مركز نايل موتورز لدهان وتجديد السيارات

[eslamgalal]

ازيكو يا رجالة
كونت عند بتاع الكاوتش علشان اشترى استبن علشان كان بايظ الراجل بص على الكاوتش الاربع فيرد قالى بلاش تسافر بالعربية اولتلة لية قالى علشان الكاوتش ناشف ممكن تمشى بالعربية جوا البلد بس عايز افهم يعنى اية ناشف

[Karim_Monir]

باشا انا عربيتى 128 وكنت عايز اظبت العفشة بتاعتها وعايز اسقطها الشغل دة عندك ولا لاء

لاء يا باشا معلش الشغل ده مش عندي

[Karim_Monir]

الف مبروك يا كريم و ربنا يكرمك يا رب و انا عايز اجيلك اعمل شوية حاجات فى العربية الاسبوع القادم ان شاء الله.

تنور يا استاذ مجدي في انتظارك ان شاء الله

[Karim_Monir]

أنا إتعاملت مع أحمد قدورة من خلال العقيد

وصراحة زعلني جدا ... كنت برش إكصيدام وشنطة وإكصدام خلفي ... وكان الإكصدام كله فيه تسييل ... أنا طلبت إنه يترش برة العربية بس هوا أصر إنها تترش على العربية ... وإكتشفت إن الإكصدام من تحت مش مرشوش

هو كصنايعي محترم ومؤدب ... بس صنايعي برضه يعني الواحد لازم يراجع على كلامه ويتأكد من شغله

وبالمناسبة أنا كنت قابلت حضرتك يا أستاذ كريم يوميها عند العقيد وهوا قالك على الحتة ديه :) ... وكنت برش عربيتي لانسر فضي

وأرجو ان يتسع صدرك لنقدي يا أستاذ كريم ...

طبعا يتسع صدري لنقدك ونقد 101 الف اعضاء المنتدى :-)
شوف انت اتعاملت مع قدورة من خلال العقيد خالد وليس من خلالي
والعقيد خالد صديقي واخي الكبير
لكني على معرفة بقدورة من اكتر من 10 سنين
وتقدر تقول كدة بقيت عارف من اين تؤكل الكتف
يعني باختصار (الدواء بيشفي لكن الجرعة الغلط بتقتل)
اهو بالظبط كدة
كل صنايعي ليه مواطن قوة ومواطن ضعف
وانا عرفت ازاي اخرج احسن ما عند قدورة بطريقتي
عشان كدة وزي مانت شايف وقول ما شاء الله كل صور العربيات اللي فاتت واللي انت شايفها بداية من العربيه ال 213 لغاية ال 523 موديل 2011 بفضل الله وكرمه محدش دخل علق وقال في حاجة مش عاجباني في الشغل
بفضل الله الكل بيكون راضي
وده مش شطاره
ده فضل من عند الله واجتهاد وتوفيق
وابقي اتفرج على عربيتي فضي ولسه معمولة برضه
وحصل حتت تسييله صغيرة واتسحقت في ساعتها واتلمعت وانتهى الموضوع على طول
تقدر تقول انا مراجع الجودة بتاع الموضوع :-)
تحياتي

موضوع جميل يا استاذ كريم انا عصام لسه عضو جديد وعندى عربيه ريتمو 65 وعايز اعدلها لريتمو ريجاتا يعنى اركبلها نص قدام ممكن اعرف ينفع ولا لا والتكلفه كام وجزاك الله كل خير

[color="rgb(0, 100, 0)"]للاسف مش عندنا يا استاذ عصام
مفيش حاجات فيات في الحرفيين اصلا هاتلاقيها في عزبة شلبي
تحياتي[/color]

[hamahomo]

الف مبروك وبالتوفيق دائما ان شاء الله

[azeemov]

