بتدفع أصحابك معاك في البنزين و لا لأ ؟

[nabaster]

طبعا رأي حضرتك رائع و هي فكره ممتازه
و لكن انا بحب تكون العمليه متزنه أكتر و دقيقه
كمان انا لما اكون عارف اني لما هاكل هما اللي هيدفعوا .. ممكن ده يقيدني أكتر و أكن مش علي راحتي في اللي هاكله
أرجو ان تكون وجهة نظري واضحه

صعب فكرة (دقيقه ومتزنه) دي تكون مع اصحابك

سيبك من ماديات وكلام فاضي

صاحبك الحقيقي لو حصلتلك مشكله بتديله تليفون بيكون موجود قبل اخوك

فمش هتفرق بقي لو صرف هوا انهارده 30 انا صرفت 40 متهيالي مش حاجه ولا دي الي هبصلها

يا راجل ده انتا لو عند الميكانيكي بتدي اقل واجب للواد الصبي خمسايه في ايده وانتا ماشي

وعلي فكره منكرش ان في ناس اعرفهم من عينة (معلش والله العربيه مفيهاش بنزين والعمليه معايا علي الاخر)

نصيحتي ليك دول مش اصحاب كفايه اوي اوي تقول عليهم معارف وعلشان كده مش دول الي تخرج معاهم وتامنلهم انهم يركبوا معاك لان في اي مشكله ببساطه مش هتلاقيهم

صاحبك الي بجد هيخاف علي عربيتك اكتر منك ولو في مشوار يقولك استني هنا الشارع مكسر متدخلش لاكن التاني يقولك يا عم دوس انتا عربيتك جامده انتا برضه هيهمك مطبات صغيره زي دي

فكر كده ومستني تعليقك

A.Yakout

[dr.amr]

بالمناسبه انا مش بتكلم عن خروجه من وسط البلد للمهندسين
انا بتكلم عن 120 كم او اكتر كمان

انت معاك حق بصراحه
انت كده مسافر بقي :)
انا بتكلم علي خروجاتي بالكتير 30 كيلو بالكتيررررررر
بصراحه انا مش مقتنع بموضوع ان واحد يجيبلك اكل
طيب افرض انا عايز اطلب حاجه غيرهم وغاليه و هدفعه اكتر
انا ليه اقيد نفسي
انت كده معاك حق يا نجم

[dr.amr]

صعب فكرة (دقيقه ومتزنه) دي تكون مع اصحابك

سيبك من ماديات وكلام فاضي

صاحبك الحقيقي لو حصلتلك مشكله بتديله تليفون بيكون موجود قبل اخوك

فمش هتفرق بقي لو صرف هوا انهارده 30 انا صرفت 40 متهيالي مش حاجه ولا دي الي هبصلها

يا راجل ده انتا لو عند الميكانيكي بتدي اقل واجب للواد الصبي خمسايه في ايده وانتا ماشي

وعلي فكره منكرش ان في ناس اعرفهم من عينة (معلش والله العربيه مفيهاش بنزين والعمليه معايا علي الاخر)

نصيحتي ليك دول مش اصحاب كفايه اوي اوي تقول عليهم معارف وعلشان كده مش دول الي تخرج معاهم وتامنلهم انهم يركبوا معاك لان في اي مشكله ببساطه مش هتلاقيهم

صاحبك الي بجد هيخاف علي عربيتك اكتر منك ولو في مشوار يقولك استني هنا الشارع مكسر متدخلش لاكن التاني يقولك يا عم دوس انتا عربيتك جامده انتا برضه هيهمك مطبات صغيره زي دي

فكر كده ومستني تعليقك

A.Yakout

كده انا معاك
بس ماعتقدش ان كل الاصحاب كده
وبعدين لو هو فعلا حسيس كده انا هبقي حسيس اكتر منه
وبرضه هبقي مضايق لو غليت عليه
انا عارف ان هو مش هيضايق
بس انا حسيس ومش هبقي عارف اخد راحتي

[M.almaghraby]

لما بنسافر ممكن

[ahmedsamir5edr]

