بتدفع أصحابك معاك في البنزين و لا لأ ؟

[dr.amr]

انا بقالي 3 سنين بروح بالعربيه الكليه ..وتقريبا 95% وانا مروح بيكون معايا اصحابي ..وطبعا مبطلبش منهم فلوس ابدا ..بس احيانا صاحبي بيعزمني على المشاريب على القهوه او على الطلبات في الشبراوي مثلا ..او حاجه زي كده ..بحجة انه بيروح معايا يوميا ..وانا طبعا برفض ..بس هو بيصمم لانه عنده ذوق واحساس
ولما بتبقى خروجه عاديه بالعربيه برضه مابطلبش ..ولو الظروف مزنقه قوي وفيه خروجه بعيده ..بقولهم ياجماعه انا مش هقدر اخرج بالعربيه لاني معيش فلوس للبنزين ويادوب معايا فلوس الخروجه ...ويااما هما يعرضوا اننا نقسم البنزين او اخرج من غيرها ..والموضوع مفيهوش كسوف ولا احراج
انما لو هسافر بالعربيه اسكندريه مع اصحابي ....اكيد طبعا هنقسم مصاريفها علينا وده الطبيعي لان البنزين بيعدي ال100 جنيه ومش معقوله هعمل شملول واتغرمهم انا لان ده مايرضيش ربنا ...والموضوع ده بيمشي بمنتهى السلاسه والذوق ..ودائما هما اللي بيعرضوا ..وكل واحد بيبقى راضي جدا ..ودائما بيقولو ليا كفايه انك رحمتنا من قرف الميكروباصات وبهدله المواصلات في اسكندريه ده غير بهدلة عربيتك ..يبقى هنحملك مصاريفها كمان !!!

انما طبعا مع قرايبي مستحيل اخد منهم فلوس ان شاء الله لو مسافر بالعربيه اسوان

ربنا يباركلك في الناس الحسيسه اللي تعرفهم

[dr.amr]

طب ياجماعة في سؤال لو اصحابك 4 او 5 ومفيش حد منهم معاه عربية غيرك هتعمل ايه او في منهم واحد معاه عربية وبيستهبل ويقولك اصل ابويا قافش مرة تانيه اصلي مش معايا وكده تعمل معاه ايه

انا كان عندي صاحب كده
والله كنت باعامله بنيه صافيه
بس لما اتاكدت انه بيستهبل وقاصد
رخمت عليه حوالي شهر
زهق مني وراح يرمي بلاه علي حد تاني
والتاني ده زهق منه عمل نفس حواري معاه

[moudy88]

ربنا يباركلك في الناس الحسيسه اللي تعرفهم

اوعى تفتكر ان كل اللي اعرفهم كده !!! ..ده البراشوتات اللي اعرفهم عددهم اضعاف الناس دي ...بس انا بعرف احرجهم بالذوق وبمنتهى الادب .. بس اللي معندوش دم ولا احساس ..بسيبه يركب معايا وامري لله ...

[dr.amr]

اوعى تفتكر ان كل اللي اعرفهم كده !!! ..ده البراشوتات اللي اعرفهم عددهم اضعاف الناس دي ...بس انا بعرف احرجهم بالذوق وبمنتهى الادب .. بس اللي معندوش دم ولا احساس ..بسيبه يركب معايا وامري لله ...

انا بقي في حياتي ماعرفتش غير 3 بس
والباقي براشوت
بس علي جثتي حد يركب معيا غظب عني
انا ممكن افجره
مابحبش التناحه خالص

[ahmedsamir5edr]

[QUOTE=artyboy;3872242001]لا بص حتى لو مش أصحابى أوى وحتى لو المشوار طويل ما ينفعش أخلى حد يمد أيده فى جيبه ويطلع فلوس بنزين بس كان فى واحد معايا فى الجامعة زمان ما كنتش طايقه و كان واخد الموضوع غلاسه (براشوت) عملتها معاه علشان ما يركبش معايا لأنى عارف أنه بخيل جدا وفعلا خد خطيبته و مشى[/

الووووووووووووووحيد اللي أعترض هو أبخل راجل فينا



[QUOTE=MoToRiZeR;3872242021]لو بنسافر و اللي مسافر معايا صحابي أوي .. بنقسمه
بس كام مرة كدة سافرنا و كان اللي راكب معايا مش صحابي جامد فا نفضت