الاخ العزيز أستاذ كريم
بالاشارة للبوستات السابقة بخصوص تركيب نص أمامي أو تظبيط عفشة وكلامك ان دا مش عندك
كان الكلام في البداية انكم ممكن تكونوا وسطاء مع صنايعية بمعرفتكم
""النشاط الرئيسي للورشة هو دهان وتجديد السيارات
لكن طبعا لو جت عربية فيها خبطة هانوديه لسمكري بمعرفتنا
ولو فيها شغل كهرباء هانوديها لكهربائي بمعرفتنا
عفشة -ميكانيكا- الخ الخ
يعني من الاخر هاتسلم عربيتك وتقول فيها شغل كذا وكذا
وقبل ماتمشي هاتكون عارف تكلفتها كام لو خبطة او دهان
اما لو اصلاح شيئ معين لن يتم اصلاحه قبل موافقتك على التكلفة""
فهل ممكن أجيب عربيتي وتوسيطكم لمعرفة عفاريتها عند عفشجي وكهربائي وما يستجد بخصوصها من معارفكم وأخذ روشتة اصلاح مع دفع ثمن الاستشارة طبعا ولو مطلوب قطع غيار من التوفيقية أو عزبة شلبي أجيبها وتركبوهالي.
المشكلة مش قطع الغيار منين ،المحلات الامينة والتجار الشرفاء موجودين، المهم التركيب صح عند صنايعي بيفهم ما ياكلنيش ويستغل غشوميتي
""والموضوع استغلال لشبكة علاقاتي ومعارفي في الحرفيين عشان يستفيد بيها كل اعضاء وزوار المنتدى
لان كتير مننا بينزل يعمل شغل عند صنايعي ويتخم او يتعمل علية شغل والحاجة اللي ب 10 ياخدها ب 30 و 40 نتيجة قلة الاحتكاك بالفئة دي
وعشان مجال السيارات عشقي من زمان
وبعرف اتعامل مع كافة الصنايعية فيه وعارف الصالح من الطالح""
تذكر اهدافك التي احترمتها بمجرد قراءتها
""الاول نوعيه الفنيين اللي بيشتغلو في العربية وده سبب تمسكي للمشروع لاني اعرف الكويس من اللي بيفتي
الغالي من الرخيص
المعقول وشاطر واللي شاطر بس اسعاره نار
والثاني هو توفير وقت ومتابعة ومناهدة ومشاوير مع فئات كتير منكم مابيعرفش يتعامل معاها""
فهل مازال هذا الموضوع قائما أم تم قصره على سمكرة ودوكو فقط
ولكم كل الشكر

[gogo30568]