صعب فكرة (دقيقه ومتزنه) دي تكون مع اصحابك

سيبك من ماديات وكلام فاضي

صاحبك الحقيقي لو حصلتلك مشكله بتديله تليفون بيكون موجود قبل اخوك

فمش هتفرق بقي لو صرف هوا انهارده 30 انا صرفت 40 متهيالي مش حاجه ولا دي الي هبصلها

يا راجل ده انتا لو عند الميكانيكي بتدي اقل واجب للواد الصبي خمسايه في ايده وانتا ماشي

وعلي فكره منكرش ان في ناس اعرفهم من عينة (معلش والله العربيه مفيهاش بنزين والعمليه معايا علي الاخر)

نصيحتي ليك دول مش اصحاب كفايه اوي اوي تقول عليهم معارف وعلشان كده مش دول الي تخرج معاهم وتامنلهم انهم يركبوا معاك لان في اي مشكله ببساطه مش هتلاقيهم

صاحبك الي بجد هيخاف علي عربيتك اكتر منك ولو في مشوار يقولك استني هنا الشارع مكسر متدخلش لاكن التاني يقولك يا عم دوس انتا عربيتك جامده انتا برضه هيهمك مطبات صغيره زي دي

فكر كده ومستني تعليقك

a.yakout

كلام حضرتك بجد رائع و مؤثر
بس انا فعلا مش هيكون ممكن ليا اني أتحمل مصاريف السياره و كمان البنزين و هو ده السبب فعلا

و فعلا انا اصحابي دول يااااااااااااااما احتجتلهم و كانو معايا في أشد المواقف
ولــــــــــكن انا عاوز أوضح نقطه بسيطه

أحنا عند الذهاب الي الكليه في ناس مش معاهم عربيات و فعلا بكون في غايه السعاده لما يركبوا معايا بصفه شبه يوميه و رغم كده عمري ما طلبت منهم فلوس ّ!!

و بالمناسبه .. في البدايه أصحابي كانو مشترطين ان فلوس البنزين في الخروجات تبقي عليهم
لدرجه ان في مره مش قولتلهم
و طلعولي الفلوس و حلفوا عليا لازم أخدها ( و ان كنت رغم كده ما خدتهاش .. بس دي المره الوحيده )

[nabaster]

انت معاك حق بصراحه
انت كده مسافر بقي :)
انا بتكلم علي خروجاتي بالكتير 30 كيلو بالكتيررررررر
بصراحه انا مش مقتنع بموضوع ان واحد يجيبلك اكل
طيب افرض انا عايز اطلب حاجه غيرهم وغاليه و هدفعه اكتر
انا ليه اقيد نفسي
انت كده معاك حق يا نجم

دكتور عمرو مش قصة تقييد لانكم مش بتتحاسبوا ورقه وقلم

انا بقول مثال لان في خروجات وقتها مش بيبقي وقت لا اكل ولا شرب

وبيني وبينك يا دكتور انا بصراحه برضه حتي لو عربيتي ممكن اوقات كتير برفض حد يحاسبلي علي اي حاجه لان انا فعلا زي ما حضرتك قلت ممكن تكوني طلباتي خاصه شويه فمش بحب اتقل علي حد

وبعدين انهارده خرجنا بعربيتك بكره عليا انا وهكذا يعني

لاكن بصراحه انا مش خارج مع اصحابي وعاملها اجره حتي ولو انا بس الي في وسطهم معايا عربيه متخيلش ابدا ابدا في يوم مهما كان الموقف اقول يا جماعه البنزين هيتقسم علينا

بصراحه من وقت ما ركبت عربيات وليا دلوقت اكتر من 10 او 12 سنه بسوق محدش حطلي في عربيتي بقرش بنزين من جيبه

A.Yakout

[artyboy]

لا بص حتى لو مش أصحابى أوى وحتى لو المشوار طويل ما ينفعش أخلى حد يمد أيده فى جيبه ويطلع فلوس بنزين بس كان فى واحد معايا فى الجامعة زمان ما كنتش طايقه و كان واخد الموضوع غلاسه (براشوت) عملتها معاه علشان ما يركبش معايا لأنى عارف أنه بخيل جدا وفعلا خد خطيبته و مشى

[MoToRiZeR]

لو بنسافر و اللي مسافر معايا صحابي أوي .. بنقسمه
بس كام مرة كدة سافرنا و كان اللي راكب معايا مش صحابي جامد فا نفضت

إنما خروجة عادية لأ في كل الأحوال.