إنما خروجة عادية لأ في كل الأحوال.[/

السفر ده ممكن يكون في حساب علي الزيت كمان :D:D

بس على فكره الى انت بتعمله ده الصح بس انت عارف بقا المصرين وجدعنتهم الى بتيجى فى الاخر على دماغهم
انت شكلك ممشيها انجليزى انا ساعات بقول لنفسى ليه معملش كده يعنى الى بيوفر ده احسن منى
بس انا فيا عيب غبى انى بتحرج او بتكسف وده مينفعش الزمن ده خالص
ومتزعلش من ردود اخوانا الاعضاء وردودهم دى ان دلت فتدل على كرمهم وانهم ناس خدومه جدا
بس زى مقولتلك الى انت بتعمله ده فى حد زاته صح مش غلط

شكرا علي ردك الجميل و طبعا مش ممكن أزعل من حد من الأخوه الأعضاء .. بس انا كنت مستني حد يقوللي ان اللي انا بعمله ده صح ( أو علي الأقل مش غلط ) بغض االنظر عن هوا بيعمل ايه

[ahmedsamir5edr]

انا عندى رأى ممكن يريحنا كلنا .

اى حد يبدأ بنفسه يعنى مثلا لو انا حركب مع صحابى انا اقول اننا لازم نقسم فلوس البنزين و اصمم على كدة دا و انا مش فى عربيتى .
فا بالتالى هما لما يركبوا معايا حيعملوا كدة منغير لما اقول .
لان حنكون اتعودنا على كدة ولاحظوا ان احنا طلبة و بناخذ مصروف فاكيد حتفرق معانا جداا.
كمان هما حيدفعوا البنزين . بس صاحب العربية بيتحمل كل حاجة تانية زى تغيير الزيت وكدة ... ناتج عن الكيلومترات الكثيرة واستهلاك حجات كتير فى العربية... كدة يعنى ...
بصراحة الموضوع عاوز احساس من الناس الى معاك فى العربية يكفى ان احنا نكون راكبين حاجة محترمة مش بهدلة مواصلات.
وكل واحد بقى و زوقه

الله عليك
انا بتفق مع الكلام دا ..........


بس اعتقد ان خروجة عادية 30 -50 كيلو مش حتبقي كتيرة كاستهلاك بنزين خالص...

انا شايف ان دا يطبق فالسفر اساسا و لو خروجة طويلة " الرحاب مثلا او العبور

خروجتنا الأساسيه الرحاااااااااااااااااااااب

اوعى تفتكر ان كل اللي اعرفهم كده !!! ..ده البراشوتات اللي اعرفهم عددهم اضعاف الناس دي ...بس انا بعرف احرجهم بالذوق وبمنتهى الادب .. بس اللي معندوش دم ولا احساس ..بسيبه يركب معايا وامري لله ...

الحمد لله البراشوتات عندي قله قليله
و انا تقريبا ما بتكسفش

[ahmedsamir5edr]

شكراااا لكل الساده الاعضاء علي المشاركات الجميله

[mr_sameh]

انا طبعا عمري ما عملت كده لان انا شايف ان الموضوع بسيط

[fady.bekatcho]

انا بقى علشان فى بنى سويف واجدع يوم تلف فية ممكن يعمل 30 كيلو فطبعا مش بطلب من صحابى بس انا محكوم شوية لانى لسة طالب وكدة فليا 20 لتر فى الاسبوع والعربية بيركبها 3
وبتخرج الصبح وبليل وبيكفونا هتقلى ازاى اقلك ما اعرفش

بس ساعات بتيجى على خامس يوم وتبدا تشطب اروح حاطط انا واخويا من جبنا بنزين

بس الصراحة حصلت مرتين كان العربية فاضية ومركونة وواحد صحبى هو انتيمى ومع بعض علطول هو الى عرض عليا يمونها
ومرة كنا رايحين نقضى يوم فى الشرق ونعمل حفلة شوا
المهم احنا كنا حوالى 10 افراد قلنا لكل واحد هيدفع 25 جنية هنجيب الاكل والحاجات والباقى هنحط بية بنزين فى العربيتين ودا كان اتفاق بينا وعملنا كدة لاننا كلنا صحاب ومافيش حرج بينا
المهم لقينا نفسنا بنحط فى الاخر لكل عربية بحوالى 30 جنية للعربية الواحدة