الساده أعضاء نايل موتورز الكرام
السلام عليكم ورحمه الله وبركاته
اخواني في جميع اقسام المنتدى
تحيه طيبه وبعد
انا جودت نبيه احد أعضاء المنتدى ولكن وللحقيقه فأني قليل بل نادر المشاركه واعتبر ان هذا تقصير مني ولكن ان شاء الله سوف اكون من اكثر المهتمين به في الفتره الاخيره ولكن ما جعلني اسرع واكتب اليكم تجربتي هوا شيء واحد وهو انه قليلاً في مثل هذا الزمن الذي نجد به اناس محترمون تثقون بهم دون شرط سابق المعرفه الشخصيه بصراحه وعشان ما اطولش عليكم وادي كل ذي حق حقه انا بأقصد من كلامي ده واحد مميز جداً في المنتدى الكريم ده واحد لا يعرفني ولا اعرفه قبل كده ولا شوفته ولا شافني قبل كده وعلى الرغم من كده كل ما اتصل بيه في مشكله آخد رأيه فيها الراجل بدون تردد يقولي اعمل ايه من ساعه ما اشتريت العربيه بتاعتي لحد دلوقتي على فكره انا عربيتي كيا سيراتو خليجي 2010 مانيوال وكان معايا في كل خطوه مهمه طلبته فيها وآخر حاجه حصلت ما بيني وبينه كعادته ما خيبش ظني على الرغم ايه اني مش بدخل كتير على المنتدى واتصالاتي بيه دايماً قليله ومع ذلك الراجل كان معايا راجل كعهدي بيه حبين تعرفه مين هوا اللي بتكلم عنه ده المفروض ان كل اعضاء المنتدي عارفه لأنه اكيد مع الكل كده برضه واعتقد ان اي حد لجأ له في حاجه متأخرش عليه زي وهو اشهر واحد في المنتدى هنا طبعاً هوا الاستاذ الراجل الجدع كريم منير لأني مهما قولت عليه مش حا أوفيه حقه اسمحولي بقى اقولكم على الحدوته بتاعتي اللي حصلتلي اليومين اللي فاتو وتحديداً يوم الاربع اللي فات الساعه 9.15 الصبح يعني على غيار الريق كده والواحد بيقول يا فتاح يا عليم يا رزاق يا كريم وانا ماشي في الطريق اللي مليان ميكروباصات واحد منهم ابن .... كان واقف على جمب الطريق عادي بينزل او بيركب حد وفجأه اتحرك بزاويه جامده ناحيه الشمال وانا جاي مندفع ستر ربنا لحقت اقف لكن اللي ورايا فرمل وزحف بتاع 2 متر ولبس في العبد لله من ورا طبعاً أتعكننت على الصبح وانا اصلاً مش بتاع خناقات ولا اعرف ادافع عن نفسي وحظي وقع مع بغل دي اقل ما يقال عنه ( اسف على اللفظ ) لكن طبعاً لميت نفسي بعد كام كلمه متبادله مع بعض ومشيت ولا عملت محضر ولا فكرت في شركه تأمين ولا حاجه خالص كنت رايح مشوار مع الحاج والدي لوسط البلد وانا هناك دماغي شغاله اعمل العربيه فين فكرت اروح لمركز الصيانه اللي بعمل عنده صيانه العربيه بتاعتي ( تكنو وان ) طبعاً كلكم عارفينه والاستاذ كريم هو الله يباركله اللي عرفني عليه ساعه لما كنت بعمل ضمان العربيه المهم قولت لأ وافتكرت اني في مره من المرات القليله اللي كنت دخلت فيها على المنتدى اني قريت موضوع أ. كريم بتاع ورشه نايل موتورز قولت بس مافيش غيره منقذي وفعلاً اتصلت بيه واتفاجئت ان نمرتي محفوظه عنده لاقيته بيرد عليا وبيقولي صباح الخير يا أ. جودت والله اتكسفت منه ماهو في ناس كده تتكشف من ادبها معاك عشان هيا اصلاً محترمه وولاد اصول طبعاً بعد السلامات حكيتله على الموضوع قالي اروح على الورشه بتاعته اللي في الحرفيين عند واحد معين اسمه احمد قدوره مش قدوره يعني في 2 واحد اسمه احمد قدوره وواحد تاني اسمه قدوره قالي روحله وهوا حايعمل معاك اللازم ووصفلي مكانها وفعلاً روحت وقابلت احمد قدوره ولد محترم ماهو الطيور على اشكالها تقع وحكيت له الموضوع وقولت بالمره الم الل موجود في العربيه ماهي حاتترخص الشهر اللي جاي ان شاء الله الكلام ده يا جماعه يوم الاربع ماتنسوش احمد قالي تستلمها على يوم الجمعه قولتله لأ انا عايزها بكره ( الخميس ) قولت اجرب اضغط عليه واشوف حايعمل ايه بصراحه الراجل فكر شويه وقالي صعب بس عشان خاطر أ. كريم حاحاول واتفقت مع أ. كريم على كل صغيره وكبيره من حيث التكاليف والتسليم وبصراحه الراجل كان ذوق معايا جداً في موضوع التكاليف ده وكان كريم اسم على مسمى وفعلاً يوم الخميس الساعه 10 بليل كنت مستلم العربيه قبلها يوم الخميس الصبح أ. كريم كان متابع معايا درجه اللون بتاعه العربيه وقالي هيا لازم تاخد نفس نوعيه لون بلدها وطبعاً انا ماقدرش افتح بقى معاه وروحت فعلاً في الميعاد لاقيت العربيه جاهزه وكل المطلوب اتعمل فيها
اهم حاجه عندي في الموضوع ده اللي كنت ملاحظها هي الاحترام في المواعيد والمعامله والشغل وحاجه الواحد والله يفرح بيها طبعاً انا مش بعمل دعايه ليه ولا حاجه الراجل غني عن اي دعايه ومش انا كمان اللي حاقدر اوفي الراجل حقه لكن دي شهاده لله ولاقيتها فرصه اني اقولكم على اللي حصل عشان اي حد بيفكر يعمل عربيته ما احنا اولى من العالم اللي بره وبعدين هوا واحد نعرفه والتجربه خير برهان انا صورت العربيه بتاعتي بعد ما خلصت بس كان نفسي اصورها قبل ما تتصلح عشان تشوفو الفرق على العموم انا حاسيب رقمي لأي حد يحب يستفسر مني على حاجه 0126585324
آخر حاجه احب اختم بيها اني احب اشكر أ. كريم على كل اللي عمله معايا وعلى احترامه لمواعيد التسليم وعلى معاملته الممتازه مع الواحد وبطلب منه مايكونشي زعلان مني عشان تقصيري مع المنتدى وكمان لازم برضه اشكر احمد قدوره الولد الجدع واقوله تسلم ايدك وان شاء الله ربنا يكرمك انت و أ. كريم وتكبرو الورشه بس احمد قدوره فيه عيب واحد بس لو عرف انه يتخلص منه حايبقى زي الفل عيبه انه زملكاوي هههههه
انا ان شاء الله ححاول ارفع صور العربيه بعد ما تصلحت
والسلام عليكم ورحمه الله وبركاته