[misoalex]

بص يا باشا هى حصلت معايا
انا صحابى كنت شايلهم فى عربيتى وكل مشوار عاوزين يرحوه معايا بالعربيه مكنتش بقولهم لا
المهم فى يوم قالو حيأجرو عربيه وعاوزين يتفسحو وتعالى معانا
انا كبرت دماغى هما صممو واتصلو بيا فى نص اخر اليوم تقريبا وكانو مروحين وقولت انزلهم وركبت معاهم ولاقتهم بيقولو البنزين خلص كل واحد يجيب 3 جنيه عشان نحط بنزين طبعا عملت نفسى مش سامع وقولت الكلام مش ليا انا عمرى معملت معاهم كده وانا جاى فى اخر اليوم اصلا مالى ومال البنزين المهم لاقتهم لمو من بعض وبيقولولى هات قولتلهم لا معلش انا معيش فكه لمو من بعض انتو وحطو على اد فلوسكو
بجاحه ببجاحه
من يومها وانا علمت عليهم ومعملتهمش ولا مشوار يخصهم
مهو يا تشلنى واشيلك يا مع السلامه
لاكن انا عمرى مطلبت من حد حق بنزين طبعا عمرها متحصل

[misoalex]

بس على فكره الى انت بتعمله ده الصح بس انت عارف بقا المصرين وجدعنتهم الى بتيجى فى الاخر على دماغهم
انت شكلك ممشيها انجليزى انا ساعات بقول لنفسى ليه معملش كده يعنى الى بيوفر ده احسن منى
بس انا فيا عيب غبى انى بتحرج او بتكسف وده مينفعش الزمن ده خالص
ومتزعلش من ردود اخوانا الاعضاء وردودهم دى ان دلت فتدل على كرمهم وانهم ناس خدومه جدا
بس زى مقولتلك الى انت بتعمله ده فى حد زاته صح مش غلط

[KiNgMaX]

أنا فى الصيف لما بخرج مع صحابى بنلم من بعض لأننا صحاب من زمان وواخدين على بعض جدا زى الاخوات وبنخرج يوميا فى الصيف بعربيتى فلازم كله يدفع فى البنزين انما لو حد غيرهم مش بطلب الطلب ده يعنى مع صحابى بس

[sniperfox]

انا اصحابى كلهم معاهم عربيات ف الموضوع مش فارق وانا برضو عشان اوصل القاهره بمشى 40 كم رايح وزيهم راجع بس عشان انا مره وصحبى ده مره وصحبى ده مره مبنحسش بالموضوع ده حتا فى السفريات انا مبحبش اطلع فى عربيت حد بس لو حصل بعرض عليهم انى اساهم فى البنزين وبتكون النتيجه انهم بيقفشو عليه ويقولولى فكك من الكلام الاهبل ده احنا كدا كدا مسفرين

[د.محمود صلاح]

مستحيل , ده من ضرايب شراء عربية ولازم تستحمل ,

لكن فى بعض السفريات العائلية ممكن البعض يساهم مافيش مشكلة

[فادى محمد]

في رايي انها حركه وحشه اوي . اصحابي معايا في عربيتي زي مايكونوا في بيتي هل مش هضيفهم ؟ او اخد منهم ثمن الضيافه ؟ وبعدين لو انا مش قد بنزين العربيه باركب عربيات ليه؟

[HeMa_LanCeR]

انا مش بطلب طبعا
بس في مره كانو عايزين يخرجوا والعربيه مكنش فيها بنزين ومكنش معايا فلوس فا هما قالو خلاص هنجمع ونحط بنزين وانا دفعت زيهم بالظبط
وعلي فكره مروحتش غير لما البنزين خلص علشان محدش يقول اني اخدت الباقي ليا