مركز نايل موتورز لدهان وتجديد السيارات

[sedyrohy]

انا ضيفت طلب في موضوع باسم فايبر لتعديل الفايبر بس مش لاقي رد قولت احط الطلب هنا

عايز اعمل سبويلر مسطره زي الي في الصور يتكلف كام بالرش او من غير رش

[Abdelrahman.H]

انا ضيفت طلب في موضوع باسم فايبر لتعديل الفايبر بس مش لاقي رد قولت احط الطلب هنا

عايز اعمل سبويلر مسطره زي الي في الصور يتكلف كام بالرش او من غير رش

نيابة عن كريم منير ....

دي ردوده أكثر من مره على عدم قدرة بسام في الرد على الاستفسارات في الموضوع ... و كريم مش حيقدر يفيد الأعضاء اللي بتسأل على شغل بسام لأنه مش مجال تخصص كريم ...

اللي عايز يسأل على حاجه يتصل ببسام شخصيا أو يروحله الورشه

السلام عليكم ورحمه الله وبركاته

وكمان بنعتذر ان بسام مابيقدرش يدخل انترنت فا مش هايقدر يرد على اي تساؤل هنا
اللي عايز يقدر يكلمة على الموبايل مباشرة
وفيه ميزة كمان ان ورشة بسام جنب ورشة نايل موتورز لتجديد السيارات مباشرة يعني لو هاتعمل عند بسام شغل هاتشوف شغلنا ان شاء الله
وفي صور هنا كتير اللي اتعمل فيها شغل فايبر واصحابها اخدوها يرشوها برة
واللي اترشت في ورشتنا باينة في الصور ومنورة طبعا :-)

مكان بسام بلوك 20 في الحرفيين ورشة بسام فايبر لتعديل السيارات خارجيا

تليفون 0105284741


تحياتي
كريم منير

=======================

يا جماعة بعتذر انا مش متابع الموضوع
انا كتبت الموضوع واضفت الصور فقط لعدم القدرة الفنية لصاحب الاعلان
اللي عايز يستفسر عن شيئ يقدر يكلمة تليفونيا او يزوره ويشوف الكيت على العربية عملي
وهو عنده تشكيلة كبيرة جدا جاهزة او صور او اسطمبات
تحياتي


=======================

معلش يا جماعة انا نزلت الموضوع بدل بسام لانه مايعرفش يرفع صور
لكن اللي عايز يسئل عن حاجة يقدر يكلمة مباشرة
انا مش بشتغل مع بسام :-)
تحياتي

[Karim_Monir]

saddam جنب مدرسة عمار ابن ياسر الابتدائي

postagy نورنا والمناسب يتعمل ان شاء الله

simsim1
توصل لغاية نقطة الحرفيين ومنها تسئل عن مدرسة عمار ابن ياسر الورشة لازقة فيها
osama_i قدر الله وما شاء فعل
معلش مش شايف الصور عشان البروكسي
معظم الشغل البلاستيك له تصليح ان شاء الله بالذات الاكصدام الشبكة لو اتعوجت هاتجيب غيرها وفي تايواني مش غالي

sedyrohy بالظبط زي ما عبد الرحمن رد وشكرا جدا على رده
فعلا كلم بسام يفيدك اكتر مني

تحياتي

[maeo]

السلام عليكم يا استاذ كريم
انا دى اول مشاركه ليه فى المنتدى الجميل بتاعكم دا و واضح انك محل ثقه الجميع ربنا يباركلك
انا معايا شيفوليه افيوا 2010 فابريكه ولسه ماتعملس فيها حجاه بره التوكيل بس اتبهدلت شويه من بره كذا خبطه وكميه خرابش كبيره جدا وكنت عاوز اعرف الموضوع هيتلف فى حدود كام وهل ودا الاهم بعد ما تتعمل هيبان ان العريه مرشوشه والكلام الفاضى اللى الواد بيشوفه فى تقفيل الشغل والكام دا