[sabry7]

السلام عليكم ياستاذ كريم دى تانى مرة ادخل المنتدى وكنت سالت حضرتك قبل كدة على عربية ريجاتا وتخلصت منها المهم ماطولش على حضرتك حبت اجيب عربية تانية على اد فلوسى دخلت المنتديات واعت اقراء وادور ماعجبتنيش الا العربية البولونيز مع ان معظم الناس مابتشكرش فيها وبرد ةعاجبتنى لقوة تحملها ووسعها وهو المطلوب فارجو من سيادتك تدينى رايك فيها عن طريق معارف حضرتك من ميكانيكى وسمكرى وعفشجى عن الشغل فيها يعنى سهل سمكرتها والسمكرى بيشتغل فيها عادى ولا مقرفة فى سمكرتها والميكانيكا بتاعتها سهلة واى ميكانيكى يشتغل فيهأ وكذلك الكهربائى وقطع غيارها سهل تواجدها ولا فى حاجات مش موجودة فيها وارجو من سيادتك سرعة الرد لان فى امامى سيارة ومحتاجة بعض السمكرة وطبعا الدوكو واريد راى حضرتك علشان لو ربنا كرمنا فيها اجى اعملها عند حضرتك علشان اشوفك انت والاسطى احمد قدورة اللى الواحد حبكم من كتر ماقراء عنكم من اخواننا فى المنتدى ولك جزيل الشكر

[Karim_Monir]

