان شاء الله لو مسافر بالعربيه اسوان