وفى موقف تانى بس دا اتحرجت فية اوى
كان فى صيانة ال5000 وفى نفس الوقت فرح واحد صحبى فانا طلبت من ابن عمة انة يجى بالعربية علشان نعمل صيانة ال5000 لانى كنت فى مصر وعمرى ما طلعت على طريق سفر
العربية جات وقعدت معاة 3 ايام وكان محافظ عليها ولا كانها عربيتة
واحنا راجعين لقيتة بيفول العربية قبل ما نطلع واحنا فى الشروق واصلا من اول ما طلعنا من الشروق رحنا الشرابية ورجعنا المعادى ناخد كل حاجتى من هناك لانها كانت اخر سفرية فى التيرم كنت خلصت امتحانات وسافرنا بنى سويف بعد كدة ما خدش كل دة 10 لتر على بعض مش عارف ازاى واتبقى فى العربية اكتر من 3\4 التنك وما راضاش ياخد ولا مليم

[Usama Nagi]

انا رايي مع ان الواحد ما يحاسبش صحابه في المشاوير داخل المدينة اما السفر فتقسيم البنزين و المشتروات احسن حاجة علشان الواحد ما يتحملش العبأكله لوحده و دي تخليه يبطل يعملها تاني

[factorialx]

لو سفر يدفعوا ضبعا

[dodocai]

هذا الموضوع يعتمد على مدى احساس الأخرين بالمشاركة ومدى تقبل صاحب السيارة للمشاركة أيضا ، الموضوع نسبى يتفاوت من شخص لأخر ويتدخل فيه مدى العلاقة ما بين الأشخاص وبعضهم البعض وأيضا الامكانيات المادية وخاصة إذا كانت التكلفة كبيرة.

وبصفة شخصية لا أقبلها ، تسبب احراج كبير حتى لو عرض صديقى المشاركة.


تحياتى

[ahmedsamir5edr]

شكرااا علي التفاعل و الردود الجميله

[N.a.j.d]

كلنا نتشارك ف مصروف البنزين

[SAMEH_FOUAD]

مع احترامى لكل الاراء السابقة ,انا لية وجهة نظر فى الموضوع

انا مش شايف فيها حاجة لما اصحابك يشاركوا فى بنزين العربية ,حتى لو كنت بتشتغل وليك مرتبك
لانكوا لو ركبتوا تاكسى ومثلا انتوا اربعة ورايحين مشوار بعيد هتلاقى كل واحد فيهم دافع مش اقل من 5 جنية فاية المشكلة لما هما يجمعوا الفلوس دية ويديهوالك تمون بيها واهية عربية معاكوا تقدروا تروحوا وتيجوا براحتكوا فى اى مكان
لكن حرام حضرتك تتحمل مصاريف بنزين شخصية ليك ,مصاريف فى الخروجة نفسها سواء من اكل او اى مصاريف اخرى ,وكمان انك تمون العربية تانى ,يعنى لو انت عملت الخروجة دية فى الاسبوع مرتين يبقى هتلاقى نفسك بتصرف فى اليوم دة مش اقل من 70 جنية
دة غير ان ممكن يكون مافيش حد غيرك معاة عربية فلازم يخرجوا بعربيتك
انا عن نفسى بعمل الاتى :
احنا لما بنخرج مش بنروح مكان واحد لأ اكتر من مكان فبيبقى تقريبا عدد الكيلو مترات حوالى 80 كيلو ,فمثلا بيبقى معايا اتنين فى العربية او تلاتة فبخليهم يجمعوا مثلا 15 جنية وعادى جدا هما اصلا اللى طلعوا القرار دة .
لو مشوار اقل من 40 كيلو مش باخد حاجة خالص لانى حتى ممكن ماتكلفش بخمسة جنية بنزين
ودة لاسباب :انى مش احسن منهم احنا كلنا زى بعض فى الاخر شباب حتى لو بنشتغل كلنا وطالما بنخرج مع بعض يبقى كلنا نشيل مصاريفنا مع بعض ,لانك مش بتتحمل بس مصاريف بنزين ,لأ انت بتتحمل مصاريف استهلاك سيارة كمان وطبعا عمرك ماهاتيجى وتقول انتوا ركبتوا معايا يبقى تتدفعوا فى التصليح .
دية وجهة نظرى وطالما هما اخواتك مش اصحابك بس عادى لكن لو حد ركب معاك مرة صدفة كدة لا طبعا استحالة وعمرى ماهاقول كدة لحد انا مش متعود علية .ودة حقك وفلوسك