الاخ العزيز أستاذ كريم
بالاشارة للبوستات السابقة بخصوص تركيب نص أمامي أو تظبيط عفشة وكلامك ان دا مش عندك
كان الكلام في البداية انكم ممكن تكونوا وسطاء مع صنايعية بمعرفتكم
""النشاط الرئيسي للورشة هو دهان وتجديد السيارات
لكن طبعا لو جت عربية فيها خبطة هانوديه لسمكري بمعرفتنا
ولو فيها شغل كهرباء هانوديها لكهربائي بمعرفتنا
عفشة -ميكانيكا- الخ الخ
يعني من الاخر هاتسلم عربيتك وتقول فيها شغل كذا وكذا
وقبل ماتمشي هاتكون عارف تكلفتها كام لو خبطة او دهان
اما لو اصلاح شيئ معين لن يتم اصلاحه قبل موافقتك على التكلفة""
فهل ممكن أجيب عربيتي وتوسيطكم لمعرفة عفاريتها عند عفشجي وكهربائي وما يستجد بخصوصها من معارفكم وأخذ روشتة اصلاح مع دفع ثمن الاستشارة طبعا ولو مطلوب قطع غيار من التوفيقية أو عزبة شلبي أجيبها وتركبوهالي.
المشكلة مش قطع الغيار منين ،المحلات الامينة والتجار الشرفاء موجودين، المهم التركيب صح عند صنايعي بيفهم ما ياكلنيش ويستغل غشوميتي
""والموضوع استغلال لشبكة علاقاتي ومعارفي في الحرفيين عشان يستفيد بيها كل اعضاء وزوار المنتدى
لان كتير مننا بينزل يعمل شغل عند صنايعي ويتخم او يتعمل علية شغل والحاجة اللي ب 10 ياخدها ب 30 و 40 نتيجة قلة الاحتكاك بالفئة دي
وعشان مجال السيارات عشقي من زمان
وبعرف اتعامل مع كافة الصنايعية فيه وعارف الصالح من الطالح""
تذكر اهدافك التي احترمتها بمجرد قراءتها
""الاول نوعيه الفنيين اللي بيشتغلو في العربية وده سبب تمسكي للمشروع لاني اعرف الكويس من اللي بيفتي
الغالي من الرخيص
المعقول وشاطر واللي شاطر بس اسعاره نار
والثاني هو توفير وقت ومتابعة ومناهدة ومشاوير مع فئات كتير منكم مابيعرفش يتعامل معاها""
فهل مازال هذا الموضوع قائما أم تم قصره على سمكرة ودوكو فقط
ولكم كل الشكر

خلاص طالما المشتريات هاتكون تبعك يبقي مفيش مشاكل
انا بانأي بنفس عن الشبهات خاصة في شراء المستعمل لانه بدون فواتير
انت مش بعيد عننا
عدي عليا في اي وقت ونشوف اللي يتعمل في العربية ان شاء الله
تحياتي

[Karim_Monir]

