مركز نايل موتورز لدهان وتجديد السيارات

[Karim_Monir]

أنا استلمت العربية الحمد لله جديدة بتلمع من غير خدش, و متنضفة و مغسولة و حاجة آخر دلع .. قدورة اخد كام صورة لزوم الدعاية, و انا مسامح في نصيبي .. ربنا يكرمك و يبارك لك يا كريم :-)

الف مبروك يا احمد
وربنا يباركلك فيا وماتجيش عندنا غير عشان تتلمع بس
عربيتك كانت قرفتها حلوة قوي انت وقاسم دماسري
ربنا يباركلك فيها ويكفيك شرها ويدلك خيرها كله

[Karim_Monir]

لسه راجع من الورشة والحمدلله استلمت العربية وماشاء الله العربية جميلة ورجعت تانى جديدة والشكر لطاقم العمل فى ورشة نايل موتورز

شكرا للكار كير اللى اتعمل فى العربية وشكرا للمفاجأة الجميلة يا استاذ كريم

الله يباركلك فيها يا قاسم
وعربيتك خلصتبرضه بسرعة جدا عشان عارف قد ايه كنت مستعجل عليها
ربنا يباركلك فيها ويدلك خيرها ويكفيك شرها
وشوف العفشة اخبارها ايه جري ومطبات
ولو في اي مراجعة ترجلعنا فورا

[Karim_Monir]

ده فعلاً للأسف!:b4_556:

bb

بس عربيتك طلعت فل يا عم
ربنا يباركلك فيها
بس ماتبقاش تكيس الاكصدام القديم تاني عشان مايضيعش
وكويس انك لاقيته
وسلامي لبابا

[meza]

بس عربيتك طلعت فل يا عم
ربنا يباركلك فيها
بس ماتبقاش تكيس الاكصدام القديم تاني عشان مايضيعش
وكويس انك لاقيته
وسلامي لبابا

ههههههه ... أنا إطحنت فى الكام يوم اللى قعدتهم دول .. بس إتعلمت حاجات كتير و مصطلحات جديدة .. زى سوكة مثلاً كنت بسأل نفسى دايماً يعنى ايه البتاعة دى

العربية طلعت تمام التمام الحمد لله ... فاضلها بصة كده من أحمد عشان لو فيها حاجة عشان استلمتها بالليل و كنا مستعجلين .. هو بس اللى زنقنى أخر كام يوم حوارات التأمين و القرف ده.
هخلصه بس و أروح أقضى يوم تانى فى الحرفيين و يمكن أعملها شغل فيبر على خفيف كده من عند بسام بالمرة.

[SHADOWGHOST]

متشكر علي ردك يا استاذ كريم بس هي المشكلة بالنسبة ليا موضوع الوقت لاني مقدرش استغني عن اعربيةاليومين دول الفترة الكبيرة دي واول ما اكون فاضي اكيد هسمكرها تمام بس حاليا مضطر امشي بيها كده واهي ماشية وبتقول بيب بيب وخلاص

[joo_84]

السلام عليكم ورحمة الله وبركاته
اولا الف مبروك يا استاذ كريم على الورشه وربنا يباركلك فيها
ثانيا انا عندى خبطه فى العربيه لوجان 2011 فى الكصدام من قدام ومحتاجه شوية سمكرة بالاضافة الى بعض الخدشات والجروح السطحية
كنت عايز اسال حضرتك المكان فين بالظبط وانا داخل الحرفيين رايح على السلام

[Karim_Monir]

وعليكم السلام
وانت داخل الحرفيين عند نقطة شرطة الحرفيين اسئل عن مدرسة عمار ابن ياسر في بلوك 20
الورشة لازقة في المدرسة
هاتدخل من جنب عبد السلام حسن بتاع ال بي ام تاني شمال تلاقي المدرسة في وشك

[HeMa_LanCeR]

استاذ كريم :)
انا عايز اعمل الماتريكس بتاعت اخويا
سمكره (حاجات خفيفه ما عدا خبطه في الرفرف الخلفي)
ودوكو كامل
فا ممكن اجي لحضرتك بكره ؟!

[kimoboy]

السلام عليكم ورحمة الله وبركاته
اولا الف مبروك على الورشه وربنا يباركلك فيها
انا كنت عابز المع العربيه و كنت عايز اعرف ماهى الخطوات اللى ببتعمل وهل المواد المستخدمه مستورده
اخبار الأسعار اية
هل فيه عروض

[msunix]

الصوره مش عايزه تترفع مش عارف ليه على العموم حضرتك ممكن تبص عليها هنا

megaupload - the leading online storage and file delivery service

انا عندى نفس الخبطة قدام كمان فى الرفرف زيها من ورا بالضبط بس اعمق شوية
ياترى يتكلف كام ردها ودهانها؟؟؟

[Karim_Monir]

هيما ايوة تنورني موجود ان شاء الله
كريم باشا عرض التلميع باستخدام تلميع وغسيل مواد محلية واخر وش واكس فورميلا ب 150 بدل 200
معلش لازم اشوف العربية بنفسي
تحياتي

[kimoboy]

انت بطلت تستخدم سونكس

هيما ايوة تنورني موجود ان شاء الله
كريم باشا عرض التلميع باستخدام تلميع وغسيل مواد محلية واخر وش واكس فورميلا ب 150 بدل 200
معلش لازم اشوف العربية بنفسي
تحياتي

[aymanshebl]

استاذ كريم انا محتاج مساعدتك ضرورى

يا ترى الخبطة دى تتعمل ازاى باقل خسائر يعنى من غير رش و هل ينفع تترد على البارد كلها بالرفرف و بقلم بويه او بويه بلون العربية مع فرشاة و هتتكلف كام علما بان العربية زيرو موديل 2011 النترا الشكل القديم

الصور

[aldl]http://img163.imageshack.us/img163/7910/pic1sm.jpg[/aldl]

[aldl]http://img705.imageshack.us/img705/1949/pic2vo.jpg[/aldl]

[aldl]http://img710.imageshack.us/img710/4994/pic3ph.jpg[/aldl]

[aldl]http://img685.imageshack.us/img685/8504/pic4fyh.jpg[/aldl]

و شكرا

[Karim_Monir]

للاسف ماينفعش تتعمل على البارد من غير رش
لازم دقدقة ورشة سواء للباب او الرفرف
وانا عربيتي خدت نفس الخبطة بالظبط
وبالنسبة للرفر يتعفر بس لكن الباب لازم يترش لانه تحت عضم

[lela]

تهنئة

الف مبروك بجد فكرة جميلة ان شاء الله هتلاقينى عندك بس مش دلوقتى شوية كده بالتوفيق ان شاء الله