[إبراهيم المصرى]

اللهم صل على محمد وعلى آله وصحبه أجمعين مبرووووووك من الاعماق والى الامام وبالتوفيق يارب

[mahmoud9177]

استاذ كريم شكرا على مجهود الرائع انا عندى كيا سيراتوا 2011 بس من يومين واحد ربنا يسمحوا حاطت حجر على ناصية الشارع بس وانا بلف جالى واحد فى الاتجاة العكسى فحكيت فى الحجر عند العتب الخلفى اليمين ومدايق منها هل ممكن مساعدة مع العلم انى مشترى ضمان امان الشرق ومأمن فى مصر للتأمين فهل دا يفيد

[rahmanboud]

ألف مبروك وربنا يكرمك ويبقى مركز كبير ومتكامل

[Karim_Monir]

maeo شرفنا ونعاين العربية عالطبيعة لتحديد التكلفة

mahmoud9177 معلش بسيطة يتسمكر العتب ويترش وترجع زي الفل
لو مامن انت بتاخد بوليصة تامين ويوافقو عليها وترجع نشتغل في العربية

rahmanboud شكرا جزيلا لذوقك

[kamalpoop]

أريد أن أسال عن سعر دينمو سيارة رينو ميجان 2006 عاااااجل جداااا

[Karim_Monir]

الورشة لدهان وتجديد السيارات وليس لقطع غيار السيارات
تحياتي

[Ayman-Ahmed]

السلام عليكم ورحمة الله وبركاته

ازيك ا/ كريم.

اولا : عمرة مقبولة بامر الله.
ثانيا : كل سنة وانت بخير وسلامة.

كلمتك النهاردة وكان الموبايل غير متاح فكلمت شريكك بشمهندس احمد.واتفقت معاه على بكرة بامر الله عشان مقايسة اكصدام للتامين ونبص على اسعار الاكصدام الجديد.

بس كنت محتاج اعرف تكلفة المصنعية ممكن تتكلف فى حدود كام من اول فك الاكصدام القديم لحد تركيب الاكصدام الجديد مع رشه طبعا.وتاخد وقت اد ايه تقريبا.

ومعلش اخر سوال : لو جاى من التجمع وطلعت دائرى الاسكندرية الزراعى اعمل ايه بعد كده ولا اسهل اجى من ناحية السندباد ؟

مشكور.

[Ayman-Ahmed]

السلام عليكم ورحمة الله وبركاته

مشكور ا / كريم و احمد قدورة والصنايعية المتميزين على الشغل الجميل.

طبعا بعد ما اتفاجئت بسعر الاكصدام الجديد فكان الاصلح ليا اننى اصلح القديم وارشه وقد كان واتفقت مع قدورة على الفك والتركيب واللحام والرش وكله والتكلفة كانت 250 جنيه شاملة كل اللى فات .

الوقت : يومين من الساعة 12 ض لحد 6 م

الصنايعية مريحين وشغلهم ممتاز .

ظبط اللون : حاسس بفرق بسيط فى الشمس (الاكصدام اغمق).

التقفيل : ممتاز

المعاملة : فوق الممتازة واحترام جميل وامانة.

المحصلة : شغل رائع وارخص واحسن من اللى كنت بتعامل معاه.

مشكورين.

[sheko_2000eg]

كريم باشا انا هعدل البي ام بتعتي انشاء الله خارجيا
و هروح لبسام يوم الخميس و انشاء الله هعدي علي ورشة نايل موتورز
علشان اشوف اسعار رش الفايبر للهيعملو بسام كام - هو مفيش خصم للعضاء ;)
و الي الامام و الف مليون مبروك يا باشا

[Karim_Monir]

ايمن باشا نورتنا معلش لسه راجع من العمرة والحمد لله ان الشغل عجبك

شيكو تنورنا ان شاء الله

[HADEDA]

االف مبروووووك