الساده أعضاء نايل موتورز الكرام
السلام عليكم ورحمه الله وبركاته
اخواني في جميع اقسام المنتدى
تحيه طيبه وبعد
انا جودت نبيه احد أعضاء المنتدى ولكن وللحقيقه فأني قليل بل نادر المشاركه واعتبر ان هذا تقصير مني ولكن ان شاء الله سوف اكون من اكثر المهتمين به في الفتره الاخيره ولكن ما جعلني اسرع واكتب اليكم تجربتي هوا شيء واحد وهو انه قليلاً في مثل هذا الزمن الذي نجد به اناس محترمون تثقون بهم دون شرط سابق المعرفه الشخصيه بصراحه وعشان ما اطولش عليكم وادي كل ذي حق حقه انا بأقصد من كلامي ده واحد مميز جداً في المنتدى الكريم ده واحد لا يعرفني ولا اعرفه قبل كده ولا شوفته ولا شافني قبل كده وعلى الرغم من كده كل ما اتصل بيه في مشكله آخد رأيه فيها الراجل بدون تردد يقولي اعمل ايه من ساعه ما اشتريت العربيه بتاعتي لحد دلوقتي على فكره انا عربيتي كيا سيراتو خليجي 2010 مانيوال وكان معايا في كل خطوه مهمه طلبته فيها وآخر حاجه حصلت ما بيني وبينه كعادته ما خيبش ظني على الرغم ايه اني مش بدخل كتير على المنتدى واتصالاتي بيه دايماً قليله ومع ذلك الراجل كان معايا راجل كعهدي بيه حبين تعرفه مين هوا اللي بتكلم عنه ده المفروض ان كل اعضاء المنتدي عارفه لأنه اكيد مع الكل كده برضه واعتقد ان اي حد لجأ له في حاجه متأخرش عليه زي وهو اشهر واحد في المنتدى هنا طبعاً هوا الاستاذ الراجل الجدع كريم منير لأني مهما قولت عليه مش حا أوفيه حقه اسمحولي بقى اقولكم على الحدوته بتاعتي اللي حصلتلي اليومين اللي فاتو وتحديداً يوم الاربع اللي فات الساعه 9.15 الصبح يعني على غيار الريق كده والواحد بيقول يا فتاح يا عليم يا رزاق يا كريم وانا ماشي في الطريق اللي مليان ميكروباصات واحد منهم ابن .... كان واقف على جمب الطريق عادي بينزل او بيركب حد وفجأه اتحرك بزاويه جامده ناحيه الشمال وانا جاي مندفع ستر ربنا لحقت اقف لكن اللي ورايا فرمل وزحف بتاع 2 متر ولبس في العبد لله من ورا طبعاً أتعكننت على الصبح وانا اصلاً مش بتاع خناقات ولا اعرف ادافع عن نفسي وحظي وقع مع بغل دي اقل ما يقال عنه ( اسف على اللفظ ) لكن طبعاً لميت نفسي بعد كام كلمه متبادله مع بعض ومشيت ولا عملت محضر ولا فكرت في شركه تأمين ولا حاجه خالص كنت رايح مشوار مع الحاج والدي لوسط البلد وانا هناك دماغي شغاله اعمل العربيه فين فكرت اروح لمركز الصيانه اللي بعمل عنده صيانه العربيه بتاعتي ( تكنو وان ) طبعاً كلكم عارفينه والاستاذ كريم هو الله يباركله اللي عرفني عليه ساعه لما كنت بعمل ضمان العربيه المهم قولت لأ وافتكرت اني في مره من المرات القليله اللي كنت دخلت فيها على المنتدى اني قريت موضوع أ. كريم بتاع ورشه نايل موتورز قولت بس مافيش غيره منقذي وفعلاً اتصلت بيه واتفاجئت ان نمرتي محفوظه عنده لاقيته بيرد عليا وبيقولي صباح الخير يا أ. جودت والله اتكسفت منه ماهو في ناس كده تتكشف من ادبها معاك عشان هيا اصلاً محترمه وولاد اصول طبعاً بعد السلامات حكيتله على الموضوع قالي اروح على الورشه بتاعته اللي في الحرفيين عند واحد معين اسمه احمد قدوره مش قدوره يعني في 2 واحد اسمه احمد قدوره وواحد تاني اسمه قدوره قالي روحله وهوا حايعمل معاك اللازم ووصفلي مكانها وفعلاً روحت وقابلت احمد قدوره ولد محترم ماهو الطيور على اشكالها تقع وحكيت له الموضوع وقولت بالمره الم الل موجود في العربيه ماهي حاتترخص الشهر اللي جاي ان شاء الله الكلام ده يا جماعه يوم الاربع ماتنسوش احمد قالي تستلمها على يوم الجمعه قولتله لأ انا عايزها بكره ( الخميس ) قولت اجرب اضغط عليه واشوف حايعمل ايه بصراحه الراجل فكر شويه وقالي صعب بس عشان خاطر أ. كريم حاحاول واتفقت مع أ. كريم على كل صغيره وكبيره من حيث التكاليف والتسليم وبصراحه الراجل كان ذوق معايا جداً في موضوع التكاليف ده وكان كريم اسم على مسمى وفعلاً يوم الخميس الساعه 10 بليل كنت مستلم العربيه قبلها يوم الخميس الصبح أ. كريم كان متابع معايا درجه اللون بتاعه العربيه وقالي هيا لازم تاخد نفس نوعيه لون بلدها وطبعاً انا ماقدرش افتح بقى معاه وروحت فعلاً في الميعاد لاقيت العربيه جاهزه وكل المطلوب اتعمل فيها
اهم حاجه عندي في الموضوع ده اللي كنت ملاحظها هي الاحترام في المواعيد والمعامله والشغل وحاجه الواحد والله يفرح بيها طبعاً انا مش بعمل دعايه ليه ولا حاجه الراجل غني عن اي دعايه ومش انا كمان اللي حاقدر اوفي الراجل حقه لكن دي شهاده لله ولاقيتها فرصه اني اقولكم على اللي حصل عشان اي حد بيفكر يعمل عربيته ما احنا اولى من العالم اللي بره وبعدين هوا واحد نعرفه والتجربه خير برهان انا صورت العربيه بتاعتي بعد ما خلصت بس كان نفسي اصورها قبل ما تتصلح عشان تشوفو الفرق على العموم انا حاسيب رقمي لأي حد يحب يستفسر مني على حاجه 0126585324
آخر حاجه احب اختم بيها اني احب اشكر أ. كريم على كل اللي عمله معايا وعلى احترامه لمواعيد التسليم وعلى معاملته الممتازه مع الواحد وبطلب منه مايكونشي زعلان مني عشان تقصيري مع المنتدى وكمان لازم برضه اشكر احمد قدوره الولد الجدع واقوله تسلم ايدك وان شاء الله ربنا يكرمك انت و أ. كريم وتكبرو الورشه بس احمد قدوره فيه عيب واحد بس لو عرف انه يتخلص منه حايبقى زي الفل عيبه انه زملكاوي هههههه
انا ان شاء الله ححاول ارفع صور العربيه بعد ما تصلحت
والسلام عليكم ورحمه الله وبركاته

ايه الاحراج ده يا استاذ جودت
الموضوع بسيط والله
المهم انك اتبسطت والعربية رجعت زي ماكانت
ومعذرة اني معرفتش اشوفك وفعلا انا اتاكدت من درجة اللون قبل ما امشي من الحرفيين
نشوفك على خير في مقابلة او تلميعة بلاش خبطة تاني :-)
ولو معرفتش ترفع الصور ابعتهالي عالميل ارفعهالك
تحياتي

[Karim_Monir]

السلام عليكم ياستاذ كريم دى تانى مرة ادخل المنتدى وكنت سالت حضرتك قبل كدة على عربية ريجاتا وتخلصت منها المهم ماطولش على حضرتك حبت اجيب عربية تانية على اد فلوسى دخلت المنتديات واعت اقراء وادور ماعجبتنيش الا العربية البولونيز مع ان معظم الناس مابتشكرش فيها وبرد ةعاجبتنى لقوة تحملها ووسعها وهو المطلوب فارجو من سيادتك تدينى رايك فيها عن طريق معارف حضرتك من ميكانيكى وسمكرى وعفشجى عن الشغل فيها يعنى سهل سمكرتها والسمكرى بيشتغل فيها عادى ولا مقرفة فى سمكرتها والميكانيكا بتاعتها سهلة واى ميكانيكى يشتغل فيهأ وكذلك الكهربائى وقطع غيارها سهل تواجدها ولا فى حاجات مش موجودة فيها وارجو من سيادتك سرعة الرد لان فى امامى سيارة ومحتاجة بعض السمكرة وطبعا الدوكو واريد راى حضرتك علشان لو ربنا كرمنا فيها اجى اعملها عند حضرتك علشان اشوفك انت والاسطى احمد قدورة اللى الواحد حبكم من كتر ماقراء عنكم من اخواننا فى المنتدى ولك جزيل الشكر

وعليكم السلام ورحمه الله
كل عربية ليها ميزاتها وعيوبها
انا معرفش عن البولنيز كتير
لكن لو انت معجب بيها هي حاجتها في عزبة شلبي والتوفيقية كتير
بس هي خشنة جدا
زي الادا كدة او اخشن عشان تكون عامل حسابك انك مش هاتركب فيات
لاء هاتركب لادا واخشن
تحياتي

[sabry7]

السلام عليكم ورحمة الله وبركاته اولا اشكر حضرتك على سرعة الرد لكن انا كنت اقصد ان حضرتك تسالى ميكانيكى وسمكرى معرفة حضرتك عن احوال السيارة البولونيز وعن اعطالها وهل فيها اعطال وقطع غيار صعب التعامل معاها واية اللى مش موجود فى قطع الغبار بتاعتها وهل اى ميكانيكى بيصلحها والسمكرى بحب يشتغل فيها ولا معلش ياستاذ كريم انا عارف انى هتعبك فى الموضوع ده لكن انا قصدتك مخصوص لاننى متاكد انك هتسال لى بما يرضى الله واكيد هتسال ميكانيكى وسمكرى وكهربائى محترمين مثل حضرتك ولك جزيل الشكر

[azeemov]

أخي العزيز كريم بك
شراء المستعمل ووارد الخارج والاستيراد كلمات لست مؤمنا بها إلا في حالات عدم وجود جديد اطلاقا - ودي حالات نادرة زي عداد السرعة عندي مثلا - والاصل هنا هو "تجدييييييييد" السيارة بمكونات جديدة ذات اعتمادية مناسبة قدر الامكان عشان عربيتي ايدي ورجلي
وزي العربيات الحديثة ما ليها توكيل وصيانة دورية كل كذا ألف كيلو عشان تفضل كويسة ، ايه يمنع دا في عربية قديمة
مش المطلوب نهملها عشان قديمة

وبالمناسبة فيه محل مشهور في الحرفيين اسمه "اكسسوار نوفا" في بلوك 12 محل 9 - كاتبين كده في الكارت ، بس هما وراء الجامع اللي عند حسن دبوس - وعنده قطع غيار الفيات واللادا ما عندوش استعمال، وجبت من عندهم قبل كده كوبلن ومسمار تليفون وبليه عجل وكربراتير ويبر يوغوسلافي كلهم جداد
ودول ناس كلمتهم واحدة في السعر مالهاش تاني

وكمان يا أستاذ منير لو أنت - لاقدر الله - مش أمين في شغلك وتعاملاتك ربنا مش هيبارك ومفيش زباين .. بس خلاص

في أقرب وقت بإذن الله حاجي علشان تكشفوا عليها وأعرف مشاكلها وآخد منكم روشته الدواء - قصدي القطع المطلوب شراؤها - مع ميزانية مبدئية للمصنعية والشغل أعمل حسابي تكون متوفرة معايا

مع وافر الشكر وخالص التحية

[Karim_Monir]

السلام عليكم ورحمة الله وبركاته اولا اشكر حضرتك على سرعة الرد لكن انا كنت اقصد ان حضرتك تسالى ميكانيكى وسمكرى معرفة حضرتك عن احوال السيارة البولونيز وعن اعطالها وهل فيها اعطال وقطع غيار صعب التعامل معاها واية اللى مش موجود فى قطع الغبار بتاعتها وهل اى ميكانيكى بيصلحها والسمكرى بحب يشتغل فيها ولا معلش ياستاذ كريم انا عارف انى هتعبك فى الموضوع ده لكن انا قصدتك مخصوص لاننى متاكد انك هتسال لى بما يرضى الله واكيد هتسال ميكانيكى وسمكرى وكهربائى محترمين مثل حضرتك ولك جزيل الشكر

للاسف مفيش حواليا ميكانيكي او كهربائي متخصصين فيات
يعني بيشتغلو في كله
والافضل انك تزور قسم فيات يفيدوك اكتر
تحياتي

[prisoner]

السلام عليكم ورحمة الله وبركاته

الاستاذ كريم اخبار حضرتك ايه لوسمحت انا كنت عايز اسال على ميكانيكى يكون بيشتغل فى الانسر انا معايا كريستالة ومسقط مكنة 1500 توين كام وكنت عايز اظبط شوية حاجات فى الميكانيكا بس انا اسف انى اقولك ان جنبك واحد اسمه رمضان عايز واحد غيره لانه مش امين بالمرة وده عن تجربة شخصية معايا بس المهم انه يكون ميكانيى كويس وشاطر علشان عايز اعمل طقم الدبرياج واظبط الموتور تحياتى مصطفى محمود